30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Mazaq Me Jhoot Bolna Kaisa? | مذاق میں جھوٹ بولنا کیسا؟
کے ساتھ اچھے میں اچھا انداز ہواورنام بھی پورا لیا جائے نیز موقع کی مُناسَبَت سے آخر میں لفظ ’’بھائی‘‘ یا ’’صاحب‘‘ وغیرہ کا بھی اضافہ ہو، حج کیا ہے تو ’’حاجی‘‘ کا لفظ بھی شامل کر لیا جائے۔
کسی کے پکارنے پر جواباً لَبَّیْک کہنا
جس کو پکارا گیا اُس کیلئے بہتر ہے کہ وہ ’’ لَبَّیْک ‘‘ (یعنی میں حاضر ہوں) کہے۔تاہم موقع مَحَل دیکھ لیا جائے ایسا نہ ہو کہ آپ کے ” لَبَّیْک ‘‘ کہنے سے سامنے والا کَنْفِیُوز ہو جائے۔ اَلحمدُ لِلّٰہ ! د عوتِ اسلامی کے دینی ماحول میں کسی کی پکار پر بعض اوقات جواباً ’’ لَبَّیْک ‘‘ کہا جاتا ہے جو کہ سُننے میں بہت بَھلا معلوم ہوتا ہے اور اِ س سے مسلمان کے دل میں خوشی داخل ہو سکتی ہے ۔ اعلیٰ حضرت رحمۃُ اللہ علیہ کے والد ِ ماجد حضرت علّامہ نَقِی علی خان رحمۃُ اللہ علیہ لکھتے ہیں : ’’ جو آپ ( صلی اللہ علیہ واٰلہٖ وسلم ) کو پکارتا، جواب میں ’’ لَبَّیْک ‘‘ ( یعنی حاضِرہوں)فرماتے ۔ ‘‘ (سرور القلوب،ص182) اللہ پاک کے سب سے آخِری نبی، محمد ِ عربی صلی اللہ علیہ واٰلہٖ وسلم کے پکارنے پر صحابۂ کرام علیہمُ الرِّضوان کا ’’ لَبَّیْک ‘‘ کے ساتھ جواب دینا احادیثِ مبارکہ میں بیان کیا گیا ہے، اس کے علاوہ ایک وَلِیُّ اللہ کے فِعْل سے بھی اس کا ثُبوت ملتا ہے۔ چنانچہ کروڑوں حَنْبَلِیُوں کے عظیم پیشوا حضرتِ امام احمد بن حَنْبَل رحمۃُ اللہ علیہ سے مسئلہ (مَس۔اَلہ) معلوم کرنے کے لیے انہیں جب کوئی اپنی طرف مُتَوجّہ کرتا تو اکثر ’’ لَبَّیْک ‘‘ فرماتے۔ (مناقب امام احمد بن حنبل للجوزی،ص298) مسنون دُعاؤں کی مشہور کتاب:’’ حِصْنِ حَصِیْن ‘‘ میں ہے:’’ جب کوئی شخص تجھے بلائے تو جواب میں کہے: لَبَّیْک ۔‘‘ (حصنِ حصین، ص104)
یا اللہ پاک! ہمیں مسلمانوں کو اچھے ناموں سے پکارکران کے دلوں میں خوشیاں داخل کرنے والی نیکیاں کمانے کی توفیق عطا فرما۔ اٰمین بِجاہِ خَاتَمِ النَّبِیّٖن صلّی اللہ علیهِ واٰلہٖ وسلّم
کتاب کا موضوع
کتاب کا موضوع
- مذاق میں جھوٹ بولنا کیسا؟
- درود شریف کی فضیلت
- زَبان سَنْبھالنے والے کے عمل بھی سَنْبَھل جاتے ہیں
- مذاق میں جھوٹ بولنے والے سے سرکار صلی اللہ علیہ واٰلہٖ وسلم کی ناراضی
- جہنّم کی گہرائی میں گرتا ہے
- کامیڈین مُتَوجّہ ہوں!
- کامیڈی شو کا مسئلہ
- آخرت کے کام میں جلدی کرنی چاہئے
- اچھا بولنا توفیقِ الٰہی اور...
- الفاظ کی حفاظت کرو!
- دوسروں کے پاس بھی زبانیں ہیں
- اُس بات میں کوئی بھلائی نہیں
- اچھے انداز پر پُکار کر ثواب کمائیے
- کسی کے پکارنے پر جواباً لَبَّیْک کہنا
- مذاق کرنے والا نظروں سے گرجاتا ہے
- آپس میں نفرت کا ایک سبب
- ہنسی مذاق سے دُشمنی پیدا ہوتی ہے
- گناہِ کبیرہ کی تعریف
- خُود پسندی کی تعریف
- 70سال کے اعمال برباد
- گُناہ سے بھی بڑا جُرم
- خود پسندی کی اہم وضاحت
- خود پسندی کا ایک مُجَرَّب علاج
- خود پسندی کے آٹھ اسباب و علاج
- بگڑا ہوا نوجوان سُدھرنا شروع ہوگیا
