30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Masjid Ki Safai Ki Fazilat | مسجد کی صفائی کی فضیلت
اَعمال کا دارومدار نیَّتوں پر ہے ۔ ([1])اِس حدیثِ پاک کے تحت شارحِ بخاری حضرتِ علّامہ مفتی شریفُ الحق اَمجدی عَلَیْہِ رَحْمَۃُ اللّٰہ ِالْقَوِی فرماتے ہیں : حدیث کا یہ مَطلب ہوا کہ اَعمال کا ثواب نیَّت ہی پر ہے ،بِغیر نیَّت کسی ثواب کا اِستحقاق (یعنی حَقدار) نہیں ۔ ([2])رِضائے اِلٰہی پانے کی نیَّت کے ساتھ ساتھ حَسبِ حال مزید اچھی اچھی نیتیں بھی کی جا سکتی ہیں ،جتنی نیتیں زیادہ ہوں گی اتنا ہی ثواب بھی زیادہ ملے گا ۔
اَجیر اچھی نیَّت کی بَدولت ثواب کامستحق ہے
سُوال : کیا اُجرت لینے والے خادمین کو بھی اچھی نیت کی بَدولت ثواب ملے گا؟
جواب : جی ہاں!اگر خِدمت گزاری سے مقصود اللہپاک اور اس کے پیارے رسول صَلَّی اللّٰہُ تَعَالٰی عَلَیْہِ وَاٰلہٖ وَسَلَّم کی رِضا ہو تو اب مجبوری کے سبب اُجرت لینے کے باوجود بھی ثواب ملے گا جیسا کہ مراٰۃ المناجیح جلد3 صفحہ 67 پر ہے : ”جب کام کرنے والے کی نیتِ خیر ہو تو تنخواہ لینے سے اِنْ شَآءَ اللّٰہ عَزَّوَجَلَّ ثواب کم نہ ہو گا ۔ صِرف تنخواہ کے لیے دِینی کام نہ کرے ،تنخواہ تو گزارے کے لیے وُصول کرے ،اَصل مقصد دِینی خِدمت ہو ۔ “
معتکفین چونکہ اللہپاک کی عبادت کی نیت سے مسجد میں قیام کرتے ہیں تو خادمین کو چاہیے کہ وہ رِضائے اِلٰہی پانے کی نیت کے ساتھ ساتھ معتکفین کو آسانیاں فَراہم کرنے اور عبادات وغیرہ میں ان کے مُعاوِن و مددگار بننے کی نیت بھی کریں ۔ خُدائے رَحمٰن عَزَّوَجَلَّ کا فرمانِ عالیشان ہے :
وَ تَعَاوَنُوْا عَلَى الْبِرِّ وَ التَّقْوٰى ۪- (پ۶،المائدة : ۲) ترجمۂ کنز الایمان : اور نیکی اور پرہیزگاری پر ایک دوسرے کی مدد کرو ۔
خادمین کا اِس طرح دِل جَمعی کے ساتھ معتکفین کی خِدمت بجا لانا اور انہیں زیادہ سے زیادہ آسانیاں فَراہم کرنا یقیناً ان کی دِلی خوشی کا باعِث ہو گا اور مسلمان کا دِل خوش کرنے کی بھی کیا خوب فضیلت ہے ۔ چنانچہ سرکارِ نامدار صَلَّی اللّٰہُ تَعَالٰی عَلَیْہِ وَاٰلہٖ وَسَلَّم کا فرمانِ خوشبودار ہے : اِنَّ اَحَبَّ الْاَعْمَالِ اِلَى اللهِ بَعْدَ الْفَرَائِضِ اِدْخَالُ السُّرُوْرِ عَلَى الْمُسْلِمِ یعنی بیشک اللہ پاک کے نزدیک فَرائض کے بعد سب اَعمال سے زیادہ محبوب مسلمان کو خوش کرنا ہے ۔ ([3])حضرتِ سیِّدُنا بِشر حافی عَلَیْہِ رَحْمَۃُ اللّٰہ ِ الْکَافِی فرماتے ہیں : کسی مسلمان کا دِل خوش کرنا 100(نفلی) حج سے بہتر ہے ۔ ([4]) اَلبتہ خادمین اسی کام کے پابند ہیں جس کام کا ان سے اِجارہ کیا گیا ہے ۔ اِجارہ اوقات کے عِلاوہ معتکفین کی خِدمت کے مزید کام کیے جا سکتے ہیں ۔
کتاب کا موضوع
کتاب کا موضوع
- دُرُود شریف کی فضیلت
- مسجد کی صفائی کی فضیلت
- مَسجِد کی صفائی کی فضیلت
- مسجد کی صفائی کے مَدَنی پُھول
- فَرش سے بِیٹ کی صفائی
- ہر بیٹ ناپاک نہیں
- نامعلوم بیٹ کا حکم
- مسجد کا کوڑا کرکٹ کہاں ڈالا جائے
- مسجد میں آوازیں بلند کرنا
- مسجد میں SMS کے ذَریعے گفتگو کرنا
- فنائے مسجد میں شور و غُل کرنا کیسا؟
- فنائے مسجد میں تھوکنا اور کچرا ڈالنا
- فِنائے مسجد کی تعریف اور اس کے اَحکام
- مسجد کے فَرش کو آلودہ کرنا
- مسجد میں گمشدہ چیز تلاش کرنا
- اپنے جوتے گم ہونے پر دوسروں کے اُٹھا لینا
- نامعلوم چپلوں کا حکم
- مَساجد کے دَروازوں پر رَکھی ہوئی چپلیں پہننا
- بِلااِجازت دوسروں کی چیزوں کے اِستعمال کرنے کا حکم
- مسجد میں چپل لے کر جانا
- معتکفین کی خِدمت کرنے میں خادمین کی نیت
- اَجیر اچھی نیَّت کی بَدولت ثواب کامستحق ہے
