لَواحِقِین سے کہتے ہیں کہ ہم آپ کے غم میں برابر کے شریک ہیں ، اَرے بھائی! آپ کہاں ان کے غم میں برابر کے شریک ہیں؟ انہیں تو غم کے سبب کھانا پینا بھول گیا ہے جبکہ آپ کھا بھی رہے ہیں ، پی بھی رہے ہیں تو پھر برابر کی شرکت کہاں رہی؟ لہٰذا مُحتاط اَلفاظ میں ہی تعزیت کی جائے  مثلاً آپ کے والِد صاحِب ىاآپ کى اَمّى کے اِنتقال پر آپ سے تعزىت کرتا ہوں! صَبر کىجئے گا!اللہ پاک آپ کے اَبو جان یا اَمّى جان کی بے حساب مَغفرت فرمائے ۔  آپ کو صَبر اور صَبر پر اَجر عطا فرمائے ۔ ^{( [1] )}

زبان کو اِحتیاط کے ساتھ چلائیے

میٹھے میٹھے اسلامی بھائیو!تعزىت کے عِلاوہ عام بول چال میں بھی مُبالغہ آرائی پر مَبنی جُملے اِستعمال کرنے سے بچنا چاہیے مثلا ًسر مىں معمولی دَرد ہو رہا ہے تو اب یہ نہ کہا جائے کہ شدىد دَرد ہو رہا ہے ، سر پھٹا جا رہا ہے ...معمولی بخار آگىا تو اب ىہ کہنا دُرُست نہیں کہ شدىد بخار ہے ...نَزلہ زُکام ہونے پر کہنا کہ طبیعت سخت خراب تھی تو یہ جھوٹ ہو جائے گا ۔ بہرحال زبان کو بہت اِحتیاط کے ساتھ چلانے کی ضَرورت ہے ، زبان سے نِکلا ہوا کوئی ایک غَلَط جُملہ بھی جہنم میں  جھونک سکتا ہے جیسا کہ سُلطانِ اِنس و جان ، رَحمتِ عالَمِیّان صَلَّی اللّٰہُ تَعَالٰی عَلَیْہِ وَاٰلہٖ وَسَلَّم کا فرمانِ عِبرت نشان ہے :  بندہ کبھی اللہ پاک کی خوشنودی کی بات کہتا ہے اور اس کے گمان میں نہیں ہوتا کہ کہاں تک پہنچی( یعنی اپنے طور پر اسے معمولی بات سمجھتا ہے )لیکن اللہ پاک اُس کے سبب بندے کے لیے اپنی رضا قیامت تک کے لیے لکھ دیتا ہے ۔  بیشک آدمی ایک بات اللہ پاک کی ناراضی کی کہتا ہے اس کے گمان میں نہیں ہوتا کہ کہاں تک پہنچی ، ( یعنی اپنے نزدیک اسے معمولی بات تَصَوُّر کرتا ہے ۔  )لیکن اس کے سبب اللہ پاک اس پر قیامت تک اپنا غضب لکھ دیتا ہے ۔ ^{( [2] )} ایک رِوایت میں ہے کہ اس بات کی وجہ سے مشرِق و مغرِب کے دَرمیان میں جو فاصِلہ ہے اُس سے بھی زیادہ فاصِلہ پر جہنَّم میں گرتا ہے ۔ ^{( [3] )} حکیمُ الامَّت حضرتِ مفتی احمد یار خان عَلَیْہِ رَحْمَۃُ الْحَنَّان فرماتے ہىں : فی صَدی پچانوے ( یعنی 100میں سے 95 فیصد ) گناہ زبان سے ہوتے ہیں اور پانچ فی صَدی گناہ دوسرے اَعضا سے ۔ ^{( [4] )}اللہ  پاک ہم سب کو صحیح معنوں میں زبان کا قفلِ مدینہ^{( [5] )} لگانا  نصیب فرمائے ۔ اٰمِیْن بِجَاہِ النَّبِیِّ الْاَمِیْن صَلَّی اللّٰہُ تَعَالٰی عَلَیْہِ واٰلہٖ وَسَلَّم  

مدینۂ طیبہ سے تَبَرُّکات لانا کیسا؟

سُوال : مدىنے شریف سے تَبَرُّک کے طور پر پتھر یا مٹی وغیرہ لانا کیسا ہے ؟

جواب : مدىنۂ مُنَوَّرہ زَادَہَا اللّٰہُ شَرَفًاوَّتَعْظِیْماً سے پتھر یا مٹی وغیرہ  تَبَرُّک کے طور پر لانا جائز تو ہے لیکن بعض عُلَمائے کِرام  کَثَّرَہُمُ اللّٰہُ السَّلَام ایسا کرنے سے منع کرتے ہیں اس لیے کہ ”مدىنہ شریف کى مٹى ، پتھر یا کنکر وغیرہ جو بھی اس زمین کا حصّہ ہیں انہیں جب مدىنۂ طیبہ زَادَہَا اللّٰہُ شَرَفًاوَّتَعْظِیْماً سے جُدا کیا جاتا ہے تو وہ چیزیں اس کے غم میں روتی ہیں لہٰذا  کسى کو رُلانا اچھى بات نہىں ۔ “^{( [6] )} عُشّاقِ مدینہ بھى جب مدىنۂ مُنَوَّرہ زَادَہَا اللّٰہُ شَرَفًاوَّتَعْظِیْماً سے جُدا ہوتے ہىں تو جُدائی کے غم میں روتے ہىں حالانکہ وہ مدىنۂ مُنَوَّرہ زَادَہَا اللّٰہُ شَرَفًا وَّتَعْظِیْماً  کا جُز نہیں ہیں جبکہ پتھر اور مٹی وغیرہ تو اسی کی جِنس سے ہىں لہٰذا ان کو جُدا نہ کرنا ہی مُناسب معلوم ہوتا ہے ۔  میں خود بھی مدىنۂ مُنَوَّرہ زَادَہَا اللّٰہُ شَرَفًاوَّتَعْظِیْماً کى مٹى

اور پتھر وغىرہ کوئی چیز وطن ساتھ لانا پسند نہىں کرتا ۔  اگر کوئی مجھے یہ تَبَرُّکات تحفے میں دے بھی دے تو میں ان کو کسی اور زائرِ مدینہ کے ہاتھ