پڑھی تو اس پر سجدہ ٔ  سہو لازم ہو جائے گا۔

فجر اور عَصر کے اَوقات میں تَحِیَّۃ ُالْمَسْجِد اور تَحِیَّۃُ الْوُضُو پڑھنا کیسا؟

سُوال:  کىا فجر اور عَصر کے اَوقات مىں تَحِیَّۃ ُالْمَسْجِد اور تَحِیَّۃُ  الْوُضُو پڑھ سکتے ہىں ؟

جواب: تَحِیَّۃ ُالْمَسْجِد اور تَحِیَّۃُ  الْوُضُو نفل نماز ہے اور فجر کے وقت میں الگ سے کوئی نفل نماز نہىں پڑھ سکتے۔ ^([1]) البتہ  عصر کے فرضوں سے پہلے پڑھ سکتے ہىں۔ ^([2])

بالغوں کى اِمامت کے لیے اِمام کا بالغ ہونا شرط ہے

سُوال: کتنے سال کا بچہ اِمامت کروا  سکتا ہے ؟

جواب: بالغوں کى اِمامت کے لىے اِمام کا بالغ ہونا شر ط ہے ^([3])اِس کے عِلاوہ   اِمامت کی اور  شرائط بھی  ہیں ۔

نَسوار مُنہ میں رکھنے سے وُضو نہیں ٹوٹتا

سُوال: کیا وُضو  کر نے کے بعد نَسوار مُنہ مىں رکھنے سے وُضو ٹوٹ جاتا ہے ؟

جواب: وُضو کر نے کے بعد نَسوار مُنہ مىں رکھنے سے وُضو نہىں ٹوٹے  گا البتہ نَسوار رکھنے  سے مُنہ مىں بَدبُو پیدا  ہو جاتى ہےلہٰذا اگر مسجد میں جانا ہو تو  مُنہ صاف کرنا ضَرورى ہےبلکہ گھر میں بھی اگرکوئی نماز مثلاً نفل وغیرہ پڑھنےہوں تو بھی سُنَّت ىہى ہے کہ مُنہ صاف ستھرا ہواور بَدبو نہ ہو۔

مثردہ ہے بے گھرو کہ صَلا اچھے گھر کی ہے

سُوال: اعلیٰ حضرت مولانا  شاہ امام احمد رضا خان رَحْمَۃُ اللّٰہِ عَلَیْہِ  کے اِس شعر کی وضاحت فرما دیجیے ۔   

ىہ گھر ىہ دَر ہے اس کا جو گھر دَر سے پاک ہے

                   مثردہ ہے بےگھرو کہ صَلا اچھے گھر کی ہے   (حدائقِ بخشش)

جواب: اعلیٰ حضرت، امامِ اہلِسنَّت، مُجَدِّدِ دِین ومِلَّت مولانا شاہ امام احمد رضا خانرَحْمَۃُ اللّٰہِ عَلَیْہِ نے کعبۃُ اللہ شرىف کی طرف  نسبت کرتے ہوئے اِرشاد فرماىا کہ یہ گھر اور ىہ دَر اُس کا ہے جو گھر اور دَر سے پاک ہے۔ اگرچہ ہر شے کا مالک اللہ پاک ہے لیکن حقىقت مىں اللہ پاک کا کوئى گھر یعنی مکان نہىں ہے۔ کعبۃُ اللہ شرىف کو مجازا ً بَیْتُ اللہ(یعنی اللہ کا گھر )کہا جاتا ہے ۔ یُوں ہی لوگ ہر مسجد کو مجازی طور پر  اللہ پاک کا  گھر کہتے ہىں ورنہ حقىقت مىں اللہ پاک مسجد مىں رہتا نہیں  ہے۔ مژدہ ىعنى خوشخبرى ہو ان لوگوں کو جو حج کی سعادت پاتے اور  کعبۃُ اللہ شرىف کى زىارت کرتے ہیں کہ ان کے لیے  اچھے گھر کى بشارت ہے۔ اچھے گھر سے مُراد ىہاں یہ ہو سکتا ہے کہ جنَّت کى بشارت کى طرف اِشارہ ہو۔ صَلا کے معنیٰ”دعوت“کے  ہیں تو شاید یہ مُراد ہو کہ اچھے گھر یعنی جنَّت کے لیے کام کرو۔   

ناموں کے اَثرات مُرتب ہوتے ہیں

سُوال: کىا اِنسان پر  ناموں کے اَثرات مُرتب ہوتے ہىں ؟

جواب: جی ہاں !انسان پر  ناموں کے اَثرات مُرتب ہوتے ہىں۔ ^([4])

ناموں کے ہلکا اور بھاری ہونے کی حقیقت

سُوال: یہ حقیقت ہےکہ ناموں کے اَثرات مرتب ہوتے ہیں ، اچھے ناموں  کی برکتیں ملتی ہیں اور بُرے ناموں کی خرابیاں بھی سامنے آتی ہیں مگر ناموں کے ہلکا اور بھاری ہونے کی کیا حقیقت ہے ؟

جواب: لوگوں میں ناموں کے ہلکا اور بھاری ہونے کا تأثر پایا جاتا ہے یہاں تک کہ کسی نے مجھ سے  خُصُوصی مَدَنی مذاکرے میں اِس حوالے سے سُوال بھی کیا تھا اور یہ بتایا تھا کہ ان کے   کسی جاننے والے کا نام کربلا والوں کے نام پر تھا تو ان سے کسی بابا جی نے کہا کہ کربلا والے تو بہت بڑی ہستیاں ہیں اور تم اِس قابل نہیں ہو کہ اُن کے ناموں پر نام رکھو لہٰذا تم یہ نام بَدل دو کیونکہ یہ نام بہت بھاری ہے ۔ میں نےسُوال کرنے والے کو سمجھاتے ہوئے کہا: اگر کربلا  والوں کے ناموں کی برکتیں نہیں ملیں گی تو پھر کن لوگوں کےناموں کی برکتیں ملیں گی؟نام بھاری ہے اِس لیے اُسے  بدل دیا جائے تو نام بدلنے کی یہ وجہ میری سمجھ میں نہیں آتی۔ اگر اِس نیت سے اپنے بچوں کے نام صحابۂ کِرام و اَولیائے