میں بَرداشت کا مادہ ختم ہوتا جا رہا ہے ۔

کیا دِل ہی دِل میں اِیصالِ ثواب کر سکتے ہیں؟

سُوال : کىا دِل ہى دِل مىں اِىصالِ ثواب کر سکتے ہىں؟

جواب : دِل ہى دِل مىں اِىصالِ ثواب کرنے مىں حَرج نہىں ہے  مثلاً اگر کوئی دُرُود شرىف پڑھ رہا ہے اور دِل مىں نىت ہے کہ اس کا ثواب حضرتِ سَیِّدُنا صِدِّىقِ اَکبر رَضِیَ اللّٰہُ عَنْہ ىا حضرتِ سَیِّدُنا مولا مشکل کُشا ، عَلِیُّ الْمُرْتَضٰی شیرِ خُدا کَرَّمَ اللّٰہُ وَجْہَہُ الْکَرِیْم کو پہنچے ىا مىرے مَرحوم دادا جان کو پہنچے تو اللہ  کى رَحمت سے ثواب پہنچے گا۔

شیطان کو موت کب آئے گی؟

سُوال : شىطان کو پہلے ہی  موت آ جائے گی ىا وہ قىامت تک زندہ رہے گا اور  ہمىں بہکاتا رہے گا؟

جواب : شىطان قىامت تک  زندہ رہے گا اور پھر   قىامت قائم ہونے سے کچھ پہلے اسے  موت آ ئے گی ۔ ^([1])

شَبِ بَراءَت پر  بہن بیٹیوں کو حَلوا یا رَقم وغیرہ بھیجنا کیسا؟

سُوال : ہمارى بَرادرى میں ىہ رَواج ہے کہ شَبِ بَراءَت کے موقع پر بہن بىٹىوں کو حَلوا  ىا کچھ رَقم بھیجی جاتی  ہےاور بعض اوقات اىسا بھى ہوتا ہے کہ اگر ىہ نہ دىا جائے تو بہن  بىٹى کو طعنے  ملتے ہىں ، ایسا کرنا  کیسا ؟

جواب : شَب ِ بَراءَت کے موقع پر آپس مىں اىک دوسرے کو کوئی  تحفہ یا حَلوا اور  مٹھائى وغیرہ  بھىجنا اچھى بات ہے ، ثواب کا کام ہے اور اس سے باہم  محبت بڑھتى ہے لیکن اگر اس لیے یہ چیزیں دیتے ہیں کہ نہ دینے پر طعنے ملیں گے تو پھر ىہ  رِشوت ہے۔ اگر نہ بھیجنے پر   بُرا بھلا نہ کہا جائے  اور یہ ذہن ہو کہ جو دے اس کا بھى بھلا اور جو نہ دے اس کا بھى بھلا توپھر شرعاًاِس میں کوئی حَرج نہىں ہے۔

بار بار غلطی کرنے والے کو بھی مُعاف کر دینے میں ہی عافیت ہے

سُوال : اگر کوئی 100بار سمجھانے کے باوجود پھر بھی  غَلَطىاں کرے تو کیا پھر بھی اسے مُعاف کر دىا جائے ؟ (Facebook کے ذَریعے سُوال)

جواب : اگر  بندہ بار بار خطا کرتا ہے پھر بھی اُسے  ہر بار مُعاف کر دیں تو ثواب ملے گا۔ بعض لوگوں  کی یہ عادت ہوتى ہے کہ  چھىڑتے رہتے ہىں اور مُعافی بھی مانگتے رہتےہیں تو مُعافی مانگنا ایک اچھی چیز ہے۔ اگر مُعافى مانگنے پر آپ  ایسوں کو  جھاڑ دىں گے تو پھر ہو سکتا ہے کہ آپ پر مُعافى مانگنے کے تقاضے وارد ہوجائىں۔ ایسے لوگ ستانے سے باز نہیں  آتے  اب اگر آپ مُعاف نہیں کریں گے تو وہ مزىد ہلاکت مىں جا  پڑیں  گے۔ مُعاف کر دىنے مىں عافىت اور دونوں جہاں کى بھلائى ہے اور یہ ثواب کا کام بھی ہےلہٰذا جتنا ہو سکے دَرگزرسے  کام لیں اور  نفس و شیطان کے  حىلے بہانوں مىں نہ آئیں۔ بعض اوقات شیطان یہ وَسوسہ ڈالتا ہےکہ مُعاف کر دوں گا تو یہ مزید سر پر چڑھ جائے گا وغیرہ وغیرہ ۔ تو ان وَساوس میں نہیں آنا چاہیے ۔

بار بار توبہ کرنا اور پھر گناہ کرنا؟

سُوال : اگر کوئی بار بار توبہ کرے اور پھر گناہ کر بیٹھے تو کیا مُعافی ملے گی ؟^([2])

جواب : اللہ پاک کى رَحمت بہت بڑى ہے ، بندہ اگر گناہ کرے اور  توبہ کرے ، پھر گناہ کرے اور پھر سے  توبہ کرے تو یوں چاہے وہ 100  مَرتبہ کرے اللہ پاک پھر بھی مُعاف کر دیتا ہے  البتہ اگر کوئى توبہ کے اِرادے  سے گناہ کرے تو یہ ایک  الگ چىز ہے اور اس کے اَحکام جُدا ہىں۔ اگر گناہ ہو گىا تو پھر اس گناہ سے  توبہ کا  جو بھی شرعی  طرىقہ  ہے اس کے مُطابق توبہ کرے اور نیت یہ ہو کہ آئندہ یہ گناہ نہىں کروں گا۔ توبہ کرنے کے بعد  اب پھر وہ گناہ کر بىٹھے تو اب پھر اسى طرح توبہ کرے  البتہ توبہ کرتے وقت دِل مىں یہ وہم و گمان بھى نہ ہو کہ میں پھر سے یہ گناہ کروں گا ۔ ^([3])