خلاصۃالنحو - حصہ اول و دوم

کتاب میں نتائج:

الدرس الخمسون

اِضافت کا بیان

اِضافت کی تعریف:

کسی اسم کی دوسرے اسم کی طرف نسبت کرنا اِضافت کہلاتاہے: بَکْرٌ غُلَامُ زَیْدٍ، اَلْوَلَدُ حَسَنُ الْوَجْہِ۔

اِضافت کی اقسام:

اِضافت کی دو قسمیں ہیں: ۱۔اِضافتِ لفظیہ ۲۔ اِضافتِ معنویہ۔

جس اِضافت میں صفَت کا صیغہ(اسم فاعل، اسم مفعول، صفتِ مشبَّہہ، اسم تفضیل) اپنے معمول(فاعل یا مفعول بہ)کی طرف مضاف ہو اُسے اِضافتِ لفظیہ یا اِضافتِ مجازِیہ کہتے ہیں: زَیْدٌ حَسَنُ الْوَجْہِ، خَالِدٌ ضَارِبُ عَمْرٍو۔

اورجس اِضافت میں صفَت کا صیغہ معمول کی طرف مضاف نہ ہواُسے اِضافتِ معنویہ یااِضافتِ حقیقیہ کہتے ہیں: خَالِدٌ غُلَامُ زَیْدٍ، بَکْرٌ کَاتِبُ الْقَاضِيْ۔

اضافت معنویہ کی اقسام:

اضافتِ معنویہ کی تین قسمیں ہیں(۷):

.1اِضافت بمعنی فِيْ: وہ اِضافت جس میں مضاف اِلیہ مضاف کے لیے ظرف ہو: صَلٰوۃُ اللَّیْلِ۔(اِس میں مضاف اِلیہ سے پہلے حرفِ جر فِيْ پوشیدہ ہوتا ہے)

.2 اِضافت بمعنی مِنْ: وہ اِضافت جس میں مضاف اِلیہ مضاف کی جنس ہو: خَاتَمُ فِضَّۃٍ۔ (اِس میں مضاف اِلیہ سے پہلے حرفِ جرمِنْ پوشیدہ ہوتاہے)

.3اِضافت بمعنی لام: وہ اِضافت جس میں مضاف اِلیہ مضاف کے لیے نہ ظرف ہو نہ جنس : غُلَامُ زَیْدٍ۔(اِس میں مضاف اِلیہ سے پہلے حرفِ جرلام پوشیدہ ہوتا ہے)

قواعد وفوائد:

.1اِضافتِ لفظیہ میں مضاف ‘تثنیہ یاجمع مذکر سالم کاصیغہ ہویامضاف اِلیہ معرَّف باللام ہوتومضاف پراَلْ آسکتا ہے: جَائَ الضَّارِبَا وَلَدٍ، جَائَ الضَّارِبُوْا وَلَدٍ، جَائَ الضَّارِبُ الْوَلَدِ۔

.2اضافت لفظیہ کی وجہ سے مضاف معرفہ یا نکرہ مخصوصہ نہیں بنتا(۸)۔

.3مفرد صحیح یاقائم مقام صحیح یاء متکلم کی طرف مضاف ہو تو ي پر سُکون اور فتحہ دونوں پڑھ سکتے ہیں: کِتَابِيْ، دَلْوِيْ،اور کبھی اس کے آخر میں ہائے وقف بھی بڑھا دی جاتی ہے: کِتَابِیَہ۔

.4اسم مقصور،اسمِ منقوص ،تثنیہ یاجمع مذکرسالم ‘یاء متکلم کی طرف مضاف ہو تو یاء کو فتحہ دینا واجب ہے: عَصَايَ، قَاضِيَّ، مُسْلِمَِيَّ۔

تمرین (1)

س:.1اضافت کسے کہتے ہیں اور اضافت کی کتنی اور کون کونسی قسمیں ہیں ؟ س: .2 اضافت معنویہ کی کتنی اور کون کونسی قسمیں ہیں؟ س: .3کیا مضاف پر الف لام آسکتاہے؟ س:.4کس صورت میں یاء متکلم پر فتحہ اور سکون دونوں پڑھنا جائز ہیں اور کس صورت میں اس کو فتحہ دینا واجب ہے؟

تمرین (2)

غلطی کی نشاندہی کیجیے۔

.1جس اضافت میں مضاف صفت کا صیغہ ہواسے اضافت لفظیہ کہتے ہیں۔ .2اضافت کی تین قسمیں ہیں۔.3اضافت لفظیہ میں مضاف پر الف لام آسکتا ہے۔ 4اضافت کی وجہ سے مضاف ہمیشہ معرفہ یا نکرہ مخصوصہ ہوجاتاہے۔

تمرین (3)

درجِ ذیل جملوں میں اضافت لفظیہ اور اضافتِ معنویہ الگ الگ کیجیے اور اِضافت معنویہ ہو تو اُس کی قسم بھی بیان فرما ئیے ۔

۱۔ظُلْمَۃُ الْقَبْرِ شَدِیْدَۃٌ۔ ۲۔أَکْرَمْتُ مُکْرِمَ الْعُلَمَائِ۔ ۳۔اُشْتُرِيَ خَاتَمُ الْفِضَّۃِ۔ ۴۔لَقِیْتُ جَمِیْلَ الشِّیَمِ۔ ۵۔ہٰذَا مُعَلِّمُ خَالِدٍ۔ ۶۔نَبِیُّنَا الْعَالِي الْقَدْرِ وَالْعَظِیْمُ الْجَاہِ۔ ۷۔فَازَ وَلَدُ عِرْفَانَ۔ ۸۔جَائَ کَرِیْمُ الْبَلَدِ۔ ۹۔اَلْحَافِظُ الْقُرْآنِ سَعِیْدٌ۔ ۱۰۔زُرْتُ زَائِرَ الْمَدِیْنَۃِ۔ ۱۱۔وَاللّٰہُ مُتِمُّ نُوْرِہ۔

الدرس الحادي والخمسون

اَفعالِ قُلوب کا بیان

جواَفعال مبتدا اور خبرپر داخل ہوکر اُن دونوں کو مفعول ہونے کی وجہ سے نصب دیتے ہیں اُنہیں اَفعالِ قلوب کہتے ہیں: عَلِمْتُ زَیْدًا شَاعِرًا۔

افعالِ قلوب کی تعداد:

افعالِ قلوب سات ہیں: عَلِمَ، رَاٰی، وَجَدَ، ظَنَّ، حَسِبَ، خَالَ، زَعَمَ(۹)۔

اِن میں سے پہلے تین اَفعال یقین ظاہر کرتے ہیں: عَلِمْتُ الْعِلْمَ نَافِعًا(میں نے علم کو نفع دینے والا یقین کیا) رَأَیْتُ الْجَبَلَ عَالِیًا، وَجَدْتُّ الرَّجُلَ شَاکِرًا۔

بعد کے تین اَفعال ظن پر دلالت کرتے ہیں: ظَنَنْتُ زَیْدًا شَاعِرًا(میں نے زید کو شاعر گمان کیا) حَسِبْتُ خَالِدًا عَالِمًا، خِلْتُ بَکْرًا مُعَلِّمًا۔

اورزَعَمَ کبھی یقین اور کبھی ظن ظاہر کرتاہے : زَعَمْتُ بَکْرًا مُحْسِنًا(میں نے بکر کو احسان کرنے والا یقین کیا) زَعَمْتُ خَالِدًا أُسْتَاذًا(میں نے خالد کو استاد گمان کیا)

قواعد وفوائد:

.1یہ افعال جملہ اسمیہ پرداخل ہوکرمبتدا اورخبردونوں کو مفعولیت کی بنا پر نصْب دیتے ہیں جیسے مذکورہ بالامثالوں سے واضح ہے۔

.2چونکہ افعال قلوب کے دونوں مفعول اصل میں مبتدا اور خبر ہوتے ہیں اس لیے ان دونوں کے وہی اَحکام ہیں جو مبتدا اور خبر کے ہیں ، یعنی اِن دونوں کاواحد، تثنیہ، جمع اور مذکرو مؤنث ہونے میں برابر ہونا ضروری ہے۔

.3افعال قلوب مبتدااور خبرکے درمیان یااِن دونوں کے بعد آئیںتواِن کو عمل دینا اور نہ دینا دونوں جائز ہیں: فَاطِمَۃَُ عَلِمْتُ عَالِمَۃًٌ، فَاطِمَۃَُ عَالِمَۃًٌ عَلِمْتُ۔

.4 افعال قلوب کا خاصہ ہے کہ ان میں ایک شخص کی دو ضمیریں فاعل اور مفعول ہوسکتی ہیں: رَأَیْتُنِيْ مُتَعَلِّمًا۔ جبکہ دیگر افعال میں ایسا نہیں ہوسکتا۔

.5 اگر ظَنَّ وہم کرنے، عَلِمَ پہچاننے، رَاٰی دیکھنے اور وَجَدَ پانے کے معنی میں ہو تو اِن افعال کا ایک ہی مفعول آئے گا اور اس صورت میں اِن کو افعالِ قلوب نہیں کہیں گے: ظَنَنْتُ زَیْدًا(میں نے زید پروہم کیا ) عَلِمْتُ خَالِدًا(میں نے خالد کو پہچان لیا) رَأَیْتُ فِیْلًا(میں نے ہاتھی کودیکھا) وَجَدْتُ الضَّالَّۃَ(میں نے گم شدہ چیز پالی)

تمرین (1)

س:.1افعال قلوب کن افعال کو کہتے ہیں ؟ س: .2 افعال قلوب کتنے اور کون کونسے ہیں ؟ س: .3 افعال قلوب کس پر داخل ہوتے ہیں اور کیا عمل کرتے ہیں؟ س: .4کن صورتوں میں افعال قلوب کو عمل دینا یا نہ دینا دونوں جائز ہیں؟

تمرین (2)

غلطی کی نشاندہی کیجیے۔

.1جو افعال شک اوریقین ظاہر کریں انہیں افعال قلوب کہتے ہیں۔ .2افعال قلوب جملہ فعلیہ پر داخل ہوتے ہیں۔ .3کبھی افعال قلوب کا مفعول بہ صرف ایک ہی ہوتاہے۔ .4کسی بھی فعل میں ایک شخص کی دوضمیریں فاعل اور مفعول بن سکتی ہیں۔

تمرین (3)

(الف)افعال قلوب اور اُن کے عمل کی نشاندہی فرما ئیے ۔

۱۔وَاِنِّيْ لَأَظُنُّہٗ کَاذِبًا۔ ۲۔وَجَدْتُّ زَیْدًا شَاکِرًا۔ ۳۔حَسِبْتَہُمْ لُؤْلُؤًا مَنْثُوْرًا۔ ۴۔فَاِنْ عَلِمْتُمُوْہُنَّ مُؤْمِنَاتٍ۔ ۵۔اِنَّہُمْ یَرَوْنَہُ بَعِیْدًا۔ ۶۔خِلْتُ الْاِخْلَاصَ مُخْلِصًا۔ ۷۔رَأَیْتُ الصِّدْقَ نَجَاۃً۔ ۸۔زَعَمْتَکَ عَالِمًا۔

(ب)درج ذیل جملوں میں غلطی کی نشاندہی فرما ئیے۔

۱۔وَجَدْتُ مَائً بَارِدًا۔ ۲۔زَعَمْتُ الْحَیَاۃُ دَائِمَۃٌ۔ ۳۔حَسِبْتَہُمْ عَالِمًا۔ ۴۔عَلِمْتُ الْأَرْضَ سَاکِنًا۔ ۵۔رَأَیْتُ الْاِخْلَاصَ سَبِیْلُ النَّجَاۃِ۔ ۶۔آتَیْتُنِيْ مَائً۔ ۷۔خِلْتُ الْخَلِیْفَۃَ عَادِلَۃً۔ ۸۔ظَنَنْتُ الْوَلَدَیْنِ صَالِحًا۔ ۹۔حَسِبْتُ الْمُؤْمِنَاتَ صَابِرَاتٌ۔ ۱۰۔وَجَدْتُّ الْمُسْلِمُوْنَ فَائِزُوْنَ۔ ۱۱۔عَلِمْتُ الْقَاضِيْ عَالِمًا۔

الدرس الثاني والخمسون

اَفعالِ مَدْح وذَمّ کا بیان

جواَفعال تعریف یامذمت کے لیے وضع کیے گئے ہیں اُنہیں اَفعالِ مدْح وذمّ کہتے ہیں: نِعْمَ الرَّجُلُ زَیْدٌ، بِئْسَ الْمَرْأَۃُ ہِنْدٌ۔

قواعد وفوائد:

.1نِعْمَ اورحَبَّذَا افعالِ مدح ہیں اور بِئْسَ اور سَائَ افعالِ ذم ہیں،اور حَبَّذَاسے پہلے لَا ہو تو یہ بھی ذم کے لیے ہوتاہے۔

.2ایک اسم اِن افعال کافاعل اورایک اسم مخصوص بالمدْح یا مخصوص بالذمّ ہوتا ہے جو ہمیشہ مرفوع ہوتاہے (۱۰): نِعْمَ الْإدَامُ الْخَلُّ، بِئْسَ الشَّرَابُ الْخَمْرُ۔

.3اَفعالِ مدح وذم کا فاعل معرف باللام یامعرف باللام کی طرف مضاف ہوتا ہے: نِعْمَ الطَّالِبُ بَکْرٌ، سَائَ طَالِبُ الْجَامِعَۃِ الْکَسُوْلُ۔

.4 کبھی اِن کا فاعل ضمیر مستتِرہو تاہے ،اِس صورت میں فعل کے بعدمَا(بمعنی شَیْئًا) یا کوئی نکرہ اسم آتا ہے (جو مخصوص کے مطابق ہوتاہے)اور یہ دونوںاُس ضمیر کی تمییز بنتے ہیں: نِعْمَ مَا التَّقْوٰی، بِئْسَ خُلُقًا الْکِذْبُ۔

.5مخصوص ‘معرفہ یا نکرہ موصوفہ ہوتاہے اورواحد، تثنیہ، جمع اورمذکرومؤنث ہونے میں فاعل کے مطابق ہوتاہے: نِعْمَ الْبِدْعَۃُ ہٰذِہٖ، نِعْمَ الْعَالِمُ عَالِمٌ عَامِلٌ۔

.6مخصوص ٗعمومًا فاعل کے بعد آتاہے : نِعْمَ الْوَصْفُ الصَّبْرُاور کبھی فعل سے پہلے بھی آجاتاہے بشرطیکہ حَبَّذَا کا مخصوص نہ ہو: اَلصَّبْرُ نِعْمَ الْوَصْفُ۔

.7حَبَّذَامیں حَبَّ فعلِ مدح اورذَا اسم اِشارہ اِس کا فاعل ہے اور یہ بدلتا نہیں اگرچہ اِس کامخصوص بدلتارہے: حَبَّذَا الْعُلَمَائُ، لَاحَبَّذَا النَّمَّامُ۔

تمرین (1)

س:.1افعال مدح وذم کن افعال کو کہتے ہیں ؟ س: .2اِن افعال کافاعل کس کس طرح آسکتا ہے ؟ س:.3مخصوص کس طرح کا اسم ہوتاہے؟

تمرین (2)

غلطی کی نشاندہی کیجیے۔

.1جن ا فعال سے تعریف یا مذمت کی جائے انہیں افعال مدح وذم کہتے ہیں۔ .2لَاحَبَّذَا فعل مدح ہے۔ .3افعالِ مدح وذم کا فاعل ہمیشہ معرف باللام ہوتا ہے۔ .4مخصوص ‘ ہمیشہ فاعل کے مطابق اورمنصوب ہوتاہے۔

تمرین (3)

(الف)افعال مدح وذم اور اُن کے فاعل اور مخصوص کی شناخت فرما ئیے۔

۱۔لَاحَبَّذَا الْعَدَاوَۃُ۔ ۲۔نِعْمَ الرَّجُلُ رَجُلٌ یُحَاسِبُ نَفْسَہٗ۔ ۳۔اَلتَّقْوٰی نِعْمَ الزَّادُ۔ ۴۔بِئْسَ رِجَالًا الْکَاذِبُوْنَ۔ ۵۔حَبَّذَا الصَّبْرُ۔ ۶۔بِئْسَ طَالِبُ الْمَجْدِ الْکَسُوْلُ۔ ۷۔نِعْمَ سَلَاحًا الدُّعَائُ۔ ۸۔سَائَ مَا الْغِیْبَۃُ۔

(ب)درج ذیل جملوں میں غلطی کی نشاندہی فرما ئیے۔

۱۔نِعْمَ الْعَالِمُ۔ ۲۔سَائَ رَجُلٌ الْبَخِیْلُ۔ ۳۔نِعْمَ رَجُلًا الصَّادِقَانِ۔ ۴۔نِعْمَ الْوَصْفُ حِلْمٌ۔ ۵۔بِئْسَ الْخُلُقَانِ الْکِذْبُ۔ ۶۔لَاحَبَّذَا سَارِقٌ۔ ۷۔نِعْمَ الْعَالِمُ ھِنْدٌ۔ ۸۔حَبَّذَانِ زَیْدٌ وَبَکْرٌ۔ ۹۔اَلْمُجْتَہِدُ حَبَّذَا۔

الدرس الثالث والخمسون

اَفعالِ مُقارَبہ کا بیان

اَفعالِ مقاربہ کی تعریف:

جو افعال خبر کا قریب ہونا یا خبرکی امیدیا خبر کا شروع ہونا ظاہرکریں انہیں افعالِ مقاربہ کہتے ہیں: کَادَ زَیْدٌ یَجِيْئُ(قریب ہے کہ زید آجائے) عَسٰی بَکْرٌ أَنْ یَّفُوْزَ(امید ہے کہ بکر کامیاب ہوجائے) أَخَذَ الْمَطَرُ یَنْزِلُ(بارش شروع ہوگئی)

اَفعالِ مقاربہ کی اقسام:

افعالِ مقاربہ کی درجِ ذیل تین قسمیں ہیں: ۱۔افعالِ مقاربہ ۲۔افعالِ رَجاء ۳۔افعالِ شروع۔

اَفعالِ مقاربہ:

وہ افعال جویہ ظاہر کریں کہ خبر کا حصول قریب ہے : کَرَبَ الشِّتَائُ یَنْقَضِيْ (قریب ہے کہ سردی ختم ہوجائے) یہ تین افعال ہیں : کَادَ، کَرَبَا ور أَوْشَکَ۔

اَفعالِ رَجائ:

وہ افعال جویہ ظاہر کریں کہ خبرکے حصول کی امیدہے: حَرٰی زَیْدٌ أَنْ یَجِيْئَ (امید ہے کہ زید آجائے) یہ بھی تین افعال ہیں: عَسٰی، حَرٰی اوراِخْلَوْلَقَ۔

اَفعالِ شُروع:

وہ اَفعال جویہ ظاہر کریں کہ خبر کی ابتِداہو چکی ہے: جَعَلَ الْمَطَرُ یَنْزِلُ(بارش برسنے لگی) اَفعالِ شروع یہ ہیں: أَخَذَ، جَعَلَ، اَنْشَأَ، طَفِقَ وغیرہ۔

قواعد وفوائد:

.1یہ تمام اَفعال ‘ اَفعالِ ناقصہ کی طرح عمل کرتے ہیں یعنی اسم کو رفع اور خَبَرکو نصْب دیتے ہیں مگراِن کی خبر ہمیشہ جملہ فعلیہ مضارعیہ ہوتی ہے،لہذا یہ محلاًّ منصوب ہوگی جیساکہ مذکورہ بالا مثالوں سے واضح ہے۔

.2حَرٰی اور اِخْلَوْلَقَ کی خبرپر أَنْ لانا واجب ہے اور اَفعالِ شروع کی خبر پر اَنْ لانا نا جائز ہے۔

.3کَادَ ، کَرَبَ، أَوْشَکَاورعَسٰی کی خبرپر أَنْ لانا یا نہ لانا دونوں جائز ہیں: کَادَ اللَّیْلُ یَزُوْلُیا أَنْ یَّزُوْلَ(قریب ہے کہ رات ختم ہوجائے)، أَوْشَکَ الصُّبْحُ یَنْجَلِيْ یا أَنْ یَّنْجَلِيَ(قریب ہے کہ صبح روشن ہوجائے)۔

.4فعلِ رجاء کے بعداَنْ اورمضارع آجائے تویہی اُس کا فاعل بنتاہے اور اُس کی خبر نہیں ہوتی: عَسٰی أَنْ یَّصُوْمَ زَیْدٌ(امید ہے کہ زیدروزہ رکھ لے)

.5 کَادَاور أَوْشَکَ سے مضارع کے صیغے بھی آتے ہیں: یَکَادُ الْقِطَارُ یَصِلُ، یُوْشِکُ الْمَطَرُ أَنْ یَّنْزِلَ۔

باقی افعال سے صرف ماضی کے صیغے آتے ہیں۔

تمرین (1)

س:.1افعال مقاربہ ورجاء وشروع کن افعال کو کہتے ہیں؟اوریہ کتنے کتنے اور کون کونسے ہیں۔ س: .2یہ تمام افعال کیا عمل کرتے ہیں ؟ س:.3کن افعال کی خبر پرأَنْ لاناجائزیا واجب یا ناجائز ہے؟

تمرین (2)

غلطی کی نشاندہی کیجیے۔

.1تمام افعال مقاربہ سے ماضی اورمضارع کے صیغے آتے ہیں۔ .2ان افعال کی خبر ہمیشہ فعل مضارع ہوتیہے۔.3افعال شروع پانچ ہیں۔ .4کَادَ، عَسٰی، حَرٰی اورأَخَذَ کی خبر پرأَنْ لانا جائزہے۔

تمرین (3)

(الف)افعال مقاربہ ورجاء وشروع الگ الگ کیجیے ۔

۱۔عَسٰی أَنْ یَبْعَثَکَ رَبُّکَ۔ ۲۔أَوْشَکَ الْمَطَرُ أَنْ یَنْقَطِعَ۔ ۳۔یَکَادُ الْبَرْقُ یَخْطَفُ أَبْصَارَہُمْ۔ ۴۔أَخَذَ الطِّفْلُ یَبْکِيْ۔ ۵۔کَادَ الْفَقْرُ أَنْ یَّکُوْنَ کُفْرًا۔ ۶۔عَسٰی الضَّیْقُ أَنْ یَّنْفَرِجَ۔ ۷۔اِخْلَوْلَقَ أَنْ یَّثْمُرَ الشَّجَرُ۔

(ب)درج ذیل جملوں میں غلطی کی نشاندہی فرما ئیے۔

۱۔کَادَ الْمُعَلِّمُ یُشَرِّحَ۔ ۲۔جَعَلَ الشَّجَرُ أَنْ یُّوَرِّقَ۔ ۳۔حَرٰی الْغَائِبُ یَجِئُ۔ ۴۔کَرَبَ زَیْدٌ مُعَلِّمًا۔ ۵۔یَطْفَقُ الْوَلَدُ یَلْعَبُ۔ ۶۔أَنْشَأَ الْبَحْرُ أَنْ یَّمُوْجَ۔ ۷۔اِخْلَوْلَقَ الْوَلَدُ یَنْجَحُ۔ ۸۔أَخَذَ الْکَسْلَانُ أَنْ یَّجْتَہِدَ۔

الدرس الرابع والخمسون

اَفعال تعجب کا بیان

جو افعال اِظہارِ تعجُّب کے لیے وضع کیے گئے ہیں اُنہیں افعالِ تعجب کہتے ہیں: مَا أَحْسَنَ زَیْدًا(زید کتنا حسین ہے!) أَکْرِمْ بِخَالِدٍ(خالدکیسا سخی ہے!)

قواعد وفوائد:

.1جس چیز پر تعجب کیا جائے اُسے مُتَعَجَّب مِنْہ کہتے ہیں اور یہ ہمیشہ معرفہ یا نکرہ مخصوصہ ہوتا ہے: مَا أَحْسَنَ زَیْدًا! أَحْسِنْ بِرَجُلٍ تَہَجَّدَ!

.2ثلاثی مجرد فعل سے فعلِ تعجب دو وزن پر آتاہے جبکہ اُس میں رنگ، عیب یا حلیہ کا معنی نہ ہو: مَاأَفْعَلَ اورأَفْعِلْ۔ (پہلے صیغے کے ساتھ متعجب منہ منصوب ہوتاہے اور دوسرے صیغے کے ساتھ حرفِ جرباء کی وجہ سے لفظًامجرور ہوتا ہے)

.3غیر ثلاثی مجردفعل یا وہ فعل جس میںرنگ، حلیہ یاعیب کامعنی ہو اُس سے فعل تعجب مَاأَفْعَلَ یاأَفْعِلْ کے وزن پر نہیں بنتا، لہذا اس سے فعل تعجب بنانے کے لیے مَا أَشَدَّیا أَشْدِدْ وغیرہ کے بعدفعل کا مصدر لے آتے ہیں: مَا أَشَدَّ اِکْرَامًا یا حُمْرَۃً یا عَرَجًا، أَشْدِدْ بِاِکْرَامِہٖ یا بِحُمْرَتِہٖ یا بِعَرَجِہٖ۔

.4 متعجب منہ اور فعل تعجب کے درمیان سوائے ظرف یاجار مجرورکے اور کوئی چیز نہیں آسکتی: مَا أَحْسَنَ الْیَوْمَ زَیْدًا!(آج زید کتنا حسین ہے!) مَا أَنْعَمَ فِي الْمَدِیْنَۃِ الْحَیَاۃَ!(مدینے میں زندگی کتنی عمدہ ہے)

.5کبھی فَعُلَ(۱۱)سے بھی تعجب کا اظہار کیا جاتا ہے: حَسُنَ أُولٰئِکَ رَفِیْقًا۔

تمرین (1)

س:.1افعال تعجب کسے کہتے ہیں ؟س: .2فعل تعجب کتنے اور کون کونسے وزن پر آتاہے۔ س: .3متعجب منہ کسے کہتے ہیں یہ کس طرح آتاہے اور اس کا اعراب کیا ہوتاہے؟ س:.4کیا فعل تعجب اور متعجب منہ کے درمیان کوئی چیز آسکتی ہے؟

تمرین (2)

غلطی کی نشاندہی کیجیے۔

.1جن الفاظ کے ذریعے تعجب کا اظہار کیا جائے انہیں افعال تعجب کہتے ہیں۔ .2فعل تعجب تین اوزان پر آتا ہے۔ .3فعل تعجب اور متعجب منہ کے درمیان کوئی چیز نہیں آسکتی ۔ .4متعجب منہ ہمیشہ مرفوع ہوتا ہے۔

تمرین (3)

(الف)افعال تعجب اور متعجب منہ الگ الگ فرمائیے۔

۱۔مَا أَجْمَلَکَ۔ ۲۔مَا أَشْجَعَ خَالِدًا۔ ۳۔أَلْطِفْ بِزَیْدٍ۔ ۴۔أَشْدِدْ بِعَرَجِہٖ۔ ۵۔مَا أَجْوَدَ عُثْمَانَ۔ ۶۔مَا أَکْذَبَ النَّفْسَ۔ ۷۔أَعْظِمْ بِنُصْرَتِہٖ۔ ۸۔مَا أَشَدَّ تَرْکَ الصَّلٰوۃِ۔ ۹۔أَقْبِحْ بِشُرْبِ الْخَمْرِ۔

(ب)درج ذیل جملوں میں غلطی کی نشاندہی فرما ئیے۔

۱۔مَا أَخْضَرَ الْقُبَّۃَ۔ ۲۔أَقْبِحْ الْکُفْرَ۔ ۳۔مَا أَصْغَرَ الطِّفْلُ۔ ۴۔مَا أَحْسَنَ وَلَدًا۔ ۵۔مَا أَعْظَمَ شَأْنُ الْأَنْبِیَائِ۔ ۶۔أَصْفِرْ بِالْبَقَرَۃِ۔ ۷۔مَا أَشَدَّ تَکَلُّمٌ۔ ۸۔مَا أَعْوَرَ الدَّجَّالَ۔ ۹۔أَشْدِدْ بِحُمْرَۃَ الْوَجْہِ۔

الدرس الخامس والخمسون

حُروف کا بیان

ترکیبِ کلمات کے لیے موضوع حُروف کوحروفِ مَبانی ،حروفِ تہجی یا حروفِ ھِجَاء کہتے ہیں: اَ، بَ، تَ وغیرہ ۔

اور معنی کے لیے موضوع حروف کو حروف مَعانی کہتے ہیں: اِنَّ، فِيْ، لَا وغیرہ۔

حروف معانی کی اَقسام:

حروفِ معانی کی بعض قسموں کا ذکر ہوچکا ہے مزید اقسام درجِ ذیل ہیں:

.1حروفِ استقبال:

یہ دوہیں: سین اور سَوْفَ: سَیَقُوْلُ، سَوْفَ تَعْلَمُوْنَ۔ (سین اور سَوْفَ کبھی تاکید کے لیے بھی آتے ہیں)

.2حروفِ تاکید:

یہ بھی دو ہیں: نونِ تاکید اور لام ِابتدائیہ، نونِ تاکید صرف فعل پرآتاہے اور لام ابتدائیہ فعل اور اسم دونوں پر آتاہے: لَأَنْصُرَنَّ، لَزَیْدٌ عَالِمٌ۔

.3حروفِ تفسیر:

یہ بھی دو ہیں: أَيْ اورأَنْ: رَأَیْتُ لَیْثًا أَيْ أَسَدًا، اِنْقَطَعَ رِزْقُہٗ أَيْ مَاتَ، وَنَادَیْنٰہ أَنْ یَّا اِبْرَاھِیْمُ، أَمَرْتُہٗ أَنْ أَکْرِمِ الْعُلَمَائَ۔

.4حروفِ تحضیض:

یہ چار ہیں: ھَلاَّ، أَلَّا، لَوْلَااور لَوْمَا: ھَلاَّ أَدَّبْتَہٗ، لَوْلَا تَتْلُو الْقُرْآنَ۔

.5حروفِ مصدر:

یہ تین ہیں: مَا، أَنْ، أَنَّ: أَحْمَدُ اللّٰہَ عَلٰی مَا أَنْعَمَ، یُمْکِنُ أَنْ تَفُوْزَ۔

.6حرفِ رَدع:

یہ صرف کَلاَّہے جیسے کوئی کہے: فُلَانٌ یَبْغُضُ کَاور اُس کے جواب میں کہا جائے: کَلاَّ(ہر گز نہیں) یہ جملے کی تاکید کے لیے بھی آتا ہے: کَلاَّ سَوْفَ تَعْلَمُوْنَ۔

.7حرفِ توقّع:

یہ صرف قَدْ ہے: قَدْ رَکِبَ۔یہ مضارع کے ساتھ اکثر تقلیل کا اور کبھی تحقیق کا معنی دیتا ہے: اِنَّ الْکَذُوْبَ قَدْ یَصْدُقُ، قَدْ یَعْلَمُ اللّٰہُ۔

.8حروفِ جواب:

یہ چھ ہیں: نَعَمْ، بَلٰی، اِيْ، جَیْرِ، أَجَلْ اور اِنَّ۔

نَعَمْ اوربَلٰی سوال کے جواب میں آتے ہیں ۔

اِيْ قسم سے پہلے آتاہے: قُلْ اِيْ وَرَبِّيْ اِنَّہٗ لَحَقٌّ۔

جَیْرِ، أَجَلْ اور اِنَّ خبر کی تصدیق کے لیے آتے ہیں جیسے جَائَ زَیْدٌکے جواب میں جَیْرِ، أَجَلْ یا اِنَّ کہاجائے تو معنی ہوگا: جی ہاں زید آیا ہے۔

.9حروفِ تنبیہ:

یہ تین ہیں : أَلَا، أَمَا اورھَا: أَلَا لَا تَغْفَلْ، أَمَا لَا تَکْذِبْ۔

.10حروفِ زیادت:

یہ آٹھ ہیں: اِنْ، أَنْ، مَا، لَا، مِنْ، کَاف، بَائ، لام: مَا اِنْ زَیْدٌ قَائِمٌ۔

.11حرفِ تعریف:

یہ الف لام ہے: اَلرَّجُلُ، اَلْحَسَنُ۔

تمرین (1)

س:.1حروف مبانی اورحروفِ معانی کسے کہتے ہیں؟ س:.2حروف معانی کی کون کونسی اقسام ہیں؟ س:.3حرف توقع فعل مضارع کے ساتھ کیا معنی دیتاہے؟

تمرین (2)

غلطی کی نشاندہی کیجیے۔

.1حروفِ معانی کی گیارہ قسمیں ہیں۔ .2حروفِ جواب کسی سوال ہی کے جواب میں آتے ہیں۔.3حروفِ زیادت جہاں بھی ہوں گے زائد ہوں گے۔

تمرین (3)

حروف معانی کی قسم متعین کیجیے۔

۱۔وَاللّٰہِ لَأَتَعَلَّمَنَّ الْقُرْآنَ وَالسُّنَّۃَ۔ ۲۔اِنَّ اللّٰہَ حَرَّمَ عَلَی الْأَرْضِ أَنْ تَأْکُلَ أَجْسَادَ الْأَنْبِیَائِ۔ ۳۔اَللّٰہَ دَعَوْتُ أنِ اغْفِرْ لِيْ وَارْحَمْنِيْ۔ ۴۔الا ان اولیاء اللہ لا خوف علیہم ولا ہم یحزنون۔ ۵۔لِلّٰہِ الْحَمْدُ عَلٰی مَا عَلَّمَ۔ ۶۔اِشْتَرَیْتُ وَرَقًا أَيْ فِضَّۃً۔ ۷۔ہَلَّا أَدَّبْتَ أَوْلَادَکَ۔ ۸۔قالوا بلی قد جاء نا نذیر فکذبنا۔ ۹۔طَارَ بِہٖ الْعَنْقَائُ أَيْ طَالَتْ غَیْبَتُہٗ۔ ۱۰۔سَالَ بِہٖ الْوَادِيْ أَيْ ہَلَکَ۔ ۱۱۔وسیری اللہ عملکم ورسولہ۔

الدرس السادس والخمسون

الف لام(اَلْ) کا بیان

الف لام کی اقسام :

الف لام کی دوقسمیں ہیں: ۱۔ الف لام اسمی ۲۔ الف لام حرفی ۔

جو الف لام اسم فاعل یا اسم مفعول حدوثی پرآئے اُسے الف لام اسمی کہتے ہیں: جَائَ النَّاصِرُ خَالِدًا، جَائَ الْمَنْصُوْرُ جَیْشُہٗ۔(یہ الف لام اسم موصول اَلَّذِيْ، اَلَّتِيْ وغیرہ کے معنی میں ہوتاہے)

اورجو الف لام اِس کے علاوہ ہو اُسے الف لام حرفی کہتے ہیں: اَلْحَسَنُ، اَلْوَلَدُ۔

الف لام حرفی کی اقسام:

الف لام حرفی کی دو قسمیں ہیں: ۱۔ غیرزائدہ ۲۔زائدہ۔

جوالف لام حرفی اپنے مدخول میں کوئی معنی پیدا کرے اُسے غیر زائدہ کہتے ہیں: اَلْوَلَدُ۔ اور جو الف لام حرفی اپنے مدخول میں کوئی معنی پیدا نہ کرے اُسے زائدہ کہتے ہیں: اَلْعَبَّاسُ، اَلْحَارِثُ۔

الف لام زائدہ کی اقسام:

الف لام زائدہ کی بھی دو قسمیں ہیں: ۱۔ لازمی ۲۔عارضی۔

جو الف لام زائدہ اپنے مدخول سے جدانہ ہوتا ہو(۱۲) اُسے لازمی کہتے ہیں: اَللّٰہُ۔ اور جو الف لام زائدہ اپنے مدخول سے جدا ہوتا ہواُسے عارضی کہتے ہیں: اَلْحَارِثُ۔

الف لام غیر زائدہ کی اقسام:

الف لام غیر زائدہ کی پانچ قسمیں ہیں:

.1الف لام عہدِ خارجی:

وہ الف لام جس سے فردِ معلوم کی طرف اِشارہ ہو: فَعَصٰی فِرْعَوْنُ الرَّسُوْلَ۔

.2الف لام جنسی:

وہ الف لام جس سے جنس کی طرف اِشارہ ہو : اَلرَّجُلُ خَیْرٌ مِنَ الْمَرْأَۃِ۔

.3الف لام استغراقی:

وہ الف لام جس سے تمام اَفراد کی طرف اِشارہ ہو: اِنَّ الْاِنْسَانَ لَفِيْ خُسْرٍ۔

.4الف لام عہدِ ذہنی:

وہ الف لام جس سے غیر معین فرد کی طرف اِشارہ ہو: أَخَافُ أَنْ یَّأْکُلَہُ الذِّئْبُ۔

.5الف لام عہدِ حضوری:

وہ الف لام جس سے فردِ موجود و حاضر کی طرف اِشارہ ہو: اَلْیَوْمَ أَکْمَلْتُ لَکُمْ دِیْنَکُمْ۔

تمرین (1)

س:.1الف لام کی اقسام بیان کیجیے؟س:.2الف لام حرفی کی کتنی اور کون کونسی قسمیں ہیں؟س:.3الف لام زائدہ کی کتنی اور کون کونسی قسمیں ہیں؟ س:.4الف لام غیر زائدہ کی کتنی اور کون کونسی قسمیں ہیں؟

تمرین (2)

غلطی کی نشاندہی کیجیے۔

.1اسم فاعل اور اسم مفعول کا الف لام اسمی ہوتا ہے۔ .2جو الف لام مدخول میں کوئی معنی پیدا کرے وہ زائد ہوتاہے۔ .3اَلزَّیْدَانِ میں الف لام زائدہ ہے۔

تمرین (3)

الف لام کے بارے میں بتائیں کہ اسمی ہے یا حرفی، حرفی ہے توزائدہ ہے یا غیر زائدہ، زائدہ ہے تو اس کی کونسی قسم ہے اور غیر زائدہ ہے تو اس کی کونسی قسم ہے۔

۱۔اللہ ولی الذین آمنوا۔ ۲۔الحمد للہ رب العلمین۔ ۳۔ولیس الذکر کالانثی۔ ۴۔وَلَقَدْ أَمُرُّ عَلَی اللَّئِیْمِ یَسُبُّنِيْ۔ ۵۔اَلْحَسَنُ وَالْحُسَیْنُ سَیِّدَا شَبَابِ أَہْلِ الْجَنَّۃِ۔ ۶۔ عالم الغیب والشہادۃ۔ ۷۔زُرْتُ الْمُکْرِمَ أُسْتَاذَہٗ۔ ۸۔نَحْنُ مُقَلِّدُوا النُّعْمَانِ بْنِ الثَّابِتِ۔ ۹۔جَمَعَ الْأَمِیْرُ الصَّاغَۃَ۔ ۱۰۔اُدْخُلِ السُّوْقَ۔ ۱۱۔أَکْرِمِ الْمَعْلُوْمَ فَضْلُہٗ۔

الدرس السابع والخمسون

تنوین کا بیان

جونون کلمے کی آخری حرکت کے تابع ہو اور تاکید کے لیے نہ ہو اُسے تنوین کہتے ہیں: قَلَمٌ(قَلَمُنْ)، دَوَاۃً(دَوَاتَنْ)، کِتَابٍ(کِتَابِنْ)۔

تنوین کی اَقسام:

تنوین کی پانچ قسمیں ہیں:

.1تنوینِ تمکُّن:

وہ تنوین جو مدخول کے منصرف ہونے پر دلالت کرے: رَجُلٌ۔

.2تنوینِ تنکیر:

وہ تنوین جو مدخول کے غیر معین ہونے پردلالت کرے: صَہٍ۔

.3تنوینِ عِوَض:

وہ تنوین جو مضاف الیہ کے بدلے میں آتی ہے: یَوْمَئِذٍ، مَرَرْتُ بِکُلٍّ(بِکُلِّ وَاحِدٍ)

.4تنوینِ مقابَلہ:

وہ تنوین جو جمع مؤنث سالم میں آتی ہے: مُسْلِمَاتٌ۔

.5تنوینِ ترنُّم:

وہ تنوین جو مصرعوں کے آخر میں سُرپیدا کرنے کے لیے لائی جاتی ہے :

أَقِلِّي اللَّوْمَ عَاذِلُ وَالْعِتَابَنْ ٭ وَقُوْلِيْ اِنْ أَصَبْتُ لَقَدْ أَصَابَنْ

یعنی اے ملامت کرنے والی! ملامت اور عتاب ذراکم کر اور اگر میں کوئی صحیح کام کر جاؤں تو یہ بھی بول کہ اس نے درست کیا۔(اس شعر میں ایک اسم ’’عِتَابٌ‘‘ پر الف لام اور تنوین ترنم دونوں آرہے ہیں اورایک فعل ’’أَصَابَ‘‘ پر تنوین ِترنم آرہی ہے)

قواعد وفوائد:

.1تنوین کی پہلی چار قسمیں اسم کے ساتھ خاص ہیں جبکہ تنوین ترنم ٗ اسم، فعل اور حرف سب پر آسکتی ہے اور یہ الف لام کے ساتھ بھی آجاتی ہے۔

.2اگرکوئی مانع تنوین پایاجائے تو اسم پر تنوین نہیں آئے گی ورنہ آئے گی۔

.3موانع تنوین پانچ ہیں:

۱۔ الف لام کا ہونا : اَلرَّجُلُ۔ ۲۔مضاف ہونا: قَلَمُ زَیْدٍ۔

۳۔غیر منصرف ہونا: أَحْمَدُ۔ ۴۔مبنی ہونا(۱۳): ہُوَ۔

۵۔علم کا ایسے اِبْن یااِبْنَۃٌ سے موصوف ہونا جوایک اور علم کی طرف مضاف ہو: جَائَ زَیْدُ بْنُ بَکْرٍ، ذَہَبَتْ ہِنْدُ ابْنَۃُ خَالِدٍ۔

تمرین (1)

س:.1تنوین کی تعریف بیان کیجیے نیزبتائیں کہ اس کی کتنی اور کون کونسی قسمیں ہیں؟س:.2کون کونسی تنوینات اسم کے ساتھ خاص ہیں اور کونسی تنوین اسم، فعل اور حرف سب پر آسکتی ہے؟ س:.3موانع ِتنوین کتنے اور کون کونسے ہیں؟

تمرین (2)

غلطی کی نشاندہی کیجیے۔

.1جونون کلمے کی آخری حرکت کے تابع ہو اسے تنوین کہتے ہیں۔ .2تنوین ہر اسم پر آتی ہے۔.3موانع تنوین چار ہیں۔.4جو علم اِبْن یا اِبْنَۃ سے موصوف ہو اُس پر تنوین نہیں آئے گی۔

تمرین (3)

(الف)درجِ ذیل جملوں میں اسم پرتنوین آنے یا نہ آنے کی وجہ بتائیے اوراسم پر تنوین ہے تو اُس کی قسم بھی بیان کیجیے۔

۱۔فضلنا بعضہم علی بعض۔ ۲۔مَرَرْتُ بِزَیْدٍ الْعَالِمِ۔ ۳۔رَأَیْتُ خَالِدَ بْنَ بَکْرٍ۔ ۴۔قُلْتُ لِوَلَدٍ صَہٍ۔ ۵۔فِي الْجَامِعَۃِ طَالِبَاتٌ۔ ۶۔ہٰذَا عُمَرُ۔ ۷۔زُرْتُ کلُاًّ مِّنَ الْقَوْمِ۔ ۸۔ہِنْدٌ اِبْنَۃُ اِبْرَاہِیْمَ۔ ۹۔جَائَ خَالِدٌ ابْنُ الشَّاعِرِ۔ ۱۰۔آدَمُ علیہ السلام أَبُو الْبَشَرِ۔ ۱۱۔یومئذ تحدث اخبارہا۔

(ب)درج ذیل جملوں میں غلطی کی نشاندہی کیجیے۔

۱۔غُلَامٌ أَحْمَدٍ رَجُلُ صَالِحُ۔ ۲۔نَظَرْتُ إِلٰی بُسْتَانٍ جَمِیْلِ۔ ۳۔اَلْوَلَدٌ الْمُجْتَہِدٌ یَحْفَظُ دَرْسَہٗ۔ ۴۔خَالِدٌ بْنُ مَاجِدِ عَالِمُ جَیِّدُ۔ ۵۔اَلْیَقِیْنٌ لَا یَزُوْلُ بِالشَکِّ۔ ۶۔زَیْدُ ابْنُ بَکْرٍ۔ ۷۔رَأَیْتُ وَلَدَ ابْنَ زَیْنَبٍ۔ ۸۔فَازَتْ ہِنْدُ ابْنَۃُ الفَلَّاحِ۔ ۹۔سَیِّدَتُنَا عَائِشَۃٌ أُمُّ الْمُؤْمِنِیْنَ۔

الدرس الثامن والخمسون

اِنَّ، أَنَّ،کَأَنَّ اورلٰکِنَّ کی تخفیف

اِن حروف کی تخفیف (اِن کے نونِ مفتوح کو حذف کردینا)جائز ہے ، اِن میں سے جس حرف میں تخفیف کردی جائے اُسے مُخَفَّفَہ کہتے ہیں۔

تخفیف کے بعد اِن کی صورت اِس طرح ہوتی ہے: اِنْ، أَنْ، کَأَنْ اور لٰکِنْ۔

قواعد وفوائد:

.1اِنْ مُخَفَّفَہ کوعمل دینا قلیل اورنہ دینا غالب ہے(۱۴)اور عمل نہ دینے کی صورت میں اِسے لامِ مفتوح لازم ہے : اِنْ زَیْدًا عَالِمٌ، اِنْ بَکْرٌ لَصَادِقٌ۔

.2اَنْ مُخَفَّفَہ عمل کرتاہے مگر اس کا اسم (ضمیر شان) ہمیشہ محذوف ہوتاہے اور اس کی خبر جملہ فعلیہ یا جملہ اسمیہ ہوتی ہے: رَأَیْتُ أَنْ زَیْدٌ عَالِمٌ، أَعْلَمُ أَنْ قَدْ نِلْتَ الْجَائِزَۃَ۔

.3اَنْ مُخَفَّفَہ کی خبرجملہ فعلیہ مثبتہ ہو تواُس کے شروع میں قَدْ، کلمۂ شرط یاحرفِ استقبال (سَ یاسَوْفَ) آتا ہے: عَلِمْتُ أَنْ سَیَجِيْئُ الْغَائِبُ۔

.4کَأَنْ مُخَفَّفَہ بھی عمل کرتاہے، اس کا اسم ٗ ظاہربھی ہوتاہے اور ضمیر ِشان بھی : کَأَنْ ہِنْدًا قَمَرٌ، کَأَنْ زَیْدٌ أَسَدٌ(کَأَنَّہٗ زَیْدٌ أَسَدٌ)۔

.5کَأَنْ مُخَفَّفَہ کی خبر جملہ فعلیہ ہو تو اُس میں لَمْ یا قَدْ کا ہونا ضروری ہے: کَأَنْ لَّمْ تَرَ زَیْدًا، کَأَنْ قَدْ زَالَ الظِّلُّ۔

.6لٰکِنْ مُخَفَّفَہ عمل نہیں کرتا: زَیْدٌ عَالِمٌ وَلٰکِنْ أَخُوْہٗ جَاہِلٌ۔

تمرین (1)

س:.1تخفیف کسے کہتے ہیں، یہ کن حروف میں کی جاتی ہے؟ س:.2جس حرف میں تخفیف کی گئی ہو اُسے کیاکہتے ہیں؟ س:.3تخفیف کے بعدکونسے حروف عمل کرتے ہیں اور کونسے نہیں کرتے ؟ س:.4کس حرف کو تخفیف کے بعد عمل دینا اور نہ دینا دونوں جائز ہیں ؟

تمرین (2)

غلطی کی نشاندہی کیجیے۔

.1اِنْ مُخفَّفہ کو عمل دینے کی صورت میں اُسے لامِ مفتوح لازم ہے۔.2أَنْ مُخفَّفہ کی خبر جملہ ہو تو اُس میں قَدْیا لَوْکا ہونا ضروری ہے۔ .3لٰکِنْ مُخَفَّفَہ عمل کرتا ہے۔.4کَأَنْ مُخفَّفہ کی خبر جملہ ہو تو اس میں قَدْ کا ہونا ضروری ہے۔

تمرین (3)

حروف مشبہہ بالفعل مخفَّفہ پہچانیے۔

۱۔أ یحسب ان لم یرہ احد۔ ۲۔کَأَنْ ہِنْدًا ظَبْيٌ۔ ۳۔وان وجدنا اکثرہم لفاسقین۔ ۴۔کَأَنْ خَالِدٌ شَمْسُ الضُّحٰی۔ ۵۔وان نظنک لمن الکاذبین۔ ۶۔لیعلم ان قد ابلغوا۔ ۷۔اِعْلَمْ أَنْ سَوْفَ یَأْتِيْ کُلُّ مَا قُدِّرَ۔ ۸۔أیحسب الانسان ان لن نجمع عظامہ۔ ۹۔بَکْرٌ حَضَرَ وَلٰکِنْ أَبُوْہٗ غَابَ۔ ۱۰۔علم ان سیکون منکم مرضی۔ ۱۱۔کَأَنْ خَالِدًا کَرِیْمٌ۔ ۱۲۔وآخر دعوانا ان الحمد للہ رب العلمین۔

الدرس التاسع والخمسون

أَنْ مقدَّرہ کابیان

درجِ ذیل حروف کے بعد أَنْ مقدر ہوتاہے جوما بعد مضارع کونصْب دیتا ہے :

۱۔لام جحود: مَاکُنْتُ لِأَکْذِبَ۔ ۲۔لا مِ کَيْ : جِئْتُ لِأُکْرِمَکَ۔

۳۔حَتّٰی: أَطِعِ اللّٰہَ حَتّٰی تَفُوْزَ۔۴۔أَوْ: لَأَلْزَمَنَّکَ أَوْ تُعْطِیَنِيْ حَقِّيْ۔

۵۔فائ: زُرْنِي فَأُکْرِمَکَ۔ ۶۔واو: لَا تَأکُلِ السَّمَکَ وَتَشْرَبَ اللَّبَنَ۔

قواعد وفوائد:

.1لام جحود وہ لام جارہ ہے جو کَانَ منفی کی خبر پر آتاہے: ما کان اللہ لیظلمہم۔

.2لام کَيْ وہ ہے جوکَيْ کے معنی میں ہوتاہے: أَسْلَمْتُ لِأَدْخُلَ الْجَنَّۃَ۔

.3حتّٰی کے بعد أَنْ تب مقدَّر ہوتاہے جبکہ یہ کَيْ یا اِلٰی کے معنی میں ہواور اِس کا ما بعداِس کے ماقبل کے اعتبار سے مستقبل ہو: أَسْلَمْتُ حَتّٰی أَدْخُلَ الْجَنَّۃَ۔

.4أَوْ کے بعد أَنْ تب مقدَّر ہوتاہے جبکہ یہ اِلٰی یا اِلاَّ کے معنی میں ہو: لَأَلْزَمَنَّکَ أَوْ تُعْطِيَ حَقِّيْ۔یہ اِس معنی میں ہے : لَأَلْزَمَنَّکَ اِلٰی أَنْ یا اِلَّا أَنْ تُعْطِيَ حَقِّيْ۔

.5فاء کے بعدأَنْ کا مقدَّر ہوناتب صحیح ہے جبکہ اِس سے پہلے امر، نہی، دعا، استفہام، نفی،تحضیض، تمنی یا عرض ہواور اِس کا ما قبل اِس کے ما بعد کا سبب ہو: رَبِّيْ اغْفِرْ لِيْ فَأَفُوْزَ، ہَلْ عِنْدَکَ مَائٌ فَأَشْرَبَہٗ، مَا تَأْتِیْنَا فَنُکْرِمَکَ۔

.6واوکے بعد أَنْ کا مقدَّر ہوناتب صحیح ہے جبکہ اِس سے پہلے مذکورہ بالا آٹھ چیزوں میں سے کوئی چیز ہو: لَوْلَا اجْتَہَدْتَّ وَتَفُوْزَ، لَیْتَ لِيْ عِلْمًا وَأُنْفِقَہٗ، أَلَا تَنْزِلُ بِنَا وَتُصِیْبَ خَیْرًا۔

.7حتّٰی اگر حرفِ ابتداء ہو تواِس کے بعد أَنْ مقدر نہیں ہوگا : مَرِضَ زَیْدٌ حَتّٰی لَا أَرْجُوْہٗ(زید ایسابیمار ہے کہ اب مجھے اُس کی زندگی کی کوئی امید نہیں ہے)

.8حتّٰی کے حرفِ ابتداء ہونے کا معنی یہ ہے کہ یہ جس مضارع پر داخل ہو اُس سے زمانہ حال مقصود ہو، اِس صورت میں ضروری ہے کہ اِس کا ما قبل مابعد کا سبب ہو۔

.9جواَنْ’’عِلْمٌ‘‘ یا ’’رُؤْیَۃٌ‘‘ وغیرہ کے بعد آتاہے وہ مُخَفَّفَہ ہوتا ہے لہذا وہ مضارع کو نصب نہیں دیگا : عَلِمْتُ أَنْ سَیَرْجِعُ بَکْرٌ، رَأَیْتُ أَنْ لَایَفُوْزُ خَالِدٌ۔

.10جواَنْ’’ظَنٌّ‘‘ یا ’’حِسْبَانٌ‘‘ وغیرہ کے بعد آتاہے اس کا مصدریہ ہونا اور مخفَّفہ ہونا دونوں جائز ہیں: ظَنَنْتُ أَنْ لَا یَجِيْئَ زَیْدٌ یا أَنْ لَا یَجِيْئُ زَیْدٌ۔

تمرین (1)

س:.1کون کونسے حروف کے بعدأَنْ مقدرہوتاہے؟ س: .2کونساأَنْ فعل مضارع کو نصب نہیں دیتا؟ س: .3حَتّٰی کے حرفِ ابتداء ہونے کا کیا معنی ہے؟ س: .4حَتّٰی،أَوْ،فاء اور واو کے بعدأَنْ کا مقدر ہونا کب صحیح ہوتاہے؟

تمرین (2)

غلطی کی نشاندہی کیجیے۔

.1أَنْ ہمیشہ فعل مضارع کو نصب دیتاہے۔ .2لام جحود وہ لام جارہ ہے جو کَانَ کی خبر پر آتاہے ۔.3فاء اورواؤکے بعد أَنْ مقدرہوتاہے جبکہ اِن سے پہلے آٹھ چیزوں میں سے کوئی ہو۔ .4حَتّٰی اور أَوْ کے بعدہمیشہ أَنْ مقدر ہوتاہے۔

تمرین (3)

(الف)درجِ ذیل جملوں میں بتائیں کہ کہاں کہاں أَنْ مقدرہے ۔

۱۔أَسِیْرُ أَوْ أَصِلَ الْمَدِیْنَۃَ۔ ۲۔لَمْ یَکُنْ خَالِدٌ لِیَکْذِبَ۔ ۳۔لَا تُضِعِ الْأَوْقَاتِ فَتَنْدَمَ۔ ۴۔صُمْ حَتّٰی تَغِیْبَ الشَّمْسُ۔ ۵۔أُعَاقِبُکَ أَوْ تَتُوْبَ۔ ۶۔ اِسْتَغْفِرِ اللّٰہَ فَیَغْفِرََ لَکَ۔ ۷۔لَیْتَ لِيْ مَالًا فَأُنْفِقَہٗ۔ ۸۔أَلَا تَدْنُوْ فَتُبْصِرَ۔ ۹۔رَبِّ وَفِّقْنِيْ وَأَسْلُکَ سَنَنَ الْخَیْرِ۔ ۱۰۔ہَلَّا حَفِظْتَ الدَّرْسَ فَتَفُوْزَ۔

(ب)درج ذیل جملوں میں غلطی کی نشاندہی فرما ئیے۔

۱۔لَمْ یَکُنْ زَیْدٌ لِیَکْذِبُ۔ ۲۔أَسْتَغْفِرُ اللّٰہَ فَیَغْفِرَ لِيْ۔ ۳۔أَعْلَمُ أنْ سَیَأْتِيَ زَیْدٌ۔ ۴۔جِئْتُ لِأَتَعَلَّمْ۔ ۵۔یَجْتَہِدُ خَالِدٌ فَیَفُوْزَ۔ ۶۔أَرٰی أَنْ لَا یَرْجِعَ الْغَائِبُ۔

الدرس الستون

شر ط وجَزاء کابَیان

کلمہ شرط جن دو جملوںپرداخل ہوتاہے اُن میں سے پہلے کوشرط اور دوسرے کو جزاء کہتے ہیں، شرط ہمیشہ جملہ فعلیہ ہوتی ہے اور جزاء کبھی جملہ فعلیہ اور کبھی جملہ اسمیہ ہوتی ہے: مَنْ یَّضْحَکْ یُضْحَکْ، اِنْ أَسْلَمْتَ فَأَنْتَ فَائِزٌ۔

شرط وجزاء کے اَحکام:

.1شرط وجزاء دونوں مُضارِع ہوں تودونوںپرجزْم واجب ہے(۱۵): اِنْ تُکْرِمْ تُکْرَمْ۔

.2شرط وجزاء دونوں ماضی ہوں تواُن میں لفظًاکوئی تبدیلی نہیں ہوگی: مَنْ جَدَّ وَجَدَ۔

.3صرف شرط ‘ مضارع ہو توشرط پر جزْم واجب ہے : اِنْ تَصْبِرْ أُجِرْتَ۔

.4صرف جزا ء مضارع ہو توجزا ء پرجزْم اور رفع دونوں جائز ہیں:اِنْ جِئْتَ تُکْرَمْ۔

.5چارصورتوں میں(۱۶)جزا ء پرفاء لانا واجب ہے:

۱۔جزا ء جملہ اسمیہ ہو: اِنْ أَسْلَمْتَ فَأَنْتَ مُفْلِحٌ۔

۲۔جزاء جملہ انشائیہ ہو: اِذَا لَقِیْتَ عَالِمًا فَأَکْرِمْہٗ۔

۳۔ جزاء فعل ماضی قَدْکے ساتھ ہو: مَنْ أَسْلَمَ فَقَدْ فَازَ۔

۴۔جزاء فعل مضارع لَنْ،سینیا سَوْفَکے ساتھ ہو: مَنْ یَّکْفُرْ فَلَنْ یَّنْجُوَ۔

.6 دو صورتوں میں جزاء پر فاء لانا جائز نہیں:

۱۔ جزاء ماضی بغیرقَدْ کے ہو: اِنْ صُمْتَ نَجَحْتَ۔

۲۔ جزاء کے شروع میں لَمْ ہو: مَنْ یَّکْذِبْ لَمْ یَنْجَحْ۔

.7دوصورتوں میں جزاء پر فائ لانایانہ لانادونوں جائز ہیں:

۱۔جزاء فعل مضارع مثبت ہو: اِنْ یَّضْرِبْ فَأَضْرِبْ یا أَضْرِبْ۔

۲۔جزا ء فعل مضارع منفی بلاَ ہو: اِنْ یَّضْرِبْ فَلَا أَضْرِبْ یا لَاأَضْرِبْ۔

تمرین (1)

س:.1شرط وجزاء جملہ اسمیہ ہوتے ہیں یا جملہ فعلیہ؟ س: .2شرط وجزاء دونوں ماضی یا دونوں مضارع ہوں تو کیاحکم ہے؟ س: .3صرف شرط یاصرف جزاء ٗ مضارع ہو تو کیا حکم ہے؟ س: .4کون کونسی صورتوں میں جزاء پر فاء کا لانا واجب ہے؟ س:.5کون کونسی صورتوں میں جزاء پر فاء کا لاناجائزیا ناجائز ہے؟

تمرین (2)

غلطی کی نشاندہی کیجیے۔

.1شرط کبھی جملہ اسمیہ ہوتی ہے اورکبھی جملہ فعلیہ۔.2شرط اور جزاء میں سے جو مضارع ہو اُسے جزم دینا واجب ہے۔.3جزاء فعل نہی ہو تواُس پرفاء لانا ناجائز ہے۔ .4جزا ء مضارع منفی ہو تو اس پرفاء لانا جائز ہے۔

تمرین (3)

(الف)درجِ ذیل جملوں میں شرط وجزاء میں کہاں کہاں جزم واجب ہے نیز جزاء پرفاء لانے کاکیاحکم ہے؟

۱۔اِذْمَا تَدْرُسْ تَنْجَحْ۔ ۲۔مَنْ یَّرْحَمْ لَمْ یُحْرَمْ۔ ۳۔فاذا قرأت القرآن فاستعذ باللہ۔ ۴۔من یبتغ غیر الاسلام دینا فلن یقبل منہ۔ ۵۔من یقتل مؤمنا متعمدا فجزاء ہ جہنم۔ ۶۔مَنْ اِسْتَشَارَ لَا یَنْدَمْ۔ ۷۔من یطع الرسول فقد اطاع اللہ۔ ۸۔مَا قُدِّرَ فَسَوْفَ یَأْتِيْ۔

(ب)درج ذیل جملوں میں غلطی کی نشاندہی فرما ئیے ۔

۱۔اِنْ تَحْفَظُ الدَّرْسَ أَنْتَ نَاجِحٌ۔ ۲۔اِذَا تَصْبِرْ سَتُوْجَرُ۔ ۳۔اِنْ تَکْسِلُوْنَ فَلَمْ تَفُوْزُوْا۔ ۴۔اِذَا عَزَمْتَ تَوَکَّلْ عَلَی اللّٰہِ۔ ۵۔مَا تَزْرَعُوْنَ فَحَصَدْتُمْ۔ ۶۔مَنْ تُحْسِنُ اِلَیْہِ یُحْسِنُ اِلَیْکَ۔ ۷۔اِنْ أَحْسَنْتَ لَا تَمْنُنْ۔

الدرس الحادي والستون

حروف نداء اورمُنادیٰ کا بیان

جن حروف سے کسی کو پکاراجاتاہے اُنہیں حروفِ ندائ کہتے ہیں اور جسے حرفِ ندا ء سے پکارا جائے(۱۷)اُسے مُنادیٰ کہتے ہیں: یَا نَبِيُّ۔

قواعد وفوائد:

.1حروف نِداء پانچ ہیں: یَا،أَیَا،ھَیَا،أَيْ،أَ۔أَيْاور أَ مُنادیٰ قریب کے لیے، أَیَا اور ھَیَا منادیٰ بعید کے لیے اوریَا قریب وبعید دونوں کے لیے آتاہے۔

.2منادیٰ مضاف یا مشابہ مضاف یا نکرہ ہوتو منصوب ہوتاہے: یَا سَیِّدَ الْبَشَرِ، یَا طَالِعًا جَبَلًا، یَا رَجُلًا خُذْ یَدِيْ(اے کوئی مرد! میرا ہاتھ پکڑ)

.3 منادیٰ مفرد معرفہ اگرواحد یا جمع مکسرہو تو ضمّہ پر، تثنیہ ہو تو الف پر اور جمع مذکر سالم ہوتو واؤ پر مبنی ہوتاہے: یَا زَیْدُ، یَا رِجَالُ، یَا رَجُلَانِ، یَا مُسْلِمُوْنَ۔

.4 منادیٰ اگرمعرف باللا م ہو تو حرفِ نداء اور منادیٰ کے درمیان اَیُّھَا، ہٰذَا یا أَیُّہٰذَا کا اِضافہ کرتے ہیں: یَا أَیُّھَا الْاِنْسَانُ، یَا ہٰذَا الرَّجُلُ۔

.5 کبھی حرف نداء کو حذْف بھی کردیا جاتا ہے: اَللّٰھُمَّ اغْفِرْ لَنَا، اَلسَّلَامُ عَلَیْکَ أَیُّھَا النَّبِيُّ۔یہ اصل میں یَا اَللّٰہُ اور یَا أَیُّھَا النَّبِيُّ ہیں۔

.6منادیٰ لفظ غُلَامٌ، رَبٌّ وغیرہ ہو اوریاء متکلم کی طرف مضاف ہو تو اُسے چار طریقوں سے پڑھ سکتے ہیں: یَا رَبِّيْ، یَا رَبِّيَ، یَا رَبِّ، یَا رَبَّا۔

.7منادیٰ علَم ہو اور اُس کی صفَت لفظ اِبْنٌ یا اِبْنَۃٌ ہوجو ایک اور علَم کی طرف مضاف ہو تومنادیٰ کو مفتوح اور مضموم دونوں طرح پڑھنا جائز ہے جبکہ اِبْنٌ یا اِبْنَۃٌ صرف منصوب پڑھاجائے گا: یَا زَیْدَ بْنَ خَالِدٍ، یَا ھِنْدُ ابْنَۃَ زَیْدٍ۔

تمرین (1)

س:.1حروف نداء اور منادیٰ کسے کہتے ہیں؟ س:.2منادیٰ ٗمضاف، مشابہ مضاف، نکرہ یا مفرد معرفہ ہو تو کس طرح آتاہے؟

تمرین (2)

غلطی کی نشاندہی کیجیے۔

.1یَا صرف منادیٰ قریب کے لیے ہے۔ .2حرفِ ندا ء اور منادیٰ معرفہ کے درمیان ہٰذَا بڑھاتے ہیں۔ .3منادیٰ مفرد معرفہ مبنی علی الضم ہوتاہے۔

تمرین (3)

(الف)منادیٰ ، اس کی قسم اور اعراب اور بناء کے اعتبار سے اس کا حکم بیان کیجیے۔

۱۔یَا اَللّٰہ۔ ۲۔یَا رَسُوْل اللّٰہِ۔ ۳۔یَا أَیَّتُہَا النَّفْسُ۔ ۴۔رَبّنَا اغْفِرْ لَنَا۔ ۵۔ہَیَا ظَالِما نَفْسًا۔ ۶۔أَیَا وَلَدَانِ۔ ۷۔أَ سَعْد أَکْرِمْ أُسْتَاذَکَ۔ ۸۔ہَیَا نَاصِر بْنَ یَاسِرٍ۔ ۹۔رَبّنَا لَکَ الْحَمْدُ۔ ۱۰۔یَا طَالِعِیْنَ جَبَلًا۔

(ب)درج ذیل جملوں میں غلطی کی نشاندہی فرما ئیے ۔

۱۔یَا زَیْدًا۔ ۲۔أَیَا عَبْدُ اللّٰہِ۔ ۳۔أَ طَالِبُ یَخَافُ اللّٰہَ تَفُوْزُ۔ ۴۔ہَیَا عِرْفَانُ بْنُ دَاوُدَ۔ ۵۔یَا رَحْمَۃٌ لِلْعٰلَمِیْنَ۔ ۶۔یَا مُسْلِمِیْنَ سَارِعُوْا اِلَی الْخَیْرِ۔ ۷۔یَا الْوَلَدُ اِحْفَظْ دَرْسَکَ۔ ۸۔یَا ہِنْدًا ابْنَۃَ زَیْدٍ۔

الدرس الثاني والستون

ترخیم اوراِستِغاثہ کا بیان

ترخیم کی تعریف:

مُنادیٰ کے آخرسے ایک یا دوحروف یا ایک جزء کو تخفیفًاحذْف کردینا ترخیم کہلاتا ہے : یَا مَالِکُ سے یَا مَالُ، یَا مَنْصُوْرُسے یَا مَنْصُ، یَا بَعْلَبَکُّ سے یَا بَعْلُ۔

قواعد وفوائد:

.1منادیٰ میں ترخیم تب جائزہے جبکہ وہ علَم ہو، تین حروف سے زائد ہواور مبنی علی الضمّ ہویا منادیٰ کے آخر میں تاء ہو: یَا خَالِدُسے یَا خالِ، یَا شَاۃُ سے یَا شَا۔

.2ترخیم میں ایک حرف گرتاہے، لیکن اگرمنادیٰ کا آخر حرفِ صحیح ہو اور اس سے پہلے مدہ زائدہ ہو تودوحروف گریںگے: یَا اِفْتِخَ(افتخار)۔اور منادیٰ مرکب (مزجی یا عددی) ہو توآخری اسم گرجائے گا: یَا خَمْسُ(خَمْسَ عَشَرَۃَ)۔

.3منادیٰ مرخّم(جس میں ترخیم کی گئی ہو) کوضمّہ کے ساتھ اوراُس کی اپنی آخری حرکت کے ساتھ دونوں طرح پڑھنا جائز ہے: یَا حَارِثُ سے یَا حَارُ یا یَا حَارِ۔

استِغاثہ کی تعریف:

کسی کو مدد کے لیے پکارنا استغاثہ کہلا تاہے ، جسے مددکے لیے پکارا گیا ہو اُسے مُستَغاث یا مُستَغاث بِہ کہتے ہیں اور جس کی مدد کے لیے پکارا گیا ہو اُسے مُستَغاث لَہ یا مُستَغاث لاِ َجْلہ کہتے ہیں: یَا لَلْقَوِيِّ لِلضَّعِیْفِ۔

قواعد وفوائد:

.1مستغاث بہ اور مستغاث لہ دونوںپرلام ہوتاہے جو مستغاث بہ میں مفتوح اور مستغاث لہ میں مکسور ہوتا ہے: یَا لَزَیْدٍ لِلْفَقِیْرِ۔

.2کبھی مستغاث بہ کے آخر میں الف لایا جاتاہے: یَا حُسَیْنَا لِلْأَسِیْرِ۔

.3مستغاث کے شروع میں لام استغاثہ ہو تو یہ مجرور ہوتاہے اور اگر اس کے آخر میں الف استغاثہ ہوتو یہ مبنی علی الفتح ہوتاہے جیساکہ مثالوں سے واضح ہے۔

تمرین (1)

س:.1ترخیم کسے کہتے ہیںاور یہ کب جائز ہوتی ہے؟ س:.2ترخیم میں کتنے حروف حذف ہوتے ہیں؟ س:.3مستغاث اور مستغاث لہ کسے کہتے ہیں؟

تمرین (2)

غلطی کی نشاندہی کیجیے۔

.1منادیٰ سے ایک حرف کو حذف کردینا ترخیم ہے۔ .2منادیٰ مبنی میں ترخیم ہوسکتی ہے۔ .3منادیٰ مرخم کومرفوع اور مجرور دونوں طرح پڑھ سکتے ہیں۔

تمرین (3)

(الف)منادیٰ،منادیٰ مرخم، مستغاث اور مستغاث لہ کی شناخت فرمائیے۔

۱۔یُوْسُفُ لَا تَتَکَلَّمْ۔ ۲۔یَا لَرَسُوْلِ اللّٰہِ لِلْغُرَبَائِ۔ ۳۔یَا خَالُ اُسْکُتْ۔ ۴۔رَبَّنَا اِرْحَمْنَا۔ ۵۔أَیَا فَاطِمَ اِقْرَئِي الْکِتَابَ۔ ۶۔یَا عِبَادَ اللّٰہِ أَعِیْنُوْنِيْ۔

(ب)درج ذیل جملوں میں غلطی کی نشاندہی فرما ئیے ۔

۱۔یَا غُلَا(غلام) أَطِعْ سَیِّدَکَ۔ ۲۔أَیَا زَيْ(زید) اَدِّ حُقُوْقَکَ۔ ۳۔ہَیَا مُسْلِمِیْنََ۔ ۴۔یَا جَعْ(جَعْفَرٌ)۔ ۵۔یَا عَبْدُ اللّٰہِ۔ ۶۔یَا لِلْأَمِیْرِ لَلْفَقِیْرِ۔

کتاب کا موضوع

صراط الجنان

موبائل ایپلیکیشن

Play Store App Store

معرفۃ القرآن

موبائل ایپلیکیشن

Play Store App Store

فیضانِ حدیث

موبائل ایپلیکیشن

Play Store App Store

پریئر ٹائمز

موبائل ایپلیکیشن

Play Store App Store

ریڈ اینڈ لسن

موبائل ایپلیکیشن

Play Store App Store

اسلامک ای بک لائبریری

موبائل ایپلیکیشن

Play Store App Store

نعت کلیکشن

موبائل ایپلیکیشن

Play Store App Store

بہار شریعت

موبائل ایپلیکیشن

Play Store App Store

فیڈبیک

اپنی قیمتی آراء دینے کے لئے support@dawateislami.net پر ای میل کیجئے یا فیڈ بیک کے بٹن پر کلک کیجئے

ڈونیشن

اپنے عطیات دعوت اسلامی کو دیجئے، آپ کے چندے یعنی ڈونیشن کو کسی بھی جائز، دینی، اصلاحی، فلاحی، روحانی، خیرخواہی، بھلائی اور آمدنی بڑھانے کے جائز اور محفوظ کام میں لگایا جا سکتا ہے تا کہ بڑھتے اخراجات کو پورا کیا جا سکے.

سرچ کریں

کتابیں منتخب کریں

کیٹیگری سیلیکٹ کریں

کتاب میں نتائج:

اِضافت کا بیان

اَفعالِ قُلوب کا بیان

اَفعالِ مَدْح وذَمّ کا بیان

اَفعالِ مُقارَبہ کا بیان

اَفعال تعجب کا بیان

حُروف کا بیان

الف لام(اَلْ) کا بیان

تنوین کا بیان

اِنَّ، أَنَّ،کَأَنَّ اورلٰکِنَّ کی تخفیف

أَنْ مقدَّرہ کابیان

شر ط وجَزاء کابَیان

حروف نداء اورمُنادیٰ کا بیان

ترخیم اوراِستِغاثہ کا بیان