خلاصۃالنحو - حصہ اول و دوم

کتاب میں نتائج:

الدرس الحادي والأربعون

بَدَل کا بَیان

جوتابع نِسبت میں مقصود ہو اورمتبوع صرف تمہیداًلایا گیا ہو اُسے بَدَل کہتے ہیں اور بدل کے متبوع کو مُبدَل مِنْہ کہتے ہیں: قَامَ الْعَالِمُ بَکْرٌ، قَرَأْتُ الْقُرْآنَ نِصْفَہٗ۔

بَدَل کی اَقسام:

بدل کی چار قسمیں ہیں: ۱۔بدل کل ۲۔بدل بعض ۳۔بدل اشتمال ۴۔بدل غلط

جوبَدَل مُبدَل مِنْہ کا کُل ہواُسے بدَلِ کُل کہتے ہیں: جَائَ اِبْنِيْ زَیْدٌ۔

جوبَدَل مُبدَل مِنْہ کاجُزہواُسے بدَلِ بعض کہتے ہیں: أُکِلَ الرُّمَّانُ ثُلُثُہٗ۔

جو بَدَل مُبدَل مِنْہ کامتعلِّق ہواُسے بدلِ اِشتِمال کہتے ہیں: شَہِرَ عُمَرُ عَدْلُہٗ۔

اور جو بَدَل غلَطی کے اِزالہ کے لیے لایا گیا ہو اُسے بدلِ غلَط کہتے ہیں: جَائَ زَیْدٌ بَکْرٌ۔

قواعد وفوائد:

.1مبدل منہ معرفہ اور بدل نکرہ ہو تو بدل کی صفَت لانا ضروری ہے: جَائَ زَیْدٌ رَجُلٌ عَدْلٌ۔

.2بدلِ بعض اوربدلِ اِشتِمال میںایک ضمیر کاہونا ضروری ہے جومبدل منہ کے مطابق ہو: ضُرِبَ زَیْدٌ رَأْسُہُ، سُرِقَتْ ہِنْدٌ عِقْدُہَا۔

.3اسمِ ظاہر ٗضمیر ِغائب کا بدل بن سکتاہے ،ضمیر ِمخاطب یا ضمیر ِمتکلم کابدل نہیں بن سکتا: زُرْتُہٗ زَیْدًا۔

تمرین (1)

س:.1بدَل ، مُبدَل منہ اوربدل کی قسمیں مع اَمثِلہ بیان کیجیے۔ س:.2کیا معرفہ کا بدل نکرہ ہوسکتاہے؟ س:.3بدلِ بعض اور اشتِمال میں کیاضروری ہے؟

تمرین (2)

غلطی کی نشاندہی فرمائیے ۔

.1جس تابع کی طرف نِسبت مقصود ہو اُسے بدَل کہتے ہیں۔ .2نکرہ کا بدل معرفہ ہو تواُس کی صفَت لانا ضروری ہے۔ .3بدلِ بعض اور بدلِ کل میں ایک ضمیر کا ہونا ضروری ہے ۔ .4اسمِ ظاہر ٗضمیر کا بدل بن سکتاہے۔

تمرین (3)

(الف)بدل اور مبدل منہ پہچانیے اور بدل کی قسم متعین فرمائیے۔

۱۔قَالَ سَیِّدُنَا مُحَمَّدٌﷺ۔ ۲۔أَبُوْ بَکْرٍ الصِّدِّیْقُ أَوَّلُ خَلِیْفَۃٍ۔ ۳۔اِشْتَہَرَ عُمَرُ عَدْلُہٗ۔ ۴۔عَجِبْتُ مِنْ عُثْمَانَ حَیَائِہٖ۔ ۵۔أَمُّ الْمُؤْمِنِیْنَ عَائِشَۃُ أَفْقَہُ النِّسَائِ۔ ۶۔قَرَأْتُ الْقُرْآنَ نِصْفَہٗ۔ ۷۔بَہَرَنِيْ عَلِيٌّ شَجَاعَتُہٗ۔

(ب) درجِ ذیل جملوں میں غلطی کی نشاندہی کیجیے۔

۱۔رَأَیْتُ بُسْتَانًا أَشْجَارُہَا۔ ۲۔أَکْرَمْتَنِيْ خَالِدًا۔ ۳۔نَظَرْتُ اِلٰی زَیْدٍ رَجُلٍ۔ ۴۔نَظَرْتُ اِلٰی فَتًی زَیْدًا۔ ۵۔سُرِقَ خَالِدٌ مَتَاعَہُ۔ ۶۔قُطِفَ الْأَشْجَارُ ثِمَارٌ۔ ۷۔أعْجَبَنِی غُلامِیْ عِلْمِہٗ۔ ۸۔أَکَلْتُ التُّفَّاحَ نِصْفًا۔ ۹۔لَقِیْتُ الْمُسْلِمِیْنَ أَمِیْرُہُمْ۔ ۱۰۔نَظَرْتُ اِلٰی أَحْمَدَ غُلَامَہٗ۔

الدرس الثاني والأربعون

اَسمائے عدد کا بیان

جس اسْم سے کسی چیزکے اَفراد شُمار کیے جائیں اُسے اسمِ عدد کہتے ہیں اور جسے شمار کیا جائے اُسے معدود یاتمییزکہتے ہیں: ثَلَاثَۃُ رِجَالٍ، أَرْبَعُ نِسَائٍ۔

اسمِ عدد اور معدود کا استِعمال:

.1وَاحِدٌ اوراِثْنَانِ معدودکی صفَت بن کر اورقِیاس کے مطابق(مذکر کے لیے تاء کے بغیر اور مؤنث کے لیے تاء کے ساتھ) آتے ہیں : رَجُلٌ وَاحِدٌ، اِمْرَأَۃٌ وَاحِدَۃٌ۔

.2ثَلاثَۃٌسے عَشَرَۃٌ تک اسمِ عدد قِیاس کے خلاف آتاہے(مذکر کے لیے تاء کے ساتھ اور مؤنث کے لیے بغیر تاء کے )(۱): ثَلاثَۃُ رِجَالٍ، أَرْبَعُ نِسْوَۃٍ۔

.3أَحَدَ عَشَرَ اوراِثْنَا عَشَرَکے دونوں جزئ(اِکائی اور دَہائی) قِیاس کے مطابق ہوتے ہیں: أَحَدَ عَشَرَ مَرْئً، إِحْدٰی عَشَرَۃَ مَرْأَۃًً۔

.4ثَلاثَۃَ عَشَرَسے تِسْعَۃَ عَشَرَ تک کاپہلا جز (اِکائی) خلاف قِیاس اور دوسرا جز (دَہائی) مطابق قِیاس ہوتا ہے: ثَلاثَۃَ عَشَرَ رَجُلًا، ثَلاثَ عَشَرَۃَ اِمْرَأَۃً۔

.5أَحَدٌ وَعِشْرُوْنَسیتِسْعَۃٌ وَتِسْعُوْنَ تک اسمِ عدد میں ایک اور دو کی اِکائی مطابق قِیاس اور تین سے نوتک کی اِکائی خلافِ قِیاس ہوگی اور دہائیاں ایک ہی حال پر رہیں گی : أَحَدٌ وَعِشْرُوْنَ رَجُلًا، ثَلاثٌ وَتِسْعُوْنَ اِمْرَأَۃً۔

.6مِأَۃٌ، أَلْفٌاور اِن کا تثنیہ وجمع معدود کی طرف مضاف ہوکر استعمال ہوتے ہیں: مِئَۃُ کِتَابٍ، مِئَتَا کِتَابٍ، مِئَاتُ کِتَابٍ، أَلْفُ شَھْرٍ، أُلُوْفُ شَہْرٍ۔

تنبیہ1: ثَلاثَۃٌ سے عَشَرَۃٌ تک کا معدود جمع اور مجرورہوتاہے، أَحَدَ عَشَرَ سے تِسْعَۃٌ وَتِسْعُوْنَ تک کا معدود مفرد اور منصوب ہوتاہے اور مِأَۃٌ، أَلْفٌاور اِن کے تثنیہ وجمع کا معدود مفرد اور مجرور ہوتاہے جیساکہ مثالوں سے واضح ہے۔

تنبیہ2: أَحَدَ عَشَرَ سے تِسْعَۃَ عَشَرَ تک اسم عدد کے دونوں جزء مبنی علی الفتح ہوتے ہیں سوائے اِثْنَا عَشَرَکے پہلے جزء کے ، اِثْنَا عَشَرَکا پہلاجزء اورباقی تمام اَسمائے عدد معرب ہوتے ہیں جن کا اعراب عامل کے مطابق بدلتارہتاہے۔

تمرین (1)

س:.1اسمِ عدد اور معدودکسے کہتے ہیں؟ س:.2اَسمائے عدد اور معدودکے استِعمال کا مکمل طریقہ بیان فرمائیے۔س:.3 معرب اور مبنی اسمائے عدد بیان کیجیے۔

تمرین (2)

غلطی کی نشاندہی فرمائیے۔

.1معدود ہمیشہ منصوب ہوتاہے۔ .2گیارہ سے ننانوے تک تمام اسمائے عدد مبنی ہوتے ہیں۔ .3اسم عدد ہمیشہ مرفوع ہوتاہے۔

تمرین (3)

درج ذیل جملوں میں اَغلاط کی نشاندہی کیجیے۔

۱۔بِعْتُ ثَلاثُ کِتَابٍ۔ ۲۔فِي الْجَامِعَۃِ عِشْرِیْنَ طَلَبَۃٌ۔ ۳۔اِشْتَریْتُ اِثْنَا عَشَرَ شَاۃٌ۔ ۴۔کَانَ فِي الْبُسْتَانِ عِشْرِیْنَ شَجَرَۃٍ۔ ۵۔اِنَّ فِي الْقِطَارِ أَحَدٌ وَتِسْعُوْنَ نَمْلَۃٌ۔ ۶۔فِي الدَّارِ تِسْعَۃَ غُرْفَۃً۔ ۷۔ہٰذِہٖ أَرْبَعٌ وَسِتُّوْنَ أَحَادِیْثُ۔

الدرس الثالث والأربعون

اسمائے کنایہ کا بیان

جو اسم کسی مبہم عدد یا مبہم بات پر دلالت کرے اسے اسم کنایہ کہتے ہیں : کَمْ أَخًا لَکَ؟ (تمہارے کتنے بھائی ہیں) قُلْتُ کَیْتَ وَکَیْتَ (میں نے ایسا ایسا کہا)

مبہم عدد پر دلالت کرنے والے اسماء تین ہیں : کَمْ، کَذَااور کَأَیِّنْ۔ اور مبہم بات پر دلالت کرنے والے اسماء دو ہیں: کَیْتَ اور ذَیْتَ۔

قواعد وفوائد:

.1کَمْ سے کسی چیز کی تعداد کے متعلق سوال کیا جائے تو اسے کَمْ اِستِفہامِیّہ اور تعداد کے متعلق خبر دی جائے تو اسے کَمْ خَبَرِیّہ کہیں گے: کَمْ کُتُبٍ عِنْدِيْ۔

.2کَمْ سے جس چیز کی تعداد کے متعلق سوال کیا جائے یا خبردی جائے وہ کَمْ کے بعد آتی ہے اورکَمْ کی تمییز کہلاتی ہے۔

.3کَمْ اِستِفہامِیّہ کی تمییز مفرد منصوب ہوتی ہے اوراگر کَمْ سے پہلے مضاف یا حرفِ جر ہو تو اسے جر دینا بھی جائز ہے: غُلامَ کَمْ رَجُلٍ لَقِیْتَ، بِکَمْ دِرْہَمٍ اشْتَرَیْتَ الْقَلَمَ۔

.4 کَمْ خَبَرِیّہ کی تمییز مِنْ کی وجہ سے یاکَمْ کا مضاف الیہ ہونے کی وجہ سے مجرور ہوتی ہے اور یہ مفرد اور جمع دونوں طرح آسکتی ہے: کَمْ مِنْ بَلَدٍ رَأَیْتُ۔اور تمییز سے پہلے فعل متعدی ہو توتمییز پرمِنْ لانا واجب ہے: کم اہلکنا من قریۃ۔

.5کَذَا سے کسی چیز کی قلیل یا کثیر تعداد کے متعلق خبر دی جاتی ہے اور اس کی تمییز مفردمنصوب ہوتی ہے: جَائَ کَذَا عَالِمًا۔ یہ تکرار کے ساتھ بھی آتاہے۔

.6کَأَیِّنْ(۲)سے عدد کثیر کے متعلق خبر دی جاتی ہے، اس کی تمییز مفرد اورمِنْ کی وجہ سے مجرور ہوتی ہے: کأین من دابۃ لا تحمل رزقہا۔

.7کَیْتَ، ذَیْتَ یہ دونوں تکرار کے ساتھ آتے ہیں ان کی تمییزمفرد منصوب ہوتی ہے : قُلْتُ کَیْتَ وَکَیْتَ حَدِیْثًا۔

تمرین (1)

س:.1اسم کنایہ کسے کہتے ہیں اور یہ کتنے اور کونسے ہیں؟ س:.2کَمْ استفہامیہ اور خبریہ کسے کہتے ہیں ؟ س:.3کَذَا، کَأَیِّنْ، کَیْتَ اورذَیْتَ کی تمییز کس طرح آتی ہے؟ س:.4کَمْ استفہامیہ اور کَمْ خبریہ کی تمییز کس طرح آتی ہے؟

تمرین (2)

غلطی کی نشاندہی کیجیے۔

.1کَمْ اِستِفہامِیّہ کی تمییز ہمیشہ مفرد اور منصوب ہوتی ہے۔ .2کَمْ خَبَرِیّہ کی تمییز ہمیشہ جمع اور مجرور ہوتی ہے ۔

تمرین (3)

اسمائے کنایہ پہچانیں اور(اِفراد ،جمع اوراِعراب کے لحاظ سے) تمییزکا حکم بتائیے۔

۱۔وکأین من آیۃ في السموت والارض۔ ۲۔عِنْدِيْ کَذَا وَکَذَا کِتَابًا۔ ۳۔رَأْيَ کَمْ رَجُلٍ أَخَذْتَ؟ ۴۔کَمْ مِیْلًا سِرْتَ؟ ۵۔کم آتیناہم من آیۃ بینۃ۔ ۶۔اَلْمُسَافِرُوْنَ کَذَا رَجُلًا۔ ۷۔کَمْ عَالِمًا زُرْتَ؟ ۸۔قُلْتُ کَیْتَ وَکَیْتَ حَدِیْثًا۔ ۹۔دِیْوَانَ کَمْ شَاعِرٍ قَرَأْتَ؟۔ ۱۰۔خُطْبَۃَ کَمْ خَطِیْبٍ سَمِعْتُ۔

الدرس الرابع والأربعون

اسمائے افعال کا بیان

جواسم ٗ فعل کا معنی دے اسے اسمِ فعل کہتے ہیں: شَتَّانَ(جداہوا) ہَا(پکڑ)۔

اسم فعل کی اقسام:

اسمِ فعل کی دو قسمیں ہیں:

۱۔اسمِ فعل بمعنی ماضی: ہَیْہَاتَ خَالِدٌ۔

۲۔اسمِ فعل بمعنی امر حاضر: رُوَیْدَ زَیْدًا، عَلَیْکَ الْعَفْوَ، آمِیْنَ۔

قواعد وفوائد:

.1اسم فعل اپنے فاعل(مضمر یا مظہر) کورفع اور مفعول کو نصب دیتاہے۔

.2اسم فعل کا صیغہ واحد ہی رہتاہے ہاں! اگراس کے آخر میں کاف خطاب ہو تو وہ مخاطَب کے مطابق ہوتا ہے: عَلَیْکَِ نَفْسَکَِ، عَلَیْکُمَا أَنْفُسَکُمَا۔

.3اسم فعل ہَائَ(لو) کوصیغہ واحد پررکھنا اور مخاطَب کے مطابق لانا دونوں جائز ہے: ہائَ، ہائِ، ہَائُ مَا، ہَائُ مْ، ہَاؤُنَّ۔

.4 جواسم فعل ٗظرف ، جارمجرور، مصدریاتنبیہ سے بنا یا گیا ہو اُسے منقول کہتے ہیں: أَمَامَکَ، عَلَیْکَ، بَلْہَ، ہَا۔

جواسمِ فعل ٗفعل کے صیغے سے پھیر کر بنایا گیا ہو اُسے معدول کہتے ہیں : نَزَالِ (اتر)، ضَرَابِ(مار) یہ دونوں اِنْزِلْ اوراِضْرِبْ سے بنائے گئے ہیں۔

اور جو اسمِ فعل اِن کے علا وہ ہو اُسے مرتجل کہتے ہیں: أُفٍّ۔

.5 اسم فعل مرتجل اور منقول ٗسَماعی ہیں جبکہ اسمِ فعل معدول قِیاسی ہے یعنی ثلاثی مجرد فعل سے فَعَالِ کے وزن پر بناسکتے ہیں: قَتَالِ، سَمَاعِ وغیرہ۔

تمرین (1)

س:.1اسم فعل کسے کہتے ہیں اوریہ کیا عمل کرتاہے ؟ س:.2اسم فعل سماعی ہے یا قیاسی؟ س:.3اسم فعل منقول، معدول اور مرتجل کسے کہتے ہیں ؟

تمرین (2)

غلطی کی نشاندہی کیجیے۔

.1اسم فعل کو واحدیا مخاطب کے مطابق دونوں طرح لانا جائز ہے۔ .2تمام اسمائے افعال سماعی ہوتے ہیں۔

تمرین (3)

معنی پر غور کرتے ہوئے اسم فعل کی نشاندہی فرمائیے۔

۱۔ہَیْہَاتَ الْیَأْسُ۔ ۲۔ہاؤم اقرؤوا کتابیہ۔ ۳۔علیک الرفق۔ ۴۔فلا تقل لہما اف۔ ۵۔حَيَّ عَلَی الْفَلاحِ۔ ۶۔شَتَّانَ بَکْرٌ وَخَالِدٌ۔ ۷۔وقالت ہیت لک۔ ۸۔قل ہاتوا برہانکم۔ ۹۔سَرْعَانَ الْبَاصُّ۔ ۱۰۔قل ہلم شہدائکم۔ ۱۱۔صَہْ یَا وَلَدُ۔ ۱۲۔رُوَیْدَ زَیْدًا۔

الدرس الخامس والأربعون

مَصْدَرکا بَیان

جواسم فقط حَدَث(معنی)پردلالت کرتاہو اوراُس سے دوسرے صیغے (فعل، اسمِ فاعل ، اسمِ مفعول وغیرہ) بنتے ہوںاُسے مَصْدَرکہتے ہیں : نَصْرٌ، جُلُوْسٌ۔

قواعد وفوائد:

.1مصدر تین طرح سے استعمال ہوتا ہے :

۱۔اِضافت کے ساتھ : حَسُنَ قِیَامُ زَیْدٍ۔ ۲۔تنوین کے ساتھ : حَسُنَ قِیَامٌ زَیْدٌ۔ ۳۔الف لام کے ساتھ: حَسُنَ الْقِیَامُ زَیْدٌ۔

.2فعل لازم کامصدر فعلِ لازم کی طرح اور فعل متعدی کا مصدرفعلِ متعدی کی طرح عمل کرتا ہے : حَسُنَ ذَھَابٌ زَیْدٌ، حَسُنَ تَعْلِیْمٌ زَیْدٌ بَکْرًا۔

.3مصدرفاعل یامفعول کی طرف مضاف ہو تو فاعل یا مفعول لفظًا مجرور ہو جائے گا: حَسُنَ إِکْرَامُ زَیْدٍ بَکْرًا، حَسُنَ إِکْرَامُ بَکْْرٍ زَیْدٌ۔

.4 مصدر کا فاعل یا مفعول بہ کبھی محذوف ہوتاہے: أَکْلُ رُمَّانٍ، أَکْلُ زَیْدٍ۔

.5 مصدر کی دو قسمیں ہیں :

۱۔ مصدر صریح : وہ جو صراحۃ مصدر ہو : فَتْحٌ، اِکْرَامٌ، تَعْلِیْمٌ وغیرہ۔ ۲۔مصدر مؤول: وہ جو صراحۃ تو مصدر نہ ہو لیکن مصدر کی تاویل (معنی) میں ہو: یَسُرُّنِيْ أَنَّ زَیْدًا مُخْلِصٌ(یہاں أَنَّ زَیْدًا مُخْلِصٌٗ اِخْلَاصُ زَیْدٍ کے معنی میں ہے)

.6 مصدرمؤول حرف مصدر(أَنَّ، أَنْ اورمَا) اور مابعد سے مرکب ہوتاہے۔

تمرین (1)

س: .1مصدر کسے کہتے ہیں اور یہ کتنے طریقوں سے آتا ہے؟ س: .2 مصدر کیا عمل کرتاہے؟ س: .3حروف مصدراورمصدر کی اقسام بیان فرمائیے ؟

تمرین (2)

غلطی کی نشاندہی کیجیے۔

.1جو اسْم معنی پر دلالت کرے اُسے مصدر کہتے ہیں۔ .2 ہر مصدر فاعل کو رفع اور مفعول بہ کو نصب دیتاہے۔ .3 مصدردو طرح سے استعمال ہوتاہے۔ .4 حرف مصدرکا ما بعد مصدر مؤول کہلاتاہے۔

تمرین (3)

مصدرِ صریح اور مصدرِ مؤول کی شناخت کیجیے ۔

۱۔حَاوَلْتُ کِتَابَۃَ رِسَالَۃٍ۔ ۲۔سَرَّنِيْ أَنَّہٗ عَالِمٌ۔ ۳۔اَلْغِیْبَۃُ ذِکْرُکَ أَخَاکَ بِمَا یَکْرَہُ۔ ۴۔اَلْحَمْدُ لِلّٰہِ عَلٰی مَا أَنْعَمَ۔ ۵۔أَعْجَبَنِيْ أَنْ عَفَوْتَ۔ ۶۔وَأَنْ تَصُوْمُوْا خَیْرٌ لَکُمْ۔ ۷۔مِنَ الْبِرِّ أَنْ تَکُفَّ لِسَانَکَ۔

الدرس السادس والأربعون

اسمِ فاعل کا بیان

جو اسمِ مشتق ایسی ذات پر دلالت کرے جس کے ساتھ فعل قائم ہواُسے اسمِ فاعل کہتے ہیں: آکِلٌ، مُکْرِمٌ، مُعَلِّمٌ۔

اسم فاعل کا عمل:

اسمِ فاعل فعل معروف کی طرح عمل کرتاہے یعنی اپنے فاعل کورفع اورچھ اَسما ء کو نصب دیتا ہے :

.1مفعول مطلق : مَا قَائِمٌ زَیْدٌ قِیَامًا۔.2مفعول فیہ: ہَلْ صَائِمٌ زَیْدٌ غَدًا۔

.3مفعول معہ: أَ جَائٍ بَرْدٌ وَالْجُبَّۃَ۔ .4مفعول لہ: ہَلْ قَائِمٌ بَکْرٌ اِکْرَامًا۔

.5حال: ہَلْ ذَاہِبٌ زَیْدٌ رَاکِبًا۔ .6تمییز: أَ مُنْفَجِرَۃٌ أَرْضٌ عُیُوْنًا۔

اور فعل متعدی کا اسمِ فاعل مفعول بہ کو بھی نصْب دیتاہے: أَ نَاصِرٌ زَیْدٌ عَمْرًا۔

اسم فاعل کے عمل کی شرطیں:

اسمِ فاعل پر اَلْ نہ ہوتو اس کے عمل کے لیے دو شرطیں ہیں۔(۱) یہ حال یا مستقبل کے معنی میں ہو اور (۲) اس سے پہلے مبتدا، موصوف، ذوالحال، نفی یا استِفہام ہو: زَیْدٌ قَائِمٌ أَبُوْہٗ، جَائَ وَلَدٌ قَائِمٌ أَخُوْہٗ، جَائَ زَیْدٌ رَاکِبًا غُلامُہٗ، مَا ذَاہِبٌ أَحَدٌ، أَ ذَاہِبٌ أَحَدٌ۔اوراگر اُس پراَلْ ہوتواُس کے عمل کے لیے کوئی شرط نہیں : رَأَیْتُ النَاصِرَ عَمْرًا أَمْسِ۔

قواعد وفوائد:

.1ثلاثی مجرد سے اسم فاعل ٗفَاعِلٌ(۳) کے وزن پر آتاہے : فَاتِحٌ۔اور غیر ثلاثی مجرد سے مضارع کے وزن پرآتاہے لیکن اس میں علامت مضارع کی جگہ میم مضموم آتی ہے اور ماقبل آخر مکسورہوتاہے: مُکْرِمٌ، مُتَرْجِمٌ، مُتَدَحْرِجٌ۔

.2اسم فاعل کے بعد ایسا اسم ہو جوفاعل بن سکتاہو تووہی اُس کا فاعل بنے گا: أَضَارِبٌ زَیْدٌ۔ ورنہ اُس میں موجود ضمیر فاعل بنے گی: أَ زَیْدٌ مُکْرِمٌ بَکْرًا۔

.3فاعل ٗاسم ظاہر ہوتواسم فاعل واحد ہی آئے گا: أَ قَائِمٌ وَلَدَانِ۔اورفاعل ٗ اسم ضمیر ہو تو اسم فاعل ضمیر کے مرجع کے مطابق آئے گا: اَلرِّجَالُ نَاصِرُوْنَ۔

.4اسم فاعل تذکیر وتانیث میں اپنے فاعل کے مطابق آتاہے : ہٰذَا وَلَدٌ عَالِمٌ أَبُوْہٗ، ہٰذَا وَلَدٌ عَالِمَۃٌ أُمُّہٗ۔

.5فاعل اگر مؤنث لفظی ، اسمِ جمع یا جمع مکسّرہو تو اسم فاعل مذکر اور مؤنث دونوں طرح آسکتا ہے: أَ طَالِعٌ شَمْسٌ، مَا نَاصِرٌ قَوْمٌ، أَ ذَاہِبٌ رِجَالٌ۔

اسمِ مبالَغہ:

.1جو اسمِ مشتق مُبالَغہ پردلالت کرے اُسے اسم مبالغہ کہتے ہیں: أَکَّالٌ، ظَلُوْمٌ۔

.2اسم مبالغہ مختلف اوزان پر آتاہے : فَعَّالٌ، فَعُوْلٌ، فَعَّالَۃٌ، فَعِلٌ، فَعْلٌ وغیرہ لیکن یہ سب سَماعی ہیں۔

.3اسم مبالغہ بھی ذکرکردہ شرائط کے ساتھ اسم فاعل کی طرح عمل کرتاہے: زَیْدٌ فَطِنٌ ابْنُہٗ، جَائَ التِّلْمِیْذُ الْمَدَّاحُ أُسْتَاذُہٗ اِیَّاہٗ۔

تمرین (1)

س:.1اسمِ فاعل اور اسم مبالغہ کسے کہتے ہیں؟ س:.2اسم فاعل کیاعمل کرتا ہے؟ س:.3اسمِ فاعل کے عمل کے لیے کیا شرط ہے ؟ س:.4اسمِ فاعل کس وزن پر آتاہے؟ س:.5اسمِ فاعل مذکر آتاہے یا مؤنث یا دونوں طرح آسکتا ہے؟ س:.6اسم فاعل ہمیشہ واحد آئے گا یا تثنیہ اور جمع بھی آسکتاہے؟

تمرین (2)

غلطی کی نشاندہی کیجیے۔

.1جس اسم کے ساتھ فعل قائم ہو وہ اسم فاعل ہے۔ .2اسم فاعل کے عمل کی چھ شرطیں ہیں۔ .3ہر اسم فاعل ‘فاعل کو رفع اورچھ اسماء کو نصب دیتا ہے۔ .4اسم مبالغہ فَعَّالٌ یافَعُوْلٌ کے وزن پرآتاہے۔

تمرین (3)

(الف)درج ذیل جملوں میں اسم فاعل اور اسم مبالغہ کے عمل کی نشاندہی کیجیے۔

۱۔أَ مُکْرِمٌ بَکْرٌ ضَیْفَہٗ؟ ۲۔جَائَ الْقَائِمُ أَخُوْہٗ؟ ۳۔قَامَ الرَّجُلُ الْمُعْطِي الْمَسَاکِیْنَ۔ ۴۔خَالِدٌ ذَاہِبٌ صَدِیْقُہٗ۔ ۵۔ہَلْ غَفَّارٌ أَبُوْہٗ الْاِسَائَ ۃَ۔ ۶۔ہٰذَا رَجُلٌ فَطِنٌ أَبْنَاؤُہٗ۔ ۷۔یَخْطُبُ الْقَائِدُ رَافِعًا صَوْتَہٗ۔ ۸۔بَکْرٌ عَلَّامَۃٌ أَبَوَاہٗ۔

(ب)درج ذیل جملوں میںغلطی کی نشاندہی کیجیے۔

۱۔خَالِدٌ نَاصِرٌ أَخَاہٗ أَمْسِ۔ ۲۔جَلَسَ الْقَاضِي الْعَالِمُ بِنْتُہٗ۔ ۳۔ذَہَبَ خَلِیْفَۃٌ عَالِمَۃٌ وَلَدُہٗ۔ ۴۔جَائَ وَلَدَانِ لَاعِبَانِ أُخْتُہُمَا۔ ۵۔ہٰذَا طَلْحَۃُ الشَّاعِرُ أُمُّہٗ۔ ۶۔فَازَتْ بِنْتَانِ مُجْتَہِدَتَانِ مُعَلِّمَتُہُمَا۔ ۷۔ضَارِبٌ رَجُلٌ وَلَدًا۔ ۸۔قَامَ رِجَالٌ مُؤْمِنٌ۔ ۹۔نَاصِرٌ زَیْدٌ فَقِیْرًا۔

الدرس السابع والأربعون

اسمِ مفعول کا بیان

جواسم مشتق ایسی ذات پردلالت کرے جس پر فعل واقع ہواُسے اسمِ مفعول کہتے ہیں: مَضْرُوْبٌ، مُکْرَمٌ۔

اسمِ مفعول کا عمل:

اسم مفعول فعلِ مجہول کی طرح عمل کرتاہے یعنی اپنے نائب فاعل کو رفع اورچھ اَسماء کو نصب دیتاہے:

.1مفعولْ مطلق : أَ مَنْصُوْرٌ زَیْدٌ نَصْرًا۔ .2مفعولْ فیہ : أَ مَقْتُوْلٌ بَکْرٌ لَیْلًا۔

.3مفعولْ معہ: أَ مُکْرَمٌ خَالِدٌ وَبَکْـرًا۔ .4مفعولْ لہ : أَ مَـزُوْرٌ عَالِمٌ أَدَبًا۔

.5حال : ہَلْ مُبَشَّـرٌ أَحَـدٌ کَـسْـلَانَ۔ .6تمییز: أَ مَحْبُوْبٌ زَیْدٌ نَفْسًا۔

جس فعل کے دویاتین مفعول ہوں اس کا اسمِ مفعول پہلے مفعول کو رفع اور باقیوں کو نصْب دیتاہے: بَکْرٌ مُعْطًی غُلامُہٗ دِرْھَمًا، خَالِدٌ مُخْبَرٌ اِبْنُہٗ عَمْرًا فَاضِلًا۔

اسم مفعول کے عمل کی شرطیں:

اسمِ مفعول پر اَلْ نہ ہوتواُس کے عمل کے لیے دو شرطیں ہیں (۱) اسمِ مفعول حال یا مستقبل کے معنی میں ہواور (۲) اُس سے پہلے مبتدا، موصوف، ذوالحال، نفی یا اِستِفہام ہو: زَیْدٌ مَبِیْعٌ قَلَمُہٗ، جَائَ وَلَدٌ مَنْصُوْرٌ أَبُوْہٗ، جَائَ زَیْدٌ مَرْکُوْبًا فَرَسُہٗ۔

اوراگر اس پر اَلْ ہوتواُس کے عمل کے لیے کوئی شرط نہیں : جَائَ خَالِدٌ الْمَنْصُوْرُ جَیْشُہٗ أَمْسِ۔

قواعد وفوائد:

.1ثلاثی مجرد سے اسم مفعول مَفْعُوْلٌ (۴)کے وزن پر آتاہے : مَنْصُوْرٌ۔ اور غیر ثلاثی مجردسے مضارع کے وزن پر آتاہے لیکن اس میں علامت مضارع کی جگہ میم مضموم آتی ہے اور ماقبل آخر مفتوح ہوتاہے: مُکْرَمٌ، مُتَرْجَمٌ۔

.2اسم مفعول کے بعد ایسا اسم ہو جو نائب فاعل بن سکتاہو تووہی نائب فاعل بنے گا: أَ مَنْصُوْرٌ زَیْدٌ۔ ورنہ اُس میں موجود ضمیر نائب فاعل بنے گی: زَیْدٌ مَنْصُوْرٌ۔

.3نائب فاعل ٗاسم ظاہر ہوتواسم مفعول واحد ہی آئے گا: أَ مَشْغُوْلٌ وَلَدَانِ۔ اور نائب فاعل اسم ضمیر ہو تو اسم مفعول اُس ضمیر کے مرجع کے مطابق آئے گا: اَلرَّجُلُ مَنْصُوْرٌ، اَلرَّجُلَانِ مَنْصُوْرَانِ، اَلرِّجَالُ مَنْصُوْرُوْنَ۔

.4اسم مفعول تذکیر وتانیث میں اپنے نائب فاعل کے مطابق آتاہے : ہٰذَا وَلَدٌ مَنْصُوْرٌ أَبُوْہٗ، ہٰذَا وَلَدٌ مَنْصُوْرَۃٌ أُمُّہٗ۔

.5نائب فاعل اگر مؤنث لفظی، اسمِ جمع یا جمع مکسّرہو تواسم مفعول مذکر اور مؤنث دونوں طرح آسکتا ہے: أَ مَرْئِيٌّ شَمْسٌ، مَا مَنْصُوْرٌ قَوْمٌ، ہل مَفْتُوْحٌ بِلَادٌ۔

تمرین (1)

س:.1اسمِ مفعول کسے کہتے ہیں؟س:.2اسم مفعول کیا عمل کرتاہے؟ س:.3اسمِ مفعول کے عمل کی کیا شرطیں ہیں؟ س:.4ثلاثی مجرد اورغیر ثلاثی مجرد سے ا سمِ مفعول کس وزن پر آتا ہے؟

تمرین (2)

غلطی کی نشاندہی کیجیے۔

.1جس اسم پر فعل واقع ہو اُسے اسم مفعول کہتے ہیں۔ .2اسم مفعول کے عمل کی پانچ شرطیں ہیں۔ .3اسم مفعول ‘فاعل کو رفع اورچھ اسماء کو نصب دیتا ہے۔ .4اسم مفعول صرف مَفْعُوْلٌ کے وزن پر آتاہے۔

تمرین (3)

(الف)درج ذیل جملوں میں اسم مفعول کے عمل کی نشاندہی کیجیے۔

۱۔أَ مُکْرَمٌ جَعْفَرٌ عِلْمًا؟ ۲۔جَائَ الْمَشْدُوْدُ یَدُہٗ؟ ۳۔قَامَ الْمُعْطٰی وَلَدُہٗ عِلْمًا۔ ۴۔عَلِيٌّ مُطَہَّرَۃٌ ثِیَابُہٗ۔ ۵۔ہَلْ مَغْفُوْرٌ ذَنْبُہٗ۔ ۶۔ہٰذَا رَجُلٌ مَحْمُوْدٌ أَفْعَالُہٗ۔ ۷۔فَرِیْدٌ مَبِیْعَۃٌ غِلْمَانُہٗ۔ ۸۔خَالِدٌ مَشْہُوْرٌ شَجَاعَتُہٗ۔

(ب)درج ذیل جملوں میں غلطی کی نشاندہی کیجیے۔

۱۔خَالِدٌ مَنْصُوْرٌ أَخُوْہٗ أَمْسِ۔ ۲۔ہِنْدٌ مَفْقُوْدَۃٌ عِقْدُہَا۔ ۳۔جَائَ رِجَالٌ مَحْمُوْدٌ۔ ۴۔ہٰذِہٖ دَارٌ مَفْتُوْحَۃٌ بَابُہَا۔ ۵۔جَائَ وَلَدَانِ مَسْرُوْرَانِ أُمُّہُمَا۔ ۶۔رَأَیْتُ شَجَرَۃً مَمْدُوْدًا۔ ۷۔مُعْطًی فَقِیْرٌ دِرْہَمًا۔ ۸۔قَامَ رِجَالٌ مَہْزُوْمٌ۔ ۹۔مَسْمُوْعٌ صُرَاخُ طِفْلٍ۔ ۱۰۔ہَاتَانِ بِنْتَانِ مَعْرُوْفَتَانِ ذَکَاوَتُہُمَا۔

الدرس الثامن والأربعون

صفَتِ مُشبَّہہ کا بیان

جو اسْمِ مشتق ایسی ذات پر دلالت کرے جس میں مصدری معنی ثبوتی طورپر ہو(۵) اُسے صفَتِ مشبّہہ کہتے ہیں: کَرِیْمٌ(سخی) صَعْبٌ(سخت، مشکل)۔

صفت مشبّہہ کا عمل:

صفَتِ مشبّہَہ اپنے فاعل کو رفع دیتاہے ،اور اس کا مفعول بہ نہیں ہوتا: أَ حَسَنٌ زَیْدٌ؟۔

صفت مشبّہہ کے عمل کی شرط:

صیغۂ صفتِ مشبَّہہ کے عمل کے لیے شرط یہ ہے کہ اس سے پہلے مبتدا، موصوف، ذوالحال، نفی یا اِستِفہام ہو: اَلطِّفْلُ حَسَنٌ وَجْہُہٗ، جَائَ رَجُلٌ کَرِیْمٌ أَبُوْہٗ، جَائَ زَیْدٌ کَرِیْمًا أَبُوْہٗ، مَا کَرِیْمٌ خَالِدٌ، ہَلْ شَرِیْفٌ بَکْرٌ۔

قواعد وفوائد:

.1صفَتِ مشبَّہہ کے کثیراوزان ہیں جن میں سے بعض یہ ہیں:

أَفْعَلُ

فَعْلَانُ

فَعْلٌ

فَعِیْلٌ

فَعَلٌ

فَعَّالٌ

أَسْوَدُ

عَطْشَانُ

صَعْبٌ

کَرِیْمٌ

حَسَنٌ

خَبَّازٌ

.2جوفعل رنگ، عیب یا حُلیہ ظاہر کرے اُس سے صفَتِ مشبَّہہ کا صیغہ أَفْعَلُ اور فَعْلَائُ کے وزن پرآتاہے : أَحْمَرُ حَمْرَائُ، أَخْرَسُ خَرْسَائُ، أَعْیَنُ عَیْنَائُ۔

.3صفت مشبہہ کے بعد ایسا اسم ہوجو فاعل بن سکتاہو تووہی اُس کا فاعل بنے گا: أَکَرِیْمٌ زَیْدٌ۔ ورنہ اُس میں موجود ضمیر فاعل بنے گی: زَیْدٌ حَلِیْمٌ۔

.4فاعل ٗاسم ظاہر ہوتوصیغۂ صفت ہمیشہ واحد آئے گا: أَ حَسَنٌ أَوْلَادٌ؟۔اور اسم ضمیر ہو توصیغہ صفت ضمیر کے مرجع کے مطابق آئے گا: اَلرِّجَالُ حَسَنُوْنَ۔

.5فاعل مؤنث لفظی ، اسمِ جمع یا جمع مکسّر ہو تو صیغہ صفت مذکر اور مؤنث دونوں طرح آسکتا ہے: أَ أَحْمَرُ شَمْسٌ، مَا لَئِیْمٌ قَوْمٌ، أَ کَرِیْمٌ رِجَالٌ۔

تمرین (1)

س: .1صفت مشبہہ کسے کہتے ہیں اور یہ کیا عمل کرتا ہے؟ س: .2 صفت مشبہہ کے عمل کی کیا شرط ہے؟ س: .3صفت مشبہہ کس کس وزن پر آتا ہے ؟

تمرین (2)

غلطی کی نشاندہی کیجیے۔

.1جو اسْم ایسی ذات پر دلالت کرے جس میں مصدری معنی ہواُسے صفَتِ مشبّہہ کہتے ہیں۔ .2 صفَتِ مشبّہہ کے عمل کی پانچ شرطیں ہیں۔

تمرین (3)

(الف)صفت مشبہہ اور اس کے عمل کی نشاندہی کیجیے۔

۱۔اَللّٰہُ کَرِیْمٌ۔ ۲۔زَیْدٌ حَسَنٌ غُلَامُہ۔ ۳۔أَنَا عَطْشانُ۔ ۴۔أَ حَسَنٌ زَیْدٌ؟ ۵۔جَائَ رِجَالٌ حَسَنُوْنَ وَجْھًا۔ ۶۔ہٰذِہٖ طِفْلَۃٌ حَسَنَۃٌ۔ ۷۔شَاۃٌ أَبْیَضُ رَأْسُھَا۔

(ب)درج ذیل جملوں میںغلطی کی نشاندہی کیجیے۔

۱۔کَرِیْمٌ اِبْنَا خَالِدٍ۔ ۲۔اَلرَّجُلَانِ حَسَنَانِ غُلَامُہُمَا۔ ۳۔زَیْدٌ عَطْشَانُ بِنْتُہٗ۔ ۴۔لَئِیْقٌ وَلَدَانِ۔ ۵۔ جَائَ الرِّجَالُ الْحَسَنُوْنَ أَخْلَاقُہُمْ۔ ۶۔ہٰذَا رَجُلٌ ذَکِيٌّ بِنْتُہٗ۔ ۷۔رَأَیْتُ أَوْلَادًا فَطِیْنًا۔ ۸۔ھٰذِہٖ بَقَرَۃٌ بَیْضَائُ رَأْسُھَا۔

الدرس التاسع والأربعون

اسمِ تفضیل کا بیان

جواسمِ مشتق ایسی ذات پردلالت کرے جس میں کسی کے مقابلے میں مصدری معنی کی زیادتی ہو اُسے اسمِ تفضیل کہتے ہیں: اَلْعِلْمُ أَنْفَعُ مِنَ الْمَالِ(۶)۔

جس ذات میں معنی کی زیادتی ہو اُسے مُفَضَّل اور جس کے مقابلے میں زیادتی ہو اُسے مُفَضَّل عَلَیْہِ کہتے ہیں لہذا مذکورہ بالا مثال میں ’’علم ‘‘مفضَّل اور ’’مال‘‘ مفضَّل علیہ ہے۔

اسمِ تفضیل کا استِعمال:

اسمِ تفضیل کا استعمال تین طریقوں میں سے کسی بھی ایک طریقے سے ہوتا ہے:

.1أَلْ کے ساتھ: جَائَ زَیْدٌ الأَفْضَلُ۔

.2مِنْ کے ساتھ: زَیْدٌ أَفْضَلُ مِنْ خَالِدٍ۔

.3اضافت کے ساتھ: اَلنَبِيُّ أَفْضَلُ الْخَلْقِ۔

قواعد وفوائد:

.1جو اسم تفضیل أَلْ کے ساتھ استعمال ہواُس کا مذکر اور مؤنث ہونے میں اور واحد، تثنیہ اور جمع ہونے میں موصوف (ما قبل)کے مطابق ہونا ضروری ہے: جَائَ زَیْدٌ الأَفْضَلُ، جَائَ الزَّیْدَانِ الْأَفْضَلَانِ، جَائَ الزَّیْدُوْنَ الْأَفْضَلُوْنَ، جَائَ تْ فَاطِمَۃُ الْفُضْلٰی، جَائَ تِ الْفَاطِمَتَانِ الْفُضْلَیَانِ۔

.2 جواسمِ تفضیل مِنْ کے ساتھ استعمال ہووہ ہر حال میں واحد مذکر ہی آئے گا : اَلزَّیْدَانِ أَطْوَلُ مِنْ خَالِدٍ، سَلْمٰی أَجْدَرُ مِنْ ہِنْدٍ(سلمی ہند سے زیادہ لائق ہے)۔

.3جواسم تفضیل اضافت کے ساتھ استعمال ہووہ واحد مذکراور موصوف کے مطابق دونوں طرح آسکتا ہے: اَلْأَنْبِیَائُ أَفْضَلُ الْخَلْقِ یاأَفْضَلُو الْخَلْقِ۔

.4ثلاثی مجردفعل سے اسم تفضیل مذکرکے لیے أَفْعَلُ اورمؤنث کے لیے فُعْلٰی کے وزن پر آتا ہے جبکہ اُس میں رنگ، حُلیہ یا ظاہری عیب والا معنی نہ ہو: زَیْدٌ أَبْلَدُ مِنْ خَالِدٍ(زید خالد سے زیادہ کند ذہن ہے)، جَائَ تْ ہِنْدٌ الْبُلْدٰی۔

.5غیر ثلاثی مجردفعل یا وہ ثلاثی مجرد فعل جس میں رنگ، حلیہ اورعیب کامعنی ہو اس سے اسم تفضیل أَفْعَلُ یا فُعْلٰی کے وزن پر نہیں بن سکتا۔

لہذا اس طرح کے فعل سے اسم تفضیل بنانے کے لیے أَشَدُّ، أَکْثَرُوغیرہ لاتے ہیں پھر اُس فعل کا مصدر بطور تمییز منصوب ذکر کرتے ہیں: خَالِدٌ أَکْثَرُ اِکْرَامًا یا حُمْرَۃً یا عَرَجًا۔

.6خَیْرٌ، شَرٌّ اورحَبٌّ اسم تفضیل ہیں کیونکہ یہ اصل میں أَخْیَرُ، أَشَرُّاور أَحَبُّ ہیں۔

.7اگر مفضَّل علیہ معلوم ہو تو اسے حذف کر دینا بھی جائز ہے: اَللّٰہُ أَکْبَرُیہ اصل میں ’’اَللّٰہُ أَکْبَرُ مِنْ کُلِّ شَيْئٍ‘‘ ہے۔

تمرین (1)

س: .1اسم تفضیل، مفضل اور مفضل علیہ کسے کہتے ہیں؟ س: .2اسم تفضیل کون کونسے طریقے سے استعمال ہوتاہے؟ س: .3 اسم تفضیل أَلْ یا مِنْ یا اضافت کے ساتھ استعمال ہو تو کس طرح آتاہے؟ س: .4 اسم تفضیل کس وزن پر آتا ہے ؟

تمرین (2)

غلطی کی نشاندہی کیجیے۔

.1جو اسم ایسی ذات پردلالت کرے جس میں معنی کی زیادتی ہو اُسے اسمِ تفضیل کہتے ہیں۔ .2جس ذات کے مقابلے میں معنی کی زیادتی ہو اُسے مُفَضَّل کہتے ہیں۔ .3اسم تفضیل ہمیشہ موصوف کے مطابق آتاہے۔

تمرین (3)

(الف) اسم تفضیل، مفضل اور مفضل علیہ الگ الگ کیجیے ۔

۱۔اَلْعِلْمُ أَنْفَعُ مِنَ الْمَالِ۔ ۲۔اَلنَّبِيُّ أَفْضَلُ مِنَ الْوَلِيِّ۔ ۳۔اَلْعَمَلُ خَیْرٌ مِنَ الْبَطَالَۃِ۔ ۴۔اَلْفِتْنَۃُ أَکْبَرُ مِنَ الْقَتْلِ۔ ۵۔اَللّٰہُ أَکْبَرُ۔ ۶۔اَلْہِنْدَاتُ فُضْلَیَاتُ الْبَنَاتِ۔ ۷۔والآخرۃ خیر وابقی۔ ۸۔اَلْکُفَّارُ أَحْرَصُ النَّاسِ۔ ۹۔انا اکثر منک مالا۔ ۱۰۔زَیْدٌ أَشَدُّ اِکْرَامًا مِنْ خَالِدٍ۔ ۱۱۔اَلصَّلٰوۃُ خَیْرٌ مِّنَ النَّوْمِ۔

(ب) درج ذیل جملوں میں غلطی کی نشاندہی کیجیے۔

۱۔ذَہَبَ الرَّجُلُ الْأَکْرَمُ مِنْ بَکْرٍ۔ ۲۔سَافَرَتْ عَائِشَۃُ الْأَفْضَلُ۔ ۳۔اَلثَّوْبُ أَخْضَرُ مِنَ الْوَرَقَۃِ۔ ۴۔اَلرِّجَالُ أَفْضَلُوْنَ مِنَ النِّسَائِ۔ ۵۔اَلْہِنْدَانِ کُرْمٰی النِّسَائِ۔ ۶۔اَلشَّجَاعَۃُ عُظْمٰی مِنَ الْجُبْنِ۔ ۷۔زَیْدٌ أَعْوَرُ مِنْ خَالِدٍ۔ ۸۔مَرَّ الرَّجُلَانِ الْأَعْلَمُ۔ ۹۔ہٰذِہٖ الْبَقَرَۃُ أَصْفَرُ مِنْ تِلْکَ۔

کتاب کا موضوع

صراط الجنان

موبائل ایپلیکیشن

Play Store App Store

معرفۃ القرآن

موبائل ایپلیکیشن

Play Store App Store

فیضانِ حدیث

موبائل ایپلیکیشن

Play Store App Store

پریئر ٹائمز

موبائل ایپلیکیشن

Play Store App Store

ریڈ اینڈ لسن

موبائل ایپلیکیشن

Play Store App Store

اسلامک ای بک لائبریری

موبائل ایپلیکیشن

Play Store App Store

نعت کلیکشن

موبائل ایپلیکیشن

Play Store App Store

بہار شریعت

موبائل ایپلیکیشن

Play Store App Store

فیڈبیک

اپنی قیمتی آراء دینے کے لئے support@dawateislami.net پر ای میل کیجئے یا فیڈ بیک کے بٹن پر کلک کیجئے

ڈونیشن

اپنے عطیات دعوت اسلامی کو دیجئے، آپ کے چندے یعنی ڈونیشن کو کسی بھی جائز، دینی، اصلاحی، فلاحی، روحانی، خیرخواہی، بھلائی اور آمدنی بڑھانے کے جائز اور محفوظ کام میں لگایا جا سکتا ہے تا کہ بڑھتے اخراجات کو پورا کیا جا سکے.

سرچ کریں

کتابیں منتخب کریں

کیٹیگری سیلیکٹ کریں

کتاب میں نتائج: