خلاصۃالنحو - حصہ اول و دوم

کتاب میں نتائج:

الدرس الثامن عشر

اسمائے شرط کا بیان

جواسم دو جملوں پر داخل ہوکریہ ظاہر کرے کہ پہلاجملہ دوسرے کا سبب ہے اُسے اسمِ شرْط کہتے ہیں۔اسمائے شرط درجِ ذیل ہیں:

۱۔مَنْ(جو): مَنْ صَمَتَ فَقَدْ نَجَا۔ ۲۔مَا(جو): مَا تَزْرَعْ تَحْصُدْْ۔

۳۔اَيٌّ(۸)(جو): أَیًّا تَضْرِبْ أَضْرِبْ۔ ۴۔مَتٰی، مَتٰی مَا(جب): مَتٰی تَقُمْ أَقُمْ۔

۵۔اَیْنَ، أَیْنَمَا(جہاں): أَیْنَ تَقُمْ أَقُمْ۔۶۔اِذْمَا(جب): اِذْمَا تَمْشِ أَمْشِ۔

۷۔اِذَا، اِذَامَا(جب): اِذَامَا تَقْرَئْ أَقْرَئْ۔۸۔کَیْفَمَا(جس طرح) کَیْفَمَا تَقُمْ أَقُمْ۔

۹۔مَھْمَا(جب بھی): مَھْمَا تَأَتِنِيْ آتِکَ۔ ۱۰۔أَنّٰی(جہاں): أَنّٰی تَذْہَبْ أَذْہَبْ۔

۱۱۔حَیْثُمَا(جہاں) : حَیْثُمَا تَجْلِسْ أَجْلِسْ۔

قواعد وفوائد:

.1اسم شرط کا اعراب بھی اسم استفہام کی طرح ہوتاہے یعنی: اس کے بعد ایسا فعل ہوجو اس میں عامل ہو تو یہ محلاًّ منصوب کہلائے گا: مَا تَفْعَلْ تُسْئَلْ عَنْہٗ۔اور اگر اس سے پہلے حرفِ جر یا مضاف ہو تو یہ محلاًّ مجرور کہلائے گا: بِمَنْ تَمُرُّ أَمُرُّ۔اور اگر یہ دونوں صورتیں نہ ہوں تو یہ محلاًّ مرفوع کہلائے گا: مَنْ جَدَّ وَجَدَ۔

.2 حرفِ شرط اِنْ اورتمام اسمائے شرط ٗشرط وجزاء کو جزم دیتے ہیںالبتہ اِذَا اور کَیْفَمَا کا اِن کو جزم دینا شاذ (قلیل) ہے۔

تنبیہ:

اِنْ، لَوْ اورأَمَّا بھی شرط کے لیے آتے ہیں: اِنْ تَنْصُرْ أَنْصُرْ، لَوِ اجْتَہَدْتَّ لَفُزْتَ۔مگر یہ تینوں حروف ہیں لہذا اِنہیں حروفِ شرط کہتے ہیں۔

تمرین (1)

س:.1اسمِ شرْط کسے کہتے ہیں اور یہ کون کونسے ہیں؟س:.2اسم شرط کا اعراب بیان کیجیے۔س:.3حروفِ شرط کتنے اور کون کونسے ہیں؟

تمرین (2)

غلطی کی نشاندہی فرمائیے۔

.1جولفظ دو جملوں پر داخل ہواُسے اسمِ شرْط کہتے ہیں۔ .2تمام اسمائے شرط شرط و جزاء کو جزم دیتے ہیں۔.3مَنْ، لَوْ، اِذَا، اِنْوغیرہ اسمائے شرط ہیں۔

تمرین (3)

(الف)درجِ ذیل جملوں میں اسمائے شرط کا اعراب بیان کیجیے۔

۱۔اِذَامَا تَجْتَہِدْ تَفُزْ۔ ۲۔أَیْنَمَا تَذْہَبْ أَذْہَبْ۔ ۳۔مَا تَصْنَعْ أَصْنَعْ۔ ۴۔حَیْثُمَا تَقْعُدْ أَقْعُدْ۔ ۵۔مَنْ نَصَرَ نُصِرَ۔ ۶۔مَہْمَا تَأْتِنِيْ آتِکَ۔ ۷۔مَنْ یُکْرِمْ یُکْرَمْ۔ ۸۔مَتٰی تَصُمْ أَصُمْ۔ ۹۔أَيَّ عِلْمٍ تَحْصُلْ أَحْصُلْ۔

(ب)درج ذیل جملوں میں غلطی کی نشاندہی فرما ئیے ۔

۱۔مَہْمَا تَدْرُسُ أَدْرُسُ۔ ۲۔اِذَامَا تَسْعٰی تَنْجُ۔ ۳۔اِنْ تَقْرَئِیْنَ تَفُوْزِیْنَ۔ ۴۔اِذْمَا تَرْضٰی أَرْضٰی۔ ۵۔مَتٰی تُسْلِمْ تَنْجَحُ۔ ۶۔أَيَّ رَجُلٍ تَدْعُوْ أَدْعُوْ۔ ۷۔مَا تَسْمَعُ تَقُوْلُ۔ ۸۔مَنْ یَظْلِمُوْنَ یُظْلَمُوْنَ۔

الدرس التاسع عشر

اَسمائے ظُرُو ف کا بیان

جو اسْم وقت یاجگہ ظاہر کرے اُسے اسمِ ظرْف کہتے ہیں : مَتٰی، أَیْنَ۔

اسمِ ظرف کی تقسیم (۱):

وقت یا جگہ ظاہر کرنے کے لحاظ سے اسمِ ظرف کی دو قسمیں ہیں: ۱۔ظرفِ زمان ۲۔ظرفِ مکان۔

جواسمِ ظرف وقت ظاہر کرے اُسے ظرْفِ زمان کہتے ہیں: مَتٰی، بَعْدُ۔اور جو اسمِ ظرف جگہ ظاہر کرے اُسے ظرْفِ مکان کہتے ہیں : أَیْنَ، تَحْتُ۔

اسمِ ظرف کی تقسیم (۲):

معرب اور مبنی ہونے کے لحاظ سے بھی اسمِ ظرف کی دو قسمیں ہیں: ۱۔ معرب ۲۔ مبنی۔

۱۔ جس اسمِ ظرف کا آخر بدلتا رہتا ہے اُسے معرب کہتے ہیں: لَیْلٌ، مَدِیْنَۃٌ۔

۲۔جس اسمِ ظرف کا آخر تبدیل نہیں ہوتا اُسے مبنی کہتے ہیں: متٰی، أَیْنَ۔

ظروفِ مبنیّہ درجِ ذیل ہیں:

۱۔اِذْ( جب ) : اِذْ أَکْرَمْتُ خَالِدًا۔ ۲۔ مُذْ(سے) : مَارَأَیْتُہٗ مُذْ أَمْسِ۔

۳۔مُنْذُ(سے) : مَارَأَیْتُہٗ مُنْذُ سَنَۃٍ۔۴۔لَدٰی(پاس) : اَلْقَلَمُ لَدٰی زَیْدٍ۔

۵۔لَدُنْ(پاس) : اَلْقَلَمُ لَدُنْکَ۔ ۶۔أَمْسِ(۹) (گزشتہ کل):جِئْتُ أَمْسِ۔

۷۔قَطُّ(کبھی ماضی) : لَمْ أَرَہٗ قَطُّ۔ ۸۔عَوْضُ(کبھیمستقبل) : لَاأَرَاہٗ عَوْضُ۔

۹۔ أَیَّانَ(کب) : أَیَّانَ السَّاعَۃُ؟ ۱۰ ۔ اِذَا(جب) : کُلْ اِذَا جُعْتَ۔

۱۱ ۔ کَیْفَ(کیسا) : کَیْفَ زَیْدٌ؟ ۱۲ ۔ مَتٰی(کب) : مَتَی الذَّہَابُ؟

۱۳ ۔ أَیْنَ(کہاں) : أَیْنَ خَالِدٌ؟ ۱۴ ۔أَنّٰی(کہاں) : أَنّٰی مَلِکٌ؟

۱۵ ۔حَیْثُ(جہاں) : اِجْلِسْ حَیْثُ الْمَنْظَرُ جَمِیْلٌ۔

ظروفِ معربہ:

ظروفِ معربہ کئی ہیں لیکن اُن میں سے قَبْلُ، بَعْدُ، تَحْتُ، فَوْقُ وغیرہ اگر مضاف ہوں اوراِن کا مضاف اِلیہ مذکور نہ ہوتویہ مبنی ہونگے: زَیْدٌ فَوْقُ۔

اور اگر یہ مضاف نہ ہوں یامضاف تو ہوں مگراِن کا مضاف اِلیہ بھی مذکور ہوتو یہ معرب ہوںگے: جِئْتُ قَبْلًا، جِئْتُ قَبْلَ خَالِدٍ۔

قواعد وفوائد:

.1لَاغَیْرُاور لَیْسَ غَیْرُ مبنی علی الضم ہوتے ہیں: جَائَ زَیْدٌ لَاغَیْرُیا لَیْسَ غَیْرُ، اِسی طرح حَسْبُ بھی جبکہ یہ اِن دونوں کے معنی میں ہو: جَائَ بَکْرٌ فَحَسْبُ۔

.2جواسمِ ظرف معرب کسی جملے کی طرف یالفظ اِذْ کی طرف مضاف ہو اُسے مبنی علی الفتح پڑھنا جائز ہے: ہٰذَا یَوْمَ یَفُوْزُ الْمُجْتَہِدُ، سُرِرْتُ فِيْ یَوْمَ اِذْ جِئْتَنِيْ۔

.3 مِثْلُ یاغَیْرُ کے بعد مَا،اَنْ یا أَنَّ ہو تو اِن کو مبنی علی الفتح پڑھنا جائز ہے: قِیَامِيْ مِثْلَ مَا قُمْتَ، قِیَامِيْ مِثْلَ أَنْ تَقُوْمَ، ہٰذَا حَقٌّ مِثْلَ أَنَّکَ تَنْطِقُ۔

تمرین (1)

س:.1اسْمِ ظرف اور اِس کی قسمیں بتائیں؟ س:.2ظر و فِ مبنیہ کون کونسے ہیں؟ س:.3قَبْلُ، فَوْقُ معرب ہیں یا مبنی ؟ س:.4لَاغَیْرُ معرب ہے یا مبنی ؟

تمرین (2)

غلطی کی نشاندہی فرمائیے۔

.1جو فعل وقت یاجگہ ظاہر کرے اُسے اسمِ ظرْف کہتے ہیں ۔ .2 اِذَااورفَوْقُ کبھی معرب اور کبھی مبنی ہوتے ہیں۔ .3 لَیْسَ غَیْرُ مبنی علی الفتح ہوتا ہے۔ .4جو اسمِ ظرف مضاف ہو اُسے مبنی علی الفتح پڑھنا جائز ہے۔ .5مِثْلُ یا غَیْرُکے بعد مَا، أَنْ یا أَنَّ ہوتو یہ مبنی علی الفتح ہوتے ہیں۔

تمرین (3)

(الف)معنی پر غور کرتے ہوئے ظرفِ زمان اور ظرفِ مکان الگ الگ کیجیے۔

۱۔فَوْقُ۔ ۲۔مَتٰی۔ ۳۔تَحْتُ۔ ۴۔أَیَّانَ۔ ۵۔عَوْضُ۔ ۶۔اِذْ۔ ۷۔سَنَۃٌ۔ ۸۔أَیْنَ۔ ۹۔قَبْلُ۔ ۱۰۔اِذَا۔ ۱۱۔اَنّٰی۔ ۱۲۔حَیْثُ۔

(ب) معنی کا خیال رکھتے ہوئے خالی جگہوں کو مناسب اسمِ ظرف سے پر کیجیے۔

۱۔رَأَیْتُ الْہِلَالَ۔۔۔۔۔بَکْرٍ۔ ۲۔۔۔۔۔۔یَوْمُ الدِّیْنِ۔ ۳۔اَلْعِلْمُ۔۔۔۔۔ حَکِیْمٍ۔ ۴۔مَالَقِیْتُہٗ۔۔۔۔۔یَوْمَیْنِ۔ ۵۔۔۔۔۔۔۔ہُوَ۔ ۶۔ سَمِعْتُ ۔۔۔۔۔۔ قُلْتَ۔ ۷۔لَاأَکْذِبُ۔۔۔۔۔۔۔ ۸۔ مَاضَرَبْتُہٗ۔۔۔۔۔۔ ۹۔ اَلْحُکْمُ۔۔۔۔۔۔۔الأَدَبِ۔ ۱۰۔۔۔۔۔۔۔جِئْتَ۔ ۱۱۔رَأَیْتُ الْفِیْلَ۔۔۔۔۔۔۔۔ ۱۲۔ ۔۔۔۔۔۔کِتَابُکَ۔

الدرس العشرون

منصرف اورغیر منصرف کا بیان

اسمِ معرب کی دو قسمیں ہیں: ۱۔منصرف ۲۔غیر منصرف۔

جس اسمِ معرب کے آخرمیں تنوین اور کسرہ آتے ہیں اُسے منصرف کہتے ہیں: جَائَ زَیْدٌ، نَظَرْتُ اِلٰی زَیْدٍ۔ اور جس اسم معرب کے آخر میں تنوین اور کسرہ نہیں آتے اُسے غیر منصرف کہتے ہیں: جَائَ أَحْمَدُ، نَظَرْتُ اِلٰی أَحْمَدَ۔

درجِ ذیل اَسماء غیر منصرف ہوتے ہیں:

.1وہ جمع جو منتہی الجموع کے صیغے(۱۰)پر ہو اوراُس کے آخرمیں ۃ نہ ہو: مَسَاجِدُ۔

.2 وہ اسم جس کے آخر میں الفِ مقصورہ یاالفِ ممدودہ ہو: صُغْرٰی، حَمْرَائُ۔

.3وہ اسمِ عدد جو فُعَالُیا مَفْعَلُ کے وزن پر ہو: أُحَادُ، مَعْشَرُ۔

.4وہ علَم جو دو اسموں کو (بغیر اضافت واسنادکے)ملا کر بنایاگیا ہویا فُعَلُ یا أَفْعَلُ کے وزن پر ہو: بَعْلَبَکُّ، عُمَرُ، أَحْمَدُ۔

.5 وہ علم جس کے آخر میںۃ یاالف نون زائد ہوں: طَلْحَۃُ، عَائِشَۃُ، عُثْمَانُ۔

.6وہ مؤنث علم یا عجمی علم جو تین حروف سے زائد ہو: زَیْنَبُ، اِسْحٰقُ۔یا تین حروف سے زائد تو نہ ہو مگراُس کا درمیانی حرف متحرک ہو: سَقَرُ، شَتَرُ۔

.7وہ صفَت کاصیغہ جوأَفْعَلُ یافَعْلَانُ کے وزن پر ہو: أَحْمَرُ، أَنْصَرُ، غَضْبَانُ۔

تنبیہ:

غیرمنصرف پر الف لام آجائے یااُسے مضاف کردیا جائے تو اِن دونوں صورتوں میں اُس پر کسرہ آسکتا ہے: مَرَرْتُ بِالْمَسَاجِدِ یا مَرَرْتُ بِمَسَاجِدِکُمْ۔

تمرین (1)

س:.1معرب کی کتنی اورکون کونسی قسمیںہیں؟س:.2منصرف اور غیر منصرف کسے کہتے ہیں؟ س:.3کس کس طرح کے اَسماء غیر منصرف ہوتے ہیں؟ س:.4کن صورتوں میں غیرمنصرف پر کسرہ آسکتا ہے؟

تمرین (2)

غلطی کی نشاندہی فرمائیے۔

.1جمع کا صیغہ غیر منصرف ہوتاہے۔ .2جس اسم کے آخرمیں الف نون ہو وہ غیرمنصرف ہوگا۔.3اسمِ عدد غیر منصرف ہوتاہے۔ .4جس اسم کے آخر میںۃ ہو وہ غیر منصرف ہوتاہے۔ .5جو علم تین حروف سے زائد ہو وہ غیر منصرف ہوگا۔ .6 غیر منصرف مضاف اِلیہ ہو تواُس پر کسرہ آجائے گا۔

تمرین (3)

منصرف اور غیر منصرف اَسماء الگ الگ کیجیے ۔

۱۔رِجَال۔ ۲۔دَرَاہِم۔ ۳۔عُلَمَائ۔ ۴۔ضَارِبَۃ۔ ۵۔خَضْرَائ۔ ۶۔أَسَاتِذَۃ۔ ۷۔عَشَرَۃ۔ ۸۔ثُلاث۔ ۹۔فَاطِمَۃ۔ ۱۰۔مُحَمَّد۔ ۱۱۔زُفَر۔ ۱۲۔نَاصِر۔ ۱۳۔عِمْرَان۔ ۱۴۔جِیْرَان۔ ۱۵۔عَطْشَان۔ ۱۶۔رُبَاع۔ ۱۷۔جَعْفَر۔ ۱۸۔مَسَاکِیْن۔ ۱۹۔یُوْسُف۔ ۲۰۔اِبْرَاہِیْم۔

الدرس الحادي والعشرون

اسمِ مُعرَب اور اُس کا اِعراب

اسم معرب کے اِعراب تین ہوتے ہیں: ۱۔رفع ۲۔نصْب ۳۔جرّ۔

یہ اِعراب کبھی حرَکات کے ذریعہ ہوتے ہیں اور کبھی حروف کے ذریعہ، کبھی لفظی ہوتے ہیںاور کبھی تقدیری،اِس لحاظ سے اسمِ معرب کی 12قسمیں ہیں:

۱،۲،۳۔مفرد منصرف صحیح، قائم مقام صحیح، جمع مکسَّر منصرف:

اِن کی حالت ِرفعی ضمّہ سے حالتِ نصْبِی فتحہ سے اور حالتِ جرِّی کسرہ سے آتی ہے:

حالت رفعی حالت نصبی حالت جری

مفرد منصرف صحیح : جَائَ رَجُلٌ رَأَیْتُ رَجُلًا نَظَرْتُ اِلٰی رَجُلٍ

قائم مقام صحیح : جَـائَ ظَـبْيٌ رَأَیْتُ ظَـبْیًـا نَظَـرْتُ اِلٰی ظَـبْيٍ

جمع مکسر منصرف : جَائَ رِجَالٌ رَأَیْتُ رِجَالًا نَظَرْتُ اِلٰی رِجَالٍ

۴۔جمع مؤنث سالم:

اِس کی حالتِ رفعی ضمہ سے اور حالتِ نصبی وجرّی کسرہ سے آتی ہے :

حالت رفعی حالت نصبی حالت جری

ہٰذِہٖ کُرَّاسَاتٌ رَأَیْتُ کُرَّاسَاتٍ نَظَرْتُ اِلٰی کُرَّاسَاتٍ

۵۔ غیر منصرف:

اِس کی حالتِ رفعی ضمہ سے اورحالت نصبی وجری فتحہ سے آتی ہے:

حالت رفعی حالت نصبی حالت جری

جَائَ عُمَرُ رَأَیْتُ عُمَرَ نَظَرْتُ اِلٰی عُمَرَ

۶۔اسمِ منقوص(۱۱):

اِس کی حالتِ رفعی ضمہ سے، حالتِ نصبی فتحہ سے اورحالتِ جرّی کسرہ سے آتی ہے۔(اِس میں ضمہ اور کسرہ تقدیری ہوتے ہیں اور فتحہ لفظی ہوتاہے) :

حالت رفعی حالت نصبی حالت جری

جَائَ الْقَاضِيْ رَأَیْتُ الْقَاضِيَ مَرَرْتُ بِالْقَاضِيْ

۷،۸۔ اسمِ مقصور، مُضاف اِلَی الْیَا ء (علاوہ جمع مذکر سالم):

اِن کی حالتِ رفعی ضمہ سے،حالتِ نصبی فتحہ سے اور حالتِ جرّی کسرہ سے آتی ہے۔ ( اِن دونوںمیں یہ تینوں اعراب تقدیری ہوتے ہیں) :

حالت رفعی حالت نصبی حالت جری

اسمِ مقصور : جَائَ الفَـتٰی رَأَیْتُ الفَـتٰی نَظَرْتُ اِلٰی الفَـتٰی

مضاف الی الیائ: جَائَ غُلامِيْ رَأَیْتُ غُلامِيْ نَظَرْتُ اِلٰی غُلامِيْ

۹۔ اَسمائے سِتَّہ (أَبٌ، أَخٌ، فَمٌ، حَمٌ، ہَنٌاورذُوْ):

اِن کی حالت ِرفعی وائو سے، حالتِ نصبی الف سے اور حالتِ جرّی یاء سے آتی ہے:

حالت رفعی حالت نصبی حالت جری

جَائَ أَبُوْ زَیْدٍ رَأَیْتُ أَبَا زَیْدٍ نَظَرْتُ اِلٰی أَبِيْ زَیْدٍ

۱۰۔ تثنیہ اورکِلَا، کِلْتَا، اِثْنَانِ، اِثْنَتَانِ:

اِن کی حالتِ رفعی الف سے اور حالتِ نصبی وجرّی یاء ساکن ما قبل مفتوح سے آتی ہے: حالت رفعی حالت نصبی حالت جری

جَائَ رَجُلَانِ رَأَیْتُ رَجُلَیْنِ نَظَرْتُ اِلٰی رَجُلَیْنِ

۱۱۔جمع مذکر سالم ، أُولُوْا اورعِشْرُوْنَسے تِسْعُوْنَ تک دہائیاں:

اِن کی حالتِ رفعی وائو ساکن ما قبل مضموم سے اورحالتِ نصبی وجرّی یاء ساکن ماقبل مکسورسے آتی ہے:

حالت ِ رفعی حالت ِنصبی حالت جری

جَائَ مُسْلِمُوْنَ رَأَیْتُ مُسْلِمِیْنَ نَظَرْتُ اِلٰی مُسْلِمِیْنَ

۱۲۔ جمع مذکر سالم (جو یائے متکلم کی طرف مضاف ہو):

اِس کی حالتِ رفعی وائو سے اورحالتِ نصبی وجرّی یاء سے آتی ہے۔(اس میں واو تقدیری ہوتاہے اور یاء لفظی ہوتی ہے) :

حالت رفعی حالت نصبی حالت جری

جَائَ مُسْلِمِيَّ رَأَیْتُ مُسْلِمِيَّ مَرَرْتُ بِمُسْلِمِيَّ

تنبیہ 1:

اَسمائے ستہ ،جمع مذکر سالم ، تثنیہ اور اِن کے ملحقات کااِعراب بالحرف ہوتاہے اور باقی تمام اَسماء کا اِعراب بالحرکۃ ہوتا ہے ۔

تنبیہ 2:

اسم مقصوراور مضاف الی الیاء کا تینوں حالتوں میں ، اسمِ منقوص کا حالتِ رفعی اور جری میں اور جمع مذکر سالم (مضاف الی الیائ) کا حالتِ رفعی میںاِعراب تقدیری ہوتا ہے جبکہ اسمِ منقوص کا حالتِ نصبی میں اور جمع مذکر سالم (مضاف الی الیائ) کا حالتِ نصبی وجری میں اورباقی تمام اَسماء کا تینوں حالتوں میں اِعراب لفظی ہوتا ہے۔

تمرین (1)

س:.1ا سم کے اِعراب کتنے ہیں اور کون کونسے ہیں؟ س:.2اسمِ معرب کی اَقسام اور ہرایک کا اِعراب مع اَمثلہ بیان کیجیے۔ س:.3کن کن اَسماء میں اِعراب بالحرکۃ ہوتا ہے؟س:.4کن کن اسماء میں اعراب بالحرف ہوتاہے ؟ س:.5کن کن اَسماء میں اِعراب لفظی ہوتا ہے؟ س:.6 کن کن اسماء میں اعراب تقدیری ہوتاہے؟

تمرین (2)

غلطی کی نشاندہی فرمائیے۔

.1اِعراب ہمیشہ ضمہ،فتحہ اورکسرہ سے آتاہے۔ .2اِعراب ہمیشہ لفظی ہوتا ہے۔ .3 اسمِ منقوص کااِعراب تقدیری ہوتاہے۔ .4جمع مذکرسالم کا اِعراب تقدیری ہوتا ہے۔.5جمع مؤنث سالم کا اِعراب حالتِ نصبی میں تقدیری ہوتا ہے۔.6غیر منصرف کا اِعراب حالتِ جری میں تقدیری ہوتاہے۔

تمرین (3)

(الف)مذکورہ اَسماء کا اِعراب بتائیں اور اِن کو تینوں حالتوں میں استعمال کیجیے۔

۱۔کِتَابٌ۔ ۲۔اَلرَّاشِيْ۔ ۳۔أَوْلَادٌ۔ ۴۔مُؤْمِنَاتٌ۔ ۵۔تَلامِیْذُ۔ ۶۔أَخُوْکَ۔ ۷۔غُلامَانِ۔ ۸۔مُؤْمِنُوْنَ۔ ۹۔اَلْعَصٰی۔ ۱۰۔وَلَدِيْ۔

(ب)درجِ ذیل جملوں میں اِعراب کی غلطی کی نشاندہی فرمائیے۔

۱۔بِعْتُ کُرَّاسَاتً۔ ۲۔ذَہَبَ الطُلاَّبِ۔ ۳۔رَأَیْتُ وَلَدَانِ۔ ۴۔نَظَرْتُ اِلٰی اِسْمٰٰعِیْلٍ۔ ۵۔اَلْقَاضِيُ مُنْصِفٌ۔ ۶۔خَابَ الْکَافِرِیْنَ۔ ۷۔رَأَیْتُ مُسْلِمُوْنَ۔ ۸۔قَالَ أَبَا ہُرَیْرَۃَ۔ ۹۔اَلْمُسْلِمُ اَخِي الْمُسْلِمِ۔ ۱۰۔دَوَائُ الذُّنُوْبِ الْاِسْتِغْفَارَ۔ ۱۱۔زَکَاۃُ الْجَسَدَ اَلصَوْمِ۔ ۱۲۔شَرِبْتُ مَائُ زَمْزَمٍ۔

الدرس الثاني والعشرون

نواصِب و جوازِمِ مضارع کا بیان

.1نواصبِ مضارع:

چارحروف( أَنْ، لَنْ،کَيْ، اِذَنْ) کو نواصبِ مضارع کہتے ہیں،یہ چاروں حروف مضارع کو نصْب دیتے ہیں۔یعنی مضارع کے پانچ مضموم صیغوں کو فتحہ دیتے ہیں اور سات صیغوں سے نونِ اِعرابی کو گرا دیتے ہیں: لَنْ أَذْہَبَ۔

اِن کی تفصیل یہ ہے:

۱۔أَنْ(کہ) : أُرِیْدُ أَنْ أَذْہَبَ۔ اِسے أَنْ نَاصِبَہ اور أَنْ مَصْدَرِیَّہ بھی کہتے ہیں۔

۲۔لَنْ (ہر گز نہیں): لَنْ یَّضْرِبَ۔ ۳۔کَيْ(تاکہ) : أَدْرُسُ کَيْ أَفْہَمَ الْقُرْآنَ۔

۴۔اِذَنْ (تب ) : أَسْلِمْ اِذَنْ تَنْجُوَ۔

.2جوازمِ مضارع:

پانچ حروف(لَمْ، لَمَّا،لامِ امر،لائے نہی اوراِنْ شرطیّہ) کو جوازِمِ مضارع کہتے ہیں، یہ پانچوں حروف مضارع کوجزْم دیتے ہیں۔یعنی مضارع کے پانچ مضموم صیغوں سے ضمّہ کو گرادیتے ہیںجبکہ اِن کے آخر میں حرفِ علت نہ ہوورنہ حرفِ علت کو گرا دیتے ہیں اورسات صیغوں سے نونِ اِعرابی کوگرادیتے ہیں۔

اِن کی تفصیل یہ ہے:

۱۔لَمْ(نہیں): لَمْ یَأکُلْ، لَمْ یَدْعُ۔ ۲۔لَمَّا(ابھی تک نہیں) : لَمَّا یَقُلْ، لَمَّا یَرْمِ۔

۳۔لِ(چاہیے کہ ): لِیَنْصُرْ، لِیَرْمِ۔ ۴۔لَا(نہ، نہیں): لَا تَشْرَبْ، لَا تَنْسَ۔

۵۔اِنْ(اگر) : اِنْ تَجْتَہِدْ تَنْجُ۔

تنبیہ:

جس مضارع پرکوئی ناصب یا جازم نہ ہو وہ مرفوع ہوتاہے یعنی اُس کے پانچ صیغوں میں ضمہ اور سات صیغوں میں نونِ اِعرابی آتاہے۔

جمع مؤنث کے صیغے چونکہ مبنی ہوتے ہیںاس لیے لفظی طور پر اُن میںکسی ناصب یا جازم کی وجہ سے کوئی تبدیلی نہیں ہوتی۔

تمرین (1)

س:.1نواصبِ مضارع کتنے اورکون کونسے ہیں اور یہ کیا عمل کرتے ہیں؟ س:.2 جوازمِ مضارع کتنے اورکون کونسے ہیںاور یہ کیا عمل کرتے ہیں؟

تمرین (2)

غلطی کی نشاندہی فرمائیے۔

.1ناصب وجازم دونوںمضارع کے آخرسے نون کو گرا دیتے ہیں۔ .2جس مضارع پرناصب یاجازم نہ ہو وہ منصوب ہوتا ہے۔

تمرین (3)

درجِ ذیل اَفعال کے شروع میں ناصب اور جازم داخل کر کے اُن کو عمل دیجیے۔

۱۔تَذْبَحُوْنَ۔ ۲۔یَہْدِيْ۔ ۳۔یَغْفِرُ۔ ۴۔تَنْجُوْ۔ ۵۔تَصُوْمَانِ۔ ۶۔یَأْکُلُ۔ ۷۔یَأْتِيْ۔ ۸۔تَنْظُرِیْنَ۔ ۹۔تَنَالُوْنَ۔ ۱۰۔یَنْہٰی۔ ۱۱۔أَبْرَحُ۔ ۱۲۔نُؤْمِنُ۔ ۱۳۔یُعْطِيْ۔ ۱۴۔یَجْعَلُوْنَ۔ ۱۵۔یُکْرِمُ۔ ۱۶۔تَنْصُرِیْنَ۔ ۱۷۔یَرٰی۔ ۱۸۔یَتْلُوْ۔ ۱۹۔یَضْرِبْنَ۔ ۲۰۔یُصَلِّيْ۔ ۲۱۔تَمْشِيْ۔ ۲۲۔أَنْظُرُ۔ ۲۳۔تَکْتُبِیْنَ۔ ۲۴۔نَقُوْلُ۔ ۲۵۔یَرْضٰی۔

الدرس الثالث والعشرون

فعلِ مضارع کا اِعراب

فعلِ مضا رع کے اِعراب بھی تین ہیں: ۱۔رفع ۲۔نصْب ۳۔جزْم،یہ اعراب بھی مختلف طریقوں سے آتے ہیں اِس لحاظ سے مضارع معرب کی چار قسمیں ہیں:

.1صحیح: (وہ مضارع جس کے آخرمیں حرفِ علت اور نونِ اِعرابی نہ ہو)

اِس کی حالتِ رفعی ضمہ سے ، حالتِ نصبی فتحہ سے اور حالتِ جزمی سکون سے آتی ہے:

حالت رفعی حالت نصبی حالت جزمی

یَنْصُرُ لَنْ یَنْصُرَ لَمْ یَنْصُرْ

.2ناقصِ واوی یا یائی: (وہ مضارع جس کے آخر میں واؤ یا یاء ہواور نونِ اِعرابی نہ ہو)

اِس کی حالتِ رفعی ضمہ تقدیری سے، حالتِ نصبی فتحہ لفظی سے اور حالت جزمی حذْفِ آخِر سے آتی ہے:

حا لت رفعی حالت نصبی حالت جزمی

یَدْعُوْ، یَرْمِيْ لَنْ یَدْعُوَ، لَنْ یَرْمِيَ لَمْ یَدْعُ، لَمْ یَرْمِ

.3ناقصِ الفی: (وہ مضارع جس کے آخر میں الف ہواور نونِ اِعرابی نہ ہو)

اِس کی حالتِ رفعی ضمہ تقدیری سے، حالتِ نصبی فتحہ تقدیری سے اور حالتِ جزْمی حذْفِ آخِر سے آتی ہے:

حالت رفعی حالت نصبی حالت جزمی

یَرْضٰی لَنْ یَرْضٰی لَمْ یَرْضَ

.4مضارع بانونِ اِعرابی: (وہ مضارع جس کے آخر میں نونِ اِعرابی ہو)

اِس کی حالتِ رفعی ثبوتِ نون سے اور حالتِ نصْبی وجزْمی حذْفِ نون سے آتی ہے:

حالت رفعی حالت نصبی حالت جزمی

یَنْصُرَانِ، یَنْصُرُوْنَ لَنْ یَنْصُرَا، لَنْ یَنْصُرُوْا لَمْ یَنْصُرَا، لَمْ یَنْصُرُوْا

تمرین (1)

س:.1فعلِ مضا رع کے اِعراب کتنے اور کون کونسے ہیں ؟ س:.2اعراب کے اعتبار سیفعلِ مضارع کی قسمیں اور ہر ایک کا اِعراب مع اَمثِلہ بیان کیجیے۔

تمرین (2)

غلطی کی نشاندہی کیجیے۔

.1صحیح وہ مضارع ہے جس کے آخرمیں نونِ اِعرابی نہ ہو۔ .2 جس فعل مضارع کے آخرمیں نون ہواُسے بانونِ اِعرابی کہتے ہیں۔

تمرین (3)

(الف) مذکورہ اَفعال کا اِعراب بتائیں نیزاِن پر ناصب اور جازم لاکر اُن کو عمل دیں۔

۱۔تَعْقِلُوْنَ۔ ۲۔یَرْمِيْ۔ ۳۔یَظْہَرُ۔ ۴۔تَعْفُوْ۔ ۵۔تَقُوْلَانِ۔ ۶۔یَعْنِيْ۔ ۷۔تَفْرَحِیْنَ۔ ۸۔یُدْعٰی۔ ۹۔تَبْلَعِیْنَ۔ ۱۰۔تَرْضٰی۔ ۱۱۔تَدْعُوْ۔

(ب) درجِ ذیل جملوں میں غلطی کی نشاندہی کیجیے۔

۱۔لَمَّا یَقْضِيْ۔ ۲۔لَنْ یَجْرِيْ۔ ۳۔لَمْ یَتَعَلَّمُ۔ ۴۔لَمْ یَتَجَلّٰی۔ ۵۔لَمَّا یَجْلِسَانِ۔ ۶۔لَنْ أَسْمَعُ۔ ۷۔اِذَنْ یَقُوْلُوْنَ۔ ۸۔لَمْ تَصُوْمِیْنَ۔ ۹۔لَمْ یَعْفُوْ۔ ۱۰۔کَيْ یَفْہَمَانِ۔ ۱۱۔لَنْ تَلُوْمِیْنَ۔ ۱۲۔لَنْ یَرْمِيْ۔

الدرس الرابع والعشرون

حُروفِ مُشبَّہہ بالفعل کا بیان

چھ حُروف کو حروف مشبہہ بالفعل کہتے ہیں: ۱۔اِنَّ(بیشک) ۲۔اَنَّ(کہ) ۳۔کَأَنَّ(گویا کہ) ۴۔لٰکِنَّ(لیکن) ۵۔لَیْتَ(کاش) ۶۔لَعَلَّ(شاید)۔

قواعد وفوائد:

.1یہ حُروف جملہ اسمیہ پر داخل ہوکر مبتداکو نصْب اور خبَر کو رفع دیتے ہیں، مبتدا کواِن کااسم اور خبرکواِن کی خبر کہتے ہیں: اِنَّ زَیْدًا عَالِمٌ۔

.2حروفِ مشبّہہ بالفعل کی خبراگر مفرد ہویعنی جملہ نہ ہو تواُس کا واحد، تثنیہ یا جمع ہونے میں اور مذکر یا مؤنث ہونے میں اِن کے اسم کے مطابق ہونا ضروری ہے : اِنَّ بَکْرًا شَاعِرٌ، اِنَّ ہِنْدًا شَاعِرَۃٌ، اِنَّ الْوَلَدَیْنِ لَاعِبَانِ، اِنَّ الْبِنْتَیْنِ نَائِمَتَانِ۔

.3اِن کی خبر اگر جملہ ہو تو اُس میں اسم کے مطابق ایک ضمیرکا ہونا ضروری ہے: اِنَّ اللّٰہَ خَلَقَ الْجَنَّۃَ، اِنَّ الْبُسْتَانَ أَزْہَارُہٗ جَمِیْلَۃٌ۔

.4اِن کی خبراگر جارمجرورہو تواُسے ایسے فعل یا شبہ فعل محذوف کے متعلِّق کریں گے جوواحد تثنیہ، جمع اور تذکیر وتانیث میںاِن کے اسم کے مطابق ہو: اِنَّ زَیْدًا(ثَابِتٌ)فِي الدَّارِ، اِنَّ ہِنْدًا(ثَابِتَۃٌ)فِي الدَّارِ۔

.5اِن کا اسم اور خبرموصوف یا مضاف بھی ہوتاہے: اِنَّ الْوَلَدَ الصَّغِیْرَ نَائِمٌ، اِنَّ غُلَامَ زَیْدٍ عَالِمٌ، اِنَّ زَیْدًا رَجُلٌ صَالِحٌ، اِنَّ بَکْرًا غُلَامُ خَالِدٍ۔

.6کبھی اِن حروف کے ساتھ لفظ مَا آجاتا ہے جو اِن کو عمل سے روک دیتا ہے اور اِس صورت میں یہ فعل پر بھی آسکتے ہیں : اِنَّمَا جَائَ خَالِدٌ۔اِسے مَا کَافَّۃ کہتے ہیں۔

تمرین (1)

س:.1 حروفِ مشبہہ بالفعل کتنے اور کونسے ہیںاوریہ کیاعمل کرتے ہیں ؟ س:.2اِن حروف کی خبر مفردہویاجملہ ہو تو کیا حکم ہے؟

تمرین (2)

غلطی کی نشاندہی فرمائیے۔

.1 حُروفِ مشبہہ بالفعل اپنے اسم کورفع اور خبر کو نصب دیتے ہیں۔.2اِن حُروف کی خبرہمیشہ اِن کے اسم کے مطابق ہوتی ہے۔ .3حروفِ مشبّہہ بالفعل کسی بھی صورت میں فعل پر نہیں آسکتے۔ .4اِن حروف کی خبر اگر جار مجرور ہو تو اُسے ثَابِتٌ محذوف کے متعلق کریںگے۔

تمرین (3)

(الف)درجِ ذیل جملوں پر مناسب حرفِ مشبہ بالفعل لگاکر اُسے عمل دیجیے۔

۱۔اَلْعُلَمَائُ وَرَثَۃُ الْأَنْبِیَائِ۔ ۲۔اَللّٰہُ قَدِیْرٌ۔ ۳۔لِلْبِئْرِ دَلْوٌ۔ ۴۔زَیْدٌ أَسَدٌ۔ ۵۔اَلْمُسْلِمُوْنَ جَالِسُوْنَ۔ ۶۔الأُسْتَاذُ أَبٌ۔ ۷۔فِي الْجَامِعَۃِ مُعَلِّمُوْنَ۔ ۸۔اَلْمُفْتِيْ مَوْجُوْدٌ۔ ۹۔اَلْوَلَدَانِ مُتَعَلِّمَانِ۔ ۱۰۔اَلْمُسْلِمَاتُ قَانِتَاتٌ۔

(ب)درجِ ذیل جملوں میں غلطی کی نشاندہی کیجیے۔

۱۔اِنَّ أَخُوْ زَیْدٍ عَالِمٌ۔ ۲۔اِنَّ زَیْدًا أَبَاہُ عَالِمٌ۔ ۳۔اِنَّ فِي الدَارِ رَجُلٌ۔ ۴۔اِنَّ الرَجُلَیْنِ مَوْجُوْدٌ۔ ۵۔اِنَّ الْمِیْزَانُ حَقٌّ۔ ۶۔اِنَّمَا زَیْدًا صَالِحٌ۔ ۷۔اِنَّ الْخَمْرُ حَرَامٌ۔ ۸۔أُعْلِنَ أَنَّ الْمُسْلِمُوْنَ فَائِزِیْنَ۔

الدرس الخامس والعشرون

حُروفِ مُشبَّہہ بالفعل کا بیان

إِنَّ اورأَنَّکے مقامات مختلف ہیں کہیں إِنَّ اورکہیں أَنَّ پڑھا جاتا ہے۔

درجِ ذیل مقامات پر إِنَّ (بکسرالہمزۃ) پڑھاجائے گا :

(الف)جملے کے شروع میں: إِنَّ اللّٰہَ غَفُوْرٌ رَحِیْمٌ۔

(ب) قول یا اِس سے مشتق لفظ کے بعد: یَقُوْلُ إِنَّھَا بَقَرَۃٌ۔

(ج)اسم موصول کے بعد: مَا جَائَ الَّذِيْ إِنَّہٗ ذَہَبَ۔

(د)عَلِمَ، شَہِدَیا اِن سے مشتق لفظ کے بعدجبکہ خبر پر لام ہو: أَعْلَمُ اِنَّہُ لَعَالِمٌ۔

(ہ) جوابِ قسم کے شروع میں: وَاللّٰہِ إِنَّکَ جَوَادٌ۔

(و)حرفِ تنبیہ اور حَیْثُ کے بعد: أَلَا اِنَّ زَیْدًا عَالِمٌ، جَلَسْتُ حَیْثُ إِنَّ الْعَالِمَ جَالِسٌ۔

درجِ ذیل مقامات پر أَنَّ (بالفتح) پڑھاجائے گا :

(الف)جب یہ اپنے اسم اور خبرسے ملکرفاعل، نائب فاعل،مفعول، مبتدا یا مضاف اِلیہ بنے: بَلَغَنِيْ أَنَّ زَیْدًا عَالِمٌ، أُعْلِنَ أَنَّ خَالِدًا نَاجِحٌ، کَرِھْتُ أَنَّہٗ جَاھِلٌ، عِنْدِيْ أَنَّہٗ عَالِمٌ، عَجِبْتُ مِنْ طُوْلِ أَنَّکَ قَائِمٌ۔

(ب) عَلِمَ، شَھِدَ اور اِن سے مشتق لفظ کے بعد جبکہ خبر پر لام نہ ہو: أَشْھَدُ أَنَّ بَکْرًا عَالِمٌ۔

(ج) حرف ِ جرکے بعد : أَکْرَمْتُہٗ لِأَنَّہٗ عَالِمٌ۔

تمرین (1)

س:.1کہاںکہاںپرإِنَّپڑھا جائے گا؟ س:.2کون کونسی جگہوں میں أَنَّ پڑھا جائے گا؟

تمرین (2)

غلطی کی نشاندہی کیجیے۔

.1جملے کے شروع میں أَنَّ آتاہے۔ .2عَلِمَ، شَہِدَکے بعدہمیشہ اِنَّ آتاہے۔ .3 حرْفِ تنبیہ اورجرکے بعد اِنَّ آتا ہے۔ .4 جوابِ قسم کے شروع میںأَنَّ آتا ہے۔

تمرین (3)

(الف)خالی جگہوں کو اِنَّ اوراَنَّ سے پر کیجیے ۔

۱۔۔۔۔اللّٰہَ رَحِیْمٌ۔ ۲۔یَقُوْلُ۔۔۔ھَا بَقَرَۃٌ۔ ۳۔ کَرِھْتُ۔۔۔۔ ہٗ جَاھِلٌ۔ ۴۔أَعْلَمُ۔۔۔کَ عَالِمٌ۔ ۵۔عِنْدِيْ۔۔۔ہٗ عَالِمٌ۔ ۶۔قَامَ الْوَلَدُ حَیْثُ۔۔۔۔ الْوَالِدَ قَائِمٌ۔ ۷۔وَاللّٰہِ۔۔۔مُحَمَّدًا رَسُوْلُ اللّٰہِ۔ ۸۔ بَلَغَنِيْ۔۔۔۔زَیْدًا عَالِمٌ۔ ۹۔أُعْلِنَ۔۔۔۔خَالِدًا نَاجِحٌ۔ ۱۰۔مَا رَأَیْتُ الَّذِيْ۔۔۔۔ہٗ فِي الْمَسْجِدِ۔ ۱۱۔أَلاَ۔۔۔۔زَیْدًا عَالِمٌ۔ ۱۲۔أَعْلَمُ۔۔۔۔زیدًا لَشَاعِرٌ۔

(ب)درجِ ذیل جملوں میں اِنَّ اوراَنَّ کی غلطی ہو تو اُس کی وجہ بیان کیجیے۔

۱۔أَنَّ الْاِحْسَانَ یَقْطَعُ اللِسَانَ۔ ۲۔أَکْرَمَنِي الَّذِيْ أَنَّہُ عَالِمٌ۔ ۳۔سَرَّنِيْ اِنَّ زَیْدًا مُعَلِّمٌ۔ ۴۔قَالَ اَنَّ الصِدْقَ یُنْجِيْ۔ ۵۔عَلِمْتُ اِنَّ الْغِیْبَۃَ حَرَامٌ۔ ۶۔وَاللّٰہِ أَنَّ یَوْمَ الدِّیْنِ لَوَاقِعٌ۔ ۷۔عَجِبْتُ مِنْ اِنَّ زَیْدًا شَاعِرٌ۔

الدرس السادس والعشرون

لائے نَفْیِ جِنْس کا بَیان

جولَا کسی چیزکے تمام اَفرادسے حُکْم کی نفی کرے اُسے لائے نفْیِ جِنْس کہتے ہیں: لَا سُرُوْرَ دَائِمٌ، لَا رَجُلَ قَائِمٌ۔

قواعد وفوائد:

.1لائے نفی جنس جملہ اسمیہ پر داخل ہوتاہے ، اِس کے داخل ہونے کے بعد مبتدا کواِس کااسم اور خبر کواِس کی خبر کہتے ہیں۔

.2لائے نفی جنس کی خبر ہمیشہ مرفوع ہوتی ہے ۔اور اس کے اسم کی تین صورتیں ہیں:

۱۔مضاف ہو۔ ۲۔مشابہ مضاف ہو۔(۱۲) ۳۔ مفردنکرہ ہو۔

پہلی دونوں صورتوں میں یہ منصوب ہوتا ہے: لَا غُلَامَ رَجُلٍ قَائِمٌ، لَا طَالِعًا جَبَلًا قَائِمٌ۔اورتیسری صورت میں یہ مبنی علی الفتح ہوتاہے: لَا رَجُلَ قَائِمٌ۔

.3لائے نفی جنس کی خبر مفرد ہو تو مذکر ،مؤنث، واحد، تثنیہ اور جمع ہونے میں اُس کا اسم کے مطابق ہونا ضروری ہے: لَارَجُلَ مَوْجُوْدٌ، لَااِمْرَأَۃَ قَائِمَۃٌ۔

.4لائے نفی جنس کی خبر جملہ ہو تواُس میں اسم کے مطابق ایک ضمیرکا ہونا ضروری ہے: لَا اِنْسَانَ یَمْشِيْ عَلٰی بَطْنِہٖ، لَا وِلِيَّ ہُوَ أَفْضَلُ مِنْ نَبِيٍّ۔

.5لائے نفی جنس کی خبر جار مجرور بھی ہوتی ہے: لَا رَیْبَ فِیْہِ۔

تمرین (1)

س:.1لائے نفی جنس اوراِس کا اسم اور خبر کسے کہتے ہیں؟ س:.2لائے نفی جنس کا اسم کب منصوب اورکب مبنی ہوتاہے؟ س:.3لائے نفی جنس کی خبر کا اِعراب کیا ہوتا ہے؟ س:.4لائے نفی جنس کی خبرمفردہوتو کن چیزوں میں اُس کا اسم کے مطابق ہونا ضروری ہے ؟ اور جملہ ہو تواُس میں کس چیز کا ہونا ضروری ہے؟

تمرین (2)

غلطی کی نشاندہی کیجیے۔

.1جولَا کسی چیزکے تمام اَفراد کی نفی کرے اُسے لائے نفْیِ جِنْس کہتے ہیں۔ .2لائے نفی جنس کااسم ہمیشہ منصوب اوراُس کی خبرہمیشہ مرفوع ہوتی ہے۔ .3لائے نفی جنس کا اسم مفرد نکرہ ہو تو منصوب ہوتا ہے۔ .4لائے نفی جنس کی خبر جملہ ہو تو اُس کا اسم کے مطابق ہونا ضروری ہے۔

تمرین (3)

(الف) درجِ ذیل مرکبات پر لا ئے نفی جنس داخل کرکے اُسے عمل دیجیے۔

۱۔سُرُوْرٌ دَائِمٌ۔ ۲۔سَارِقٌ مَالًا مَوْجُوْدٌ۔ ۳۔لَہْوٌ مُفِیْدٌ۔ ۴۔طَالِعٌ جَبَلًا مَوْجُوْدٌ۔ ۵۔غُلَامُ رَجُلٍ شَاعِرٌ۔ ۶۔شَجَرٌ مُثْمِرٌ۔

(ب) درجِ ذیل جملوں میں غلطی کی نشاندہی فرمائیے۔

۱۔لَا رَجُلٌ جَالِسٌ۔ ۲۔لَا حَسَنٌ وَجْہًا مَوْجُوْدٌ۔ ۳۔لَا طِفْلٌ نَائِمٌ۔ ۴۔لَا حَکِیْمًا اِلَّا ذُوْ تَجْرِبَۃٍ۔ ۵۔لَا غُلَامُ رَجُلٍ قَائِمًا۔ ۶۔لَا ضَرَرًا فِي الْاِسْلَامِ۔ ۷۔لَا طَالِبًا مَالًا شَبْعَانَ۔

الدرس السابع والعشرون

اَفعالِ ناقِصَہ کابَیان

درجِ ذیل سترہ اَفعال کو اَفعالِ ناقِصہ کہتے ہیں:

کَانَ، صَارَ، ظَلَّ، بَاتَ، أَصْبَحَ، أَضْحٰی، أَمْسٰی، عَادَ، اٰضَ، غَدَا، رَاحَ، مَازَالَ، مَاانْفَکَّ، مَابَرِحَ، مَافَتِیَٔ، مَادَامَ، لَیْسَ۔

قواعد وفوائد:

.1 اَفعالِ ناقصہ جملہ اسمیہ پر داخل ہوکر مبتدا کو رفع اور خبر کو نصب دیتے ہیں، مبتداکواِن کااسم اور خبر کواِن کی خبر کہتے ہیں: کَانَ النَبِيُّ رَحِیْمًا۔

.2اَفعالِ ناقصہ کے اسم اور خبرکا حکم واحد، تثنیہ، جمع اور تذکیر وتانیث میں وہی ہے جو مبتدا اور خبرکاہے: صَارَ بَکْرٌ عَالِمًا، لَیْسَتِ الْحَیَاۃُ دَائِمَۃً، کَانَ زَیدٌ یُعِیْنُ الضُّعَفَائَ، کَانَ نَاصِرٌ أَبُوْہٗ عَالِمٌ، لَیْسَ خَالِدٌ فِي الدَّارِ۔

.3اَفعالِ ناقصہ کی خبراِن کے اسم سے پہلے آسکتی ہے: مَازَالَ قَائِمًا زَیْدٌ۔اوراگر فعلِ ناقص کے شروع میں مَانہ ہو تو خبر فعل ناقص سے پہلے بھی آسکتی ہے : قَائِمًا کَانَ زَیْدٌ۔

.4 فعلِ ناقص کے بعدایسا اسم ہوجو اُس کا اسم بن سکتاہو تووہی اُس کا اسم بنے گا ورنہ فعل میں موجود ضمیر اُس کا اسم بنے گا: صَارَ زَیْدٌ غَنِیًّا وَکَانَ فَقِیْرًا۔

افعالِ ناقصہ کا استِعمال:

کَانَ(تھا، ہے، ہوگیا): کَانَ الشَجَرُ مُثْمِرًا۔

صَارَ(ہوگیا) : صَارَ الْمَائُ بَارِدًا۔

ظَلَّ(ہوگیا، دن کے وقت ہوا): ظَلَّ الْعَالِمُ مُسْافِرًا۔

بَاتَ(ہوگیا، رات کے وقت ہوا): بَاتَ الحَزِیْنُ فَرِحًا۔

أَصْبَحَ(ہوگیا، صبح کے وقت ہوا): أَصْبَحَ الْمَائُ بَارِدًا۔

أَضْحٰی (ہوگیا، چاشت کے وقت ہوا) : أَضْحَی الْمَائُ حَارًّا۔

أَمْسٰی (ہوگیا، شام کے وقت ہوا): أَمْسَی بَکْرٌ مُقِیْمًا۔

عَادَتا رَاحَ (ہوگیا): عَادَ زَیْدٌ غَنِیًّا۔

مَازَالَتامَافَتِیَٔ(استمرار کے لیے): مَازَالَ الْمَرِیْضُ بَاکِیًا۔

مَادَامَ(جب تک) : أَطِعْ أَبَاکَ مَادَامَ حَیًّا۔

لَیْسَ(نہیں ہے): لَیْسَ الْمُتَکَبِّرُ نَاجِحًا۔

تنبیہ:

لَیْسَ کی خبر پر باء آجائے تو خبر لفظًا مجرور ہوجائے گی: لَیْسَ زَیْدٌ بِعَالِمٍ۔

تمرین (1)

س:.1افعالِ ناقصہ کتنے اور کون کونسے ہیںاوراِن کا اسم اور خبر کسے کہتے ہیں؟ س:.2فعلِ ناقص کی خبرفعلِ ناقص سے پہلے یااُس کے اسم سے پہلے آسکتی ہے یا نہیں؟ س:.3کس صورت میں لَیْسَ کی خبر لفظًا مجرور ہوجاتی ہے؟

تمرین (2)

غلطی کی نشاندہی فرمائیے ۔

.1فعل ناقص اپنے اسم کونصب اوراپنی خبرکو رفع دیتاہے۔ .2افعالِ ناقصہ کی خبرافعالِ ناقصہ سے پہلے بھی آسکتی ہے۔ .3 افعالِ ناقصہ کی خبر پر باء آسکتی ہے۔

تمرین (3)

(الف) درجِ ذیل جملوں پر مناسب فعلِ ناقص لگاکر اُسے عمل دیجیے۔

۱۔اَلْبَقَرَۃُ صَفْرَائُ۔ ۲۔اَلطِفْلانِ نَائِمَانِ فِي الْمَہْدِ۔ ۳۔أَخُوْکَ صَدِیْقِيْ۔ ۴۔عَدُوِّيْ صَدِیْقِيْ۔ ۵۔اَلْمُعَلِّمَاتُ جَالِسَاتٌ۔ ۶۔اَلْمُسْلِمُوْنَ قَائِمُوْنَ۔ ۷۔اَللَبَنُ حَارٌّ۔ ۸۔اَلأَشْجَارُ مُثْمِرَۃٌ۔ ۹۔وَجْہُہٗ مُسْوَدٌّ۔ ۱۰۔ہٰذَا زَاہِدٌ۔ ۱۱۔اََلنِّسَائُ صَالِحَاتٌ۔ ۱۲۔دَاوٗدُ أَعْبَدُ الْبَشَرِ۔ ۱۳۔زَیْدٌ أَبُوْکَ۔

(الف) درجِ ذیل جملوں میں غلطی کی نشاندہی فرمائیے۔

۱۔کَانَ الْوَلَدُ ذَکِيٌّ۔ ۲۔یَکُوْنُ الْکَسْلَانَ مَحْرُوْمٌ۔ ۳۔صَارَ الْقَاضِيَ فَرِحًا۔ ۴۔کَانَتِ الْبَنَاتُ عَالِمَاتً۔ ۵۔ سَوْفَ یَصِیْرُ الطَلَبَۃَ عَالِمُوْنَ۔ ۶۔فَقِیْرًا کَانَ زَیْدًا۔ ۷۔حَرِیْصًا مَازَالَ الْفَقِیْرُ۔ ۸۔کَانَ بَکْرٌ بِغَنِيٍّ۔ ۹۔مَاانْفَکَّ الْوَلَدَیْنِ مُتَعَلِّمَانِ۔ ۱۰۔کَانَ الْمُؤْمِنِیْنَ مُفْلِحُوْنَ۔

الدرس الثامن والعشرون

مَا اورلَامُشابِہ بِلَیْسَ کابیان

یہ دوحروف (مَااورلَا)جملہ اسمیہ پر داخل ہوکر مبتدا کو رفع اور خبر کو نصب دیتے ہیں، مبتدا کو مَایا لَاکا اسم اور خبر کو مَایا لَاکی خبرکہتے ہیں: مَا زَیْدٌٌ جَاہِلًا، لَا حَجَرٌ لَیِّنًا۔

قواعد وفوائد:

.1مَااور لَا کے اسم اور خبر کا وہی حکم ہے جو مبتدا اور خبر کاہے: مَاخَالِدٌ غَبِیًّا، لَا اِبْنَۃٌ قَائِمَۃً، مَا الْکَسْلَانُ ہُوَ فَائِزٌ، لَا مَرْأَۃٌ تَحْکُمُ عَلَی الْمُسْلِمِیْنَ۔

.2 لَا صرف نکرہ میں عمل کرتاہے معرفہ میں نہیں کرتا اور مَا نکرہ اور معرفہ دونوں میں عمل کرتا ہے: لَا شَجَرٌ مُثْمِرًا، مَا خَالِدٌ شَاعِرًا، مَا رَجُلٌ قَائِمًا۔

.3 لَیْسَ کی خبر کی طرح مَا کی خبر پر بھی با ء آجاتی ہے: مَا أَحَدٌ بِغَائِبٍ۔لَاکی خبر پر باء نہیں آسکتی۔

.4 اِنْبھی مَاکی طرح استعمال ہوتا ہے: اِنْ زَیْدٌ قَائِمًا۔

.5درجِ ذیل صورتوں میں مَااورلَا کوئی عمل نہیںکرتے لہذا مبتدا اور خبر دونوں اپنی حالت پر مرفوع رہتے ہیں:

۱۔ خبر ٗاسم سے پہلے آجائے : مَا قَائِمٌ زَیْدٌ۔

۲۔خبر سے پہلے اِلَّا آجائے : مَا بَکْرٌ اِلاَّ شَاعِرٌ۔

۳۔مَا کے بعد اِنْ آجائے : مَا اِنْ خَالِدٌ عَالِمٌ۔

تمرین (1)

س:.1مَااورلَا مشابہ بِلَیْسَ کیا عمل کرتے ہیں؟ س:.2مَااورلَا کے اسم اور خبر کا کیا حکم ہے؟ س:.3 کن صورتوں میں مَا اور لَا عمل نہیںکرتے؟

تمرین (2)

غلطی کی نشاندہی فرمائیے ۔

.1 مَااورلَااپنے اسم کو نصب اورخبر کورفع دیتے ہیں۔ .2 مَااور لَا کے اسم اور خبر کاوہی حکم ہے جوفعل اورفاعل کاہے۔ .3اِن کا اسم اِن کی خبرسے پہلے آجائے تو یہ کوئی عمل نہیںکریںگے۔ .4 مَا صرف معرفہ میں عمل کرتا ہے۔

تمرین (3)

(الف) درجِ ذیل مرکبات پر مَا، لَایا اِنْداخل کرکے اُن کو عمل دیجیے۔

۱۔اَلْقَلَمُ جَیِّدٌ۔ ۲۔وَلَدَانِ جَالِسَانِ۔ ۳۔أَشْجَارٌ طَوِیْلَۃٌ۔ ۴۔رَجُلَانِ شَاعِرَانِ۔ ۵۔أَنَا أَخُوْہٗ۔ ۶۔مُؤْمِنَاتٌ قَائِمَاتٌ۔ ۷۔خَالِدٌ صَدِیْقِيْ۔ ۸۔ہٰذَا بَشَرٌ۔ ۹۔اَلْقَاضِيْ حَاضِرٌ۔ ۱۰۔اَلرِجَالُ قَائِمُوْنَ۔ ۱۱۔اَلْمَسْجِدُ فَسِیْحٌَ۔

(ب)درجِ ذیل جملوں میں غلطی کی نشاندہی فرمائیے۔

۱۔مَا خَالِدٌ شَاعِرٌ۔ ۲۔لَا زَیْدٌ عَالِمًا۔ ۳۔مَا الْمُفْتِيُ بِحَاضِرٍ الْیَوْمَ۔ ۴۔اِنْ أَنْتُمْ اِلاَّ کَاذِبِیْنَ۔ ۵۔لَا رَجُلَانِ قَائِمًا۔ ۶۔مَا اِنْ صَادِقٌ نَادِمًا۔ ۷۔مَا الْکَافِرُوْنَ نَاجِحُوْنَ۔ ۸۔مَا ہُمْ بِمُؤْمِنُوْنَ۔ ۹۔مَا لَہٗ نَصِیْرًا۔ ۱۰۔مَا الْحَیَاۃُ اِلاَّ فَانِیَۃً۔ ۱۱۔اِنْ فَاطِمَۃُ جَالِسًا۔ ۱۲۔مَا بَکْرٌ أَبُوْکَ۔

کتاب کا موضوع

صراط الجنان

موبائل ایپلیکیشن

Play Store App Store

معرفۃ القرآن

موبائل ایپلیکیشن

Play Store App Store

فیضانِ حدیث

موبائل ایپلیکیشن

Play Store App Store

پریئر ٹائمز

موبائل ایپلیکیشن

Play Store App Store

ریڈ اینڈ لسن

موبائل ایپلیکیشن

Play Store App Store

اسلامک ای بک لائبریری

موبائل ایپلیکیشن

Play Store App Store

نعت کلیکشن

موبائل ایپلیکیشن

Play Store App Store

بہار شریعت

موبائل ایپلیکیشن

Play Store App Store

فیڈبیک

اپنی قیمتی آراء دینے کے لئے support@dawateislami.net پر ای میل کیجئے یا فیڈ بیک کے بٹن پر کلک کیجئے

ڈونیشن

اپنے عطیات دعوت اسلامی کو دیجئے، آپ کے چندے یعنی ڈونیشن کو کسی بھی جائز، دینی، اصلاحی، فلاحی، روحانی، خیرخواہی، بھلائی اور آمدنی بڑھانے کے جائز اور محفوظ کام میں لگایا جا سکتا ہے تا کہ بڑھتے اخراجات کو پورا کیا جا سکے.

سرچ کریں

کتابیں منتخب کریں

کیٹیگری سیلیکٹ کریں

کتاب میں نتائج:

حُروفِ مُشبَّہہ بالفعل کا بیان