- Home
- Al Madina Library
- Jame Ul Ahadees Jild 5
- Page 608
30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Jame Ul Ahadees Jild 5 | جامع الاحادیث جلد پنجم
رسول اللہ صلی اللہ تعالیٰ علیہ وسلم کا کجاوا پشت مرکب سے گر گیا تھا میں نے حضور اقدس صلی اللہ تعالیٰ علیہ وسلم کو فرماتے سنا کون ہے کہ میرا کجاوہ ٹھیک کردے اور جنت لے ۔ یہ سنتے ہی طلحہ دوڑے اور کجاوا درست کر دیا، حضور پر نور صلی اللہ تعالیٰ علیہ وسلم سوار ہوئے اور ان سے ارشاد فرمایا : اے طلحہ ! یہ جبرئیل ہیں تجھے سلام کہتے اور بیان کرتے ہیں کہ میں قیامت کے ہولوں میں تمہارے ساتھ رہوں گا یہاں تک کہ ان سے تمہیں نجات دوں گا ،زبیر بن عوام کو کیا کہیں گے، میں نے رسول اللہ صلی اللہ تعالیٰ علیہ وسلم کو دیکھا کہ حضور آرام فرماتے تھے ، زبیر بیٹھے پنکھا جھلتے رہے یہاں تک کہ محبوب رب العالمین صلی اللہ تعالیٰ علیہ وسلم بیدار ہوئے فرمایا : اے ابو عبد اللہ ( زبیر رضی اللہ تعالیٰ عنہ کی کنیت ہے )کیا جب سے توجھل رہا ہے ؟ عرض کی : میرے ماں باپ حضور پر نثار جب سے برا بر جھل رہا ہوں، سید عالم صلی اللہ تعالیٰ علیہ وسلم نے فرمایا : یہ جبرئیل ہیں، تجھے سلام کہتے ہیں اور بیان کرتے ہیں کہ میں روز قیامت تمہارے ساتھ رہوں گا یہاں تک کہ تمہارے چہرے سے جہنم کی اڑتی چنگاریاں دور کردوں گا ۔ سعد بن ابی وقاص کو کیا کہیں گے، میں نے روز بدر دیکھا ، سید عالم صلی اللہ تعالیٰ علیہ وسلم نے چودہ بار ان کی کمان چلہ باندھ کر انہیں عطا کی اور فرمایا : تیر مار تیرے قربان میر ے ماں باپ۔عبد الرحمن بن عوف کو کیا کہیں گے ، میں نے رسول اللہ صلی اللہ تعالیٰ علیہ وسلم کو دیکھا حضور خاتون جنت رضی اللہ تعالیٰ عنہا کے یہاں تشریف فرما تھے، دونوں صاحب زادے رضی اللہ تعالیٰ عنہما بھوکے روتے بلکتے تھے ،سید المرسلین صلی اللہ تعالیٰ علیہ وسلم نے فرمایا : وہ کون ہے کہ کچھ ہماری خدمت میں حاضر کرے ،اس پر عبد الرحمن بن عوف حیس ( کہ خرمائے خستہ بر آوردہ اور پنیر کو باریک کوٹ کر گھی میں گوندھتے ہیں ) اور دو روٹیا ں کہ ان کے بیچ میں روغن رکھا تھا لے کر حاضر ہوئے ، رحمت عالم صلی اللہ تعالیٰ علیہ وسلم نے فرمایا : اللہ تعالیٰ تیرے دنیا کے کام درست کردے او ر تیری آخرت کے معاملہ کا تو میں ذمہ دار ہوں ۔
امام احمد رضا محدث بریلوی قدس سرہ فرماتے ہیں:۔
معاذ بن المثنی فی زیادات مسند مسدد والطبرانی فی الاوسط وابو نعیم فی فضائل الصحابۃ و ابو بکر الشافعی فی الغیلا نیات وابو الحسن بن بشران فی فوائدہ والخطیب فی تلخیص المتشابہ و ابن عساکر فی تاریخ دمشق والدیلمی فی مسند الفردوس عن عبداللہ بن عمر رضی اللہ تعالی عنہما ۔
کتاب کا موضوع
کتاب کا موضوع
- ۱۔ حضور افضل الخلق و الانبیاء ہیں
- ۲ ۔ معجزات
- ۳۔ تصرفات واختیارات رسول
- ۵ ۔ حضور باعث ایجاد عالم ہیں
- ۶ ۔فضائل رسول
- (۷) تعظیم رسول
- ۸۔ نور مصطفی
- ۹۔ علم غیب
- ۱۰۔ خصائص رسول
- ۱۲۔ ولادت ، بعثت ،وصال
- ۱۳۔اخلاق ، شمائل، تبرکات
- ۱۴۔ فضائل انبیائے کرام
- فضائل عثمان و علی
- ۱۷۔ فضائل اہل بیت
- ۱۸۔ فضائل صحابہ کرام
- ۱۹۔ فضیلت تابعین
- ۲۰۔ فضائل اولیاء کرام
- ۲۲۔ کتاب الشتی
- فہرست عنوانات جلد پنجم
