30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
حضرت جندب الاسدی رضی اللہ تعالیٰ عنہ سے روایت ہے کہ بعض اہل کوفہ وجزیرہ حضرت امام محمد بن عبد اللہ محض رضی اللہ تعالیٰ عنھما کے پاس حاضر ہوئے اور حضرت ابو بکر وعمر رضی اللہ تعالیٰ عنہما کے بارے میں سوال کیا ،امام ممدوح نے میری طرف ملتفت ہوکر فرمایا : اپنے شہر والوں کو دیکھو ! مجھ سے ابوبکر وعمر کے بارے میں سوال کرتے ہیں ،وہ دونوں میرے نزدیک بلاشبہ مولی علی سے افضل ہیں ۔رضی اللہ تعالیٰ عنہم اجمعین ۔
{۲} امام احمد رضا محدث بریلوی قدس سر ہ فرماتے ہیں
یہ امام اجل حضرت امام حسن مجتبی کے پوتے اور حضرت امام حسین شہید کربلا کے نواسے ہیں ۔ان کا لقب مبارک نفس زکیہ ہے ،ان کے والد حضرت عبد اللہ محض کہ سب میں پہلے حسنی وحسینی دونوں شرف کے جامع ہوئے لہذا محض کہلائے ،اپنے زمانہ میں سردار بنی ہاشم تھے ،ان کے والد ماجد امام حسن مثنی اور والدہ ماجدہ حضرت فاطمہ صغری بنت امام حسین ہیں ، صلی اللہ تعالیٰ علی ابیھم وعلیھم وبارک وسلم ۔ فتاوی رضویہ ۱۱/۱۵۱
(۳)رافضی عموما شیخین پر تبرا کرتے ہیں
۳۴۶۶۔ عن زید بن علی رضی اللہ تعالیٰ عنھما قال : انطلقت الخوارج فبرأت ممن دون ابی بکروعمر ولم یستطیعون ان یقولوا فیھا شیأ ،وانطلقتم فتفرتم فوق ذلک ، فبرأتم منھما ،فمن بقی ؟ فواللہ! مابقی احد الابرئتم منہ ۔
حضرت امام اجل سید زید شہید ابن امام علی سجاد زین العابدین ابن امام حسین سعید شہید صلوات اللہ تعالیٰ وتسلیماتہ علی جدھم الکریم وعلیھم سے روایت ہے کہ خارجیوں نے ٹھ کر ان سے تبری کی جو ابو بکر وعمر سے کم تھے یعنی عثمان وعلی رضی اللہ تعالیٰ عنھم ،مگر ابوبکر وعمر کی شان میں کچھ کہنے کی کنجائش نہ پائی ،اور تم نے اے کوفیو! زور پر جست کی کہ ابوبکر وعمر سے تبری کی ،تو اب کون رہ گیا ؟ خداکی قسم ! اب کوئی نہ رہا جس پر تم نے تبرا نہ کہا ہو ۔ والعیاذ باللہ رب العالمین ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۳۴۶۶۔المصنف لا بن ابی شیبۃ،
کتاب کا موضوع
کتاب کا موضوع