- Home
- Al Madina Library
- Jame Ul Ahadees Jild 5
- Page 552
30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Jame Ul Ahadees Jild 5 | جامع الاحادیث جلد پنجم
۳۴۴۹۔ عن عبد اللہ بن ابی سلمۃ رضی اللہ تعالیٰ عنہما قال : سمعت علیا کرم اللہ تعالیٰ وجہہ الکریم یقول : خیر الناس بعد رسول اللہ صلی اللہ تعالیٰ علیہ وسلم ابوبکر ،وخیر الناس بعد ابی بکر عمر رضی اللہ تعالیٰ عنھما ۔
حضرت عبد اللہ بن ابی سلمہ رضی اللہ تعالیٰ عنہما سے روایت ہے کہ میں نے امیرالمومنین حضرت علی کرم اللہ تعالیٰ وجہہ الکریم کو فرماتے سنا : بہترین مردم بعد سید عالم صلی اللہ تعالیٰ علیہ وسلم ابو بکر ہیں ، اور بہترین مردم بعد ابی بکر عمر ہیں ،رضی اللہ تعالیٰ عنہما ۔
۳۴۵۰۔ عن علقمۃ رضی اللہ تعالیٰ عنہ قال : بلغ امیر المؤمنین علیا المرتضی کرم اللہ تعالیٰ وجہہ الکریم ان اقواما یفضلونہ علی ابی بکر وعمر رضٰ اللہ تعالیٰ عنھما فصعد المنبر فحمد اللہ واثنی علیہ ثم قال : یاایھا الناس ! انہ بلغنی ان اقوامایفضلوننی علی ابی بکر وعمر رضی اللہ تعالیٰ عنھما ،لوکنت تقدمت فیہ لعاقبت فیہ ،فمن سمعتہ بعد ھذا الیوم یقول ھذا،فھو مفتر علیہ حد المفتری ،ثم قال :ان خیرھذہ الامۃ بعد نبیھا ابو بکر ثم عمر ،ثم اعلم بالخیر بعد ،قال : وفی المجلس الحسن بن علی فقال : واللہ لوسمی الثالث سمی عثمان ،رضی اللہ
تعالیٰ عنھم اجمعین ۔
حضرت علقمہ رضی اللہ تعالیٰ عنہ سے روایت ہے کہ امیرالمومنین حضرت علی کرم اللہ تعالیٰ وجہہ الکریم کو خبر پہونچی کہ کچھ لوگ انہیں صدیق وفاروق رضی اللہ تعالیٰ عنہما پر فضیلت دیتے ہیں یہ سنکر منبر پر جلوہ فرماہوئے اور حمدوثناء الہی کے بعد فرمایا : اے لوگو ! مجھے خبر پہونچی ہے کہ کچھ لوگ مجھے ابو بکر وعمر سے افضل بتاتے ہیں ،اس بارے میں اگر میں نے پہلے سنادیا ہوتا تو ضرور سزادیتا ،آج سے جسے ایسا کہتے سنونگا وہ مفتری ہے ،اس پر مفتری کی حد یعنی (۸۰) کوڑے لازم ہیں ،پھر فرمایا: بیشک نبی صلی اللہ تعالیٰ علیہ وسلم کے بعد افضل امت ابوبکر ہیں پھر عمر ،پھر خدا خوب جانتا ہے کہ ان کے بعد سب سے بہتر کون ہے ،حضرت علقمہ فرماتے ہیں : اس مجلس میں سیدنا حضرت امام حسن رضی اللہ تعالیٰ عنہ بھی تشریف فرماتھے ، انہوں نے فرمایا : خداکی قسم ! اگر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۳۴۴۹۔ الجامع الصحیح للبخاری، باب فضائل الصحابۃ، ۱/۵۱۷
السنن لا بن ماجہ، باب فضل عمر، ۱/۱۱
الکامل لا بن عدی، ۲/۸۱۶ ٭ البدایۃ والنہایۃ لا بن کثیر، ۱۰/۲۷۷
کتاب کا موضوع
کتاب کا موضوع
- ۱۔ حضور افضل الخلق و الانبیاء ہیں
- ۲ ۔ معجزات
- ۳۔ تصرفات واختیارات رسول
- ۵ ۔ حضور باعث ایجاد عالم ہیں
- ۶ ۔فضائل رسول
- (۷) تعظیم رسول
- ۸۔ نور مصطفی
- ۹۔ علم غیب
- ۱۰۔ خصائص رسول
- ۱۲۔ ولادت ، بعثت ،وصال
- ۱۳۔اخلاق ، شمائل، تبرکات
- ۱۴۔ فضائل انبیائے کرام
- فضائل عثمان و علی
- ۱۷۔ فضائل اہل بیت
- ۱۸۔ فضائل صحابہ کرام
- ۱۹۔ فضیلت تابعین
- ۲۰۔ فضائل اولیاء کرام
- ۲۲۔ کتاب الشتی
- فہرست عنوانات جلد پنجم
