- Home
- Al Madina Library
- Jame Ul Ahadees Jild 5
- Page 477
30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Jame Ul Ahadees Jild 5 | جامع الاحادیث جلد پنجم
سے یہ لازم آئے کہ تمام انبیاء کرام کے صاحبزادگان بھی نبوت کا استحقاق رکھتے ہیں ۔
میں نے تیسیر شرح جامع صغیر کے حاشیہ پر یہ ہی جواب تحریر کردیا تھا ،پھر میں نے ملاعلی قاری کی وضاحت موضوعات کبیر میں اسی طرح دیکھی ،فللہ الحمد ۔
امام دیلمی سے روایت ہے ۔
۳۳۵۸۔عن انس بن مالک رضی اللہ تعالیٰ عنہ قال : قال رسول اللہ صلی اللہ تعالیٰ علیہ وسلم : نحن اھل بیت لایقاس بنااحد ۔
حضرت انس بن مالک رضی اللہ تعالیٰ عنہ سے روایت ہے کہ رسول اللہ صلی اللہ تعالیٰ علیہ وسلم نے ارشاد فرمایا : ہم اہل بیت نبوت پر کسی دوسرے کو قیاس نہ کیا جائے ۔
اقول : ہمیں بالخصوص یہ بات ہی تسلیم نہیں کہ حدیث سابق نبوت کا حکم لگارہی ہے ، بلکہ اس بات کی خبر دے رہی ہے کہ حضرت ابراہیم صاحبزاۂ رسول میں وہ جو ہرکامل موجود تھا جو انبیائے کرام کے خصائل حمیدہ اور مرسلین عظام کی عادات رفیعہ میں ودیعت ہوتا ہے ۔ اس طرح کہ اگر باب نبوۃ مسدود نہ ہواہوتا تو اللہ تعالیٰ کے فضل سے وہ اس شرف کو پالیتے ،یہ مطلب نہیں کہ وہ ان خصائل کی بنیاد پر مستحق نبوت ہوتے ،کہ کوئی شخص نبوت کا مستحق اپنی ذات کے اعتبار سے نہیں ہوتا بلکہ اللہ تعالیٰ محض اپنے فضل سے اپنے بندوں سے اس کو چن لیتا ہے جوظاہر وباطن ،نسب وحسب میں کامل وتام ہو اور ہر خوبی وبھلائی میں اعلی ترین منزل پر فائز ہو ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۳۳۵۸۔ المسند الفردوس للدیلمی، ۳/۲۸۳ ٭
کنز العمال للمتقی، ۳۴۲۰۱ ٭
اللہ اعلم حیث یجعل رسالتہ ۔
اب اس حدیث کا وہی مطلب ہوا جو حضرت عمر فاروق اعظم رضی اللہ تعالیٰ عنہ کی فضیلت میں آپ نے ملاحظہ کی کہ ، لوکان بعدی نبی لکان عمر ، واللہ تعالیٰ اعلم ۔
جزاء اللہ عدوہ ۴۴
(۲۵) حضور کے بعد مدعی نبوت کذاب دجال ہے
۳۳۵۹۔ عن ابی ہریرۃ رضی اللہ تعالیٰ عنہ قال : قال رسول اللہ صلی اللہ تعالیٰ علیہ وسلم : انہ سیکون فی امتی دجالون کذابون قریباًمن ثلثین ،کلھم یزعم انہ نبی وانا خاتم النبیین لانبی بعدی ۔
کتاب کا موضوع
کتاب کا موضوع
- ۱۔ حضور افضل الخلق و الانبیاء ہیں
- ۲ ۔ معجزات
- ۳۔ تصرفات واختیارات رسول
- ۵ ۔ حضور باعث ایجاد عالم ہیں
- ۶ ۔فضائل رسول
- (۷) تعظیم رسول
- ۸۔ نور مصطفی
- ۹۔ علم غیب
- ۱۰۔ خصائص رسول
- ۱۲۔ ولادت ، بعثت ،وصال
- ۱۳۔اخلاق ، شمائل، تبرکات
- ۱۴۔ فضائل انبیائے کرام
- فضائل عثمان و علی
- ۱۷۔ فضائل اہل بیت
- ۱۸۔ فضائل صحابہ کرام
- ۱۹۔ فضیلت تابعین
- ۲۰۔ فضائل اولیاء کرام
- ۲۲۔ کتاب الشتی
- فہرست عنوانات جلد پنجم
