- Home
- Al Madina Library
- Jame Ul Ahadees Jild 5
- Page 118
30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Jame Ul Ahadees Jild 5 | جامع الاحادیث جلد پنجم
ابناء الانصار ! اما ترضون ان یذہب الناس بالشاء و البعیر و تذہبون برسول اللہ صلی اللہ تعالی علیہ وسلم الی بیوتکم ؟َ فبکی القوم حتی اخضلوا لحاہم و انصرفوا و ہم یقولون رضینا باللہ و برسولہ حظا و نصیبا۔
حضرت ابو سعید خدری رضی اللہ تعالی عنہ سے روایت ہے کہ جب رسول اللہ صلی اللہ تعالی علیہ وسلم نے مقام جعرانہ میں مال غنیمت تقسیم فرمایا تو قریش اور دیگر قبائل عرب کو دیا اور انصار کو کچھ نہ ملا ، (انہیں اس خیال سے کہ شایدحضور اقدس صلی اللہ تعالی علیہ وسلم کو ہم پر اب وہ توجہ اور نظر کرم نہ رہی ، شاید اب اپنی قوم کی طرف زیادہ التفا ت فرمائیں ، بمقتضائے سنت عشاق کہ دوسروں پر لطف محبوب زائد دیکھ کر رنجیدہ و کبیدہ ہوتے ہیں ملال گزرا ) یہاں تک کہ بعض کی زبان پر بعض کلمات شکایت آمیز آئے ، حضور اقدس صلی اللہ تعالی علیہ وسلم نے سنا تو خاطر انور پر ناگوار گزرا۔ حضرت سعد بن عبادہ انصاری کو بلایا ، فرمایا : تمہار ی قوم انصار کی طرف سے مجھے یہ کیا سننے کو مل رہا ہے ، عرض کیا : حضور جو کچھ سنا وہ واقعہ ہے ، فرمایا تو اس وقت تم کہاںتھے ، عرض کیا : میں بھی اپنی قو م کا ایک فرد ہوں لہذا قومی ہمدرد ی میں شریک ہوگیا ، حضور کا جلال بڑھ گیا ، فرمایا : اپنی قوم کو جمع کرو اور ان کے علاوہ کوئی نہ ہو ، سب انصار مال غنیمت کے باڑہ میں جمع ہوئے ، حضرت سعد سب کو ہی بلا لائے تھے اور خود دروازہ پر کھڑے سب کی نگرانی کر رہے تھے ، حضور نبی کریم صلی اللہ تعالیٰ علیہ وسلم تشریف لائے اس حال میں کہ چہرہ اقدس سے غضب کے آثار نمایاں تھے ، فرمایا : اے گروہ انصار ! کیا میں نے تمکو گمراہ نہ پایا کہ پھر اللہ تعالیٰ نے تم کو ہدایت دی؟ سب ہیبت زدہ بول اٹھے ، ہم اللہ کی پناہ مانگتے ہیں اللہ کے غضب اور رسول کے غضب سے ، پھر فرمایا : اے گروہ انصار ! کیا میں نے تم کو نادار نہ پایا کہ پھر اللہ تعالیٰ نے تم کو غنی کر دیا ؟ سب نے عرض کیا: ہم اللہ کی پناہ مانگتے ہیں اللہ کے غضب اور رسول کے غضب سے، ، فرمایا : کیوں جواب کیوں نہیں دیتے؟ بولے : اللہ و رسول کا احسان اور فضل بڑا ہے ۔ جب حضور اقدس صلی اللہ تعالیٰ علیہ وسلم کا غم ہلکا ہوا تو فرمایا : اگر تم چاہو تو جواب میں یہ بھی کہہ سکتے ہو اور تم اپنے قول میں سچے قرار دئیے جاؤ گے ، کہ یا رسول اللہ ! کیا ہم نے آپ کو بے ٹھکانا نہ پایا کہ اپنے یہاں ٹھکانا دیا ، آپکی قوم نے جھٹلایا تو ہم نے تصدیق کی ، آپ حاجت مند تھے تو ہم نے اس کو پورا کیا ، اور بے یارو مدد گار تھے تو ہم نے مدد کی ۔
کتاب کا موضوع
کتاب کا موضوع
- ۱۔ حضور افضل الخلق و الانبیاء ہیں
- ۲ ۔ معجزات
- ۳۔ تصرفات واختیارات رسول
- ۵ ۔ حضور باعث ایجاد عالم ہیں
- ۶ ۔فضائل رسول
- (۷) تعظیم رسول
- ۸۔ نور مصطفی
- ۹۔ علم غیب
- ۱۰۔ خصائص رسول
- ۱۲۔ ولادت ، بعثت ،وصال
- ۱۳۔اخلاق ، شمائل، تبرکات
- ۱۴۔ فضائل انبیائے کرام
- فضائل عثمان و علی
- ۱۷۔ فضائل اہل بیت
- ۱۸۔ فضائل صحابہ کرام
- ۱۹۔ فضیلت تابعین
- ۲۰۔ فضائل اولیاء کرام
- ۲۲۔ کتاب الشتی
- فہرست عنوانات جلد پنجم
