آئیں گی یہ تو مسجد کی روٹیاں توڑتے ہیں، حالانکہ ایسا کچھ بھی نہیں ہے ۔ میں ایمان داری کی بات بتاتا ہوں کہ عالمِ دِین  زیادہ ذہین ہوتا ہے اور مفتی ذہینوں کا سردار ہوتا ہے یعنی بہت ہی زیادہ ذہین ہوتا ہے ۔ یہ لوگ عام طور پر مروت اور سادگی کی وجہ سے ان دُنیوی پڑھے لکھے لوگوں سے اُلجھتے نہیں ہیں لیکن اس کا ہرگز یہ مطلب نہیں کہ ان کو کچھ سمجھ نہیں آتی ۔ اگر کسی کی ایسی سوچ نہ بھی ہو تو اسے یہ وسوسہ آسکتا ہے کہ ”مولانا کومیرا یہ مقالہ یا آرٹیکل کیا سمجھ آئے گا، ٹھیک ہے ، مولانا اچھے ہیں، میں جمعہ کی نماز انہی کے پیچھے پڑھتا ہوں، یہ تقریر بھی اچھی کرتے ہیں اور مسائل بھی بیان کرتے ہیں مگر میرا آرٹیکل یہ نہیں سمجھ سکیں گے ۔ “حالانکہ یہ ضروری نہیں ہے کہ ان کو سمجھ نہ آئے لہٰذا کم از کم شرعی تفتیش ضرور کروانی چاہیے ۔ پھر یہ لوگ جو مقالہ لکھتے ہیں عام طور پر دنیوی موضوع پر ہوتا ہے اور ان کے لیے عافیت بھی اسی میں ہے کیونکہ کسی دِینی موضوع پر لکھیں گے تو ممکن ہے کہ بہت سے غلطیاں کر بیٹھیں ۔ (اس موقع پر نگرانِ شوریٰ نے فرمایا : ) اسلامی موضوعات پر بھی یہ لوگ کئی مضامین لکھتے ہیں جیسے کوئی قرآنِ پاک پر لکھتا ہے ، کوئی حدیث شریف پر لکھتا ہے یا بزرگوں کی سیرت پر لکھتا ہے یا مذہبی شخصیات کی خدمات پر لکھتا ہے یا سرکار مدینہصَلَّی اللّٰہُ عَلَیْہِ وَاٰلہٖ وَسَلَّم اور صحابۂ کرام رَضِیَ اللّٰہُ  عَنْہُمْ کی سیرت پر لکھتا ہے ۔ اس طرح یہ ایک پورا شعبہ ہے جس میں مختلف مضامین لکھنے کا سلسلہ ہوتا ہے ۔

(امیرِ اہلِ سُنَّتدَامَتْ بَرَکاتُہُمُ الْعَالِیَہ نے فرمایا : ) اگر کوئی واقعی لکھنے کا اہل ہے تو وہ لکھے  لیکن لکھنے کی اہلیت کا  کیسے پتا چلے گا؟ ظاہر ہے اس کے لیے کسی اہل یعنی عالمِ دِین کو اپنی تحریر چیک کروانی ہوگی ۔ عموماً یہ لوگ کسی کو چیک کروائے بغیر خود کو اہل ہی سمجھ رہے ہوتے  ہیں جیسے کہتے ہیں ہم نے قرآنِ پاک پڑھا ہوا ہے اور رَمضان شریف میں دو قرآنِ پاک ختم کرتے ہیں، یہ لوگ سمجھ رہے ہوتے ہیں کہ ہمیں پڑھنا آتا ہے اگر یہی لوگ کسی قاری کو سنائیں  تو قاری صاحب بتائیں گے کہ آپ کو تو ” بِسْمِ اللہ“پڑھنا بھی نہیں آتی، پھر ان کی قاری صاحب سے لڑائی ہوجائے گی کہ میں تو اتنے عرصے سے قرآن پڑھ رہا ہوں اور آپ کہہ رہے ہیں مجھے ”بِسْمِ اللہ“پڑھنا بھی نہیں آتی ۔ تو جناب! آپ کو تو ”اَعُوْذُ بِاللہ“پڑھنا بھی نہیں آتی ۔ لہٰذا جب تک کسی عالمِ دِین سے دُرُست نہیں کروائیں گے تب تک کسی بھی غلطی کا معلوم نہیں ہوگا ۔ میں اپنے تجربے کی بنیاد پر کہتا ہوں کہ 99 فیصد افراد کو دُرُست تلفظ کے ساتھ” اَعُوْذُ بِاللہِ مِنَ الشَّیْطٰنِ الرَّجِیْمِ“پڑھنا نہیں آتی ہوگی بلکہ میں نے نوٹ کیا ہے کہ اکثریت ” بِسْمِ اللہِ“ بھی دُرُست نہیں پڑھتی سورۂ فاتحہ پڑھنا تو بہت بڑی بات ہے لہٰذا سب کو سیکھنا چاہیے ۔ یوں ہی جو اسلامی بھائی آرٹیکل لکھتے ہیں ان کے لیے اس میں بہت رسک ہوتا ہے بلکہ دُنیوی آرٹیکل میں بھی کم رسک نہیں ہوتا ہے اس میں بھی کچھ کا کچھ لکھ جاتے ہیں ۔

تخلیقِ انسانی کے متعلق ڈارون کے نظریے کا رَد

سُوال : تخلیقِ انسانی کے متعلق ڈارون کے نظریہ کو دُرُست سمجھنا کیسا ہے ؟ ^([1])

جواب : کافی پرانی بات ہے کہ میرا کسی دُنیوی پڑھے لکھے سے واسطہ پڑا  تھا ۔ باتوں ہی باتوں میں نہ جانے اس کو کیا سوجھی کہ تخلیقِ انسانی کے بارے میں بات کرنے لگا کہ قرآنِ پاک انسان کی پیدائش کے بارے میں کہتا ہے کہ حضرتِ سَیِّدُنا آدم عَلٰی نَبِیِّنا وَعَلَیْہِ الصَّلٰوۃُ وَالسَّلَام سے انسان پیدا ہوا اور ان ہی سے انسان کی نسل چلی جبکہ ڈارون کہتا ہے کہ انسان بندر سے وجود میں آیا ۔ اس نے یہاں تک تو جو کہا وہ کہا اس کے بعد اس نے یہ بکا کہ ”ڈارون کی بات کچھ کچھ سمجھ آتی ہے ۔ “ یہ سن کر میں بالکل پریشان ہوگیا کہ اس نے تو اپنے ایمان کا جنازہ اُٹھادیا ہے کیونکہ اس نے قرآنِ پاک پر شک کیا  اور کہا کہ ”ڈار ون کی بات کچھ کچھ سمجھ آتی ہے ۔ “ قرآنِ کریم کے مقابلے میں کسی کی بات تھوڑی بھی کیوں سمجھ آئے ایسی سمجھ کو چولہے میں ڈال دینا چاہیے یہ کس کام کی ہے ؟ بہرحال پھر میں نے موقع ملتے ہی اس کو سمجھاکر توبہ کروائی اور کلمہ پڑھایا کہ یہ بات تو اسلام سے خارج کر دینے والی ہے ۔ ^([2])

اسلام مخالف سائنسی نظریات رَدی کی ٹوکری میں

قرآنِ پاک پر آنکھیں بند ہونی چاہئیں کیونکہ قرآنِ پاک نے جو فرمایا ہے وہی درست ہے چاہے ہماری سمجھ میں آئے یا نہ آئے ، ہمارا ایمان ہے کہ اس میں جو کچھ ہے وہ صحیح ہے ۔ دُنیوی پڑھے لکھے لوگوں کے لیے اس طرح کے بہت خطرے ہوتے ہیں  کہ یہ لوگ بہت سے اِسلام مخالفت سائنسی نظریات اپنی تحریروں میں شامل کر دیتے ہیں ۔ آج کل اخبار میں یا سوشل میڈیا پر بہت سی ایسی باتیں آرہی ہوتی ہیں جو اسلامی نظریات سے ٹکراتی ہیں ۔ بعض تو کھلم کھلا اِسلام کے خلاف ہی بولنا شروع کر دیتے ہیں ۔ ایسے دُنیوی پڑھے لکھے لوگوں کو کون سمجھانے کی ہمت کرے کیونکہ  ان کی زبان بھی بہت بڑی ہوتی ہے ، یہ لوگ ایسی لچھے دار باتیں کرتے ہیں کہ سامنے والا گھبرا جائے لہٰذا انہیں سمجھانا بھی آسان نہیں ہوتا ۔ اگر کوئی شخص اہلِ علم ہے اور سمجھا سکتا ہے تو انہیں نرمی سے سمجھائے  اور توبہ کا کہے ۔ اگر ان سے سخت رویہ رکھے گا اور اس طرح کہے گا کہ ”تم جاہل ہو دِین کی بات کرنا عُلَما کا کام ہے “ تو ہوسکتا ہے وہ سمجھنے کے بجائے مزید بگڑ جائیں ۔ ہر ایک کے