جہنم میں لے جانے والے اعمال جلد 2

Home
Al Madina Library
Jahannam Main Lay Janay Walay Amaal Jild 2
Page 89

کتاب میں نتائج:

عَزَّوَجَلَّسے ڈرتے ہوئے اس سے معافی مانگتا رہے تاکہ وہ اسے معاف فرما دے اور وہ غیبت کی نحوست سے نکل جائے۔

حضرت سیِّدُنا حسن بصری عَلَیْہِ رَحْمَۃُ اللہِ الْقَوِی کا ارشادِ حقیقت بنیاد ہے: ’’غیبت سے بری ہونے کے لئے استغفار کافی ہے۔‘‘ اور انہوں نے اس روایت سے استدلال کیا کہ حضورنبی ٔپاک، صاحبِ لَوْلاک صلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا: ’’جس کی تو نے غیبت کی اس کا کفارہ یہ ہے کہ تو اس کے لئے استغفار کرے۔‘‘ (۱)

حضرت سیِّدُنا حسن بصری عَلَیْہِ رَحْمَۃُ اللہِ الْقَوِی فرماتے ہیں :’’اس کا کفارہ یہ ہے کہ آپ اس کی تعریف کریں اور اس کے لئے بھلائی کی دعا کریں۔‘‘ (۲)

صحیح یہ ہے کہ’’غیبت کرنے والے کا اپنی غیبت سے بری ہونا ضروری ہے۔‘‘

اعتراض: بعض لوگوں کا خیال ہے کہ چونکہ عزت کا کوئی عوض نہیں لہٰذا جس کی غیبت کی اس سے معافی مانگنا واجب نہیں بخلاف مال کے کیونکہ اس کا عوض ہوتا ہے اس لئے صاحب ِ مال سے معافی مانگی جاتی ہے۔

جواب:ان کا یہ گمان مردود ہے کیونکہ عزت کے معاملے میں حد ِقذف واجب ہے لہٰذا عزت پامال کرنے کی صورت میں بھی اس سے معافی مانگی جائے گی بلکہ احادیث ِ صحیحہ میں ظلم سے اپنی برا ء ت حاصل کرنے کا حکم ہے اس دن سے پہلے کہ جس دن کوئی درہم ہوگا نہ دینار۔ بلکہ ظالم کی نیکیاں ہوں گی جو مظلوم کو دی جائیں گی اور مظلوم کے گناہ ظالم پر ڈال دئیے جائیں گے۔ پس اس طرح معافی طلب کرنا متعین ہوگیا۔

البتہ! میت اور غائب کے لئے کثرت سے دعا و استغفار کرنی چاہئے اور جس سے معافی مانگی جائے اس پر معاف کرنا مستحب ہے لازم نہیں ، کیونکہ یہ اس کی طرف سے نیکی اور احسان ہے۔اسلاف کا ایک گروہ اپناحق مباح کرنے سے منع کرتا تھا۔ بہرحال درج ذیل حدیث ِ پاک پہلے مؤقف کی تائید کرتی ہے کہ،

{85}…سرکارِ نامدار، مدینے کے تاجدار صلَّی اللہُ تَعَالٰی عَلَیْہِ وَاٰلِہٖ وَسَلَّمنے ارشاد فرمایا:’’کیا تم میں سے کوئی ابوضمضم کی طرح نہیں ہو سکتا کہ جب وہ اپنے گھر سے نکلتے تو کہتے: ’’بے شک میں نے اپنی عزت لوگوں پر صدقہ کر دی۔‘‘ (۳)

حدیث ِ پاک کا مطلب یہ ہے کہ نہ تو میں اس سے ظلم کا بدلہ لوں گا اور نہ ہی قیامت کے دن اس سے جھگڑا کروں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

1…موسوعۃ الامام ابن ابی الدنیا،کتاب الغیبۃ والنمیمۃ، باب کفارۃ الاغتیاب، الحدیث: ۱۵۵،ج۴، ص۴۱۷۔

2…احیاء علوم الدین ،کتاب آفات اللسان ،الآفۃ الخامسۃ عشرۃ الغیبۃ ،بیان کفارۃ الغیبۃ ،ج۳،ص۱۹۰،قول مجاہد۔

3…سنن ابی داود،کتاب الادب ،باب ماجاء فی الرجل یحل…الخ،الحدیث:۴۸۸۶،ص۱۵۸۱۔

کتاب کا موضوع

صراط الجنان

موبائل ایپلیکیشن

Play Store App Store

معرفۃ القرآن

موبائل ایپلیکیشن

Play Store App Store

فیضانِ حدیث

موبائل ایپلیکیشن

Play Store App Store

پریئر ٹائمز

موبائل ایپلیکیشن

Play Store App Store

ریڈ اینڈ لسن

موبائل ایپلیکیشن

Play Store App Store

اسلامک ای بک لائبریری

موبائل ایپلیکیشن

Play Store App Store

نعت کلیکشن

موبائل ایپلیکیشن

Play Store App Store

بہار شریعت

موبائل ایپلیکیشن

Play Store App Store

فیڈبیک

اپنی قیمتی آراء دینے کے لئے support@dawateislami.net پر ای میل کیجئے یا فیڈ بیک کے بٹن پر کلک کیجئے

ڈونیشن

اپنے عطیات دعوت اسلامی کو دیجئے، آپ کے چندے یعنی ڈونیشن کو کسی بھی جائز، دینی، اصلاحی، فلاحی، روحانی، خیرخواہی، بھلائی اور آمدنی بڑھانے کے جائز اور محفوظ کام میں لگایا جا سکتا ہے تا کہ بڑھتے اخراجات کو پورا کیا جا سکے.

سرچ کریں

کتابیں منتخب کریں

کیٹیگری سیلیکٹ کریں

کتاب میں نتائج: