جہنم میں لے جانے والے اعمال جلد 2

Home
Al Madina Library
Jahannam Main Lay Janay Walay Amaal Jild 2
Page 811

کتاب میں نتائج:

میں فوری طور پر گناہ کو ترک کردینے کی شرط لگانا قطعاً ضروری ہے۔ کیونکہ کسی ایسی چیز پر حقیقی ندامت کا حصول ناممکن ہے جس میں نادِم(یعنی ندامت کرنے والا) مبتلا ہو یا آئندہ کرنے کا پختہ ارادہ رکھتا ہو۔ اس لئے کہ سابقہ لغزش پر غمگین ہونا ندامت کے لوازمات میں سے ہے اور یہ چیز اس گناہ کو چھوڑنے اور آئندہ نہ کرنے کے عزم سے ہی متحقق ہو سکتی ہے۔

چوتھی شرط : زبان سے استغفار کرنا:

لفظی طور پر(یعنی زبان سے) استغفار کرنا۔ جیسا کہ علمائے کرام رَحِمَہُمُ اللہُ السَّلَام کی ایک جماعت کا قول ہے اور ’’اَلْمَطْلَب‘‘میں ہے:’’وَسِیْط کے کلام کا مفہوم یہ ہے کہ فاسق کے لئے یہ کہنا ضروری ہے کہ میں نے توبہ کی۔ پھر فرماتے ہیں کہ میں نے اس کے علاوہ کسی کا کوئی قول نہیں پایا، ہاں ! حضرت سیِّدُنا امام قاضی حسین رَحْمَۃُ اللہِ تَعَالٰی عَلَـــیْہ وغیرہ کا قول ہے کہ ظہورِ گناہ کے وقت اپنی زبان سے ظاہری و باطنی طور پر اللہ عَزَّوَجَلَّ سے استغفار کرے۔ ‘‘

حضرت سیِّدُنا امام بلقینی عَلَـــیْہِ رَحْمَۃُ اللہِ الْغَنِی کی کتاب ’’تَصْحِیْحُ الْمِنْھَاج‘‘ میں ہے کہ اَلْمِنْھَاج کے کلام کا تقاضا یہ ہے کہ غیر قولی گناہ میں زبان سے استغفار کرنا معتبر نہیں جیسے تہمت لگانا حالانکہ ایسا نہیں بلکہ اس میں بھی استغفار معتبر ہے اور یہی حضرت سیِّدُنا امام ابوالطیب، حضرت سیِّدُنا قاضی حسین اور حضرت سیِّدُنا امام ماوردی رَحْمَۃُ اللہِ تَعَالٰی عَلَـــیْہِم کا مؤقف ہے۔

حضرت سیِّدُنا امام بلقینی عَلَـــیْہِ رَحْمَۃُ اللہِ الْغَنِی فرماتے ہیں :’’حقیقی علم تو اللہ عَزَّوَجَلَّ کے پاس ہے البتہ! ہمیں قرآن و سنت سے یہ بات معلوم ہوتی ہے کہ مذکورہ گناہ اگرچہ باطنی ہے لیکن ایسے الفاظ کہنا ضروری ہے جن سے اس کا گناہ پر نادِم ہونا ظاہر ہو یعنی وہ کہے: میں اللہ عَزَّوَجَلَّ کی بارگاہ میں اپنے گناہ پر مغفرت طلب کرتا ہوں ، یا اے میرے رب عَزَّوَجَلَّ ! میری خطا معاف فرما، یا میں نے بارگاہِ الٰہی میں اپنے گناہ پر توبہ کی۔‘‘ پھرآپ رَحْمَۃُ اللہِ تَعَالٰی عَلَـــیْہ نے اس کو راجح قرار دیا مگر اس میں غور وفکر کی ضرورت ہے۔

حضرت سیِّدُنا امام ابن رفعہ رَحْمَۃُ اللہِ تَعَالٰی عَلَــیْہ کا کلام اس پر دلالت کرتا ہے کہ جن علمائے کرام رَحِمَہُمُ اللہُ السَّلَام نے اسے استغفار سے تعبیر کیا انہوں نے اس سے مراد ندامت لی نہ کہ الفاظ ادا کرنا۔ چنانچہ، فرماتے ہیں : جان لیجئے! باطن میں توبہ وہ ہے جس کے پیچھے ظاہر میں بھی ایسی توبہ حاصل ہو کہ جس پر گناہ کی بخشش وغیرہ کے احکام مرتَّب کئے جاسکیں جیسا کہ شافعی ائمۂ کرام رَحِمَہُمُ اللہُ السَّلَام فرماتے ہیں : دو اُمور کے سبب حدوداللہ، مالی تاوان اور حقوق العباد

کتاب کا موضوع

صراط الجنان

موبائل ایپلیکیشن

Play Store App Store

معرفۃ القرآن

موبائل ایپلیکیشن

Play Store App Store

فیضانِ حدیث

موبائل ایپلیکیشن

Play Store App Store

پریئر ٹائمز

موبائل ایپلیکیشن

Play Store App Store

ریڈ اینڈ لسن

موبائل ایپلیکیشن

Play Store App Store

اسلامک ای بک لائبریری

موبائل ایپلیکیشن

Play Store App Store

نعت کلیکشن

موبائل ایپلیکیشن

Play Store App Store

بہار شریعت

موبائل ایپلیکیشن

Play Store App Store

فیڈبیک

اپنی قیمتی آراء دینے کے لئے support@dawateislami.net پر ای میل کیجئے یا فیڈ بیک کے بٹن پر کلک کیجئے

ڈونیشن

اپنے عطیات دعوت اسلامی کو دیجئے، آپ کے چندے یعنی ڈونیشن کو کسی بھی جائز، دینی، اصلاحی، فلاحی، روحانی، خیرخواہی، بھلائی اور آمدنی بڑھانے کے جائز اور محفوظ کام میں لگایا جا سکتا ہے تا کہ بڑھتے اخراجات کو پورا کیا جا سکے.

سرچ کریں

کتابیں منتخب کریں

کیٹیگری سیلیکٹ کریں

کتاب میں نتائج: