جہنم میں لے جانے والے اعمال جلد 2

Home
Al Madina Library
Jahannam Main Lay Janay Walay Amaal Jild 2
Page 75

کتاب میں نتائج:

حضرت سیِّدُنا امام بیہقی عَلَیْہِ رَحْمَۃُ اللہِ الْقَوِی( متوفی۴۵۸ھ) نے جس بات پر مذکورہ حدیث کو محمول کیا یہ متعین ہے اور انہوں نے اپنے استاذ حضرت سیِّدُناابوعبداللہمحمد بن عبداللہ حاکم نیشاپوری عَلَیْہِ رَحْمَۃُ اللہِ الْقَوِی(متوفی۴۰۵ھ) سے نقل کیا کہ یہ حدیث صحیح نہیں اور اسے ان الفاظ سے لائے ہیں کہ،

{73}…سرکارِ والا تَبار، ہم بے کسوں کے مددگارصلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا:’’فاسق کی کوئی غیبت نہیں۔‘‘ (۱)

مسلم شریف کی حدیث ِ پاک کا عام حکم اس حدیث کے خلاف ہے جس میں غیبت کی تعریف یہ بیان کی گئی ہے کہ’’تیرا اپنے بھائی کے متعلق ایسی بات کرنا جسے وہ ناپسند کرے۔‘‘(۲)اور ’’اِحْیَائُ الْعُلُوْم‘‘میں غیبت کی تعریف جس پر امت کا اجماع ہے وہ یہ ہے کہ ’’اپنے بھائی کے متعلق ایسی بات کرنا جسے وہ ناپسند کرے۔‘‘ (۳) اورحدیث ِ پاک میں بھی یہی تعریف ہے اور یہ تمام علامہ قفال عَلَـیْہِ رَحْمَۃُ اللہِ الْجَلَال (متوفی۳۶۵ھ)کے مؤقف کورد کرتا ہے۔

جن لوگوں کی غیبت کرنا جائز ہے، ان میں سے ایک وہ ہے جو اعلانیہ فسق کا ارتکاب کرے اس اعتبار سے کہ اس کا ذکر کرنے میں کوئی عار نہ ہو جیسے ہیجڑا، بھتہ لینے والے اور لوگوں کا مال چھیننے والا۔ فاسق جس گناہ کا اعلانیہ ارتکاب کرے اس کے بیان کرنے میں کوئی گناہ نہیں ، کیونکہ ضعیف سند کے ساتھ ایک حدیث ِ پاک موجود ہے کہ،

{74}…سیِّدعالم ،نُورِمجسَّم صلَّی اللہُ تَعَالٰی عَلَیْہِ وَاٰلِہٖ وَسَلَّم کا فرمانِ ذیشان ہے:’’جس نے حیا کی چادر اتار دی اس کی کوئی غیبت نہیں۔‘‘(۴)

حضرت سیِّدُنامحمد بن ابراہیم بن منذرنیشاپوریعَلَیْہِ رَحْمَۃُ اللہِ الْقَوِی(متوفی۳۱۹ھ)ارشاد فرماتے ہیں :’’کسی انسان کی تنقیص کرتے ہوئے اس کے کسی عیب کی طرف اشارہ کرنا زبان سے کہنے کے قائم مقام ہے۔‘‘ پھر آپ نے حضرت سیِّدَتُنا عائشہ صدیقہ رَضِیَ اللہُ تَعَالٰی عَنْہَا سے مروی حدیث ِ پاک ذکر کی کہ،

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

1…شعب الایمان للبیھقی ،باب فی الستر علی اصحاب القروف ،تحت الحدیث:۹۶۶۵،ج۷،ص۱۰۹۔

2… صحیح مسلم ،کتاب البر والصلۃ والادب ، باب تحریم الغیبۃ ، الحدیث:۶۵۹۳،ص۱۱۳۰۔

3…احیاء علوم الدین،کتاب آفات اللسان،الآفۃ الخامسۃ عشرۃ الغیبۃ، بیان معنی الغیبۃ وحدودہا،ج۳،ص۱۷۸۔

4…مکارم الاخلاق لابن ابی الدنیا ،باب ذکر الحیاء وما جاء فیہ ،الحدیث:۱۰۲،ص۸۷۔

کتاب کا موضوع

صراط الجنان

موبائل ایپلیکیشن

Play Store App Store

معرفۃ القرآن

موبائل ایپلیکیشن

Play Store App Store

فیضانِ حدیث

موبائل ایپلیکیشن

Play Store App Store

پریئر ٹائمز

موبائل ایپلیکیشن

Play Store App Store

ریڈ اینڈ لسن

موبائل ایپلیکیشن

Play Store App Store

اسلامک ای بک لائبریری

موبائل ایپلیکیشن

Play Store App Store

نعت کلیکشن

موبائل ایپلیکیشن

Play Store App Store

بہار شریعت

موبائل ایپلیکیشن

Play Store App Store

فیڈبیک

اپنی قیمتی آراء دینے کے لئے support@dawateislami.net پر ای میل کیجئے یا فیڈ بیک کے بٹن پر کلک کیجئے

ڈونیشن

اپنے عطیات دعوت اسلامی کو دیجئے، آپ کے چندے یعنی ڈونیشن کو کسی بھی جائز، دینی، اصلاحی، فلاحی، روحانی، خیرخواہی، بھلائی اور آمدنی بڑھانے کے جائز اور محفوظ کام میں لگایا جا سکتا ہے تا کہ بڑھتے اخراجات کو پورا کیا جا سکے.

سرچ کریں

کتابیں منتخب کریں

کیٹیگری سیلیکٹ کریں

کتاب میں نتائج: