جہنم میں لے جانے والے اعمال جلد 2

Home
Al Madina Library
Jahannam Main Lay Janay Walay Amaal Jild 2
Page 73

کتاب میں نتائج:

حُجَّۃُ الْاِسْلَام حضرت سیِّدُنا امام ابو حامد محمد بن محمد غزالی عَلَیْہِ رَحْمَۃُ اللہِ الْوَالِی(متوفی۵۰۵ھ) ’’اِحْیَائُ الْعُلُوْمِ‘‘ میں فرماتے ہیں : ’’یہ استدلال فاسد ہے کیونکہ صحابۂ کرام رِضْوَانُ اللہِ تَعَالٰی عَلَیْہِمْ اَجْمَعِیْن ایسی صفات اس وجہ سے بیان کرتے تھے کہ انہیں سوالات کے ذریعے شرعی احکام جاننے کی ضرورت ہوتی تھی نیز ان کا مقصد خامی نکالنا نہیں ہوتا تھااور سرکارِ عالی وقارصلَّی اللہُ تَعَالٰی عَلَیْہِ وَاٰلِہٖ وَسَلَّم کی بارگاہ کے علاوہ انہیں اس قسم کی باتوں کی ضرورت بھی نہیں پڑتی تھی اور اس پر دلیل یہ ہے کہ امت کا اس پر اجماع ہے کہ جس نے کسی کے متعلق ایسی بات کہی جسے وہ ناپسند کرتا ہو تو وہ غیبت کرنے والا ہے کیونکہ آپ صلَّی اللہُ تَعَالٰی عَلَیْہِ وَاٰلِہٖ وَسَلَّم نے غیبت کی جو تعریف کی ہے یہ اس میں داخل ہے ۔ گزشتہ احادیث ِ مبارکہ میں ذکرہو چکا ہے کہ بارگاہِ رسالت میں عرض کی گئی: ’’فلاں عورت پست قد والی ہے ۔ ‘‘ اور ’’فلاں مرد کتنا عاجز ہے۔‘‘ تو آپ صلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا:’’یہ غیبت ہے۔‘‘

حضرت سیِّدُنا امام حسن رَحْمَۃُ اللہِ تَعَالٰی عَلَیْہ نے ارشاد فرمایا: ’’دوسرے کا ذکر کرنا یا تو غیبت ہو گا یا بہتان یا پھر اِفْک (یعنی بغیر تحقیق کے الزام تراشی کرنا) اور ان سب کا حکم اللہ عَزَّوَجَلَّکی کتاب میں موجود ہے۔ پس غیبت یہ ہے کہ تو ایسی بات کہے جو اس میں موجود ہو اور بہتان یہ ہے کہ ایسی بات جو اس میں موجود نہ ہو اور اِفْک یہ ہے کہ تو ایسی بات کہے جو تجھے پہنچے۔ (۱)

تنبیہ4:

یہ بات ثابت ہو چکی ہے کہ غیبت میں کوئی فرق نہیں خواہ جس کی غیبت کی جارہی ہے وہ حاضر ہو یا غائب اور یہی قابلِ اعتماد بات ہے۔ جبکہ ’’اَ لْخَادِم‘‘ میں ہے کہ غیبت کا ضابطہ یہ ہے کہ جس کی غیبت کی جا رہی ہے، کیا اس کی عدم موجودگی میں ہی غیبت ہو گی جیسا کہ اس کانام(یعنی غیبت) تقاضا کرتا ہے یا پھر اس کی موجودگی یا عدم موجودگی میں کوئی فرق نہیں۔ یہی سوال کئی لوگوں کے درمیان گردش کرتا رہا بالآخر میں نے حضرت سیِّدُنا علامہ ابو فورک رَحْمَۃُ اللہِ تَعَالٰی عَلَیْہ کو دیکھا کہ انہوں نے’’مُشْکِلُ الْقُرْآن‘‘ میں سورۂ حجرات کی تفسیر میں بہترین قاعدہ بیان فرمایا کہ’’کسی کی عدم موجودگی میں اس کا (برائی کے ساتھ ) ذکر کرنا (غیبت ہے)۔‘‘ اسی طرح حضرت سیِّدُنا سلیم رازی عَلَیْہِ رَحْمَۃُ اللہِ الْکَافِی (متوفی۴۴۷ھ) نے غیبت کی تعریف کرتے ہوئے فرمایا:’’غیبت یہ ہے کہ تو اپنے مسلمان بھائی کی پیٹھ پیچھے برائی بیان کرے اگرچہ وہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

1…احیاء علوم الدین ،کتاب آفات اللسان ،الآفۃ الخامسۃ عشرۃ الغیبۃ ،بیان معنی الغیبۃ وحدودہا ،ج۳،ص۱۷۸۔

کتاب کا موضوع

صراط الجنان

موبائل ایپلیکیشن

Play Store App Store

معرفۃ القرآن

موبائل ایپلیکیشن

Play Store App Store

فیضانِ حدیث

موبائل ایپلیکیشن

Play Store App Store

پریئر ٹائمز

موبائل ایپلیکیشن

Play Store App Store

ریڈ اینڈ لسن

موبائل ایپلیکیشن

Play Store App Store

اسلامک ای بک لائبریری

موبائل ایپلیکیشن

Play Store App Store

نعت کلیکشن

موبائل ایپلیکیشن

Play Store App Store

بہار شریعت

موبائل ایپلیکیشن

Play Store App Store

فیڈبیک

اپنی قیمتی آراء دینے کے لئے support@dawateislami.net پر ای میل کیجئے یا فیڈ بیک کے بٹن پر کلک کیجئے

ڈونیشن

اپنے عطیات دعوت اسلامی کو دیجئے، آپ کے چندے یعنی ڈونیشن کو کسی بھی جائز، دینی، اصلاحی، فلاحی، روحانی، خیرخواہی، بھلائی اور آمدنی بڑھانے کے جائز اور محفوظ کام میں لگایا جا سکتا ہے تا کہ بڑھتے اخراجات کو پورا کیا جا سکے.

سرچ کریں

کتابیں منتخب کریں

کیٹیگری سیلیکٹ کریں

کتاب میں نتائج: