جہنم میں لے جانے والے اعمال جلد 2

Home
Al Madina Library
Jahannam Main Lay Janay Walay Amaal Jild 2
Page 62

کتاب میں نتائج:

گناہوں میں شمار کرے مگر غیبت کو کبیرہ گناہ نہ جانے حالانکہ اللہ عَزَّوَجَلَّ نے اسے مردہ انسان کا گوشت کھانے کی طرح قرار دیا۔ حضرت سیِّدُناامام ابو القاسم عبد الکریم بن محمد بن عبد الکریم رافعیعَلَیْہِ رَحْمَۃُ اللہِ الْکَافِی (متوفی ۶۲۳ھ) نے اس سے قبل اس بات پر جزم کیا ہے کہ ’’اہلِ علم اور حاملینِ قرآن کے متعلق وَقِیْعَۃ کو کبیرہ گناہ قرار دیا گیا ہے اور وَقِیْعَۃ سے مراد غیبت ہے۔‘‘ اور قرآن و حدیث کے مطابق غیبت مطلقًا کبیرہ گناہ ہے۔ چنانچہ، صحیح حدیث ِپاک میں ہے کہ،

{56}…سرکارِ مدینہ ،قرارِ قلب وسینہ،فیض گنجینہصلَّی اللہُ تَعَالٰی عَلَیْہِ وَاٰلِہٖ وَسَلَّمکا فرمانِ عبرت نشان ہے:’’مسلمان کو گالی دینا فسق ہے۔‘‘ (۱)

{57}…حضرت سیِّدُنا ابو ہریرہ رَضِیَ اللہُ تَعَالٰی عَنْہ سے مروی ہے کہ میٹھے میٹھے آقا، مکی مدنی مصطفیصلَّی اللہُ تَعَالٰی عَلَیْہِ وَاٰلِہٖ وَسَلَّمکا فرمانِ ذیشان ہے:’’بے شک آدمی کا کسی مسلمان کی ناحق بے عزتی کرنا سب سے بڑھ کر کبیرہ گناہ ہے۔‘‘ (۲)

{58}…شہنشاہِ مدینہ،قرارِ قلب و سینہصلَّی اللہُ تَعَالٰی عَلَیْہِ وَاٰلِہٖ وَسَلَّم نے حجۃ الوداع کے سال ارشاد فرمایا:’’بے شک تمہارے خون، تمہارے اموال اور تمہاری عزتیں تم پر اسی طرح حرام ہیں جس طرح تم پریہ دن اس مہینے اور اس شہر میں حرام ہے۔‘‘ (۳)

حضرت سیِّدُنامحمد بن ابراہیم بن منذرنیشاپوریعَلَیْہِ رَحْمَۃُ اللہِ الْقَوِی(متوفی۳۱۹ھ)اپنی کتاب’’اَ دَبُ الْعِبَاد‘‘میں فرماتے ہیں کہ’’تاجدارِ رِسالت، شہنشاہِ نَبوتصلَّی اللہُ تَعَالٰی عَلَیْہِ وَاٰلِہٖ وَسَلَّم نے اپنے اس حکم سے اپنی امت پر غیبت کو حرام قرار دیا اور اس کی حرمت کو خون اور اموال کی حرمت کے ساتھ ملا دیا۔ پھر تاکیداً یہ بتا کر اس کی حرمت میں مزید اضافہ کر دیا کہ غیبت اسی طرح حرام ہے جس طرح اس حرمت والے مہینے میں اس شہر حرام (یعنی مکہ مکرمہ) کی حرمت ہے۔‘‘

حضرت سیِّدُناامام ابوعبداللہمحمد بن احمد قرطبیعَلَیْہِ رَحْمَۃُ اللہِ الْقَوِی(متوفی۶۷۱ھ)نے اپنی تفسیر میں اس بات پر اجماع نقل کیا ہے کہ غیبت کبیرہ گناہ ہے اور اللہ عَزَّوَجَلَّکی بارگاہ میں غیبت سے توبہ کرنا واجب ہے۔ حضرت سیِّدُنا امام ابو حامد محمد بن محمد غزالیعَلَیْہِ رَحْمَۃُ اللہِ الْوَالِی(متوفی ۵۰۵ھ)اورصَاحِبُ الْعُدَّۃ کے علاوہ میں نے کسی کو غیبت کو صغیرہ

۔۔۔۔۔۔۔۔۔۔۔۔۔۔۔۔۔۔۔۔۔

1…صحیح مسلم ،کتاب الایمان ،باب بیان قول النبی سباب المسلم…الخ،الحدیث:۲۲۱،ص۶۹۱۔

2… سنن ابی داود ،کتاب الادب ،باب فی الغیبۃ ،الحدیث:۴۸۷۷،ص۱۵۸۱’’الرجل‘‘بدلہ’’المرئ‘‘۔

3…صحیح البخاری ،کتاب الحج ،باب الخطبۃ ایام منی ،الحدیث:۱۷۳۹،ص۱۳۶۔

کتاب کا موضوع

صراط الجنان

موبائل ایپلیکیشن

Play Store App Store

معرفۃ القرآن

موبائل ایپلیکیشن

Play Store App Store

فیضانِ حدیث

موبائل ایپلیکیشن

Play Store App Store

پریئر ٹائمز

موبائل ایپلیکیشن

Play Store App Store

ریڈ اینڈ لسن

موبائل ایپلیکیشن

Play Store App Store

اسلامک ای بک لائبریری

موبائل ایپلیکیشن

Play Store App Store

نعت کلیکشن

موبائل ایپلیکیشن

Play Store App Store

بہار شریعت

موبائل ایپلیکیشن

Play Store App Store

فیڈبیک

اپنی قیمتی آراء دینے کے لئے support@dawateislami.net پر ای میل کیجئے یا فیڈ بیک کے بٹن پر کلک کیجئے

ڈونیشن

اپنے عطیات دعوت اسلامی کو دیجئے، آپ کے چندے یعنی ڈونیشن کو کسی بھی جائز، دینی، اصلاحی، فلاحی، روحانی، خیرخواہی، بھلائی اور آمدنی بڑھانے کے جائز اور محفوظ کام میں لگایا جا سکتا ہے تا کہ بڑھتے اخراجات کو پورا کیا جا سکے.

سرچ کریں

کتابیں منتخب کریں

کیٹیگری سیلیکٹ کریں

کتاب میں نتائج: