مفلس کون ہے؟

جہنم میں لے جانے والے اعمال جلد 2

Home
Al Madina Library
Jahannam Main Lay Janay Walay Amaal Jild 2
Page 55

کتاب میں نتائج:

مفلس کون ہے؟

{43}…دو جہاں کے تاجْوَر، سلطانِ بَحرو بَرصلَّی اللہُ تَعَالٰی عَلَیْہِ وَاٰلِہٖ وَسَلَّم نے صحابۂ کرام رِضْوَانُ اللہِ تَعَالٰی عَلَیْہِمْ اَجْمَعِیْن سے استفسار فرمایا:’’کیا تم جانتے ہو مفلس کون ہے؟‘‘ صحابۂ کرام رِضْوَانُ اللہِ تَعَالٰی عَلَیْہِمْ اَجْمَعِیْن نے عرض کی: ’’ہم میں مفلس وہ ہے جس کے پاس نہ درہم ہوں اور نہ ہی کوئی مال۔‘‘ تو آپصلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا:’’میری امت میں مفلس وہ ہے جو قیامت کے دن نماز، روزہ اور زکوٰۃ لے کر آئے گا لیکن اس نے فلاں کو گالی دی ہو گی، فلاں پر تہمت لگائی ہو گی،فلاں کا مال کھایا ہو گا، فلاں کا خون بہایا ہو گا اورفلاں کو مارا ہو گا۔ پس اس کی نیکیوں میں سے ان سب کو ان کاحصہ دے دیا جائے گا۔ اگر اس کے ذمہ حقوق کے پورا ہونے سے پہلے اس کی نیکیاں ختم ہو گئیں تو لوگوں کے گناہ اس پر ڈال دیئے جائیں گے، پھر اسے جہنم میں پھینک دیا جائے گا۔‘‘ (۱)

{44}…حضور سید ِعالم صلَّی اللہُ تَعَالٰی عَلَیْہِ وَاٰلِہٖ وَسَلَّم کا فرمانِ عالیشان ہے:’’جب بندے کے پاس اس کا کھلا ہوا نامۂ اعمال لایا جائے گا تو وہ عرض کرے گا:’’اے میرے رب عَزَّوَجَلَّ! میں نے جو فلاں فلاں نیکیاں کی تھیں ، وہ کہاں گئیں ؟ میرے صحیفہ میں تو نہیں۔‘‘ تو اللہ عَزَّوَجَلَّفرمائے گا:’’تو نے جو غیبتیں کی تھیں اس وجہ سے مٹا دی گئی ہیں۔‘‘ (۲)

{45}…شَفِیْعُ الْمُذْنِبِیْن،اَنِیْسُ الْغَرِیْبِیْنصلَّی اللہُ تَعَالٰی عَلَیْہِ وَاٰلِہٖ وَسَلَّم کا فرمانِ عبرت نشان ہے:’’جس نے کسی آدمی کو عیب لگانے کے لئے اس کے متعلق ایسی بات کہی جو اس میں نہ تھی تو اللہ عَزَّوَجَلَّاسے جہنم کی آگ میں قید کر دے گا یہاں تک کہ وہ اس کے بارے میں اپنی کہی ہوئی بات کی توجیہہ پیش کرے۔‘‘ (۳)

{46}… اللہ عَزَّوَجَلَّکے مَحبوب، دانائے غُیوب،منزہ عن الْعُیوبصلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا:’’جو شخص دنیا میں کسی مسلمان کو عیب لگانے کے لئے اس کے متعلق ایسی بات کہے جس سے وہ بَری ہو تو اللہ عَزَّوَجَلَّپر حق ہے کہ اسے بروزِ قیامت جہنم میں پگھلائے یہاں تک کہ وہ اپنی کہی ہوئی بات کی توجیہہ پیش کر ے۔‘‘ (۴)

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

1…صحیح مسلم ،کتاب البر والصلۃ والادب ،باب تحریم الظلم ،الحدیث:۶۵۷۹،ص۱۱۲۹۔

2…الترغیب والترھیب ،کتاب الادب ،الترھیب من الغیبۃ…الخ ،الحدیث:۴۳۶۴،ج۳،ص۴۰۶۔

3…المعجم الاوسط ،الحدیث:۸۹۳۶،ج۶،ص۳۲۷۔

4…الترغیب والترھیب ،کتاب القضائ، باب الترھیب من اعانۃ المبطل…الخ ،الحدیث:۳۴۳۹،ج۳،ص۱۵۱۔

کتاب کا موضوع

صراط الجنان

موبائل ایپلیکیشن

Play Store App Store

معرفۃ القرآن

موبائل ایپلیکیشن

Play Store App Store

فیضانِ حدیث

موبائل ایپلیکیشن

Play Store App Store

پریئر ٹائمز

موبائل ایپلیکیشن

Play Store App Store

ریڈ اینڈ لسن

موبائل ایپلیکیشن

Play Store App Store

اسلامک ای بک لائبریری

موبائل ایپلیکیشن

Play Store App Store

نعت کلیکشن

موبائل ایپلیکیشن

Play Store App Store

بہار شریعت

موبائل ایپلیکیشن

Play Store App Store

فیڈبیک

اپنی قیمتی آراء دینے کے لئے support@dawateislami.net پر ای میل کیجئے یا فیڈ بیک کے بٹن پر کلک کیجئے

ڈونیشن

اپنے عطیات دعوت اسلامی کو دیجئے، آپ کے چندے یعنی ڈونیشن کو کسی بھی جائز، دینی، اصلاحی، فلاحی، روحانی، خیرخواہی، بھلائی اور آمدنی بڑھانے کے جائز اور محفوظ کام میں لگایا جا سکتا ہے تا کہ بڑھتے اخراجات کو پورا کیا جا سکے.

سرچ کریں

کتابیں منتخب کریں

کیٹیگری سیلیکٹ کریں

کتاب میں نتائج: