جہنم میں لے جانے والے اعمال جلد 2

Home
Al Madina Library
Jahannam Main Lay Janay Walay Amaal Jild 2
Page 43

کتاب میں نتائج:

اور اللہ عَزَّوَجَلَّکے فرمانِ عالیشان ’’فَکَرِہۡتُمُوۡہُ‘‘ کا تقدیر کلام یہ ہے کہ تم اس کھانے یا گوشت کو ناپسند کرتے ہو، لہٰذا ایسا کام نہ کرو جو اس کے مشابہ ہو اور حضرت سیِّدُنا مجاہد عَلَـیْہِ رَحْمَۃُ اللہِ الْوَاحِد(متوفی ۱۰۴ھ) کا یہ قول اسی طرف اشارہ کرتا ہے کہ جب لوگوں سے کہا جائے: ’’ اَیُحِبُّ اَحَدُکُمْ اَنۡ یَّاۡکُلَ لَحْمَ اَخِیۡہِ مَیۡتًایعنی کیا تم میں کوئی پسند رکھے گا کہ اپنے مرے بھائی کا گوشت کھائے ؟‘‘ تو وہ کہیں گے:’’نہیں۔‘‘ تو پھر ان سے کہا جائے: ’’فَکَرِہۡتُمُوۡہُ یعنی تو تمہیں یہ گوارا نہ ہوگا۔‘‘یعنی جیسے تم یہ ناپسند کرتے ہو (کہ اپنے مردہ بھائی کا گوشت کھاؤ تو ) اسی طرح اس کا برائی کے ساتھ ذکر کرنا بھی چھوڑ دو۔

اور اَیُحِبُّ میں ہمزہ انکاری ہو تو اس سے مراد یہ ہے کہ’’تم میں سے کوئی بھی اپنے مردہ بھائی کا گوشت کھانا پسند نہیں کرتا۔ پس جب تم اس کو ناپسند کرتے ہو تو پھر اس کی برائی بیان کرنے کو بھی ناپسند کرو۔‘‘

ایک قول یہ بھی مروی ہے کہ’’ فَکَرِہۡتُمُوۡہُ‘‘ کا معطوف علیہ محذوف ہے یعنی اصل عبارت یوں تھی کہ’’عُرِضَ عَلَیْکُمْ ذٰلِکَ فَکَرِہْتُمُوْہٗ یعنی تمہیں پیش کیا جائے تو تم اسے ناپسند کرو گے۔‘‘

اس آیت ِکریمہ میں ’’ فَکَرِہۡتُمُوۡہُ‘‘ کی (ہُ) ضمیر منصوب متصل کا مرجع میت ہو تو یہ بھی درست ہے تو اس صورت میں گویا کہ یہ اس کی صفت واقع ہو گی اور اس ڈراوے میں مبالغہ کا فائدہ دے گی یعنی مطلب یہ ہو گا کہ’’مردار اگرچہ انتہائی مجبوری کی حالت میں شاذو نادر ہی کھایا جاتا ہے لیکن وہ بھی جب بد بو دار ہو جائے تو پھر تو ہر کوئی اس سے نفرت کرتا ہے اور اس جگہ سے بھی دور بھاگتا ہے اور اس کے قریب تک پھٹکنے کی کوشش نہیں کرتا تو اسے کھانے کے لئے بھلا کیسے اس کے قریب جائے گا؟ غیبت کا بھی یہی حال ہے کہ اس سے اسی طرح دور رہنا واجب ہے جس طرح بدبودار مردار سے دور رہا جاتا ہے۔‘‘

مذکورہ دونوں آیاتِ مبارکہ سے حاصل ہونے والے نتائج و فوائد میں غور و فکر کریں گے اور ان میں اپنی فکر کے احاطے کو وسعت دیں گے تو اس برائی سے اِنْ شآء اللہ عَزَّوَجَلَّ محفوظ رہیں گے اور اللہ عَزَّوَجَلَّ اپنی کتاب کے حقائق کو بہتر جانتا ہے۔

اسی طرح مزید غور و فکر کرو کہ اللہ عَزَّوَجَلَّنے اپنے بندوں پر رحمت اور مہربانی فرماتے ہوئے ان دونوں آیتوں میں سے ہر ایک کو توبہ کے ساتھ ختم کیا۔ البتہ! پہلی آیت ِ مبارکہ نہی کے صیغے سے شروع کی گئی اور دونوں کے قریب

کتاب کا موضوع

صراط الجنان

موبائل ایپلیکیشن

Play Store App Store

معرفۃ القرآن

موبائل ایپلیکیشن

Play Store App Store

فیضانِ حدیث

موبائل ایپلیکیشن

Play Store App Store

پریئر ٹائمز

موبائل ایپلیکیشن

Play Store App Store

ریڈ اینڈ لسن

موبائل ایپلیکیشن

Play Store App Store

اسلامک ای بک لائبریری

موبائل ایپلیکیشن

Play Store App Store

نعت کلیکشن

موبائل ایپلیکیشن

Play Store App Store

بہار شریعت

موبائل ایپلیکیشن

Play Store App Store

فیڈبیک

اپنی قیمتی آراء دینے کے لئے support@dawateislami.net پر ای میل کیجئے یا فیڈ بیک کے بٹن پر کلک کیجئے

ڈونیشن

اپنے عطیات دعوت اسلامی کو دیجئے، آپ کے چندے یعنی ڈونیشن کو کسی بھی جائز، دینی، اصلاحی، فلاحی، روحانی، خیرخواہی، بھلائی اور آمدنی بڑھانے کے جائز اور محفوظ کام میں لگایا جا سکتا ہے تا کہ بڑھتے اخراجات کو پورا کیا جا سکے.

سرچ کریں

کتابیں منتخب کریں

کیٹیگری سیلیکٹ کریں

کتاب میں نتائج: