ماں کی شان

جہنم میں لے جانے والے اعمال جلد 2

Home
Al Madina Library
Jahannam Main Lay Janay Walay Amaal Jild 2
Page 252

کتاب میں نتائج:

نیکی کرنے اور ان کے حقوق کی ادائیگی میں انتہائی کوتاہی سے کام لے رہا ہے جس کے سبب وہ انتہائی ذلیل و حقیر ہے اوروہ اسی حالت پر رہے یہاں تک کہ ان کا دل مطمئن ہوجائے اور وہ اس سے دلی طور پرراضی ہو جائیں اور اسے اپنی رضامندی اور دعاؤں سے نوازیں۔

اسی وجہ سے اس کے بعد اسے حکم دیاگیا: ’’وَقُلْ رَّبِّ ارْحَمْہُمَا کَمَا رَبَّیٰنِیۡ صَغِیۡرًا‘‘ یعنی ان کے لئے دعا کرے کیونکہ ان کی سابقہ خدمت اس بات کا تقاضا کرتی ہے کہ وہ ان کے لئے دعا کریں ، لہٰذا اگر والدین اور اولاد میں برابری بھی فرض کر لی جائے تب بھی اولاد ان کے حق میں دعا مانگ کر انہیں بدلہ دے ورنہ دونوں (یعنی والدین اور اولاد) کے مراتب میں بہت فرق ہے۔ اور برابری بھی کیسے تصور کی جاسکتی ہے؟ حالانکہ وہ تمہاری تکلیف اور کمزوری کا بوجھ برداشت کرتے رہے، تمہاری تربیت میں عظیم مشقت اٹھائی، تمہاری زندگی اور سعادت کی امید رکھتے ہوئے تم پر حد درجہ احسان کرتے رہے لیکن اگر تمہیں ان کی تکالیف کا بوجھ اٹھانا پڑا تو ان کی موت کی آرزو کرنے لگو اور ان کے ساتھ زندگی بسر کرنے سے اُکتا جاؤ اور ماں تو اس سے بھی زیادہ تکلیف برداشت کرتی اور زیادہ صبر کرتی ہے مزید یہ کہ اس کی عنایت اور شفقت زیادہ ہوتی ہے کیونکہ وہ حمل، وضعِ حمل، ولادت، دودھ پلانے اور راتوں کو جاگنے کی تکلیف اٹھاتی ہے نیز گندگی اور نجاست سے آلودہ ہوتی ہے۔ اپنے بچے کو صاف جگہ پر لٹاتی اور آسائش مہیا کرتی ہے ۔ آپ صلَّی اللہ تَعَالٰی عَلَیْہِ وَاٰلِہٖ وَسَلَّم نے ماں کے ساتھ نیکی کرنے پر 3 بار اور باپ کے ساتھ نیکی کرنے پر ایک بار اُبھارا۔ چنانچہ،

ماں کی شان :

{2}…ایک شخص رحمت ِ عالم ،نُورِمجسَّم صلَّی اللہ تَعَالٰی عَلَیْہِ وَاٰلِہٖ وَسَلَّمکی بارگاہ میں حاضر ہو کر عرض گزار ہوا: ’’یارسول اللہ صَلَّی اللہُ تَعَالٰی عَلَیْہِ وَاٰلِہٖ وَسَلَّم!میرے حسن اخلاق کا زیادہ حق دار کون ہے؟‘‘ ارشاد فرمایا:’’تمہاری ماں۔‘‘ اس نے دوبارہ عرض کی:’’اس کے بعد کون؟‘‘ ارشاد فرمایا:’’تمہاری ماں۔‘‘ تیسری بار عرض کی:’’اس کے بعد کون؟‘‘ تو آپ صلَّی اللہ تَعَالٰی عَلَیْہِ وَاٰلِہٖ وَسَلَّم نے اس مرتبہ بھی یہی ارشاد فرمایا:’’تمہاری ماں۔‘‘ اس نے پھر عرض کی:’’اس کے بعد کون؟‘‘ تو آپ صلَّی اللہ تَعَالٰی عَلَیْہِ وَاٰلِہٖ وَسَلَّم نے ارشاد فرمایا:’’تیرا باپ، پھر قریبی کا زیادہ حق ہے پھر جو اس کے بعد قریبی ہو۔‘‘ (۱)

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

1…صحیح البخاری،کتاب الأدب،باب من احق الناس بحسن الصحبۃ،الحدیث:۵۹۷۱،ص۵۰۶۔

سنن ابی داود،کتاب الأدب ،باب فی برالوالدین، الحدیث:۵۱۳۹،ص۱۵۹۹۔

کتاب کا موضوع

صراط الجنان

موبائل ایپلیکیشن

Play Store App Store

معرفۃ القرآن

موبائل ایپلیکیشن

Play Store App Store

فیضانِ حدیث

موبائل ایپلیکیشن

Play Store App Store

پریئر ٹائمز

موبائل ایپلیکیشن

Play Store App Store

ریڈ اینڈ لسن

موبائل ایپلیکیشن

Play Store App Store

اسلامک ای بک لائبریری

موبائل ایپلیکیشن

Play Store App Store

نعت کلیکشن

موبائل ایپلیکیشن

Play Store App Store

بہار شریعت

موبائل ایپلیکیشن

Play Store App Store

فیڈبیک

اپنی قیمتی آراء دینے کے لئے support@dawateislami.net پر ای میل کیجئے یا فیڈ بیک کے بٹن پر کلک کیجئے

ڈونیشن

اپنے عطیات دعوت اسلامی کو دیجئے، آپ کے چندے یعنی ڈونیشن کو کسی بھی جائز، دینی، اصلاحی، فلاحی، روحانی، خیرخواہی، بھلائی اور آمدنی بڑھانے کے جائز اور محفوظ کام میں لگایا جا سکتا ہے تا کہ بڑھتے اخراجات کو پورا کیا جا سکے.

سرچ کریں

کتابیں منتخب کریں

کیٹیگری سیلیکٹ کریں

کتاب میں نتائج: