جہنم میں لے جانے والے اعمال جلد 2

Home
Al Madina Library
Jahannam Main Lay Janay Walay Amaal Jild 2
Page 207

کتاب میں نتائج:

رَحِمَہُمُ اللہُ السَّلَام کے نزدیک یہی حکم ہے۔ جبکہ حضرت سیِّدُنا امامِ اعظم ابو حنیفہ نعمان بن ثابت رَحْمَۃُ اللہِ تَعَالٰی عَلَیْہ (متوفی۱۵۰ھ) ارشاد فرماتے ہیں : ’’اگر گواہ علیحدہ علیحدہ ہوں تو ان کی گواہی لغو ہو گی اور انہیں حد لگائی جائے گی۔‘‘

ہماری(یعنی شافعی علمائے کرام رَحِمَہُمُ اللہُ السَّلَام کی) دلیل یہ ہے کہ(۱)…گواہوں کو ایک دوسرے سے جدا کرنے سے تہمت ختم ہو سکتی ہے اور حقیقت کا اظہار بھی واضح طور پر ہو سکتا ہے کیونکہ اس طرح یہ احتمال نہیں رہتا کہ گواہ ایک دوسرے سے سن کر گواہی دے دیں گے۔(۲)…یہی وجہ ہے کہ جب قاضی کو گواہوں میں شک ہو جائے تو وہ ان کو جدا جدا کر سکتا ہے۔ (۳)…اس وقت بھی ان کو ایک دوسرے سے الگ کرنا انتہائی ضروری ہے کہ جب وہ سب اکٹھے قاضی یا اس کے نائب کے پاس آئیں تو ایک ایک کر کے ان کے پاس اپنی گواہی قلم بند کروائیں کیونکہ سب کا اکٹھا گواہی دینا مشکل ہے۔

حضرت سیِّدُنا امامِ اعظم عَلَیْہِ رَحْمَۃُ اللہِ الْاَکْرَم(متوفی۱۵۰ھ) کی دلیل یہ ہے کہ(۱)…پہلے ایک شخص نے گواہی دی پھر دوسرے نے آکر گواہی دی تو ان میں سے ہر ایک پر یہ بات صادق آتی ہے کہ وہ تہمت کا مرتکب ہو رہا ہے اور گواہی کا نصاب یعنی چار گواہوں کا ہونا نہیں پایا جا رہا۔ لہٰذا آیت ِکریمہ کے حکم کی بنا پر ان سب پر حد لگائی جائے گی اور ان کے شہادت کے لفظ کو ادا کرنے کا بھی کوئی فائدہ نہ ہو گا۔ کیونکہ اگر ایسا نہ کیا جائے تو یہ مسلمانوں کو تہمت لگانے کا ایک ذریعہ بن جائے گا۔

{1}…ایک شخص کے خلاف امیرالمؤمنین حضرت سیِّدُنا عمر فاروقِ اعظم رَضِیَ اللہُ تَعَالٰی عَنْہ کے سامنے 4 افراد یعنی ابو بکرہ، شبل بن معبد، نافع اور نفیع نے زنا کی گواہی دی۔ لیکن ان میں سے چوتھے شخص نے اس طرح گواہی دی کہ ’’میں نے اسے دیکھا کہ یہ اکڑوں بیٹھا ہوا ہے اور عورت کے پاؤں اس کے کندھوں پر ایسے ہیں جیسے گدھے کے کان۔ اس کے علاوہ مجھے نہیں معلوم کہ اس کے پیچھے کیا تھا۔‘‘ توامیرالمؤمنین حضرت سیِّدُنا عمر فاروقِ اعظم رَضِیَ اللہُ تَعَالٰی عَنْہ نے تینوں کو حد لگائی اور یہ نہ پوچھا کہ کیا تمہارے ساتھ کوئی چوتھا گواہ بھی ہے؟‘‘ (۱) اگر اس کے بعد کسی دوسرے کی گواہی قبول کی جاتی تو آپ رَضِیَ اللہُ تَعَالٰی عَنْہ ان پر حد لگانے میں توقف کرتے۔

اس واقعہ میں ان لوگوں کا جواب موجود ہے جو کہتے ہیں کہ ’’گواہوں پر کوئی حد نہیں اگرچہ نصاب پورا نہ ہو۔‘‘

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

1…المغنی لابن قدامۃ،کتاب الحدود،مسألۃ۱۵۶۱،فصل واذالم تکمل شہود الزنی، ج۱۲،ص۳۶۷۔

کتاب کا موضوع

صراط الجنان

موبائل ایپلیکیشن

Play Store App Store

معرفۃ القرآن

موبائل ایپلیکیشن

Play Store App Store

فیضانِ حدیث

موبائل ایپلیکیشن

Play Store App Store

پریئر ٹائمز

موبائل ایپلیکیشن

Play Store App Store

ریڈ اینڈ لسن

موبائل ایپلیکیشن

Play Store App Store

اسلامک ای بک لائبریری

موبائل ایپلیکیشن

Play Store App Store

نعت کلیکشن

موبائل ایپلیکیشن

Play Store App Store

بہار شریعت

موبائل ایپلیکیشن

Play Store App Store

فیڈبیک

اپنی قیمتی آراء دینے کے لئے support@dawateislami.net پر ای میل کیجئے یا فیڈ بیک کے بٹن پر کلک کیجئے

ڈونیشن

اپنے عطیات دعوت اسلامی کو دیجئے، آپ کے چندے یعنی ڈونیشن کو کسی بھی جائز، دینی، اصلاحی، فلاحی، روحانی، خیرخواہی، بھلائی اور آمدنی بڑھانے کے جائز اور محفوظ کام میں لگایا جا سکتا ہے تا کہ بڑھتے اخراجات کو پورا کیا جا سکے.

سرچ کریں

کتابیں منتخب کریں

کیٹیگری سیلیکٹ کریں

کتاب میں نتائج: