سیدنا عطاء رَحْمَۃُاللہِ  تَعَالٰی عَلَیْہِ فرماتے ہیں :  ’’ قریش اور عرب جو جانور بتوں پر چڑھاوے کے لئے ذبح کیا کرتے تھے ان سے منع کیا گیا ہے۔ ‘‘

                ایک قول یہ ہے:  ’’ وَاِنَّہُ لَفِسْقٌ سے مراد ہر وہ مردار ہے جس پر اللہ  عَزَّ وَجَلَّ کا نام نہ لیا گیا ہو اور فسق سے مراد دین سے خارج ہو جانا ہے۔ ‘‘

                اس آیتِ مبارکہ وَ اِنَّ الشَّیٰطِیْنَ لَیُوْحُوْنَ اِلٰۤى اَوْلِیٰٓـٕهِمْ لِیُجَادِلُوْكُمْۚ-  (پ: ۸، الانعام: ۱۲۱) کا مطلب یہ ہے کہ شیطان اپنے دوستوں کے دل میں وسوسے ڈالتا ہے کہ وہ مردار کے بارے میں باطل طریقے سے ایمان والوں سے جھگڑیں ۔

                حضرت سیدنا ابن عباس رَضِیَ اللہ  تَعَالٰی عَنْہمَا  ارشاد فرماتے ہیں :  ’’ شیطان نے اپنے انسانی دوستوں کے دل میں یہ بات ڈالی کہ تم اس ذات کی عبادت کیسے کرتے ہو؟ جس کے مارے ہوئے کو نہیں کھاتے جبکہ اپنا مارا ہوا کھا لیتے ہو تو اللہ  عَزَّ وَجَلَّ نے یہ آیت مبارکہ نازل فرمائی :

وَ اِنْ اَطَعْتُمُوْهُمْ اِنَّكُمْ لَمُشْرِكُوْنَ۠ (۱۲۱)   (پ: ۸، الانعام: ۱۲۱)

ترجمۂ کنزالایمان: اوراگرتم ان کاکہنامانوتواس وقت تم مشرک ہو۔

                حضرت سیدنا زجاج رَحْمَۃُاللہِ  تَعَالٰی عَلَیْہِکہتے ہیں :  ’’ آیتِ کریمہ اس بات پر دلیل ہے کہ جس نے اللہ  عَزَّ وَجَلَّ کی حرام کردہ شئے کو حلال جانا یا اللہ  عَزَّ وَجَلَّ کی حلا ل کردہ شئے کو حرام جانا وہ مشرک ہے بشرطیکہ اس حلت یا حرمت پر اجماع ہو اور اس کا ضروریاتِ دین میں سے ہونا معلوم ہو۔ ‘‘

سوال: آپ نے مسلمان کے ذبیحہ کو (بسم اللہ  ترک ہونے کے باوجود)  مباح کیسے قرار دیا حالانکہ آیتِ مبارکہ حرمت میں نص کی طرح ہے؟

جواب: مفسرینِ کرام رَحِمَہُمُ اللہ  تَعَالٰینے اس آیتِ کریمہ کی تفسیر صرف مردار سے کی ہے کسی نے بھی اسے بِسْمِ اللّٰہ نہ پڑھنے  کی صورت میں مسلمان کے ذبیحے پر محمول نہیں کیا۔

                اوراس آیتِ مبارکہ سے مردارمرادہونے پراللہ  عَزَّ وَجَلَّکا یہ فرمانِ عالیشان وَاِنَّہُ لَفِسْقٌ بھی دلالت کرتا ہے کیونکہ تسمیہ ترک کرنے والے مؤمن کو حرمت کے اعتقاد کی صورت میں فاسق نہیں کہا جا سکتا کیونکہ اس کی حلت میں قوی اختلاف کی وجہ سے مناسب ہے کہ یہ حرمت کے قائل کے نزدیک بھی صغیرہ ہو اور اللہ  عَزَّ وَجَلَّکا فرمانِ عالیشان ہے:  ’’  وَ اِنَّ الشَّیٰطِیْنَ لَیُوْحُوْنَ اِلٰۤى اَوْلِیٰٓـٕهِمْ لِیُجَادِلُوْكُمْۚ-  ‘‘ کیونکہ مفسرین کے اجماع کی وجہ سے اختلاف تو مردار میں ہے نہ کہ تسمیہ ترک کرنے والے مسلمان کے ذبیحہ میں اور اللہ  عَزَّ وَجَلَّ کا فرمانِ عالیشان وَ اِنْ اَطَعْتُمُوْهُمْ اِنَّكُمْ لَمُشْرِكُوْنَ۠   اس بات پر دلالت کرتا ہے کہ شرک مردار کو حلال جاننے میں ہے نہ کہ اس ذبیحہ کو حلال جاننے میں جس پر تسمیہ نہ پڑھی گئی ہو یہ بات علامہ واحدی رَحْمَۃُ اللہ  تَعَالٰی عَلَیْہاوربعض دوسرے علماء کرام رَحِمَہُمُ اللہُ  تَعَالیٰ کی ہے۔

                علامہ واحدی رَحْمَۃُاللہِ  تَعَالٰی عَلَیْہِ نے اپنی سند سے کچھ احادیثِ مبارکہ روایت کی ہیں جن میں سے بعض میں بھول کر تسمیہ ترک کئے گئے ذبیحہ کی حلت اور بعض میں مطلقاًحلت کاذکرہے۔ ^{([1] )}

                ہمارے اصحابِ شوافع رَحِمَہُمُ اللہ  تَعَالٰینے ذبح کے وقت، ’’ بِسْمِ اللّٰہ وَاِسْمِ مُحَمَّدٍیابِاِسْمِ مُحَمَّدٍرَّسُوْلِ اللّٰہِ ‘‘ کہنے کو حرمت کا سبب قراردیاہے۔ ^{([2] )}

                اسی طرح کتابی اپنے کَنِیْسَہ،صلیب، حضرت سیدنا موسیٰ یا حضرت سیدنا عیسیٰ علی نبینا وعلیہما الصلوٰۃ والسلام کے لئے ذبح کرے اور مسلمان کعبہ، رسولِ اکرم  (صَلَّی اللہ تَعَالٰی عَلَیْہِ وَاٰلہٖ وَسَلَّم) ، بادشاہ یا جِن وغیرہ کے نام پر تقرب کی نیت سے ذبح کرے تو ان تمام صورتوں میں ذبیحہ حرام اور کبیرہ گناہ ہے،البتہ! اگرکسی کے آنے پر خوشی یااللہ  عَزَّ وَجَلَّکاشکر ادا کرنے کے ارادے سے ذبح