میٹھے میٹھے اسلامی بھائیو! اگر ہم یہ خواہش رکھتے ہیں کہ استقامت کے ساتھ روزانہ فکرِ مدینہ کی سعادت حاصل ہو تو اس کے لئے آپ ایک وقت مقرر فرما لیجئے ، مثلاً : آپ کی دُکان ہے یا آفِس جاتے ہیں اور رزق میں برکت کی نِیَّت سے وہاں قرآنِ پاک کی تلاوت کی سعادت کے ساتھ اَوْرَاد و وَظائف پڑھتے ہیں تو ان معمولات میں فکرِ مدینہ جیسے با برکت کام کو بھی شامل کر لیجئے اِنْ شَآءَ اللہ  عَزَّ وَجَلَّ  رِزْق میں برکت کے ساتھ فکرِ مدینہ کرنے پر ایسی استقامت حاصل ہو گی کہ آپ حیران رہ جائیں گے ۔ (کسی بھی نماز کے بعد یا سونے سے قبل کا وَقت بھی مقرر کیا جا سکتا ہے ) تمام اسلامی بھائی نیت فرما لیجئے کہ اِنْ شَآءَ اللہ  عَزَّ وَجَلَّ  وقت مقررہ پر پابندی کے ساتھ فکرِ مدینہ ضرور کریں گے ۔  

دَرَجہ بندی

آسانی کے لئے مَدَنی انعامات کی یومِیَّہ دَرَجہ بندی کی گئی ہے تاکہ آپ بَتَدرِیج اپنے عمل میں اِضافہ فرماتے چلے جائیں ۔ حجَّۃ الاسلام حضرتِ سیِّدُنا امام محمد غزالی عَلَیْہِ رَحمَۃُ اللّٰہِ الْوَالِی فر ما تے ہیں : ’’اگر کوئی حُصولِ تقویٰ کی خاطِر کم کھانے کی عادت ڈالنا چاہے تو یکبارگی کھانا کم نہ کرے بلکہ ایک دن چھوڑ کر دوسرے دن ایک ایک نوالہ کم کرتا جائے آہِستہ آہِستہ کم کھانے کی عادت ہو ہی جائیگی ۔ اِنْ شَآءَ اللہ  عَزَّ وَجَلَّ  ۔ لہٰذا آپ بھی دَرَجہ بَدَرَجَہ عمل کرنا شروع کر دیجئے اور عمل بڑھاتے جائیے اِنْ شَآءَ اللہ  عَزَّ وَجَلَّ  وہ وَقْت بھی آ جائیگا جب آپ تمام مَدَنی انعامات کے عامل بن جائیں گے ۔ مگر یاد رہے ! فرائض وواجِبات اور سنّتِ مُؤَکَّدہ وغیرہ شَرْعی اَحکامات پر فوری عمل ضَروری ہے ۔

مَدَنی ا نعامات ایک نظر میں

                                 اسلامی بھائی                  اسلامی بہنیں                   طلبہ                           طَالبات                       مَدَنی منّے /منیاں

یومیہ مَدَنی انعامات          50                           47                           67                           60                           29

پہلا دَرَجہ                     17                           17                           16                           20                          

دوسرا دَرَجہ                   17                           18                           25                           20                          

تیسرا دَرَجہ                   16                           12                           26                           20                          

ہفتہ وار مَدَنی انعامات           8                              3                              8                              4                              2

ماھانہ مَدَنی انعامات          6                              5                              7                              4                              2

سالانہ مَدَنی انعامات          8                              8                              10                           6                              7

کل میزان                    72                           63                          92                           83                          40

٭…٭…٭…٭

 میٹھے میٹھے اسلامی بھائیو! دنیا و آخرت بہتر بنانے ، اپنے گناہوں کا احتساب کرنے ، قبر و حشر کے بارے میں غور و فکر کرنے اور اپنے اچھے بُرے کاموں کا جائزہ لینے کے لئے آپ بھی مَدَنی انعامات کا رسالہ مکتبۃُ المدینہ کی کسی بھی شاخ سے ہدیۃً حاصل فرما لیجئے اور ہر مدنی ماہ کے پہلے دس دنوں کے اندر اندر اپنے یہاں کے ذمہ دار کو جمع کروانے کا معمول بنا لیجئے ۔ اگر فی الحال پُر نہیں کرنا چاہتے تو نہ سہی اتنا تو کیجئے کہ ولی کامل، عاشقِ رسول، اعلیٰ حضرت امام احمد رضا خان  عَلَیْہِ رَحمَۃُ اللّٰہِ الْحَنَّان کی پچیسویں شریف کی نسبت سے  روزانہ کم از کم 25 سیکنڈز کے لیے اس کو دیکھ لیجئے اِنْ شَآءَ اللہ  عَزَّ وَجَلَّ   دیکھنے سے پڑھنے اور پڑھتے رہنے سے فکر ِ مدینہ کرنے اور اِس رسالہ کو بھرنے کا ذہن بنے گا اور اگر بھرنے کا معمول بن گیا تو اِنْ شَآءَ اللہ  عَزَّ وَجَلَّ   اس کی برکتیں آپ خود ہی دیکھ لیں گے ۔

جامع شرائط پیر کامل کی تلاش

مکۃ المکرمہ (عرب شریف) کے علاقے حَیَّل معانیہ کے مقیم اسلامی بھائی کے بیان کا خلاصہ ہے کہ ہمارا خاندان کم وبیش 80سال سے عرب شریف میں مقیم ہے ۔ میری والدہ کی طرح میری پیدائش بھی مکۂ مکرمہ زَادَہَااللّٰہُ شَرَفًاوَّتَعْظِیْمًا میں ہوئی ۔ آج (یعنی بیان دینے کے وقت) سے تقریباً 12 سال پہلے تک میں ایک لااُبالی نوجوان تھا ۔ ایک دن کسی نے میرا ذہن بنایا کہ دنیا وآخرت کی ڈھیروں بھلائیاں پانے کے لئے کسی جامع شرائط پیر سے مرید ہونا بھی ضروری ہے ۔ میں نے پیر کامل کی تلاش شروع کر دی مگر 11سال گزر گئے میں کسی سے مطمئن نہ ہو پایا ۔ بارھویں سال ایک رات میں سویا تو کیا دیکھتا ہوں کہ ایک اونچے تخت پر نورانی بزرگ جلوہ فرما ہیں جن کے سر پر سبز عمامہ شریف کا تاج سجا ہوا ہے ۔ انہوں نے مجھے میرا نام لے کر اپنے قریب بلایا اور بیعت کروا کے اپنا مرید بنا لیا ۔ جب میری آنکھ کھلی تو میں نے اپنی قلبی کیفیت کو بدلا ہوا پایا ۔ ایک عرصے بعد میں نے نماز ادا کی اور اَلْحَمْدُ لِلّٰہ  عَزَّ وَجَلَّ  اس کے بعد سے پانچ وقت نماز کی پابندی شروع کر دی ۔ میرا دل گناہوں سے وحشت کھانے لگا اور میں تائب ہوکر نیکیوں کے راستے پر چل پڑا ۔ مجھے سبز عمامے والے پیر ومرشد بہت یاد آتے مگر میں نے انہیں صرف خواب میں دیکھا تھا، آخر تلاش کہاں کرتا!

کچھ عرصے بعد مرکز الاولیاء (لاہور، پاکستان) جانا ہوا تو وہاں سبز عمامے والے کثیر اسلامی بھائیوں کو دیکھا، سبز عمامے سے محبت کی وجہ سے ان کے قریب ہوگیا اور جب تک وہاں رہا، ان کی صحبت کی برکتیں لوٹتا رہا ۔ دعوتِ اسلامی کے سنّتوں بھرے اجتماعات میں شرکت کی ترکیب بھی رہی ۔ اس دوران پتا چلا کہ دعوت اسلامی کے بانی، شیخ طریقت امیرِ اہلسنّت  دَامَتْ بَرَکَاتُہُمُ الْعَالِیَہ حج پر جارہے ہیں اور اس مرتبہ ’’چل مدینہ‘‘ (یعنی امیرِ اہلسنّت