بچے  کو قرآن پڑھانے  کی فضیلت

دو جہاں کے  سلطان، سرورِ ذیشان، صاحِبِ قراٰن، محبوبِ رحمن صَلَّی اللہُ تَعَالٰی عَلَیْہِ وَاٰلِہٖ وَسَلَّم  کا فرمانِ مغفِرت نشان ہے ، جو شخص اپنے  بیٹے  کو ناظِرہ قراٰنِ کریم سکھائے  اس کے  سب اگلے  پچھلے  گناہ بخش دئیے  جاتے  ہیں ۔   (مجمع الزوائد، الحدیث:۱۱۲۷۱، ج۷، ص ۳۴۴)

اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ علٰی سَیِّدِ الْمُرْسَلِیْنَ

اَمَّا بَعْدُ فَاَعُوْذُ بِاللّٰہِ مِنَ الشَیْطٰنِ الرَّجِیْمِ   ؕ بِسْمِ اللہِ الرَّحْمٰنِ الرَّ حِیْم

المد ینۃ العلمیۃ

از  شیخ ِ طریقت، امیر ِاہلِ سنّت ، بانیء  دعوتِ اسلامی حضرت علامہ

مولانا ابوبلال محمد الیاس عطاؔر قادری رضوی ضیائی دَامَتْ بَرَکَاتُہُمُ الْعَالِیَہ

                اَلْحَمْدُ لِلّٰہِ عَلٰی اِحْسَانِہٖ وَبِفَضْلِ رَسُوْلِہٖ صَلَّی اللہُ تَعَالٰی عَلَیْہِ وَاٰلِہٖ وَسَلَّم

تبلیغِ قرآن وسنّت کی عالمگیر غیر سیاسی تحریک ’’دعوتِ اسلامی‘‘ نیکی کی دعوت، اِحیائے  سنّت اور اشاعتِ علمِ شریعت کو دنیا بھر میں عام کرنے  کا عزمِ مُصمّم رکھتی ہے ، اِن تمام اُمور کو بحسنِ خوبی سر انجام دینے  کے  لئے  متعد د مجالس کا قیام عمل میں لایا گیا ہے  جن میں سے  ایک مجلس ’’ المد ینۃ العلمیۃ ‘‘ بھی ہے  جو دعوتِ اسلامی کے  علماء و مفتیانِ کرام کَثَّرَ ھُمُ اللہُ تَعَالٰی پر مشتمل ہے  ، جس نے  خالص علمی، تحقیقی اور اشاعتی کام کا بیڑا اٹھایا ہے ۔ اس کے  مندرجہ ذیل چھ شعبے  ہیں :

{1}شعبۂ کُتبِ اعلیٰ حضرت                     {2}شعبۂ درسی کُتُب

{3}شعبۂ اصلاحی کُتُب                {4}شعبۂ ترا    جمِ کتب

{5}شعبۂ تفتیشِ کُتُب                  {6}شعبۂ تخریج

            ’’المدینۃ العلمیۃ‘‘ کی اوّلین ترجیح سرکارِ اعلیٰ حضرت اِمامِ اَہلسنّت، عظیم البَرَکت، عظیم ُالمرتبت، پروانۂ شمعِ رِسالت، مُجَدِّدِ دین ومِلَّت، حامیٔسنّت، ماحی بِدعت، عالِمِ شَرِیْعَت، پیرِ طریقت، باعثِ خَیْر و بَرَکت، حضرتِ علاّمہ مولیٰنا الحاج الحافِظ القاری الشّاہ امام اَحمد رَضا خان عَلَیْہِ رَحْمَۃُ الرَّحْمٰن کی گِراں مایہ تصانیف کو عصرِ حاضر کے  تقاضوں کے  مطابق حتَّی الْوَسع سَہْل اُسلُوب میں پیش کرنا ہے ۔ تمام اسلامی بھائی اور اسلامی بہنیں اِس عِلمی ، تحقیقی اور اشاعتی مدنی کام میں ہر ممکن تعاون فرمائیں اورمجلس کی طرف سے  شائع ہونے  والی کُتُب کا خود بھی مطالَعہ فرمائیں اور دوسروں کو بھی اِ س کی ترغیب دلائیں ۔

    اللہ عزوجل ''دعوتِ اسلامی'' کی تمام مجالس بَشُمُول ''المد ینۃ العلمیۃ'' کو دن گیارہویں اور رات بارہویں ترقّی عطا فرمائے  اور ہمارے  ہر عملِ خیر کو زیورِ اخلاص سے  آراستہ فرماکر دونوں جہاں کی بھلائی کا سبب بنائے ۔ہمیں زیرِ گنبدِ خضراء شہادت، جنّت البقیع میں مدفن اور جنّت الفردوس میں جگہ نصیب فرمائے  ۔

آمین بجاہ النبی الامین صلی اللہ تعالیٰ علیہ واٰلہٖ وسلَّم

                                                                رمضان المبارک ۱۴۲۵ھ

پیش لفظ

            اَلْحَمْدُ لِلّٰہ عَزَّوَجَلَّ  ’’مجلس المدینۃ العلمیۃ ‘‘ اکابرین اہلسنّت رَحْمَۃُ اللہِ تَعَالٰی عَلَیْہِمْ بالخصوص امامِ اہلِ سنت مجدد دین وملت مولانا شاہ امام احمد رضا خان عَلَیْہِ رَحْمَۃُ الرَّحْمٰن کی مایہ ناز کتب کو حتی المقدور جدید دور کے  تقاضوں کے  مطابق شائع کرنے  کا عزم رکھتی ہے ۔ اس سلسلے  میں کئی کتب اور رسائل (تخریج وتسہیل شدہ) طبع ہوکر منظر عام پر آچکے  ہیں جن میں ’’ بہارِ شریعت ‘‘ اور ’’ جدالممتار ‘‘ جیسی ضخیم کتب بھی شامل ہیں ۔ اولیائے  کرام کے  فیضان سے  یہ سلسلہ جاری رہے  گا، ان شاءَاللہ عَزَّوَجَلَّ ۔ زیر نظر کتاب ’’اسلامی زندگی‘‘ بھی اس سلسلہ کی ایک کڑی ہے  جو کہ حکیم الامت مفتی احمد یار خان نعیمی عَلَیْہِ رَحْمَۃُ اللہِ الْغَنِیّ کی اسلامی رسومات کے  بارے  میں ایک مایہ ناز تالیف ہے ۔

        اس کتاب میں ان رسموں کا بیان ہے  جو معمولی فرق کے  ساتھ پاک وہند میں رائج ہیں ۔ مفتی صاحب رَحْمَۃُ اللہِ تَعَالٰی عَلَیْہِ نے  اولاً مروجہ رسمیں بیان کرکے  ان میں پائی جانے  والی قباحتوں کی نشاندہی کی ہے  پھر اسلامی نقطہ نظر سے  ان کی جائز صورتوں کی طرف رہنمائی فرمائی ہے  ۔یہ کتاب آج سے  تقریباً 64 برس قبل لکھی گئی تھی یہی وجہ ہے  کہ حکیم الامت رَحْمَۃُ اللہِ تَعَالٰی عَلَیْہِ نے  ان رسموں کے  اخراجات بھی اپنے  دور کے  مطابق بیان کئے  ہیں ، فی زمانہ ان رسموں پر کئے  جانے  والے  اخراجات میں