سوال …:                    کیا ایصالِ ثواب کے لیے دن وغیرہ مقرر کرنا جائز ہے؟مثلاً تیجہ، دَسواں ، چالیسواں اور برسی (یعنی سالانہ ختم) وغیرہ ۔

جواب …:                                         زِندوں کے اِیصالِ ثواب سے یقیناً مُردوں کو فائدہ پہنچتا ہے۔ مگر شریعت نے ایصالِ ثواب کے لیے کوئی خاص دن مقرر نہیں فرمایا بلکہ جب کسی کا دل چاہے اپنی سہولت کے لیے کوئی بھی وقت اور دن مقرر کر سکتا ہے۔ چاہے وہ تیسرا دن ہو یا دَسواں یا چالیسواں یا کوئی اور دن ہو، بلکہ اِنتقال کے بعد ہی سے قرآنِ مجید کی تلاوت اور خیر خیرات کا سلسلہ بھی جاری کیا جا سکتا ہے۔

سوال …:                    کیا ایصالِ ثواب صرف مُردوں کو ہی کیا جا سکتا ہے؟

جواب …:                                         جی نہیں !  ایصالِ ثواب مردوں کے ساتھ ساتھ زِندوں کو بھی کیا جا سکتا ہے۔

 سوال …:                  بزرگانِ دِین رَحِمَہُمُ اللّٰہُ الْمُبِیْن کی نیاز اور لنگر وغیرہ کھانا کیسا ہے؟

جواب …:                                         بزرگانِ دِین رَحِمَہُمُ اللّٰہُ الْمُبِیْن کی نیاز اور لنگر وغیرہ کھانا نہ صرف یہ کہ جائز ہے بلکہ باعثِ بَرَکت بھی ہے۔

  سوال …:                بزرگانِ دِین رَحِمَہُمُ اللّٰہُ الْمُبِیْن کی نیاز کیا مال دار بھی کھا سکتے ہیں ؟

جواب …:                                         جی ہاں !  بزرگانِ دِین رَحِمَہُمُ اللّٰہُ الْمُبِیْن کی نیاز مال دار بھی کھا سکتے ہیں ۔ مثلاً رَجب شریف کے کونڈے، محرم کا شربت یا کھچڑا، ماہِ ربیع الآخر کی گیارہویں شریف جس میں حضرتِ سیِّدنا غَوْثِ اَعظم شیخ عَبْدُالْقَادِر جیلانی قُدِّسَ  سِرُّہُ النّوْرَانِی کی فاتحہ دلائی جاتی ہے، رَجب کی چَھٹی تاریخ حضور خواجہ غریب نواز حضرتِ سیِّدنا مُعِیْنُ الدِّیْن چشتی اجمیری رَحْمَۃُ اللّٰہِ تَعَالٰی عَلَیْہ کی فاتحہ دلائی جاتی ہے، یونہی حضور غوثِ پاک رَحْمَۃُ اللّٰہِ تَعَالٰی عَلَیْہ کا توشہ یا حضرت ِ سیِّدناشیخ عَبْدُالْحَق رَحْمَۃُ اللّٰہِ تَعَالٰی عَلَیْہ کا توشہ وغیرہ یہ سب وہ چیزیں ہیں جو صدیوں سے مسلمانوں کے عوام و خواص اورعلما و فضلا میں جاری ہیں اور ان میں خاص اِہتمام کیا جاتا ہے۔ اُمرا بھی اس میں ذَوق و شوق سے شریک ہوتے ہیں اور لنگر وغیرہ کے کھانے سے فیض پاتے ہیں ۔

ایصالِ ثواب و فاتحہ کا طریقہ

  سوال …:                ایصالِ ثواب کا طریقہ کیا ہے؟

جواب …:                                         ایصالِ ثواب کوئی مشکل کام نہیں صرف اتنا کہدینا یادل میں نیّت کر لینا بھی کافی ہے:  یااللہ  عَزَّ وَجَلَّ  !  میں نے جو قرآنِ پاک پڑھا (یافُلاں فُلاں عمل کیا) اس کا ثواب میری والِدہ ٔ مرحومہ یا میرے فلاں رشتے دار کو پہنچا۔ اِنْ شَآءَ اللہ  عَزَّ وَجَلَّ  ثواب پہنچ جائے گا۔

  سوال …:                فاتحہ کا طریقہ کیا ہے؟

جواب …:                                         آج کل مسلمانوں میں خُصُوصاً کھانے پر جو فاتِحہ کا طریقہ رائج ہے وہ بھی بہت اچّھا ہے، اس دوران تلاوت وغیرہ کا بھی ایصالِ ثواب کیا جا سکتا ہے۔ جن کھانوں کا ایصالِ ثواب کرنا ہے وہ سارے یا سب میں سے تھوڑا تھوڑاکھانا نیز ایک گلاس میں پانی بھر کر سب کچھ سامنے رکھ لیجئے۔

اب  اَعُوْذُ  بِاللّٰهِ مِنَ الشَّیْطٰنِ الرَّجِیْمِ پڑھ کر ایک بار

بِسْمِ اللّٰهِ الرَّحْمٰنِ الرَّحِیْمِ

قُلْ یٰۤاَیُّهَا الْكٰفِرُوْنَۙ(۱)لَاۤ اَعْبُدُ مَا تَعْبُدُوْنَۙ(۲)وَ لَاۤ اَنْتُمْ عٰبِدُوْنَ مَاۤ اَعْبُدُۚ(۳)وَ لَاۤ اَنَا عَابِدٌ مَّا عَبَدْتُّمْۙ(۴)وَ لَاۤ اَنْتُمْ عٰبِدُوْنَ مَاۤ اَعْبُدُؕ(۵)لَكُمْ دِیْنُكُمْ وَ لِیَ دِیْنِ۠(۶)

تین بار       بِسْمِ اللّٰهِ الرَّحْمٰنِ الرَّحِیْمِ

قُلْ هُوَ اللّٰهُ اَحَدٌۚ(۱)اَللّٰهُ الصَّمَدُۚ(۲)لَمْ یَلِدْ ﳔ وَ لَمْ یُوْلَدْۙ(۳)وَ لَمْ یَكُنْ لَّهٗ كُفُوًا اَحَدٌ۠(۴)

ایک بار      بِسْمِ اللّٰهِ الرَّحْمٰنِ الرَّحِیْمِ

قُلْ اَعُوْذُ بِرَبِّ الْفَلَقِۙ(۱)مِنْ شَرِّ مَا خَلَقَۙ(۲)وَ مِنْ شَرِّ غَاسِقٍ اِذَا وَقَبَۙ(۳)وَ مِنْ شَرِّ النَّفّٰثٰتِ فِی الْعُقَدِۙ(۴)وَ مِنْ شَرِّ حَاسِدٍ اِذَا حَسَدَ۠(۵)

ایک بار      بِسْمِ اللّٰهِ الرَّحْمٰنِ الرَّحِیْمِ

قُلْ اَعُوْذُ بِرَبِّ النَّاسِۙ(۱)مَلِكِ النَّاسِۙ(۲)اِلٰهِ النَّاسِۙ(۳)مِنْ شَرِّ الْوَسْوَاسِ ﳔ الْخَنَّاسِﭪ(۴)الَّذِیْ یُوَسْوِسُ فِیْ صُدُوْرِ النَّاسِۙ(۵)مِنَ الْجِنَّةِ وَ النَّاسِ۠(۶)

ایک بار    بِسْمِ اللّٰهِ الرَّحْمٰنِ الرَّحِیْمِ

اَلْحَمْدُ لِلّٰهِ رَبِّ الْعٰلَمِیْنَۙ(۱)الرَّحْمٰنِ الرَّحِیْمِۙ(۲)مٰلِكِ یَوْمِ الدِّیْنِؕ(۳)اِیَّاكَ نَعْبُدُ وَ اِیَّاكَ نَسْتَعِیْنُؕ(۴)اِهْدِنَا الصِّرَاطَ الْمُسْتَقِیْمَۙ(۵)صِرَاطَ الَّذِیْنَ اَنْعَمْتَ عَلَیْهِمْ ﴰغَیْرِ الْمَغْضُوْبِ عَلَیْهِمْ وَ لَا الضَّآلِّیْنَ۠(۷)

پڑھنے کے بعد یہ پانچ آیات پڑھیے:

(1)… وَ اِلٰهُكُمْ اِلٰهٌ وَّاحِدٌۚ-لَاۤ اِلٰهَ اِلَّا هُوَ الرَّحْمٰنُ الرَّحِیْمُ۠(۱۶۳) (پ۲، البقرۃ: ۱۶۳)