تَدْفِین

سوال …:                     میت کو قبر میں اتارنے کے لیے قبر کے پاس کس طرف رکھنا چاہئے؟

جواب …:             میت کو قبر سے قبلہ کی جانب رکھنا مستحب ہے تاکہ میت قبلہ کی طرف سے قبر میں اتاری جائے۔

سوال …:                     میت کو قبر میں اتارتے وقت کتنے آدمی ہونے چاہئیں ؟

جواب …:             میت قبر میں اتارتے وقت حسبِ ضرورت دو یا تین آدمی کافی ہیں ۔ بہتر ہے کہ وہ لوگ قوی اور نیک ہوں ۔

 سوال …:                    عورت کی میت قبر میں اتارتے ہوئے کن باتوں کو پیشِ نظر رکھنا چاہئے؟

جواب …:             عورت کی میت قبر میں محارم ^)[1](   اتاریں ۔ یہ نہ ہوں تو دیگر رشتے دار، یہ بھی نہ ہوں تو پرہیزگاروں سے اتروائیں ۔ نیز میت کو اتارنے سے لے کر تختے لگانے تک کسی کپڑے سے چھپائے رکھیں ۔

سوال …:                     میت کو قبر میں اتارتے وقت کیا دعا پڑھنا چاہئے؟

جواب …:             میت کو قبر میں اتارتے وقت یہ دعا پڑھیں :

بِسْمِ اللّٰهِ وَ بِاللّٰهِ وَعَلٰی مِلَّةِ رَسُوْلِ اللّٰهِ

سوال …:                     میت کو قبر میں لٹاتے وقت کیا کرنا چاہئے؟

جواب     …:                      میت کو قبر میں لٹاتے وقت درج ذیل باتوں کا خیال رکھنا چاہئے:  

٭…  میت کو سیدھی کروٹ پر لٹائیں ۔

٭…  اگر سیدھی کروٹ پر لٹانا ممکن نہ ہو تو س کا منہ پھیر کر قبلہ کی طرف کردیں ۔ بشرطیکہ آسانی سے ممکن ہو ورنہ زبردستی نہ کریں کہ میت کو تکلیف ہو گی۔

 ٭…  کفن کی بندش کھول دیں کہ اب ضرورت نہیں ، نہ کھولی تو بھی حرج نہیں ۔

قبر پر مٹی ڈالنے کا طریقہ

سوال …:                       قبر پر مٹی ڈالنے کا طریقہ بتائیے؟

جواب     …:   قبر پر مٹی ڈالنے کا مستحب طریقہ یہ ہے کہ سرہانے کی طرف سے دونوں ہاتھوں سے تین بار مٹی ڈالیں ۔ پہلی بار کہیں :  مِنْہَا خَلَقْنٰکُمْ ، دوسری بار:  وَ فِیۡہَا نُعِیۡدُکُمْ ، تیسری بار:  وَ مِنْہَا نُخْرِجُکُمْ تَارَۃً اُخْرٰی کہیں ۔ اب باقی مٹی پھاوڑے وغیرہ سے ڈال دیں ۔

سوال …:                       قبر پر کس قدر مٹی ڈالنا چاہئے؟

جواب     …:   قبر پر صرف اسی قدر مٹی ڈالیں جس قدر قبر سے نکلی ہو، اس سے زیادہ ڈالنا مکروہ ہے۔

سوال …:                       قبرکیسی بنانی چاہئے؟

جواب     …:   قبر اونٹ کے کوہان کی طرح ڈھال والی بنانا چاہئے۔

سوال …:                       قبر زمین سے کس قدر اونچی ہونی چاہئے؟

جواب     …:   قبر زمین سے ایک بالشت اونچی ہو یا اس سے معمولی زیادہ۔ ^)[2](

تدفین کے بعد کے امور

سوال …:                       تدفین کے بعد کیا کرنا چاہئے؟

جواب     …:                        تدفین کے بعد درج ذیل کام کرنا چاہئیں :  

٭…  پانی چھڑکنا سنت ہے۔اس کے علاوہ بعد میں پودے وغیرہ کو پانی دینے کی غرض سے چھڑکیں تو جائز ہے۔آ ج کل جو بلا وجہ قبروں پر پانی چھڑکا جاتا ہے اس کو فتاویٰ رضویہ شریف، ج ۴  ص ۱۸۵ پر اسراف لکھا ہے۔

٭…  دفن کے بعد سرہانے الٓـمّٓ تا اَلْمُفْلِحُوۡنَ اور قدموں کی طرف اٰمَنَ الرَّسُوۡلُ سے ختم سورہ تک پڑھنا مستحب ہے۔

٭…  تلقین کریں ۔