غسل کا طریقہ

اسلام کی بنیادی باتیں ۔ حصہ ۳

کتاب میں نتائج:

(۱)… کلی کرنا: منہ میں تھوڑا سا پانی لے کر پچ کر کے ڈال دینے کا نام کلی نہیں بلکہ منہ کے ہر پرزے ، گوشے، ہونٹ سے حلق کی جڑ تک ہر جگہ پانی بہ جائے۔⁾^{^[1]}⁽

(۲)… ناک میں پانی چڑھانا: جلدی جلدی ناک کی نوک پر پانی لگا لینے سے کام نہیں چلے گا جہاں تک نرم جگہ ہے یعنی سخت ہڈی کے شروع تک دھلنا لازمی ہے⁾^{^[2]}⁽

(۳)… تمام ظاہری بدن پر پانی بہانا: سر کے بالوں سے لے کر پاؤں کے تلووں تک جسم کے ہر پرزے اور ہر ہر رونگٹے پر پانی بہ جانا ضروری ہے، جسم کی بعض جگہیں ایسی ہیں کہ اگر احتیاط نہ کی تو وہ سوکھی رہ جائیں گی اور غسل نہ ہوگا۔⁾^{^[3]}⁽

غسل کا طریقہ

٭… بغیر زبان ہلائے دل میں اس طرح نیت کیجئے کہ میں پاکی حاصل کرنے کے لئے غسل کرتا ہوں ۔

٭… پہلے دونوں ہاتھ پہنچوں تک تین تین بار دھوئیے۔

٭… پھر استنجے کی جگہ دھوئیے خواہ نجاست ہو یا نہ ہو۔

٭… پھر جسم پر اگر کہیں نجاست ہو تو اس کو دور کیجئے۔

٭… پھر نماز کا سا وضوکیجئے مگر پاؤں نہ دھوئیے، ہاں اگر چوکی وغیرہ پر غسل کر رہے ہیں یا ایسی جگہ پر ہیں جہاں پانی ٹھہرتا نہیں تو پاؤں بھی دھو لیجئے۔

٭… پھر بدن پر تیل کی طرح پانی چپڑ لیجئے، خصوصاً سردیوں میں (اس دوران صابن بھی لگا سکتے ہیں )

٭… پھر تین بار سیدھے کندھے پر پانی بہائیے۔ پھر تین بار الٹے کندھے پر، پھر سر پر اور تمام بدن پر تین بار۔

٭… پھر غسل کی جگہ سے الگ ہو جائیے، اگر وضو کرنے میں پاؤں نہیں دھوئے تھے تو اب دھو لیجئے۔

آدابِ غسل

سوال …: نہانے میں کن باتوں کو پیشِ نظررکھنا چاہئے؟

جواب …: نہانے میں درج ذیل باتوں کو پیشِ نظررکھنا چاہئے:

٭… نہانے میں قبلہ رخ نہ ہوں ۔ ٭… تمام بدن پر ہاتھ پھیر کر مل کر نہائیے۔

٭… ایسی جگہ نہائیں کہ کسی کی نظر نہ پڑے اگر یہ ممکن نہ ہو تو مرد اپنا ستر (ناف سے لے کر دونوں گھٹنوں سمیت) کسی موٹے کپڑے سے چھپا لے، موٹا کپڑا نہ ہو تو حسب ضرورت دو یا تین کپڑے لے، کیونکہ باریک کپڑا ہوگا تو پانی سے بدن پر چپک جائے گا اور مَعَاذَ اللہ گھٹنوں یا رانوں وغیرہ کی رنگت ظاہر ہوگی۔ عورت کو تو اور بھی زیادہ احتیاط کی حاجت ہے۔

٭… دورانِ غسل کسی قسم کی گفتگو مت کیجئے۔ ٭… کوئی دعا بھی نہ پڑھئے۔

٭… نہانے کے بعد تولیے وغیرہ سے بدن پونچھنے میں حرج نہیں ۔

٭… نہانے کے بعد فوراً کپڑے پہن لیجئے۔ اگر مکروہ وقت نہ ہو تو دو رکعت نفل ادا کرنا مستحب ہے۔ ⁾^{^[4]}⁽

بے وضو یا بے غسل کے لیے ممنوع کام

سوال …: ناپاکی کی حالت میں کون کون سے کام نہیں کر سکتے؟

جواب …: ناپاکی کی حالت میں یہ کام کرنا منع ہیں :

(1)… جس پر غسل فرض ہو اس پر درج ذیل کام کرنا حرام ہیں :

٭… مسجد میں جانا ٭… طواف کرنا ٭… قرآنِ پاک چھونا

٭… بے چھوئے زبانی پڑھنا⁾^{^[5]}⁽ ٭… کسی آیت کا لکھنا ٭… آیت کا تعویذ لکھنا

[1] خلاصۃ الفتاویٰ، کتاب الطھارۃ، الفصل الثالث، سنن الوضوء، الجزء الاول، ۱ / ۲۱

[2] المرجع السابق

[3] عالمگیری، کتاب الطھارۃ، الباب الثانی، الفصل الثانی، ۱ / ۱۴

[4] نماز كے احكام، غسل کا طریقہ، ص۱۰۰ ملتقطاً

[5] در مختار ، كتاب الطهارة، ۱ / ۳۴۳، ۳۴۸

کتاب کا موضوع

صراط الجنان

موبائل ایپلیکیشن

Play Store App Store

معرفۃ القرآن

موبائل ایپلیکیشن

Play Store App Store

فیضانِ حدیث

موبائل ایپلیکیشن

Play Store App Store

پریئر ٹائمز

موبائل ایپلیکیشن

Play Store App Store

ریڈ اینڈ لسن

موبائل ایپلیکیشن

Play Store App Store

اسلامک ای بک لائبریری

موبائل ایپلیکیشن

Play Store App Store

نعت کلیکشن

موبائل ایپلیکیشن

Play Store App Store

بہار شریعت

موبائل ایپلیکیشن

Play Store App Store

فیڈبیک

اپنی قیمتی آراء دینے کے لئے support@dawateislami.net پر ای میل کیجئے یا فیڈ بیک کے بٹن پر کلک کیجئے

ڈونیشن

اپنے عطیات دعوت اسلامی کو دیجئے، آپ کے چندے یعنی ڈونیشن کو کسی بھی جائز، دینی، اصلاحی، فلاحی، روحانی، خیرخواہی، بھلائی اور آمدنی بڑھانے کے جائز اور محفوظ کام میں لگایا جا سکتا ہے تا کہ بڑھتے اخراجات کو پورا کیا جا سکے.

سرچ کریں

کتابیں منتخب کریں

کیٹیگری سیلیکٹ کریں

کتاب میں نتائج: