تو زائد۔ نَجاستِ خفیفہ میں بھی مجموعے ہی پر حکم دیا جائے گا۔^)[1](

سوال …:                    کون کون سی چیزیں نجاستِ غلیظہ ہیں ؟

جواب …:            آدمی کا پیشاب ،پاخانہ ، بہتا خون ، پیپ، منہ بھر قَے ،دُکھتی آنکھ کا پانی ،حرام چوپایوں کا پیشاب پاخانہ، گھوڑے کی لِیداور ہر حلال جانور کا گوبر، مینگنی ،مرغی اور بَط کی بِیٹ ،ہر قسم کی شراب ،سؤر کا گوشت اور ہڈی اور بال،چھپکلی یا گرگٹ کا خون اور دَرندے چوپایوں کا تھوک، یہ سب چیزیں نجاستِ غلیظہ ہیں ۔اس کے علاوہ دُودھ پیتے بچّے یا بچّی کا پیشاب اور ان کی قَے بھی اگر منه بھر هے نجاستِ غلیظہ ہے اور یہ جو لوگوں میں مشہور ہے کہ ’’ دُودھ پیتے بچّوں کا پیشاب پاک ہے  ‘‘ محض غلط ہے۔^)[2](

نجاستِ خفیفہ

سوال …:                    نجاستِ خفیفہ کا حکم کیا ہے؟

جواب …:            نجاستِ خفیفہ کا حکم ہلکا ہے یعنی کپڑے کے حصّہ یا بدن کے جس عضو میں لگی ہو:   

٭…  اگر اس کی چوتھائی سے کم ہے تو معاف ہے۔

٭…  اگر چوتھائی کے برابر ہو تو اس کا دھونا واجب ہے۔

٭…  اگر زیادہ ہو تو اس کا پاک کرنا فرض ہے ۔ بے دھوئے نماز ہوگی ہی نہیں ۔^)[3](

سوال …:                    نجاستِ خفیفہ کون کون سی چیزیں ہیں ؟

جواب …:            حلال جانوروں اور گھوڑے کا پیشاب اور حرام پرندوں کی بِیٹ نجاستِ خفیفہ ہے اور اگر نجاستِ غلیظہ، خفیفہ میں مل جائے تو کل غلیظہ ہے۔^)[4](

سوال …:                    بدن یا کپڑا نَجِس ہوجائے تو پاک کرنے کا کیا طریقہ ہے؟

جواب …:            بدن یا کپڑا نَجِس ہوجائے تو انہیں پاک کرنے کے دو طریقے ہیں :

عَزَّ وَجَلَّ …:          نجاست اگر پتلی ہوتوبدن یا کپڑا تین مرتبہ  دھونے سے پاک ہوجائے گا ،مگر کپڑے کو تینوں مرتبہ  اپنی پوری قوّت سے اس طرح نچوڑنا ضروری ہے کہ اس سے مزید کوئی قطرہ نہ ٹپکے، پہلی اور دوسری بار نچوڑ کر ہاتھ بھی دھو لے۔ جب كہ تيسري مرتبه نچوڑنے ميں كپڑا اور هاتھ دونوں پاك هو جائيں گےــ اور اگر نجاست دَلدار (یعنی موٹی، دبیز) ہو جیسے گوبر، خون، پاخانہ وغیرہ تو اس کو دور کرنا ضروری ہے۔ گنتی کی کوئی شرط نہیں اگرچہ چار پانچ مرتبہ  دھونا پڑے۔^)[5](مگر یہ تین مرتبہ  دھونے اور نچوڑنے کا حکم اس وَقت ہے جب تھوڑے پانی میں دھویا ہو۔

2 …:    اگر حوضِ کبیر (جس کی مقدار دَہ در دَہ یعنی 25گز یا225فٹ ہو یا پھر اس سے بڑے حوض، نہر، ندی، سمندر وغیرہ) میں دھویا ہو یا (نل،پائپ یا لوٹے وغیرہ کے ذریعے) بَہُت سا پانی اس پر بہایا یا (دریا وغیرہ) بہتے پانی میں دھویا تو نچوڑنے کی شرط نہیں۔^)[6](  بلکہ فُقَہائے کرام رَحِمَہُمُ اللّٰہُ السَّلَام فرماتے ہیں :  دَری یا ٹاٹ یا کوئی ناپاک کپڑا بہتے پانی میں رات بھر پڑا رہنے دیں پاک ہو جائے گا اور اصل یہ ہے کہ جتنی دیر میں یہ ظنِّ غالِب ہو جائے کہ پانی نَجاست کو بہالے گیا پاک ہو گیا کہ بہتے پانی سے پاک کرنے میں نِچوڑنا شرط نہیں ۔^)[7](

٭…٭…٭

غسل

غسل کے فرائض

سوال …:                    غسل کے کتنے فرض ہیں ؟ اور ان سے کیا مراد ہے؟

جواب …:            غسل کے تین فرض ہیں :