ترجمۂ کنز الایمان:  اور بے شک ہم نے نبیوں میں ایک کو ایک پر بڑائی دی اور داود کو زبور عطا فرمائی۔

٭…  انجیل حضرت سیِّدُنا عیسیٰ عَلَیْہِ السَّلَام پر نازل فرمائی اور اس کا ذکر کچھ یوں فرمایا:  

وَ قَفَّیْنَا عَلٰۤى اٰثَارِهِمْ بِعِیْسَى ابْنِ مَرْیَمَ مُصَدِّقًا لِّمَا بَیْنَ یَدَیْهِ مِنَ التَّوْرٰىةِ۪-وَ اٰتَیْنٰهُ الْاِنْجِیْلَ فِیْهِ هُدًى وَّ نُوْرٌۙ- (پ۶،المائدۃ: ۴۶)

ترجمۂ کنز الایمان:  اور ہم اُن نبیوں کے پیچھے اُن کے نشان قدم پر عیسٰی بن مریم کو لائے تصدیق کرتا ہوا توریت کی جو اس سے پہلے تھی اور ہم نے اُسے انجیل عطا کی جس میں ہدایت اور نور ہے ۔

٭…  قرآنِ مجید جو سب سے افضل کتاب ہے وہ سب سے افضل رسول حضرت سیِّدُنا محمد صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم پر  نازل فرمائی اور اس کا ذکر کچھ یوں فرمایا:  

اِنَّا نَحْنُ نَزَّلْنَا عَلَیْكَ الْقُرْاٰنَ تَنْزِیْلًاۚ(۲۳) (پ۲۹،الدھر: ۲۳)

ترجمۂ کنز الایمان: بے شک ہم نے تم پر قرآن بتدریج اتارا۔

سوال …:                        چار مشہور آسمانی کتابیں کن زبانوں میں نازل ہوئیں ؟

جواب …:                                                 ان چاروں میں سے توراۃ اور زبور عبرانی زبان میں ، انجیل سریانی زبان میں اور قرآنِ کریم عربی زبان میں نازل ہوا۔ ⁾[1]⁽

سوال …:                      اگر کوئی ان صحیفوں یا کتابوں میں سے کسی ایک کو نہ مانے تو اس پر کیا حکم نافذ ہو گا؟

جواب …:                                             اگر کوئی ان صحیفوں یا کتابوں میں سے کسی ایک کو نہ مانے تو اس پر کفر کا حکم نافذ ہو گا کیونکہ کسی بھی آسمانی کتاب یا صحیفے کا انکار کرنا کفر ہے۔ ⁾[2]⁽

سوال …:                      کیا اللہ  عَزَّ وَجَلَّ  نے جتنے صحیفے اور کتابیں نازل فرمائیں ، سب پر ایمان لانا ضروری ہے؟

جواب …:                                             جی ہاں !  اللہ  عَزَّ وَجَلَّ  نے جتنے صحیفے اور کتابیں نازل فرمائیں سب حق ہیں اور سب اللہ  عَزَّ وَجَلَّ  کا کلام ہیں ، ان کتابوں میں جو کچھ ارشادِ خداوندی ہوا سب پر ایمان لانا اور ان کو سچ ماننا ضروری ہے۔⁾[3]⁽

سوال …:                      کیا ہم پر تمام آسمانی کتابوں اور صحیفوں میں نازل کردہ احکامات پر عمل کرنا لازم ہے؟

جواب …:                                             جی نہیں !  ہم پر تمام آسمانی کتابوں اور صحیفوں میں نازل کردہ احکامات پر عمل کرنا لازم نہیں بلکہ ہم پر صرف قرآنِ کریم کے احکامات پر عمل کرنا فرض ہے۔

سوال …:                      کیا قرآنِ مجید میں کمی بیشی ممکن ہے؟

جواب …:             جی نہیں !  قرآنِ مجید میں کمی بیشی ممکن نہیں ۔ اسلام چونکہ ہمیشہ رہنے والا دین ہے۔ لہٰذا قرآنِ مجید کی حفاظت کی ذمہ داری اللہ  عَزَّ وَجَلَّ  نے اپنے ذمہ رکھی ہے، اس لیے قرآنِ مجید میں کوئی کمی بیشی کردے ایسا کبھی نہیں ہو سکتا۔ ⁾[4]⁽ چنانچہ ارشاد فرمایا:  

اِنَّا نَحْنُ نَزَّلْنَا الذِّكْرَ وَ اِنَّا لَهٗ لَحٰفِظُوْنَ(۹) (پ۱۴،اٰلحجر: ۹)

ترجمۂ کنز الایمان:  بےشک ہم نے اتارا ہے یہ قرآن اور بے شک ہم خود اس کے نگہبان ہیں ۔

سوال …:                      اگر کوئی قرآنِ مجید میں کسی قسم کی کمی بیشی کا قائل ہو تو اسے کیا کہیں گے؟

 جواب …:  اگر کوئی قرآنِ مجید میں کسی قسم کی کمی بیشی کا قائل ہو تو اسے کافر کہیں گے۔ ⁾[5] ⁽کیونکہ فرمانِ باری تَعَالٰی ہے:   لَّا یَاْتِیْهِ الْبَاطِلُ مِنْۢ بَیْنِ یَدَیْهِ وَ لَا مِنْ خَلْفِهٖؕ-تَنْزِیْلٌ مِّنْ حَكِیْمٍ حَمِیْدٍ(۴۲) (پ۲۴، حم السجدۃ:  ۴۲)  ترجمۂ کنز الایمان:  باطل کو اس کی طرف راہ نہیں نہ اس کے آگے سے نہ اس کے پیچھے سے اتارا ہوا ہے حکمت والے سب خوبیوں سراہے کا۔  صدر الافاضل حضرتِ علامہ مولانا سید محمد نعیم الدین مراد آبادی عَلَیْہِ رَحْمَۃُ اللّٰہِ الْہَادِی  خزائن العرفان میں اس آیتِ مبارکہ کی تفسیر میں فرماتے ہیں :  یعنی کسی طرح اور کسی جہت (سمت، طرف) سے بھی باطل اس تک راہ نہیں پاسکتا ، وہ تغییر و تبدیل و کمی و زیادتی سے محفوظ ہے ، شیطان اس میں تصرف (یعنی اپنی طرف سے کچھ شامل کرنے یا بنا دینے) کی قدرت نہیں رکھتا۔

سوال …:                    قرآنِ مجید میں کل کتنے پارے اور سورتیں ہیں ؟

جواب …:            قرآنِ مجید میں کل 30 پارے اور 14 1سورتیں ہیں ۔

سوال …:                    قرآنِ پاک کی کون سی آیت سب سے پہلے نازل ہوئی؟