)19(… حضرت سیِّدُنا یونس عَلَیْہِ السَّلَام کا نامِ مبارک قرآنِ مجید میں 4بار آیا ہے۔ چنانچہ، پارہ 23سورۂ صافات کی آیت نمبر 139میں ہے:  وَ اِنَّ یُوْنُسَ لَمِنَ الْمُرْسَلِیْنَؕ(۱۳۹)

)20(… حضرت سیِّدُنا لوط عَلَیْہِ السَّلَام کا نامِ مبارک قرآنِ مجید میں 27بار آیا ہے۔ چنانچہ، پارہ 23سورۂ صافات کی آیت نمبر 133میں ہے:  وَ اِنَّ لُوْطًا لَّمِنَ الْمُرْسَلِیْنَؕ(۱۳۳)

)21(… حضرت سیِّدُنا ادریس عَلَیْہِ السَّلَام کا نامِ مبارک قرآنِ مجید میں 2بار آیا ہے۔ چنانچہ، پارہ  16 سورۂ مریم کی آیت نمبر 56میں ہے:  وَ اذْكُرْ فِی الْكِتٰبِ اِدْرِیْسَ٘-اِنَّهٗ كَانَ صِدِّیْقًا نَّبِیًّاۗۙ(۵۶)

(22)… حضرت سیِّدُنا صالح عَلَیْہِ السَّلَام  کا نامِ مبارک قرآنِ مجید میں 9بار آیا ہے۔ چنانچہ پارہ 8سورۂ اعراف کی آیت نمبر 73میں ہے:  وَ اِلٰی ثَمُوۡدَ اَخَاہُمْ صٰلِحًا ۘ 

(23)… حضرت سیِّدُنا ہود عَلَیْہِ السَّلَام کا نامِ مبارک قرآنِ مجید میں 7بار آیا ہے۔ چنانچہ پارہ  12سورۂ ھود کی آیت نمبر 58میں ہے:  وَ لَمَّا جَآءَ اَمْرُنَا نَجَّیْنَا هُوْدًا

(24)… حضرت سیِّدُنا شعیب عَلَیْہِ السَّلَام کا نامِ مبارک قرآنِ مجید میں 11بار آیا ہے۔ چنانچہ پارہ 8سورۂ اعراف کی آیت نمبر 85میں ہے:  وَ اِلٰى مَدْیَنَ اَخَاهُمْ شُعَیْبًاؕ-

)25(… حضرت سیِّدُنا عزیر عَلَیْہِ السَّلَام کا نامِ مبارک قرآنِ مجید میں ایک بار آیا ہے۔ چنانچہ پارہ  10سورۂ توبہ کی آیت نمبر 30میں ہے:  وَ قَالَتِ الْیَهُوْدُ عُزَیْرُ ﰳابْنُ اللّٰهِ

(26)… ہمارے پیارے نبی مُحَمَّدٌ رَّسُوْلُ ﷲ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کا نامِ مبارک محمد قرآنِ مجید میں 4بار آیا ہے۔ چنانچہ پارہ 4سورۂ آلِ عمران کی آیت نمبر 144میں ہے:  وَ  مَا  مُحَمَّدٌ  اِلَّا  رَسُوْلٌۚ-اور پارہ 28سورۂ صف کی چھٹی آیتِ مبارکہ میں اَحْمَدُ ایک بار آیا ہے۔

٭…٭…٭

مَقْصَدِ رِسَالَت

سوال …:                      اللہ  عَزَّ وَجَلَّ  نے پیغمبروں اور رسولوں کو دنیا میں کیوں بھیجا؟

جواب …:  اللہ  عَزَّ وَجَلَّ  نے پیغمبروں اور رسولوں کو دنیا میں بھیجا تا کہ وہ اللہ  عَزَّ وَجَلَّ  کے احکام اس کی مخلوق تک پہنچائیں اور بندے ان پر عمل کر کے ہدایت ونجات کی راہ پائیں ۔  ^)[1](

٭…٭…٭

تَبْلِیغِ رِسَالَت

سوال …:                    تبلیغ سے کیامراد ہے؟

جواب …:                                         تبلیغ سے مراد ہےاللہ  عَزَّ وَجَلَّ  کے احکام کولوگوں تک پہنچانا ۔

سوال …:                    کیا پیغمبروں نے اللہ  عَزَّ وَجَلَّ  کے تمام احکام لوگوں تک پہنچا دئیے ہیں ؟

جواب …:                                          جی ہاں !  اللہ  عَزَّ وَجَلَّ  نے پیغمبروں پر شریعت کے جتنے احکام تبلیغ کے لیے نازل فرمائے ان پیغمبروں نے ان تمام احکام کو خدا کے بندوں تک پہنچادیا ہے۔^)[2](

سوال …:                     اگر کوئی یہ کہے کہ کسی نبی یا رسول نے اللہ  عَزَّ وَجَلَّ  کے تمام احکام لوگوں تک نہیں پہنچائے تو اسے کیا کہیں گے؟

جواب …:                                         جو یہ کہے کہ کسی نبی یا رسول نے کسی حکم کو کسی بھی وجہ سے چھپا لیا اور لوگوں تک نہیں پہنچایا وہ کافر ہے۔^)[3](

٭…٭…٭

دلیلِ رِسَالت

سوال …:                    کیا رسولوں کے پاس اپنی رسالت کی کوئی دلیل ہوتی ہے؟

جواب …:                                         جی ہاں !  رسولوں کے پاس اپنی رسالت کی دلیل ہوتی ہے اور اسے معجزہ کہتے ہیں ۔

سوال …:                    معجزہ کیا ہوتا ہے؟

جواب …:                                         اللہ  عَزَّ وَجَلَّ  نے اپنے پیغمبروں کی سچائی ظاہر کرنے کے لیے ان کے ہاتھوں پر ایسی ایسی حیرت اور تعجب میں ڈالنے والی چیزیں ظاہر فرمائیں جو بہت ہی مشکل اور عادت کے خلاف ہیں اور دوسرے لوگ ایسا نہیں کرسکتے۔ ان چیزوں کو  ’’ معجزہ ‘‘  کہتے ہیں ۔ ^)[4](