30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
اَلْحَمْدُ لِلہِ رَبِّ الْعٰلَمِیْنَ وَالصَّـلٰوةُ وَالسَّـلَامُ عَلٰی خَاتَمِ النَّبِيّنَ
اَمَّا بَعْدُ فَاَعُوْذُ بِاللہ مِنَ الشَّیْطٰنِ الرَّجِیْم بِسْمِ اللہ الرَّحْمٰنِ الرَّحِیْم
اِسلام اور ویٹرنری سائنس
درود شریف کی فضیلت
اللہ پاک کے آخری نبی صلی اللہ علیہ و اٰلہٖ وسلم نے فرمایا: جو بندہ محبت اور شوق کے ساتھ 3مرتبہ دن میں اور 3مَرتبہ رات کو مجھ پر درودِ پاک پڑھے، اللہ پاک پر حق ہے کہ اس کے اُس دِن اور اُس رات کے گُنَاہ مُعَاف فرما دے۔ (1)
مایوس کیوں ہو عاصیو! تم حوصَلہ رکھو رَب کی عطا سے انکا کرم ہے سبھی کے ساتھ(2)
صَلُّوْا عَلَی الْحَبِیْب! صَلّی اللہ عَلٰی مُحَمَّدٍ
بیمار جانور وں کا عِلاج
اس کائنات کو پیدا کرنے والے خالق ومالک ، اللہ رب العالمین نے زمین پر بے شمار قسم کے جانور پیدا فرمائے اور ان میں انسانوں کے لئے طرح طرح کے فوائد رکھے، انہی فوائد کو حاصِل کرنے کے لئے ہم مختلف اقسام کے جانور پالتے، ان کی دیکھ بھال کرتے اور ان سے غذائی، معاشی، باربرداری (بوجھ اٹھانے)، رکھوالی اور شکار وغیرہ جیسے مختلف فوائد حاصل کرتے ہیں۔ اللہ پاک نے اپنی رحمت سے صرف انسانوں کو ہی نہیں بلکہ بے زبان جانوروں اور چرند پرند تک کو نرمی، بھلائی اور حسنِ سلوک کا حق عطا کیا۔ اسلام ہمیں یہ سکھاتا ہے کہ جانور محض استعمال کی اشیاء نہیں بلکہ اللہ تعالیٰ کی زندہ مخلوق ہیں، جو احساس رکھتی ہیں، درد محسوس کرتی ہیں، بھوک و پیاس، بیماری و تکلیف سے گزرتی ہیں اس لئے ان کے ساتھ نرمی ومہربانی والا معاملہ کیا جائے۔ اِسلامی تعلیمات جانوروں کے معاملے میں بھی آخرت کی جواب دہی کا احساس پیدا کرتی ہیں ۔ چنانچہ ؛
[1] ...معجم کبیر، 8/69، حدیث:15316، دارالفکر عمان
[2] ...وسائل بخشش، ص211، مکتبۃ المدینہ، کراچی
کتاب کا موضوع
کتاب کا موضوع