30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Hazrat Sufyan Sauri رحمۃ اللہ علیہ ke 87 Irshadaat | حضرت سفیان ثوری رحمۃ اللہ علیہ کے 87 ارشادات
علمِ دِین کی اَہمیت اورترغیب کے بارے میں 14 مَدَنی پھول
حضرت سفیان ثوری رحمۃ اللہ علیہ کے 87 ارشادات
کتاب میں نتائج:
اللہ پاک کی رضا پانے اور علمِ دِین حاصل کرنے کی نیّت سے ان اَقوال کو پڑھیں اور نیت کریں کہ ان پر عمل بھی کریں گے اِن شاءَ اللہ الکریم ۔
علمِ دِین کی اَہمیت اورترغیب کے بارے میں 14 مَدَنی پھول
(1)حضرت ِسُفیان ثَوری رحمۃُ اللہ علیہ نے فرمایا: عِلم اس لیے حاصل کیا جاتا ہے تاکہ اس کے ذریعے اللہ پاک کا ڈَر اور تَقویٰ حاصل ہو ، اسی وجہ سے عِلم کو فضیلت دی گئی ہے ۔ ( اللہ والوں کی باتیں، 6/501)
(2) علم سِیکھواور اس پر صَبْر اوربرداشت سے کام لو اور اس کے ساتھ ہنسی کو مَت مِلاؤ ورنہ دل پتّھر ہو جائیں گے۔( اللہ والوں کی باتیں، 6/502)
(3)اپنے ذریعے علم کو زینت بخشو علم کے ذریعے خود کو زینت مت دو۔( اللہ والوں کی باتیں، 6/501) (مطلب یہ علمِ دِین کی دولت حاصل کر کے اپنے آپ سے جہالت کو دُور کرو اور پھر اس علم کو پھیلا ؤ ،یہ نہیں کہ علم اس لیے حاصل کروکہ لوگ آپ کی تعریف کریں یا آپ کو بڑا عالم کہیں۔)
(4) ’’علم‘‘ دِین کا طبیب ہے اور ’’دِرْہَم‘‘ دِین کی بیماری ہے، جب طبیب ہی بیماری کو اپنی طرف کھینچے گا تو پھر دوسرے کا علاج کیسے کرے گا؟
( اللہ والوں کی باتیں، 6/501)
(5)علم کا سب سے پہلا درجہ خاموشی، دوسرا تَوجّہ سے سُننا اور یاد کرنا، تیسرا اس پر عمل کرنا اور چوتھا اسے پھیلانا ہے۔ ( اللہ والوں کی باتیں، 6/502)
(6)فرائض کےبعدعلم حاصل کرنےسے افضل عمل اورکوئی نہیں ہے۔( اللہ والوں کی باتیں، 6/502)
(7)آدمی کو چاہیے کہ اپنی اولاد کو علم حاصل کرنے پر مجبور کرے کیونکہ اس سے اس بارے میں پُوچھا جائے گا۔
( اللہ والوں کی باتیں، 6/505)
کتاب کا موضوع
کتاب کا موضوع
- حضرت سُفیان ثوری رحمۃُ اللہ علیہ کے 87 اِرشادات⁽¹⁾
- دُرُود شریف کی فضیلت
- گھر آئی دولت واپَس کر دی(واقِعہ)
- علمِ دِین کی اَہمیت اورترغیب کے بارے میں 14 مَدَنی پھول
- عبادت کے بارے میں 3 مَدَنی پھول
- خوفِ خدا کے بارے میں 3 مَدَنی پھول
- حُبِّ مال اور دنیا سے بے رَغبتی کے بارے میں20 مَدَنی پھول
- موت، قَبْر اور آخِرت کے بارے میں 12 مَدَنی پھول
- شُہرت سے بچنے کے بارے میں7 مَدَنی پھول
- مُتَفَرِّق باتوں کے بارے میں 28 مَدَنی پھول
