30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Hazrat Maulana Ubaid Raza Qadri Marhoom | حضرت مولانا عبید رضا قادری مرحوم
تعلیم و تربیت
حضرت مولانا عبید رضا قادری مرحوم
کتاب میں نتائج:
سال سے بطور گرافک ڈیزائنر خدمات سرانجام دے رہے ہیں۔ تیسرے فیضان مشتاق قادری ہیں جو دعوتِ اسلامی کے شعبہ آئی ٹی میں سات سال سے دینِ متین کے کام کو انٹرنیٹ کے ذریعے عام کرنے میں ممد و معاون ہیں اور یو آئی ڈیولپمنٹ ٹیم کے ٹیم لیڈر نیز فل اسٹیک ڈیولپر ہیں اور سب سے چھوٹے صاحبزادے اشفاق مشتاق قادری شعبہ آئی ٹی میں Quality Assurance ٹیم کا حصہ ہیں۔ مزید تفصیل کے لیے دعوتِ اسلامی کے اشاعتی ادارے مکتبۃ المدینہ کی 166صفحات کی شائع شدہ کتاب ”عطار کا پیارا“ کا مطالعہ کیجئے۔
تعلیم و تربیت
مولانا عبید رضا قادری مرحوم نے والد گرامی قاری مشتاق احمد عطاری صاحب کی سرپرستی میں تربیت پائی، والد صاحب کی وفات کے بعد والدہ نے پرورش کی، اسلامک نیٹ ورک اسکول گارڈن کراچی سے میٹرک کیا اور فیضانِ رضا اکیڈمی، جہانگیر روڈ کراچی سے درسِ نظامی کی تکمیل کی۔ درسِ نظامی کرنے میں انہماک کا عالم یہ تھا کہ گویا چھٹی کرنا ان کی ڈکشنری میں نہیں تھا، حالات کیسے ہی ہوتے اکیڈمی پہنچ جایا کرتے تھے۔
بیعت کا شرف امیرِ جماعتِ اہلِ سنت کراچی، پیر طریقت، مردِ حق حضرت مولانا پیر سید تراب الحق شاہ قادری رضوی رحمۃ اللہ علیہ سے حاصل کیا اور امیرِ اہلِ سنت حضرت علامہ مولانا محمد الیاس عطار قادری مدظلہ العالی سے طالب ہوئے۔ آپ کو متعدد اکابر علما و مشائخِ عظام سے اجازتِ حدیث حاصل تھی، اسی طرح آپ دو واسطوں سے اعلیٰ حضرت امام احمد رضا خان رحمۃ اللہ علیہ کی دلائل الخیرات شریف کی اجازت کے شرف سے بھی مشرف ہوئے۔
