محبت تھی۔^([1])

(۹)…تاجدارِ رِسالت، شہنشاہِ نَبوت صَلَّی اللہُ تَعَالٰی عَلَیْہِ وَاٰلِہٖ وَسَلَّم  نے آپ رَضِیَ اللہُ تَعَالٰی عَنْہ  کے لئے اپنے والدین کریمین کو جمع فرماتے ہوئے ارشاد فرمایا: ”فِدَاکَ اَبِی وَ اُمِّی“ یعنی اے زبیر!تم پر میرے ماں  باپ قربان۔^([2])

(۱۰)… سب سے پہلے جس شخص نے حضور نبی ٔپاک، صاحبِ لَوْلاک صَلَّی اللہُ تَعَالٰی عَلَیْہِ وَاٰلِہٖ وَسَلَّم کی حفاظت وحمایت میں  تلوار اُٹھانے کی سعادت پائی وہ حضرت سیِّدُنا زُبَیر بن عَوَّام رَضِیَ اللہُ تَعَالٰی عَنْہ ہیں۔^([3])

میٹھے میٹھے اسلامی بھائیو! حضرت سیِّدُنا زُبَیر بن عَوَّام رَضِیَ اللہُ تَعَالٰی عَنْہ نے جنّتی ہونے کی ضمانت پانے کے باوجود ساری زندگی رضائے رب الانام کے حصول میں  بسر کی، دینِ اسلام کی خاطر ایسی قربانیاں  دیں  جو تاقیامت مسلمانوں  کے لئے نمونہ ہیں  بلکہ آپ رَضِیَ اللہُ تَعَالٰی عَنْہ نے تو اپنی جان ہی اسلام پر قربان کر دی اور شہادت کے عظیم الشان مرتبہ پر فائز ہوئے۔ چنانچہ

    شہادت:

حضرت سیِّدُنا زُبَیر بن عَوَّام رَضِیَ اللہُ تَعَالٰی عَنْہ جب جنگ جمل چھوڑ کر واپس جا رہے تھے، تو ابن جرموز نے تعاقب کر کے آپ رَضِیَ اللہُ تَعَالٰی عَنْہ کو دھوکے سے شہید کر دیا۔ یہ جنگ بروز جمعرات ۱۱جمادی الاخریٰ ۳۶ھ  میں  ہوئی۔^([4]) آپ رَضِیَ اللہُ تَعَالٰی عَنْہ کا مزار مبارک عراق کی سر زمین پر جس شہر میں  واقع ہے اس کا نام ہی مَدِیْنَۃُ الزُّبَیْر ہے۔

قاتل کو جہنم کی خبر:

حضرت سیِّدُنا زُبَیر بن عَوَّام رَضِیَ اللہُ تَعَالٰی عَنْہ کے قاتل ابن جرموز نے امیر المومنین حضرت سیِّدُنا علی المرتضیٰ کَرَّمَ اللہُ تَعَالٰی وَجْہَہُ الْکَرِیْم کی خدمت میں  حاضر ہونے کی اجازت چاہی تو آ پ رَضِیَ اللہُ تَعَالٰی عَنْہ نے ارشاد فرمایا: ”زبیر کے قاتل کو جہنم کی خبر سنا دو۔“^([5])

قرض کی ادائیگی:

حضرت سیِّدُنا عبد اللہ بن زبیر رَضِیَ اللہُ تَعَالٰی عَنْہُما کہتے ہیں  کہ جنگِ جمل کے موقع پر میرے والدِ ماجد (حضرت سیِّدُنا زبیر بن عوام رَضِیَ اللہُ تَعَالٰی عَنْہ)نےاپنے قرض کی ادائیگی کے لیے مجھے وصیت فرمائی اور کہا: ”اگر تم میرے قرض کی ادائیگی سے عاجز آجاؤ تو میرے مولیٰ سے مدد طلب کرنا۔“ فرماتے ہیں  کہ خدا کی قسم! میں  نہ سمجھ سکا کہ مولیٰ سے ان کی کیا مراد ہے؟ چنانچہ میں  نے استفسار کیا: اے ابا جان! آپ کا مولیٰ کون ہے؟ تو ارشاد فرمایا : ”میرا مولیٰ ربِّ کائنات عَزَّوَجَلَّ ہے۔“ پس آپ رَضِیَ اللہُ تَعَالٰی عَنْہ  کے قرض کی ادائیگی میں  ایسی غیبی مدد ہوئی کہ خدا کی قسم! ذرہ بھر دقت و بوجھ کا احساس نہ ہوا کیونکہ جب بھی میں  کوئی پریشانی یا تنگی محسوس کرتا تو ہاتھ اٹھا کر عرض کرتا: ”اے زبیر کے مالک و مولیٰ! ان کے قرض کی ادائیگی میں  غیبی مدد فرما۔“ دعا مانگتے ہی مدعا پورا ہو جاتا۔ فرماتے ہیں  کہ جب حضرت سیِّدُنا زُبَیْربن عَوَام رَضِیَ اللہُ تَعَالٰی عَنْہ  نے جامِ شہادت نوش فرمایا تو آپ رَضِیَ اللہُ تَعَالٰی عَنْہ  نے کوئی درہم و دینارنہ چھوڑا۔ آپ رَضِیَ اللہُ تَعَالٰی عَنْہ  کے ترکہ میں  صرف غابہ کی چند زمینیں  اور کچھ (تقریباً پندرہ) گھر تھے اور قرضے کا عالم یہ تھا کہ جب کوئی شخص ان کے پاس