مَاحَول کی بَرَکَت سے مجھے اَمِیْـرِ اَھْلِسُنّت دَامَتْ بَرَکاتُہُمُ الْعَالِیَہ کے عطا کردہ مَدَنی اِنْعَامَات پر عَمَل کا جذبہ نصیب ہوا اور خصوصًا ایک مَدَنی  انعام( کہ کیا آج آپ نے کنزالایمان سے کم ازکم تین۳ آیات بمع ترجمہ و تفسیر تِلاوَت کرنے یا سننے کی سَعَادَت حاصِل کی) پرعَمَل کرنا شروع کیا اور روزانہ ایک رُکُوع ترجمۂ قرآن کنز الایمان اور اس پر تفسیری حَاشِیہ خزائنُ العِرْفان پڑھنے لگا ۔  اَلْحَمْدُ لِلّٰہ !تا دَمِ تحریر 2 بار پورا قرآنِ پاک مع ترجمہ و تفسیر مُکَمَّل  کرچکا ہوں ۔ اللہ پاک مجھے کَثْرَت کے ساتھ تلاوتِ قرآنِ کریم کی سَعَادَت عَطا فر مائے اور آخری دَم تک مجھے دَعْوَتِ اسلامی کے مَدَنی مَاحَول سے وَابَسْتہ  رکھے ۔

عَطائے حبیبِ خدا مَدنی ماحول                                                                        ہے فَیضانِ غوث ورضا مَدنی ماحول

بَفَیضانِ  احمد  رضا   اِنْ شَآءَ اللہ                                                                         یہ پُھولے پھلے گا سدا مَدنی ماحول

اگر سُنّتیں سیکھنے کا ہے جذبہ                                                                          تم آجاؤ دیگا سِکھا مَدنی ماحول

سَنور جائے گی آخِرت اِنْ شَآءَ اللہ                                                                  تم اپنائے رکّھو سدا مَدنی ماحول

بَہُت سَخْت پچھتاؤ گے یاد رکّھو                                                                         نہ عطارؔ تم چھوڑنا مدنی ماحول ^([1])

صَلُّوا عَلَی الْحَبیب!         صَلَّی اللّٰہُتَعَالٰی عَلٰی مُحَمَّد

میٹھے میٹھے اِسْلَامی بھائیو!آپ نے مُلَاحَظہ فرمایا کہ ہفتہ وار مَدَنی  حلقے میں شریک ہو کر بیان سننے کی بَرَکَت سے ایک نوجوان کی غَفْلَت  بھر ی زِنْدَگی میں کیسا مَدَنی اِنْقِلاب آیا، آیئے !اس پیارے مَدَنی  کام کے مُتَعَلِّق مزید کچھ جانتے ہیں کہ یہ کیا ہے ؟

ہفتہ وار مدنی حلقہ کیا ہے ؟

دَعْوَتِ اِسْلَامی کی تنظیمی اِصْطِلَاح  میں ہر ذیلی حلقے میں کسی کے گھر اِسْلَامی بھائیوں کو جَمْع کر کے شَیْخِ طَرِیْقَت، اَمِیْرِاَھْلِسُنَّت دَامَتْ بَرَکاتُہُمُ الْعَالِیَہ کے ریکارڈڈ بیانات اور مَدَنی  مُذاکَرَے ، جانشینِ امیرِ اہلسنّت، دارالافتا اہلسنّت کے مفتیانِ کرام کے بیان و سلسلے ، نگران و اراکینِ شوریٰ کے مَکْتَبَةُ الْـمَدِینَه سے جاری ہونے والے (آڈیو / ویڈیو)بیانات / سلسلے دیکھنا سننا ہفتہ وار مَدَنی  حلقہ کہلاتا ہے ۔

نوٹ : ہفتہ وار مَدَنی حلقہ وَقْتِ مُقَرَّر ہ پر کسی کا اِنتِظار کئے بغیر، گھر بدل بدل کر نئے نئے اسلامی بھائیوں کو شِرْکَت کی دَعْوَت دے کر پابندی سے کیا جائے ، جس کاآغاز تِلاوَت و نعت سے  اور اِخْتِتام صلوٰۃ و سَلام کے 3 اَشْعار اور مُـخْتَصَردُعا پر ہو ۔ آخر میں چائے وغیرہ کے بجائے  تقسیمِ رسائل اور انفرادی کوشش کی ترکیب کی جائے ۔ (ہَدَف ہر ذیلی حلقے میں ہفتہ وار 1مدنی حلقہ :  شرکا : کم ازکم12 اسلامی بھائی، مدنی حلقے کادورانیہ :  تلاوت و نعت و بیان کا کل دورانیہ :  41 منٹ، اِنفرادی کوشش و مُلَاقَات : 19منٹ)

 ”چل مدینہ “کے سات۷ حُرُوف  کی  نِسْبَت  سے ہفتہ وا ر مَدَنی  حلقے کے 7 فضائل و فوائد 

(1)حُصُولِ عِلْم کا ذَرِیْعَہ 

میٹھے میٹھے اسلامی بھائیو!ہفتہ وار مَدَنی حلقہ بھی دیگر مَدَنی  کاموں کی طرح حُصُولِ عِلْم دِین کا ایک بہترین ذَرِیْعَہ ہے کہ اس میں اسلامی بھائی مل کر شَیْخِ طَرِیْقَت، اَمِیْرِاَھْلِسُنَّت دَامَتْ بَرَکاتُہُمُ الْعَالِیَہ کے مَدَنی مُذاکَرَہ  /  بیان، دِیگر مبلغین کے بیانات سُن کر کئی مُفِید باتوں کا عِلْم حاصِل کرتے ہیں ۔  سرکار ِ مدینہ، راحتِ قلب و سِینہصَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کا فرمانِ عالی شان ہے  : عالِم بنو یا  علم سیکھنے  والے یا علمی گفتگو سننے والے یا عِلْم سے مَحبَّت کرنے والے