نام ’’کرسی پر نماز پڑھنے کے احکام‘‘^([1]) ہے۔ یہ رسالہ دعوت اسلامی کی ویب سائٹ^([2]) سے Download کرکے پڑھ لیں اور کسی سے سمجھ لیں ، اللہ پاک نے چاہا تو اشارے سے نماز پڑھنے میں سہولت ہوجائے گی۔ اللہ پاک ان کے حال پر رحم فرمائے اور اس اذیت سے نکالے۔ مَاشَآءَ اللہ ان کى ہمت کىسى ہے کہ اس حال میں بھی انہوں نے سوال رىکارڈ کرواىا ہے! بڑى بات ہے۔ ان کا نماز کا جذبہ بھی سُبْحٰنَ اللّٰہ !اللہ ان کے صدقے مجھے پکا نمازى بنادے اور اىسى نماز پڑھنے کى سعادت عطا کرے جو اس کى بارگاہ مىں قبول ہوجائے۔ ورنہ اپنى نمازىں تو بس غفلت  بھرى ہوتى ہىں۔ مَاشَآءَ اللہ یہ عطاری بھی ہیں اور ان کی داڑھی بھی پوری ہے۔ اِنْ شَآءَ اللہ یہ ٹھیک ہوجائیں گے ، اللہ پاک بہتر کرے گا۔ بے چارے کے فیل گردے بھی چل پڑیں تو اللہ کی رحمت سے کیا بعید ہے!!

گوش ، بینی اور بینائی کی شان

سُوال : پیارے آقا صَلَّی اللّٰہُ عَلَیْہِ وَاٰلِہٖ وَ سَلَّم کی آنکھ ، کان اور ناک مبارک کی کچھ شان بیان فرمادیجئے۔ ^([3])

جواب : اللہ کرىم کے پىارے پىارے نبى صَلَّی اللّٰہُ عَلَیْہِ وَاٰلِہٖ وَ سَلَّم کى جن جن اَداؤں اور خوبىوں کو دىکھىں وہ رَبُّ الْعِزَّت کى خاص  عناىت سے  بدرجۂ اتم ىعنى مکمل طور پر آپ صَلَّی اللّٰہُ عَلَیْہِ وَاٰلِہٖ وَ سَلَّم مىں موجود ہیں۔ سچ تو ىہ ہے کہ رَبِّ ذُوالْجَلَال کے محبوبِ بے مثال صَلَّی اللّٰہُ عَلَیْہِ وَاٰلِہٖ وَ سَلَّم کا ’’بال بال‘‘ باکمال ہے۔ مىرے آقا اعلىٰ حضرت امام احمد رضا خان رَحْمَۃُ اللہِ عَلَیْہ کىا خوب فرماتے ہىں :

الغرض اُن کے ہر مُو پہ بے حد دُرُود

         اُن کی ہر خُو و خصلت پہ لاکھوں سَلام               (حدائقِ  بخشش)

                             ’’ مُو‘‘ بال کو کہتے ہیں۔ پىارے آقا صَلَّی اللّٰہُ عَلَیْہِ وَاٰلِہٖ وَ سَلَّم کى مبارک شان کے مختلف گوشوں کو بىان کرتے کرتے اعلىٰ حضرت رَحْمَۃُ اللہِ عَلَیْہ نے فرماىا کہ الغرض! یعنی قصہ مختصر یہ کہ پىارے آقا صَلَّی اللّٰہُ عَلَیْہِ وَاٰلِہٖ وَ سَلَّم کے ہر ہر بال پر بےحد رحمتىں اور درود ہوں اور پىارے آقا صَلَّی اللّٰہُ عَلَیْہِ وَاٰلِہٖ وَ سَلَّم کى ہر ہر عادتِ کرىمہ پر اللہ پاک کے لاکھوں سلام ہوں۔

                             اے عاشقانِ رسول! نور والے آقا ، مدىنے والے مصطفےٰ صَلَّی اللّٰہُ عَلَیْہِ وَاٰلِہٖ وَ سَلَّم کے کان مبارک  کامل و مکمل تھے اور ان مبارک کانوں کى شان  اىسى تھى جىسے کائنات مىں کسى کو  ملى ، نہ ملے۔  آپ صَلَّی اللّٰہُ عَلَیْہِ وَاٰلِہٖ وَ سَلَّم ہزاروں ، بلکہ لاکھوں کروڑوں مىل دور آسمانوں کى چرچراہٹ کو بھى سن لىا کرتے تھے ، ^([4])حالانکہ آسمان اتنى دور ہے کہ اس تک پہنچنے کے لئے ایک گھوڑے کو 500 سال تک دوڑنا پڑے۔ ^([5])ترمذى شرىف مىں ہے کہ رحمتِ عالم صَلَّی اللّٰہُ عَلَیْہِ وَاٰلِہٖ وَ سَلَّم نے ارشاد فرماىا : بے شک مىں وہ دىکھتا ہوں جو تم نہىں دىکھتے اور جو مىں سنتا ہوں وہ تم نہىں سنتے۔ ^([6]) آپ صَلَّی اللّٰہُ عَلَیْہِ وَاٰلِہٖ وَ سَلَّم کے آسمان کی چرچراہٹ سننے کی بھی روایت ہے۔ ^([7]) شہنشاہ سخن مولانا حسن رضا خان رَحْمَۃُ اللہِ عَلَیْہ بارگاہِ رسالت مىں عرض  کرتے ہىں :

اے کرم کی کان! اے گوش حضور

        سن لے فریاد غریباں الغیاث         (ذوقِ نعت)

                             یعنی یَارَسولَ اللہ صَلَّی اللّٰہُ عَلَیْہِ وَاٰلِہٖ وَ سَلَّم! آپ بڑے فضل و کرم والے ہىں ، آپ کے  مبارک کان ہم جىسے غرىبوں کے دکھ درد کى فرىاد سن لىں۔

                             پىارے پىارے اسلامى بھائىو! اللہ کے پىارے حبىب صَلَّی اللّٰہُ عَلَیْہِ وَاٰلِہٖ وَ سَلَّم کى بىنى مبارک   ىعنى ناک شرىف لمبى ، بارىک اور بىچ مىں قدرے  بلند تھى جس پر ہر وقت نور کى  بارش رہتى ، نیز ناک شریف ہر طرح سے مناسب اور خوبصورت تھى۔ ^([8]) مىرے آقا صَلَّی اللّٰہُ عَلَیْہِ وَاٰلِہٖ وَ سَلَّم ہر طرح سے بے عىب تھے ، آپ کا ہر عضو مناسب تھا جس پر کوئى انگلى نہىں اٹھا سکتا۔