حضرت سیدُنا سَہَلْ بن سَعَدساعِدی رَضِیَ اللہُ تَعَالٰی عَنْہ بیان کرتے ہیں    کہ ایک شخص نے حضورِ اَقْدَس،  شفیعِ روز ِمَحْشَرصَلَّی اللہُ تَعَالٰی عَلَیہ وَ اٰلہٖ وَ سَلَّم کی خدمتِ بابَرَکت میں    حاضر ہوکر اپنی غُربت اور تنگ دستی کی شکایت کی۔ نبیٔ کریم صَلَّی اللہُ تَعَالٰی عَلَیہ وَ اٰلہٖ وَ سَلَّم نےارشاد فرمایا:  جب تم اپنے گھر میں    داخل ہوتو سلام کرو اگرچہ کوئی بھی نہ ہو، پھر مجھ پر سلام بھیجو اور ایک بار قُلْ ھُوَاﷲشریف پڑھو۔ اس شخص نے ایسا ہی کیا تواللہ تعالٰی نے اسے اتنا مالدار کردیا کہ اس نے اپنے ہمسایوں    اور رشتے داروں    میں    بھی تقسیم کرنا شروع کر دیا۔

 (القول البدیع، الباب الثانی فی ثواب الصلاۃ علی رسول اللہ الخ،  ص۲۷۳ )

تنگدستی کا علاج

          مکتبۃ المدینہ کی مطبوعہ419 صفْحات پر مشتمل کتاب  ’’ مدنی پنج سورہ ‘‘  صفْحہ 246 پر ہے:  ’’ یَا مَلِکُ ‘‘ 90بارجو غریب ونادارروزانہ پڑھا کرے  اِنْ شَآءَ اللہ عَزَّوَجَلَّ غربت سے نجات پائے گا۔ ‘‘  (مدَنی پنج سورہ،  ص۲۴۶)  

تُو ہے مُعْطِی وہ ہیں    قاسم یہ کرم ہے تیرا

تیرے محبوب کے ٹکڑوں    پہ پلوں    گا یا ربّ

 (وسائل بخشش)

صَلُّوْا عَلَی الْحَبِیْب!     صَلَّی اللہُ تَعَالٰی عَلٰی مُحَمَّد

رزق میں    برکت کا وظیفہ           

          دعوتِ اسلامی کے اشاعتی ادارے مکتبۃ المدینہ کی مطبوعہ کتاب  ’’ ملفوظاتِ اعلیٰ حضرت  ‘‘ کے صفحہ 128پر ہے: ایک صحابی  (رَضِیَ اللہُ تَعَالٰی عَنْہ )  خدمت ِاقدس  (صَلَّی اللہُ تَعَالٰی عَلَیْہِ وَاٰلِہٖ وَسَلَّم)  میں    حاضر ہوئے اور عرض کی:  دنیا نے مجھ سے پیٹھ پھیر لی۔ فرمایا:  کیا وہ تسبیح تمہیں    یاد نہیں    جو تسبیح ہے ملائکہ کی اور جس کی برکت سے روزی دی جاتی ہے۔ خلقِ دنیا آئے گی تیرے پاس ذلیل و خوار ہوکر،  طلوعِ فجر کے ساتھ سوبار کہا کر  ’’ سُبْحٰنَ اللہِ وَبِحَمْدِہٖ سُبْحٰنَ اللہِ الْعَظِیْمِ وَ بِحَمْدِہٖ اَسْتَغْفِرُ اللہ ‘‘   اُن صحابیرَضِیَ اللہُ تَعَالٰی عَنْہ کو سات دن گزرے تھے کہ خدمت ِ اقدس میں    حاضر ہوکر عرض کی:   ’’ حضور!  دنیا میرے پاس اس کثرت سے آئی،  میں    حیران ہوں    کہاں    اٹھاؤں    کہاں    رکھوں!‘‘   (لسان المیزان،  حرف العین،  ۴/۳۰۴،  حدیث:  ۵۱۰۰، زرقانی علی المواہب، ذکر طبہ صلی اللہ علیہ وسلم من داء الفقر، ۹/۴۲۸واللفظ لہ)  

صَلُّوْا عَلَی الْحَبِیْب!     صَلَّی اللہُ تَعَالٰی عَلٰی مُحَمَّد

          میٹھے میٹھے اسلامی بھائیو!  اچّھوں    کی صحبتیں    اور نیکوں    کی دعائیں    ضرور اپنا رنگ دِکھاتی ہیں  ۔آفات وبلیّات اور مشکلات میں    اللہ عَزَّوَجَلَّ کے بَرگُزِیدہ بندوں   سے مدد طلَب کرنے سے بلائیں    ٹلتی اورمشکلیں    کافُور ہوتی ہیں  ۔

          نیز قراٰن وسنّت کی عالَمگیر غیر سیاسی تحریک دعوتِ اسلامی کے مَدَنی ماحول سے وابستہ ہونے  اور عاشقانِ رسول کے ساتھ مَدَنی قافلوں    میں    سفَر کرنے کی برکت سے بھی حاجات بَر آنے،  مشکِلات حل ہونے اور مَصائب دُور ہونے کے بے شُمار واقِعات ملتے ہیں   ،  جیسا کہ دعوتِ اسلامی کے اِشاعتی ادارے مکتبۃُ المدینہ کی مطبوعہ 1548 صفْحات پر مشتمل کتاب  ’’ فیضانِ سنّت ‘‘  جلد اوّل صفْحہ 980پر ہے:

مدنی بہار:  K.E.S.C میں    نوکری مل گئی

          اَورنگی ٹاؤن ( بابُ المدینہ کراچی)  کے ایک ذمّہ دار اسلامی بھائی نے اپنے مَدَنی ماحول میں    آنے اور سلسلۂ رُوزگار پانے کا واقِعہ کچھ یوں