- Home
- Al Madina Library
- Fazail e Dua
- Page 9
30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Fazail e Dua | فضائل دعا
’’بَلا اُترتی ہے پھر دعا اس سے جا ملتی ہے تو دونوں کُشتی لڑتے رہتے ہیں قیامت تک۔‘‘
یعنی دعا اُس بَلا کو اترنے نہیں دیتی۔
قال الرضاء : رواہ البزّار والطبراني والحاکم عن أمّ المؤمنین رضي اللّٰہ تعالی عنہا۔)([1])
حدیث ۸ : مروی کہ فرماتے ہیں صَلَّی اللہ تَعَالٰی عَلَیْہِ وَاٰلِہٖ وَسَلَّمَ :
’’دعا عبادت کا مغز ہے ۔‘‘
قال الرضاء : رواہ الترمذي عن أنس رضي اللّٰہ تعالی عنہ۔)([2])
حدیث ۹ : مذکور کہ فرماتے ہیں صَلَّی اللہ تَعَالٰی عَلَیْہِ وَاٰلِہٖ وَسَلَّمَ :
’’کیا میں تمہیں وہ چیز نہ بتاؤں جو تمہیں تمہارے دشمن سے نجات دے اور تمہارے رزق وسیع کر دے ، رات دن اللہ تعالیٰ سے دعا مانگتے رہو کہ دعا سلاحِ مومن(یعنی مومن کا ہتھیار) ہے ۔‘‘
قال الرضاء : رواہ أبو یعلی عن جابر بن عبد اللّٰہ رضي اللّٰہ تعالی عنہما۔)([3])
حدیث ۱۰ : فرماتے ہیں صَلَّی اللہ تَعَالٰی عَلَیْہِ وَاٰلِہٖ وَسَلَّمَ :
’’جو اللہ تعالیٰ سے دعا نہ کرے ، اللہ تعالیٰ اس پر غضب فرمائے ۔‘‘
قال الرضاء : أخرجہ أحمد وابن أبي شیبۃ والبخاري في ’’الأدب المفرد‘‘ والترمذي وابن ماجہ والحاکم عن أبي ھریرۃ رضي اللّٰہ تعالی عنہ۔([4])
اور یہ معنی بعض احادیثِ قدسی میں بھی آئے ۔
أخرجہ العسکري في ’’المواعظ‘‘ عنہ عن النبي صلی اللّٰہ تعالی علیہ وسلم قال : ((قال اللّٰہ تعالی : من لا یدعوني أغضب علیہ))۔
یعنی : اللہ تعالیٰ فرماتا ہے : ’’جو مجھ سے دعا نہ کرے گا میں اُس پر غضب فرماؤں گا۔‘‘ العِیاذ باللّٰہ تعالی۔) ([5])
اے عزیز! دعا ایک عجیب نعمت اور عمدہ دولت ہے کہ پروردگار تَقَدَّسَ وَتَعَالٰی (پاک اور بلند وبالا)نے اپنے بندوں کو کرامت فرمائی اور اُن کو تعلیم کی، حلِّ مشکلات میں اس سے زیادہ کوئی چیز مؤثر نہیں ، اور دفعِ بلا وآفت میں کوئی بات اس سے بہتر نہیں ۔([6])
ایک دعا سے آدمی کو پانچ فائدے حاصل ہوتے ہیں :
اوّل : عابدوں کے گروہ میں داخل ہوتا ہے کہ دعا فِي نَفْسِہٖ(یعنی بذاتِ خود) عبادت بلکہ سرِّ عبادت (یعنی عبادت کا مغز) ہے ۔
دُوُم : وہ اِقرارِ عجز ونیاز[7]؎داعی واعتراف بہ قدرت وکرمِ اِلٰہی پر دلالت کرتی ہے ۔
سِوُم : امتثالِ امرِ شرع، کہ شارع نے اُس پر تاکید فرمائی، نہ مانگنے پر غضبِ اِلٰہی کی وعید آئی۔([8])
چَہَارُم : اِتباعِ سنّت کہ حضور اقدس صَلَّی اللہ تَعَالٰی عَلَیْہِ وَاٰلِہٖ وَسَلَّمَ اکثر اوقات دعا مانگتے اور اوروں کو بھی تاکید فرماتے ۔ ([9])
پَنجُم : دفعِ بلا وحصولِ مدّعا (بَلاٹلنے اور مراد پوری ہونے )کہ بحکمِ { اُدْعُوْنِیْۤ اَسْتَجِبْ لَكُمْؕ-}([10]) و{ اُجِیْبُ دَعْوَةَ الدَّاعِ اِذَا دَعَانِۙ-}([11])۔
[1] اس حدیث کو بزار، طبرانی اور حاکم نے اُم المؤمنین سیدہ عائشہ صدیقہ رضی اللہ تعالٰی عنہا سے روایت کیا۔
’’المستدرک‘‘، کتاب الدعاء والتکبیر إلخ، الحدیث : ۱۸۵۶، ج۲، ص۱۶۲۔
[2] اس حدیث کو امام ترمذی نے حضرت انس رَضِیَ اللہُ تَعَالٰی عَنْہُ سے روایت کیا۔
’’سنن الترمذي‘‘، باب ما جاء في فضل الدعاء، الحدیث : ۳۳۸۲، ج۵، ص۲۴۳۔
[3] اس حدیث کو ابو یعلی نے حضرت جابر بن عبداللہ رَضِیَ اللہُ تَعَالٰی عَنْہُمَاسے روایت کیا۔
’’مسند أبي یعلی‘‘، الحدیث : ۱۸۰۶، ج۲، ص۲۰۱-۲۰۲۔
[4] اس حدیث کوامام احمد وابن ابی شیبہ ، اور امام بخاری نے ’’الادب المفرد‘‘ میں اور امام ترمذی وابن ماجہ اور حاکم نے حضرت ابوہریرہ رَضِیَ اللہُ تَعَالٰی عَنْہُ سے روایت کیا۔
’’المستدرک ‘‘، کتاب الدعاء والتکبیر إلخ، الحدیث : ۱۸۴۹، ج۲، ص۱۶۰۔
[5] ’’کنز العمال‘‘، الباب الثامن، الفصل الأول، الحدیث : ۳۱۲۴، الجزء الثاني، ج۱، ص۲۹، (بحوالہ’’مواعظ‘‘)۔
[6] مشکلات کو حل کرنے میں دعا سے زیادہ اثر کرنے والی اور آفات وبلیات کو ٹالنے میں دعا سے زیادہ بہترین کوئی چیز نہیں ۔
[7] یعنی جو شخص دعا کرتا ہے وہ اپنے عجز واحتیاج کا اقرار اور اپنے پروردگار کے کرم وقدرت کا اعتراف کرتا ہے ۔ ۱۲ منہ
[8] یعنی : دعا مانگنا شریعت ِمطہرہ کے حکم کی بجا آوری ہے کہ اللہ رب العزت جل وعلا نے فرمایا : { اُدْعُوْنِیْۤ اَسْتَجِبْ لَكُمْؕ-} (پ۲۴، المؤمن : ۶۰) ’’مجھ سے دعا کرو میں قبو ل کر وں گا‘‘ اور دعا نہ مانگنے والے کے بارے میں عذاب کی وعیدہے جیساکہ حدیثِ پاک میں آیا : ’’ جو مجھ سے دعا نہ کرے گا میں اس پر غضب فرماؤں گا‘‘۔
[9] کہ دعا سے آفات وبلیات دور ہوتی ہیں اور مقصود حاصل ہوتاہے ۔
[10] ترجمۂ کنز الایمان : ’’مجھ سے دعا کرو میں قبول کروں گا۔ (پ۲۴، المؤمن : ۶۰)
[11] ترجمۂ کنزالایمان : ’’دعا قبول کرتا ہوں پکارنے والے کی جب مجھے پکارے ‘‘ (پ۲، البقرۃ : ۱۸۶)۔
کتاب کا موضوع
کتاب کا موضوع
- ’’دعا مومن کا ہتھیار ہے ‘‘ کے سترہ حُروف کی نسبت سے اس کتاب کو پڑھنے کی ’’17 نیّتیں ‘‘
- کتب ِاعلٰی حضرت عَلَیْہِ الرَّحْمَہ اورالمد ینۃ العلمیۃ
- پیش لفظ
- مختصر حالات حضرت مُصَنِّف علَّام قدس سرّہ الملک المِنْعام
- مُناجات
- فصلِ اوّل فضائلِ دُعا میں
- فصلِ دُوُم آدابِ دعا واسباب اِجابت میں
- حمد کا مختصر وجامع کلمہ :
- فصل سِوُم اوقاتِ اجابت میں
- فصل چہارُم اَمکنۂ اِجابت میں
- فصل پنجم اسم اعظم وکلماتِ اجابت میں
- فصل ششم موانعِ اِجابت میں
- تنبیہ :
- فصل ہفتم کن کن باتوں کی دعا نہ کرنی چاہیے ؟
- فصلِ ہشتم اُن لوگوں کے بیان میں جنکی دعا قبو ل ہوتی ہے ۔
- فصلِ نہم
- ان اعمال صالحہ میں جن کے کرنے والے کو کسی دعا کی حاجت نہیں ۔
- فصل دہم مبحث دعا کے متعلق چند نفیس سوال وجواب میں
- تذییل
- بیت
- خاتمہ چند ترکیب نماز حاجت میں
- {مآخذ ومراجع}
