’’تو کیوں   نہ ہوا جب آئی تھی اُن پر ہماری طرف سے سختی تو گڑگڑائے ہوتے لیکن سخت ہوگئے ہیں   دل اُن کے ۔‘‘ (پ۷، الأنعام :  ۴۳)

            اِس آیت سے ترکِ دعا پر تہدید ِشدید نکلی^([1])۔)

          حدیث۱ :  رسول اللہ صَلَّی اللہ تَعَالٰی عَلَیْہِ وَاٰلِہٖ وَسَلَّمَ فرماتے ہیں  : اللہ عَزَّ وَجَلَّ  ارشاد فرماتا ہے ^([2]) :  

            ’’میں   اپنے بندے کے گمان کے پاس ہوں  ۔‘‘ یعنی وہ جیسا گمان مجھ سے رکھتا ہے میں   اُس سے ویسا ہی کرتا ہوں  ،  ((وَأَنَا مَعَہٗ إِذَا دَعَانِيْ))’’اور میں   اُس کے ساتھ ہوں   جب مجھ سے دعا کرے ۔‘‘

          قال الرضاء :  یہ حدیث بخاری ومسلم وترمذی ونسائی وابن ماجہ نے ابو ہریرہ رَضِیَ اللہُ تَعَالٰی عَنْہُ سے روایت کی۔^([3])

          أقول :  اللہ تعالیٰ کا علم وقدرت سے ساتھ ہونا تو ہر شئے کے لیے ہے ، یہ خاص معیّتِ کرم ورحمت ہے ، جو دعا کرنے والے کو ملتی ہے ۔ اس سے زیادہ کیا دولت ونعمت ہوگی کہ بندہ اپنے مولیٰ کی معیّت سے مشرّف ہو ہزار حاجت روائیاں   اس پر نثار اور لاکھ مقصد ومراد اس کے تصدُّق۔)(^([4])

          حدیث ۲ :  فرماتے ہیں   صَلَّی اللہ تَعَالٰی عَلَیْہِ وَاٰلِہٖ وَسَلَّمَ   :

            ’’اللہ تعالیٰ کے نزدیک کوئی چیز دعا سے بزرگ تر نہیں  ۔‘‘^([5])

          قال الرضاء :  اسے ترمذی وابن ماجہ وابن حبان وحاکم نے اُنہیں   صحابی (یعنی حضرت ابو ہریرہرَضِیَ اللہُ تَعَالٰی عَنْہُ) سے روایت کیا۔)

          حدیث ۳ :  نبی صَلَّی اللہ تَعَالٰی عَلَیْہِ وَاٰلِہٖ وَسَلَّمَ اپنے رب تبارک وتعالیٰ سے نقل فرماتے ہیں  :

            ’’اے فرزند ِآدم! تو جب تک مجھ سے دعا کرتا اور میرا اُمیدوار رہے گا، میں   تیرے گناہ کیسے ہی ہوں   معاف فرماتا رہوں   گا اور مجھے کچھ پرواہ نہیں  ۔‘‘

          قال الرضاء :  رواہ الترمذي عن أنس بن مالک رضي اللّٰہ تعالی عنہ۔ )^([6])

          حدیث ۴ :   فرماتے ہیں   صَلَّی اللہ تَعَالٰی عَلَیْہِ وَاٰلِہٖ وَسَلَّمَ   :

            ’’دعا سے عاجز نہ ہو کہ کوئی شخص دعا کے ساتھ ہلاک نہ ہوگا۔‘‘

          قال الرضاء :  رواہ عنہ ابن حبّان والحاکم)۔^([7])

          حدیث ۵ :  فرماتے ہیں   صَلَّی اللہ تَعَالٰی عَلَیْہِ وَاٰلِہٖ وَسَلَّمَ   :

            ’’دعا مسلمانوں   کا ہتھیار ہے اور دین کا ستون اور آسمان وزمین کا نور۔‘‘

          قال الرضاء :  رواہ الحاکم عن أبي ہریرۃ وکأبي یعلی عن علي  رضي اللّٰہ تعالی عنہما۔)^([8])

          حدیث۶ :  منقول کہ فرماتے ہیں   صَلَّی اللہ تَعَالٰی عَلَیْہِ وَاٰلِہٖ وَسَلَّمَ   :

            ’’جو بلا اُتر چکی اور جو ابھی نہ اُتری، دعا سب سے نفع دیتی ہے ، تو دعا اختیار کرو اے خدا کے بندو!۔‘‘

         قال الرضاء : رواہ الترمذي والحاکم عن ابن عمررضي اللّٰہ تعالی عنہما۔)^([9])

          حدیث ۷ :  وارِد کہ فرماتے ہیں   صَلَّی اللہ تَعَالٰی عَلَیْہِ وَاٰلِہٖ وَسَلَّمَ   :