آدمی لحاظ کے باعث مجبور ہو جاتا ہے ، بحال ناگواری جو کچھ لیا، وہ سوال ہی نہیں   بلکہ ظلم وغصب ومُصَادَرہ (ڈنڈو تاوان) ہے ۔ یہ دقیقہ وَاجِبُ اللِّحَاظ ہے (اس نکتہ کا لحاظ بہت ضروری ہے ) کہ بہت متصوفۂ زمانہ (اس زمانے کے نام نہاد صوفی) اس میں  مبتلا ہیں  ، انہیں   اس کا لحاظ فرض ہے اور مریدین کو لازم کہ اپنا مال وجان سب اپنے پیر کی مِلک سمجھیں  ، پیر کہ شرائطِ پیری کا جامع ہو، نائب رسول اللہ صَلَّی اللہ تَعَالٰی عَلَیْہِ وَاٰلِہٖ وَسَلَّمَ ہے اور ائمۂ دین فرماتے ہیں  : جو اپنے آپ کو رسول اللہ صَلَّی اللہ تَعَالٰی عَلَیْہِ وَاٰلِہٖ وَسَلَّمَ کی مِلک نہ جانے ، حلاوتِ سنّت اس کے مذاقِ جان تک نہ پہنچے (یعنی :  وہ سنت کی لذت سے محروم رہے گا)۔

     قالہ الإمام سھل التُّسْتَرِيُّ نقلہ الإمام القسطلاني في ’’المواہب‘‘ وغیرہ۔^([1])

            صدیق اکبر رَضِیَ اللہُ تَعَالٰی عَنْہُ نے عرض کی :  ھل أنا ومالي إلّا لک یا رسول اللّٰہ! ’’میں   اور میرا مال حضور کے سوا کس کے ہیں  ؟ یا رسول اللہ ‘‘۔^([2])

واللّٰہ سبحنہ وتعالٰی أعلم۔)

خاتمہ چند ترکیب نماز حاجت میں   

          ترکیب اوّل(۱) :  وضوئے تازہ اچھی طرح کرے ، دو رکعت نماز نفل پڑھے ، بعد سلام عرض کرے :  ((اَللّٰھُمَّ إِنِّيْ أَسْأَلُکَ وَأَتَوَجَّہُ إِلَیْکَ بِنَبِیِّنَا مُحَمَّدٍ صَلَّی اللّٰہُ  تَعَالٰی عَلَیْہِ وَسَلَّمَ نَبِيِّ الرَّحْمَۃِ،  یَا رَسُوْلَ اللّٰہِ! إِنِّيْ أَتَوَجَّہُ بِکَ إِلٰی رَبِّيْ فَیَقْضِيْ حَاجَتِيْ)) ^([3]) اور اپنی حاجت ذکر کرے ، یہ دعا صحیح حدیث میں   تعلیم فرمائی۔

          قال الرضاء :  ایک نابینا خدمت اقدس حضور سید عالم صَلَّی اللہ تَعَالٰی عَلَیْہِ وَاٰلِہٖ وَسَلَّمَ میں   حاضر ہو کر اپنی نابینائی کا شاکی ہوا، حضور نے یہ نماز ودعا ارشاد فرمائی، انہوں   نے مسجد میں   جاکر پڑھی، کچھ دیر نہ گزری تھی کہ دونوں   آنکھیں   کھل گئیں   گویا کبھی اندھے نہ تھے ۔

            یہ حدیث ترمذی ونسائی وابن ماجہ وابن خزیمہ وطبرانی وحاکم وبیہقی نے روایت کی، امام ترمذی فرماتے ہیں   : یہ حدیث حسن صحیح غریب ہے ، حاکم نے کہا  : بخاری ومسلم دونوں   کی شرطوں   پر صحیح ہے ، امام ابوالقاسم طبرانی، پھرامام بیہقی، پھر امام منذری وغیرہم ائمہ نے فرمایا :  صحیح ہے ۔^([4])

          أقول :  حدیث میں   ’’یا محمد‘‘ہے ، مگر اس کی جگہ ’’یا رسول اللّٰہ‘‘ کہنا چاہیے کہ صحیح مذہب میں   حضور اقدس صَلَّی اللہ تَعَالٰی عَلَیْہِ وَاٰلِہٖ وَسَلَّمَ کو نام لے کر ندا کرنا ناجائز ہے ، علماء فرماتے ہیں  : اگر روایت میں   وارد ہو جب بھی تبدیل کر لیں  ، یہ مسئلہ ہمارے رسالہ ’’تَجَلِّي الْیَقِیْنِ بِأَنَّ نَبِیَّنَا سَیِّدُ الْمُرْسَلِیْنِ‘‘ میں   مُفصَّل ومشرَّح مذکور ہے ، ^([5]) ولہٰذا حضرت مُصَنِّف عَلَّام قُدِّسَ سِرُّہٗ نے ’’یَا رَسُوْلَ اللّٰہِ‘‘ فرمایا،  واللہ تعالیٰ اعلم۔

          ثمّ أقول :  اس دعا کے اول وآخر حمدِ الٰہی ودُرود رسالت پناہی صَلَوَاتُ اللّٰہِ وَسَلَامُہٗ عَلَیْہِ اور آمین پر ختم اور شروع میں   اللہ تعالیٰ کو اسمائے طیبہ سے ندا وغیر ذالک جو آدابِ دعا گزرے ، ضرور بجالائے اور یونہی تمام ترکیبات میں   سمجھے ، دابِ عام ہے (یعنی :  عام طریقہ ہے ) کہ جن امور کی تفصیل اور کسی امرِعام میں  مطلقاً ان کی حاجت دوسری جگہ سے معلوم ہو ، خاص معیَّن میں   ان کے ذکر کی حاجت نہیں   سمجھی جاتی^([6])۔)

          ترکیب دوم(۲) :  نمیری وابن بشکوال، وہیب بن ورد سے روایت کرتے ہیں  : جو بندہ بارہ رکعت، ہر رکعت میں   سورۃ الفاتحہ وآیۃ الکرسی وسورئہ اخلاص پڑھے پھر سجدے میں   یہ کلمات کہے :  

            سُبْحَانَ الَّذِيْ لَبِسَ الْعِزَّ وَقَالَ بِہٖ، سُبْحَانَ الَّذِيْ تَعَطَّفَ بِالْمَجْدِ وَتَکَرَّمَ بِہٖ،  سُبْحَانَ الَّذِيْ أَحْصٰی کُلَّ شَيْئٍ بِعِلْمِہٖ،  سُبْحَانَ الَّذِيْ لا یَنْبَغِي التَّسْبِیْحُ إِلَّا لَـہٗ، سُبْحَانَ ذِي الْمَنِّ وَالْفَضْلِ، سُبْحَانَ ذِي الْعِزِّ وَالْکَرَمِ،  سُبْحَانَ ذِي الطَّوْلِ وَالنِّعَمِ أَسْأَلُکَ بَمَعَاقِدِ الْعِزِّ مِنْ عَرْشِکَ وَمُنْتَھَی الرَّحْمَۃِ مِنْ کِتَابِکَ، وَبِاِسْمِکَ الْعَظِیْمِ الْأَعْظَمِ وَجَدِّکَ الْأَعْلٰی وَکَلِمَاتِکَ التَّآمَّاتِ کُلِّھَا لَا یُجَاوِزُھُنَّ بَرٌّ وَّلَا فَاجِرٌ أَنْ تُصَلِّيَ عَلٰی مُحَمّدٍ صَلَّی اللّٰہُ تَعَالٰی عَلَیْہِ وَسَلَّمَ۔^([7])