مَفْضُوْلہر گز أَصْلَح نہیں   ہوسکتا^([1])، واللّٰہ تعالٰی أعلم۔)

          سوال سِوُم(۳) :   جو مقدر ہے ہوگا، پھر دعا سے کیا فائدہ؟

          جواب :  دعا سے بَلا رَدّ ہوتی ہے ۔ حضور اقدس صَلَّی اللہُ تَعَالٰی عَلَیْہِ وَاٰلِہٖ وَسَلَّمَ فرماتے ہیں  :

            ’’قضا دعا کے سوا کسی چیز سے رد نہیں   ہوتی اور سوا نیکی کے کوئی چیز عمر کو زیادہ نہیں  کرتی۔‘‘^([2])

            دوسری حدیث میں   ہے :  ’’دعا اس چیز سے کہ نازل ہوئی اور اس سے کہ ہَنُوز نازل نہ ہوئی (جو ابھی تک نازل نہ ہوئی) فائدہ بخشتی ہے اور بیشک بَلا نازل ہوتی ہے اور دعا اس کو مل جاتی ہے تو دونوں   آپس میں   مُدَافَعَت کرتی رہتی (لڑتی رہتی)ہیں  ‘‘^([3])یعنی بَلا اترنا چاہتی ہے اور دعا اس کو روکتی ہے یہاں   تک کہ قیامت تک نہیں   اترنے دیتی۔

            مگر یہ رَدّ بھی قضا کے موافق ہے جس طرح وجود ہر شئے کا کسی سبب سے مَربُوط (ملا ہوا) ہے اسی طرح ہر چیز کے روکنے اور دفع کرنے کے لیے بھی ایک سبب مقرر ہے ، سِپَر (یعنی ڈھال) حَربَہ (جنگی ہتھیار)روکنے کا ایک سبب ہے ، اور دعا سببِ دفعِ بَلا، سِپَرلینا قضا کے خلاف نہیں  ، دعاکیونکر مُنافی ہوسکتی ہے !۔

            تحقیق اس مقام کی یہ ہے کہ قضا دو۲    قسم ہے :  

            مُبْرَم کہ جَفَّ الْقَلَمُ بِمَا ھُوَ کَائِنٌ^([4]) اس کا بیان ہے

            اور مُعَلَّق کہ { وَمَا یُعَمَّرُ مِنْ مُّعَمَّرٍ وَّ لَا یُنْقَصُ مِنْ عُمُرِهٖۤ }^([5])اس کا نشان ہے ، مفسرین اس آیت کی تفسیر میں   لکھتے ہیں  : بعض اسباب سے عمر میں   کمی زیادتی ہوتی ہے اور وہ بھی لوح محفوظ میں   لکھی ہے ۔^([6])

                پس قضا میں   تغیُّر(تبدیلی)قضا کے مطابق رَوَا ہے ، مثلاً :  مقدر ہے کہ زید کی عمر سا  ۶۰ ٹھ برس کی ہو گی اور جو حج کرے گا اَ  ۸۰ سی برس زندہ رہے گا۔

                تنبیہ :  

          قال الرضاء :  یہ قضا میں   تغیُّر نہیں   مُقْضٰی بِہ کا تغیر ہے اور مُقْضٰی کی بھی ذات بدلی نہ(کہ) اس کے مُقْضٰی ہونے کی حیثیت اسے اس اعتبار سے جو نظر عامۂ عِباد میں   ظاہر ہوتا ہے احادیث وکلمات علمائے کرام میں   ردّ وتغیُّرِ قضا فرمایا ہے ، ^([7]) اس کا بیان عنقریب آتا ہے ، پہلے یہ جانیے کہ یہاں   بعض اشخاص کو قولِ حضور پُرنور سیدنا غوث اعظم رَضِیَ اللہُ تَعَالٰی عَنْہُ میں   کہ ’’سب اولیاء قضائے مُعَلَّق کو روکتے ہیں   اور میں   قضائے مُبْرَم کو رَد فرماتا ہوں  ‘‘  أو کما قال رضي اللّٰہ عنہ (یا اسی طرح کاارشادجو آپ رَضِیَ اللہُ تَعَالٰی عَنْہُ نے فرمایا)   شُبہ گزرتا ہے کہ قضائے  مُبْرَمکیونکر قابلِ رَدّ ہو سکتی ہے !

          أقول :  شاید اِن صاحبوں   کو حدیثِ أبي الشیخ في ’’کتاب الثواب‘‘ عن أنس رضي اللّٰہ عنہ  نہ پہنچی کہ حضور اقدس صَلَّی اللہُ تَعَالٰی عَلَیْہِ وَاٰلِہٖ وَسَلَّمَ فرماتے ہیں  :

            ((أکثر من الدعاء فإنّ الدعاء یردّ القضاء المبرم))۔

            ’’دعا بکثرت مانگ کہ دعا قضائے مُبْرَم کو رد کر دیتی ہے ۔‘‘^([8])

            حدیث ابن عساکر عن نمیر بن أوسمرسلًا^([9])وحدیث الدیلمي عن أبي موسی رضي اللّٰہ تعالی عنہ موصولًا کہ حضور پُرنور صَلَّی اللہ تَعَالٰی عَلَیْہِ وَاٰلِہٖ وَسَلَّمَ فرماتے ہیں  :

            ((الدعاء جند من أجناد اللّٰہ مجنَّد یردّ القضاء بعد أن یبرم))۔

            ’’دعا اللہ تعالیٰ کے لشکروں   سے ایک لام باندھا لشکر ہے (یعنی ہر طرح کے جنگی سامان سے لیس لشکر ہے ) کہ قضا کو رَدّ کر دیتا ہے بعد مُبْرَم  ہونے کے ۔‘‘^([10])