یوں   ائمۂ شافعیہ کے نزدیک ہر روز انتالیس۳۹    بار دعا فرض ہوگی کہ شبانہ روز میں   سترہ۱۷ رکعتیں   فرض ہیں   ہر رکعت میں   فاتحہ فرض، ہر فاتحہ میں   د ۲و بار دعا اور ہر قعدۂ اخیرہ میں   دُرود فرض ہے ۔^([1])

            اَحادیث سابقہ^([2]) جن میں   ارشاد ہوا کہ ’’جو دعا نہ کرے اللہ تعالیٰ اس پر غضب فرمائے ‘‘، ترکِ مُطْلَق ہی پر محمول یا معاذ اللہ اپنے کو بارگاہِ عزت عَزَّ وَجَلَّ  سے بے نیاز جاننا، اس کے حضور تَضَرُّع وزاری سے پرہیز رکھنا کہ اب صریح کفر وموجبِ غضبِ اَبدی ہے ۔ ولہٰذا { اُدْعُوْنِیْۤ اَسْتَجِبْ لَكُمْؕ-}^([3]) کے متصل ہی ارشاد ہوا :  { اِنَّ الَّذِیْنَ یَسْتَكْبِرُوْنَ عَنْ عِبَادَتِیْ سَیَدْخُلُوْنَ جَهَنَّمَ دٰخِرِیْنَ۠(۶۰)}^([4])

                بالجملہ مطلق دعا میں   ہر گز کسی مسلمان سے نزاع معقول نہیں   اور خود بعد امرِ صریح :  { اُدْعُوْنِیْۤ } وفرمان :  { وَ سْــٴَـلُوا اللّٰهَ مِنْ فَضْلِهٖؕ-}^([5])   گنجائشِ کلام کیا ہے ۔^([6]) فافھم، واللّٰہ تعالٰی أعلم۔)

          سوال دُوُم (۲) :  دعا تَفْوِیض کے مُنَافی(خلاف) ہے ، جو شخص اپنا کام کسی کے سپرد کرتا ہے آپ(خود) اس میں   دخل نہیں   دیتا۔

          جواب :   تفویض کے یہ معنی کہ بندہ جس کام کے نفع نقصان سے واقف نہ ہو اسے اپنے مولیٰ کو کہ حکیم وکریم وعلیم ہے سِپُردکرے وہ مصلحت اس کی اس سے بہتر جانتا ہے ، نہ یہ کہ جو بات قطعاً اس کے حق میں   بہتر ہے مانند بِہِشت وایمان ومحبتِ خدا کے ، اس کی طلب نہ کرے یا جوبات بالیقین مُضِرّ ہے ، مثل کفر وشرک ومعصیت ودوزخ کے ، اس سے پنا ہ نہ چاہے ، بلکہ جس بات کا انجام معلوم نہیں   اس کی طلب بھی مع استثناء وشرطِ خیر وصلاح ، منافی تفویض نہیں  ۔ ^([7])

            دعائے استخارہ میں   وارد :  ’’الٰہی! یہ کام اگر میرے دین ودنیا وانجام میں   بہتر ہے تو مجھے اس کی توفیق دے ، ورنہ مجھ کو اس سے باز رکھ اور میرا دل اس سے پھیر۔‘‘^([8])

            البتہ جس چیز میں   مُضَرَّت (نقصان)یقینی ہے اس کی طلب کرنا یا جس کا نفع نقصان معلوم نہیں   بغیر شرطِ خیر وصلاح کے مانگنا تفویض کے منافی وبے جا ہے ۔

            امام غزالی کے شیخ فرماتے ہیں  : استثناء اور شرطِ خیر وصلاح قَطْعِیَّات(یقینی چیزوں  ) میں   بھی اَولیٰ کہ کبھی خیر وصلاح مفضول(کم افضل عمل) میں   ہوتی ہے ، مثلاً :  ایک شخص نماز پڑھتا ہے اور وقت تنگ ہو گیا ہے اور ایک اندھا کنوئیں   میں   گرا پڑتا ہے ، بچانا اس کا اس کے حق میں   بہتر ہے اگرچہ نماز فی نفسہٖ افضل ہے ، اور اکثر ہوتا ہے کہ افضل کی طلب میں   آدمی ہلا ک ہو جاتا ہے اور مفضول بے ضرر ہاتھ آتا ہے جیسے :  مَاءُ الشَّعِیْرِ (یعنی جَو کا وہ پانی جو شراب نہ ہو) بعض مریضوں   کے حق میں   مفید، اور شربت اگرچہ افضل ہے مُضِر۔ پس ایسا مفضول افضل سے اَصْلَح وبہتر ہے ۔ تو بندے کو لائق کہ اپنے مالک سے عرض کرے :  الٰہی! میری صلاح وبہبود افضل میں   رکھ اور اس کی توفیق دے ، قطعاً جزماً بِلاشرطِ صلاح افضل کی درخواست نہ کرے کہ کبھی مُضِر ہوتی ہے ۔

          قال الرضاء : اس کلام سے مقصود سلبِ عموم ہے یعنی سب قَطْعِیَّات ایسے نہیں  کہ ضَمِ استثناء وشرطِ خیر سے بے نیاز ہوں  ، نہ عمومِ سلب کہ سب قطعیات میں   اس کی حاجت ہو، محبتِ خدا ورسول جل جلالہ وصَلَّی اللہُ تَعَالٰی عَلَیْہِ وَاٰلِہٖ وَسَلَّمَ وبِہِشت ودیدارِ الٰہی وشفاعتِ رسالت پناہی صَلَّی اللہُ تَعَالٰی عَلَیْہِ وَاٰلِہٖ وَسَلَّمَ وتوفیقِ طاعت کی طلب، اورکفر وبدعت ودوزخ وغضبِ الٰہی وناراضیٔ حضور رحمت عالم صَلَّی اللہُ تَعَالٰی عَلَیْہِ وَاٰلِہٖ وَسَلَّمَ سے تعوُّذ(پناہ مانگنا)اصلاً  محتاجِ شرط واستثناء نہیں  کہ ان امور میں   کسی صورت دوسرا پہلو مُتَصَوَّر نہیں   اورجہاں   دوسرا پہلو پیدا ہوگا وہاں   بھی شرط واستثناء نظر بنفسِ ذات افضل ہوں   گے کہ افضل فی نفسہٖ کبھی بوجہِ عارض مفضول ہوسکتاہے ^([9]) جیسے آفاقیوں   کے لیے نماز وطواف^([10]) ورنہ مَفْضُوْل مِنْ حَیْثُ ھُوَ