{ یَفْعَلُ اللّٰهُ مَا یَشَآءُ۠(۲۷)}^([1]) { اِنَّ اللّٰهَ یَحْكُمُ مَا یُرِیْدُ(۱)}^([2])۔ نہ اس کے غنائے مطلق میں   کوئی شک { اِنَّ اللّٰهَ هُوَ الْغَنِیُّ الْحَمِیْدُ(۲۶)} ^([3])نہ اس کے کسی وعدے یا وعید میں   فرق آنا ممکن، { اِنَّ اللّٰهَ لَا یُخْلِفُ الْمِیْعَادَ۠(۳۱)}^([4]) { مَا یُبَدَّلُ الْقَوْلُ لَدَیَّ وَ مَاۤ اَنَا بِظَلَّامٍ لِّلْعَبِیْدِ۠(۲۹)}^([5])  آہ …! آہ …! آہ …!

جگر خوں   میشود زیں   یاد مارا

ز استِغنائے حق فریاد مارا^([6])

            لا ملجأ من اللّٰہ إلا إلیہ وحسبنا اللّٰہ ونعم الوکیل وصلّی اللّٰہ تعالٰی علی النبي الرحمۃ المُھْدَۃ أقرب وسیلۃ إلی اللّٰہ وآلہ وصحبہ بالتبجیل۔ ) ^([7])

          چوتھا سبب :  حکمتِ الٰہی ہے کہ کبھی تو براہِ نادانی کوئی چیز اس سے طلب کرتا ہے اور وہ براہِ مہربانی تیری دعا کو اس سبب سے کہ تیرے حق میں   مضر ہے ، رد فرماتا ہے ، مثلاً :  تو جویائے سیم وزر ہے اور اس میں   تیرے ایمان کا خطر ہے یا تو خواہانِ تندرستی وعافیت ہے اور وہ علمِ خدا میں   موجب نقصانِ عاقبت ہے ، ایسا رد ، قبول سے بہتر۔ { عَسٰۤى اَنْ تُحِبُّوْا شَیْــٴًـا وَّ هُوَ شَرٌّ لَّكُمْؕ-}^([8]) پر نظر کر اور اس رد کا شکر بجالا۔^([9])

          پانچواں   سبب :  کبھی دعا کے بدلے ثوابِ آخرت دینا منظور ہوتا ہے ، تو حُطامِ دنیا (دنیوی ساز وسامان) طلب کرتا ہے اور پروردگار نفائسِ آخرت (آخرت کی عمدہ چیزیں  ) تیرے لیے ذخیرہ فرماتا ہے ، یہ جائے شکر ہے (شکر کا مقام ہے ) نہ (کہ) مقامِ شکایت۔

          قال الرضاء :  

          سبب ۶ تا سبب ۱۱ :  حضور سید ِعالم صَلَّی اللہ تَعَالٰی عَلَیْہِ وَاٰلِہٖ وَسَلَّمَ فرماتے ہیں  : ’’تین شخص ہیں   کہ تیرا رب ان کی دعا نہیں   قبول کرتا :

             ایک وہ کہ ویرانے مکان میں   اترے ۔

          دوسرا وہ مسافر کہ سرِ راہ مقام کرے یعنی سڑک سے بچ کر نہ ٹھہرے ، بلکہ خاص راستے ہی پر نزول کرے (یعنی اترے )۔

            تیسرا وہ جس نے خود اپنا جانور چھوڑ دیا، اب خدا سے دعاکرتا ہے کہ اسے روک دے ۔‘‘

            أخرجہ الطبراني في ’’الکبیر‘‘ عن عبد الرحمن بن عائذ رضي اللّٰہ تعالٰی عنہ بسند حسن۔^([10])

            اور فرماتے ہیں   صَلَّی اللہ تَعَالٰی عَلَیْہِ وَاٰلِہٖ وَسَلَّمَ  : ’’تین شخص اللہ تعالیٰ سے دعا کرتے ہیں   اور ان کی دعا قبول نہیں   ہوتی :

           ایک وہ جس کے نکاح میں   کوئی بد خُلُق (بد اخلاق)عورت ہو اور وہ اسے طلاق نہ دے ۔

          دوسرا وہ جس کا کسی پر کچھ آتا تھا اور اس کے گواہ نہ کر لیے ۔

          تیسرا وہ جس نے سَفِیْہ بے عقل کو مال سپرد کر دیا حالانکہ اللہ تعالیٰ فرماتا ہے :  سفیہوں   (بیوقوفوں  ) کو اپنے مال نہ دو۔‘‘

      أخرجہ الحاکم عن أبي موسی الأشعري رضي اللّٰہ تعالٰی عنہ بسند نظیف۔^([11])

            تو یہ چھ۶ ہوئے جن کی نسبت تصریح فرمائی کہ انکی دعا قبول نہیں   ہوتی۔

            أقول وباللّٰہ التوفیق : مگر ظاہراً اس سے مراد یہی کہ اس خاص مادے میں   انکی دعا نہ سنی جائے گی نہ یہ کہ جو ایسا کرے مطلقاً اس کی کوئی دعا کسی امر میں   قبول نہ ہو اور ان اُمور میں   عدمِ قبول کا سبب ظاہر کہ یہ کام خود اپنے ہاتھوں   کے کئے ہیں  ۔

            ویرانے مکان میں   اترنے والا اس کی مُضَرَّتوں   (نقصانات) سے آگاہ ہے ، پھر اگر وہاں   چوری ہو یا کوئی لوٹ لے یا جِنّ ایذا پہنچائیں   تو یہ باتیں   خود اس کی قبول کی ہوئی ہیں  ، اب کیوں