((لَا إِلٰہَ إِلَّا اللّٰہُ وَاللّٰہُ أَکْبَرُ لَا إِلٰـہَ إِلَّا اللّٰہُ وَحْدَہٗ لَاشَرِیْکَ لَہٗ، لَہُ الْمُلْکُ وَلَہُ الْحَمْدُ وَھُوَ عَلٰی کُلِّ شَيْئٍ قَدِیْرٌ، لَا إِلٰـہَ إِلَّا اللّٰہُ وَلَا حَوْلَ وَلَا قُوَّۃَ إِلَّا بِاللّٰہِ))۔ ^([1])

          بشارت (۱۶) :  اوپر گزرا کہ جو شخص ’’یَا أَرْحَمَ الرَّاحِمِیْنَ‘‘ تین بار کہے فرشتہ کہتا ہے :  مانگ کہ ’’أَرْحَمُ الرَّاحِمِیْنَ‘‘ نے تیری طرف توجہ فرمائی۔^([2])

          بشارت (۱۷) :  پانچ بار ’’یَا رَبَّنَا‘‘کہنے کا فضل امام جعفر صادق رَضِیَ اللہُ تَعَالٰی عَنْہُ سے گزرا۔^([3])

          بشارت (۱۸) :  یہی خاصیت اَسمائے حُسنیٰ کی ہے ۔

          بشارت (۱۹) :   نبی صَلَّی اللہ تَعَالٰی عَلَیْہِ وَاٰلِہٖ وَسَلَّمَ نے ایک شخص کو ’’یَا ذَا الْجَلَالِ وَالْإِکْرَامِ‘‘ (اے عظمت وبزرگی والے !) کہتے سنا، فرمایا :  مانگ کہ تیری دعا قبول ہوئی۔^([4])

          بشارت (۲۰) :  ابن عباسرَضِیَ اللہُ تَعَالٰی عَنْہُمَا کی حدیث میں   ہے :  حضور سَیِّدُ الْمُرْسَلِین صَلَّی اللہ تَعَالٰی عَلَیْہِ وَاٰلِہٖ وَسَلَّمَ نے فرمایا :  

            جبرائیل میرے پاس کچھ دعائیں   لائے اور عرض کی :  جب حضور کو کوئی حاجت پیش آئے انہیں   پڑھ کر دعا مانگئے :   

            ((یَا بَدِیْعَ السَّمَاوَاتِ وَالْأَرْضِ یَا ذَا الْجَلَالِ وَالْإِکْرَامِ یَا صَرِیْخَ الْمُسْتَصْرِخِیْنَ  یَاغِیَاثَ الْمُسْتَغِیْثِیْنَ  یَا کَاشِفَ السُّوْ ءِ یَا أَرْحَمَ الرَّاحِمِیْنَ یَا مُجِیْبَ دَعْوَۃِ الْمُضْطَرِّیْنَ یَا إِلٰـہَ الْعَالَمِیْنَ بِکَ اُنْزِلَ حَاجَتِيْ وَأَنْتَ أَعْلَمُ بِھَا فَاقْضِھَا))) ۔^([5])

فصل ششم موانعِ اِجابت میں 

          قال الرضاء :  وہ پندرہ ۱۵ ہیں  ۔  ۵پانچ اِفادۂ حضرت مصنف قُدِّسَ سِرُّہٗ اور د۱۰ س زیادت فقیر حقیر غُفِرَ لَہٗ ۔

            اے عزیز! اگر دعا قبول نہ ہو ، تو اُسے اپنا قصور سمجھے ، خدائے تعالیٰ کی شکایت نہ کرے کہ اس کی عطا میں   نقصان نہیں  ، تیری دعا میں   نقصان ہے ۔^([6])

اس کے الطاف تو ہیں   عام شہیدیؔ سب پر

تجھ سے کیا ضد تھی اگر تو کسی قابل ہوتا

ہرچہ ہست از قامت ناساز و بے اندام ماست

ورنہ تشریف تو بربالائے کس کو تاہ نیست^([7])

            اے عزیز! دعا چند سبب سے رَد ہوتی ہے :

          پہلا سبب :  کسی شرط یا ادب کا فوت ہونا اور یہ تیرا قصور ہے ، ا پنی خطا پر نادم نہ ہونا اور خدا کی شکایت کرنا، نری بے حیائی ہے ۔

          قال الرضاء :  نبی صَلَّی اللہ تَعَالٰی عَلَیْہِ وَاٰلِہٖ وَسَلَّمَ فرماتے ہیں  : ’’ایک شخص سفر دراز (طویل سفر) کرے ، بال اُلجھے ، کپڑے گرد میں   اَٹے (میلے کچیلے )، اپنے ہاتھ آسمان کی طرف پھیلائے اور یَا رَبِّ! یَا رَبِّ! کہے اور اس کا کھانا حرام سے اور پینا حرام سے اور پہننا حرام سے اور پرورش پائی حرام سے ، تو اس کی دعا کہاں   قبول ہو!‘‘ ^([8])

            سفر اور اس پریشاں   حالی کا ذکر اس لئے فرمایا کہ یہ زیادہ جالبِ رحمت ومُورِثِ اِجابت ہوتے ہیں   (یعنی :  رحمت کو زیادہ کھینچ لانے والے اور دعا کی قبولیت کا باعث ہوتے ہیں  )، بایں   ہمہ (اس کے باوجود) جب اَکْل وشُرْب (کھاناپینا)حرام سے ہے ، اُمید ِاجابت نہیں  ۔

          دوسرا سبب :  گناہوں   سے تلوُّث (گناہوں   میں  مبتلا رہنا)۔

          قال الرضاء :  اگرچہ یہ بھی سببِ اَوّل میں   داخل تھا مگر بوجہ مُہْتَم بالشان ہونے کے (یعنی زیادہ اہمیت کا حامل ہونے کی وجہ سے ) جدا ذکر فرمایا۔  )