قال الرضاء :  رب عَزَّ وَجَلَّ  صحیح حدیث قدسی میں   فرماتا ہے :  

            (( ھُمُ الْقَوْمُ لَا یَشْقٰی بِھِمْ جَلِیْسُھُمْ))۔

            ’’یہ وہ لوگ ہیں   کہ ان کے پا س بیٹھنے والا بدبخت نہیں   رہتا۔‘‘^([1])

            اب فقیر اپنی زیادات کو گنائے ۔

          بِسْت و چَہَارُم (۲۴) :    مواجہۂ شریفہ حضورسَیِّدُ الشَّافِعِین صَلَّی اللہ تَعَالٰی عَلَیْہِ وَاٰلِہٖ وَسَلَّمَ  ۔^([2])

            امام ابن الجزری فرماتے ہیں  : ’’دعا یہاں   قبول نہ ہوگی تو کہاں   ہوگی۔!‘‘^([3])

          أقول :  آیۂ کریمہ :  { وَ لَوْ اَنَّهُمْ اِذْ ظَّلَمُوْۤا اَنْفُسَهُمْ جَآءُوْكَ فَاسْتَغْفَرُوا اللّٰهَ وَ اسْتَغْفَرَ لَهُمُ الرَّسُوْلُ لَوَجَدُوا اللّٰهَ تَوَّابًا رَّحِیْمًا(۶۴)}اس پر دلیل کافی ہے ۔ سُبْحَانَہٗ وَتَعالٰی ہر طرح معاف کر سکتا ہے ، مگر ارشاد ہوتا ہے کہ ’’اگر وہ جب اپنی جانوں   پر ظلم کریں  ، تیرے حضور حاضر ہوں   اور اللہ سے معافی مانگیں   اور رسول ان کی بخشش چاہے تو ضرور اللہ کو توبہ قبول کرنے والا مہربان پائیں  ۔ ‘‘(پ۵، النساء :  ۶۴)

            یہی تو وہ نکتۂ اِلٰہیہ ہے جسے گم کر کے وہابیہ چاہِ ضلال میں   پڑے (یعنی گمراہی کے گڑھے میں   گِرے )  والعِیاذ باللّٰہ ربّ العالمین۔

          بِسْت وپنجم (۲۵) :    منبر ِاطہر کے پاس ۔

          بِسْت وشَشُم (۲۶) :   مسجد ِاقدس کے ستونوں   کے نزدیک ۔

          بِسْت وہَفْتُم (۲۷) :   مسجدِ قُبا شریف میں   ۔

          بِسْت وہَشْتُم(۲۸) :   مسجد الفَتْح میں  ، خصوصاً روز چہار شنبہ بَین الظہروالعصر (خصوصاً بدھ کے دن ظہر وعصر کے درمیان)۔

            امام احمد بسندِ جید اور بزار وغیرہما جابر بن عبد اللہرَضِیَ اللہُ تَعَالٰی عَنْہُما سے راوی :  حضور سید عالم صَلَّی اللہ تَعَالٰی عَلَیْہِ وَاٰلِہٖ وَسَلَّمَ نے مسجد فتح میں   تین دن دعا فرمائی، دوشنبہ، سہ شنبہ، چہار شنبہ (یعنی پیر، منگل اور بدھ کے دن)۔ چہار شنبہ کے دن دونوں   نماز وں   کے بیچ میں   اِجابت فرمائی گئی کہ خوشی کے آثار چہرۂ انور پر نمودار ہوئے ۔ جابر رَضِیَ اللہُ تَعَالٰی عَنْہُ فرماتے ہیں  : جب مجھے کوئی امرِ مُہِم (اہم کام)بَشِدَّت پیش آتا ہے ، میں   اس ساعت میں   دعا کرتا ہوں   اِجابت ظاہر ہوتی ہے ۔^([4])

          بِسْت ونہُم (۲۹) :  باقی مساجد طیبہ کہ حضور اقدسصَلَّی اللہ تَعَالٰی عَلَیْہِ وَاٰلِہٖ وَسَلَّمَ  کی طر ف منسوب ہیں۔^([5])

          سِیُم (۳۰) :   وہ کوئیں   جنہیں   حضور پُرنور صَلَّی اللہ تَعَالٰی عَلَیْہِ وَاٰلِہٖ وَسَلَّمَ کی طرف نسبت ہے ۔

          سِی ویکُم (۳۱) :    جبلِ اُحُد شریف(یعنی اُحُد پہاڑ)۔

          سِی ودُوُم(۳۲) :    حضور اقدس صَلَّی اللہ تَعَالٰی عَلَیْہِ وَاٰلِہٖ وَسَلَّمَ کے تمام مَشاہدِ متبرکہ۔^([6])

          سِی وسِوُم (۳۳)، سِی وچَہارُم (۳۴) :   مزاراتِ بقیع واُحد۔

            بِسْت ودُوُم (۲۲)، وبِسْت وسِوُم (۲۳) کے سوا یہ  ۳۲ بتیس مقامات حرمین طیبین اور ان کے متعلقات میں   تھے ۔

          سِی وپنجم(۳۵) :    مزارِ مُطَہَّر ابو حنیفہ رَضِیَ اللہُ تَعَالٰی عَنْہُ کے پاس۔ ^([7])

            حضرت امام شافعی رَحْمَۃُ اللہ تَعَالٰی عَلَیْہِ فرماتے ہیں  : ’’مجھے جب کوئی حاجت پیش آتی ہے دو رکعت نماز پڑھتا اور قبرِ امام ابو حنیفہ رَضِیَ اللہُ تَعَالٰی عَنْہُ کے پاس جا کر دعا مانگتا ہوں  ، اللہ تعالیٰ رَوا(پوری) فرماتاہے ۔‘‘