- Home
- Al Madina Library
- Fazail e Dua
- Page 30
30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Fazail e Dua | فضائل دعا
سِی وچَہارُم( ۳۴) : سورج ڈھلتے ۔
قال الرضاء : حدیث میں ہے : ’’اس وقت آسمان کے دروازے کھلتے ہیں ۔‘‘([1])
نیز حدیث حَسَن بِطُرُقِہٖمیں فرمایا :
’’جب سائے پلٹیں اور ہوائیں چلیں تو اپنی حاجات عرض کرو کہ وہ ساعت اَوَّابِین کی ہے ‘‘(یعنی وہ وقت اللہ عَزَّ وَجَلَّ کی طرف رجوع کرنے والوں کا ہے ) ۔
رواہ الدیلمي وأبو نعیم عن ابن أبي أوفی رضي اللّٰہ عنہ۔)([2])
سِی وپنجم(۳۵) : رات کو سونے سے جاگ کر ۔
قال الرضاء : حضور سید عالم صَلَّی اللہ تَعَالٰی عَلَیْہِ وَاٰلِہٖ وَسَلَّمَ فرماتے ہیں : جو رات کو سوتے سے جاگے پھر کہے : لَا إِلٰہَ إِلَّا اللّٰہُ وَحْدَہٗ لَا شَرِیْکَ لَہٗ، لَہُ الْمُلْکُ وَلَہُ الْحَمْدُ وَھُوَ عَلٰی کُلِّ شَيْئٍ قَدِیْرٌ، اَلْحَمْدُ لِلّٰہِ وَسُبْحَانَ اللّٰہِ وَلَا إِلٰـہَ إِلاَّ اللّٰہُ وَاللّٰہُ أَکْبَرُ وَلَا حَوْلَ وَلَا قُوَّۃَ إِلَّا بِاللّٰہِ۔([3])
اس کے بعد اَللّٰھُمَّ اغْفِرْ لِيْ(اے اللہ ! میری مغفرت فرما) کہے ۔ یا فرمایا : ’’دعا مانگے ، قبول ہو اور اگر وضو کر کے دو رکعت پڑھے نماز مقبول ہو۔‘‘
رواہ البخاري، وأبو داود والترمذي والنسائي وابن ماجہ عن عبادۃ بن الصامت رضي اللّٰہ تعالٰی عنہ۔)([4])
سِی وشَشُم (۳۶) : بعد قرأت سورۂ اِخلاص وغیر ذلک۔
قال الرضاء : یہ وہ اوقات ہیں کہ حضر ت مُصَنِّف قُدِّسَ سِرُّہٗ نے ذکر فرمائے ۔
اب نو۹ فقیر زائد کرتا ہے ۔
سِی وہَفْتُم (۳۷) : رجب کی چاند رات۔
سِی وہَشْتُم (۳۸) : شب برأت۔
سِی ونَہُم (۳۹) : شبِ عیدالفطر
چِہلُم (۴۰) : شب عید الاضحی۔
ابن عساکر عن أبي أمامۃ رضي اللّٰہ تعالٰی عنہ عن النبي صلی اللّٰہ علیہ وسلم : ((خمس لیال لا تردّ فیھن الدعوۃ أوّل لیلۃ من رجب ولیلۃ النصف من شعبان ولیلۃ الجمعۃ ولیلۃ الفطر ولیلۃ النحر))۔ ([5])
چِہِل ویَکُم (۴۱) : رات کی پہلی تِہائی۔([6])
چِہِل ودُوُم (۴۲) : رات کا پچھلا ثُلُث(یعنی آخری تہائی)۔
چِہِل وسِوُم (۴۳) : اذان سننے میں بعد حَيَّ عَلَی الْفَلَاحِ۔
چِہِل وچَہارُم (۴۴) : تلاوتِ سورہ ٔاَنعام میں دو اسم جلالت کے ما بین یعنی آیۂ کریمہ : { مِثْلَ مَاۤ اُوْتِیَ رُسُلُ اللّٰهِ ﲪ اَللّٰهُ اَعْلَمُ حَیْثُ یَجْعَلُ رِسَالَتَهٗؕ-}([7]) میں دونوں لفظ اللہ کے درمیان دعا کرے ۔
[1] ’’سنن ابن ماجہ‘‘، ابواب اقامۃ الصلوات والسنّۃ فیہا، باب في الأربع الرکعات قبل الظہر، الحدیث : ۱۱۵۷، ج۲، ص۴۰۔
[2] اس حدیث کو دیلمی وابونعیم نے ابن ابی اوفی رَضِیَ اللہُ تَعَالٰی عَنْہُ سے روایت کیا۔
’’حلیۃ الأولیاء‘‘، الحدیث : ۱۰۴۷۴، ج۷، ص۲۶۷۔
و’’فیض القدیر‘‘، حرف الہمزۃ، تحت الحدیث : ۷۷۱، ج۱، ص۵۲۳۔
و’’ کنز العمال‘‘، کتاب الأذکار، الحدیث : ۴۶-۳۳۴۵، الجزء الثاني، ج۱، ص۴۶۔
[3] اللہ عَزَّ وَجَلَّ کے سوا کوئی عبادت کے لائق نہیں وہ اکیلا ہے اس کا کوئی شریک نہیں اسی کیلئے بادشاہت ہے ۔ سب خوبیاں اسی کو اور وہ ہر شیٔ پر قدرت رکھتا ہے ۔ سب خوبیاں اسی کو رواسب پاکی اسی کیلئے اور اللہ عَزَّ وَجَلَّ کے سوا کوئی عباد ت کے لائق نہیں اوراللہ عَزَّ وَجَلَّ سب سے بڑا ہے اور بغیر اسکی تائید کے برائی سے بچنے کی کچھ قدرت نہیں اور نہ ہی نیکی پر کچھ قوت۔
[4] اس حدیث مبارکہ کو امام بخاری، ابوداؤد، ترمذی، نسائی اور ابن ماجہ نے حضرت عبادہ بن صامت رَضِیَ اللہُ تَعَالٰی عَنْہُ سے روایت کیا۔
’’صحیح البخاري‘‘، باب فضل من تعار من اللیل فصلّی، الحدیث : ۱۱۵۴، ج۱، ص۳۹۱۔
[5] ابن عساکر نے حضرت ابوامامہ رَضِیَ اللہُ تَعَالٰی عَنْہُ سے اور انہوں نے رسول اللہ صَلَّی اللہ تَعَالٰی عَلَیْہِ وَاٰلِہٖ وَسَلَّمَ سے روایت کیا کہ ’’پانچ راتیں ایسی ہیں جن میں دعا ردّ نہیں کی جاتی، رجب کی پہلی رات اور شعبان المعظم کی پندرہویں شب یعنی شبِ برأت اور شبِ جمعہ اور شبِ عید الفطر یعنی چاند رات اور شبِ نَحْر یعنی ذوالحجۃ الحرام کی دسویں شب‘‘۔(’’ابن عساکر‘‘، حرف الباء، بندار بن محمد بن أبو القاسم الفارسي الصوفي، ج۱۰، ص۴۰۸۔)
[6] تہائی رات یعنی مغرب کے بعد سے فجر کے وقت سے پہلے تک کے وقت کو تین حصوں میں تقسیم کرنے پر پہلا حصہ ۔
[7] ترجمۂ کنزالایمان : ’’جیسا اللہ کے رسولوں کو ملا، اللہ خوب جانتا ہے جہاں اپنی رسالت رکھے ۔ ‘‘(پ۸، الأنعام : ۱۲۴)
کتاب کا موضوع
کتاب کا موضوع
- ’’دعا مومن کا ہتھیار ہے ‘‘ کے سترہ حُروف کی نسبت سے اس کتاب کو پڑھنے کی ’’17 نیّتیں ‘‘
- کتب ِاعلٰی حضرت عَلَیْہِ الرَّحْمَہ اورالمد ینۃ العلمیۃ
- پیش لفظ
- مختصر حالات حضرت مُصَنِّف علَّام قدس سرّہ الملک المِنْعام
- مُناجات
- فصلِ اوّل فضائلِ دُعا میں
- فصلِ دُوُم آدابِ دعا واسباب اِجابت میں
- حمد کا مختصر وجامع کلمہ :
- فصل سِوُم اوقاتِ اجابت میں
- فصل چہارُم اَمکنۂ اِجابت میں
- فصل پنجم اسم اعظم وکلماتِ اجابت میں
- فصل ششم موانعِ اِجابت میں
- تنبیہ :
- فصل ہفتم کن کن باتوں کی دعا نہ کرنی چاہیے ؟
- فصلِ ہشتم اُن لوگوں کے بیان میں جنکی دعا قبو ل ہوتی ہے ۔
- فصلِ نہم
- ان اعمال صالحہ میں جن کے کرنے والے کو کسی دعا کی حاجت نہیں ۔
- فصل دہم مبحث دعا کے متعلق چند نفیس سوال وجواب میں
- تذییل
- بیت
- خاتمہ چند ترکیب نماز حاجت میں
- {مآخذ ومراجع}
