بعض کتابوں   میں   ہے :   یہ دعا جامع وکافی ہے :

            ’’ رَبَّنَاۤ اٰتِنَا فِی الدُّنْیَا ؎[1]حَسَنَةً وَّ فِی الْاٰخِرَةِ حَسَنَةً وَّ قِنَا عَذَابَ النَّارِ ‘‘۔

            ’’خدایا! ہمیں   دنیا وآخرت کی بھلائی عنایت فرما اور دوزخ کی آگ سے بچا۔‘‘(پ۲، البقرۃ :   ۲۰۱)۔

            عبداللہ بن مُغفَّل رَضِیَ اللہُ تَعَالٰی عَنْہُ کے بیٹے نے دعا کی :  ’’خدا یا مجھے بِہِشت میں   ایک سپید (سفید) محل دے کہ جاتے وقت میرے دہنے ہاتھ پر پڑے فرمایا :  اے بیٹا! خدا سے بہشت کا سوال کر اور دوزخ سے پناہ چاہ‘‘، فضول باتوں   سے کیا فائدہ۔^([2])

          ادب ۳۶ :  دعا میں   سَجْع اورتَکلُّف سے بچے کہ باعث شغلِ قلب وزوالِ رِقّت ہے ۔^([3])حدیث میں   آیا :   ((إیّاکم والسجعَ في الدعاء))۔ ^([4])

          قال الرضاء :  اور حضور اقدس صَلَّی اللہ تَعَالٰی عَلَیْہِ وَاٰلِہٖ وَسَلَّمَ کی دعاؤں   میں    سجع کا آنا،  سجعکا آنا ہے نہ کہ سجع کا لانا اور محذور مُسَجَّع کرنا ہے نہ کہ مسجّع ہونا کہ مشوِّشِ خاطر وہی ہے نہ کہ یہ، ولہٰذا حضرت مُصَنِّف عَلَّام  قُدِّسَ سِرُّہٗ نے لفظِ ’’تکلُّف‘‘ زیادہ فرمایا۔)^([5])

          ادب ۳۷ :  راگ اور زمزمے (ترنُّم) سے احتراز کرے کہ خلافِ ادب ہے ۔

          ادب ۳۸ :  اللہ تعالیٰ سے اپنی کُل حاجتیں   مانگے ۔

            قال الرضاء :  اس کی تحقیق حضرت مُصَنِّف  قُدِّسَ سِرُّہٗ عنقریب اِفادہ فرمائیں   گے ۔ )

          ادب ۳۹ :  بہتر ہے کہ جو دعائیں   حدیثوں   میں   وارد اور اکثر مطا لبِ دنیا وآخرت (یعنی دنیا وآخرت کی مرادوں) کو جامع ہیں   اِنہیں   پر اقتصار (اکتفا) کرے کہ نبی صَلَّی اللہ تَعَالٰی عَلَیْہِ وَاٰلِہٖ وَسَلَّمَ نے کوئی حاجتِ نیک دوسرے کے مانگنے کو نہ چھوڑی۔

          قال الرضاء :  مگر کوئی دعائے ماثور(قرآن وحدیث میں   وارد دعائیں  ) مُعیَّن نہ کرے کہ تعیین واِدامت (ہمیشگی)باعث زوالِ رقت وقلتِ حضور ہوتی ہے ۔ )

          ادب ۴۰ :  جب اپنے لیے دعا مانگے تو سب اہلِ اسلام کو اس میں   شریک کرلے ۔

          قال الرضاء : کہ اگریہ خود قابلِ عطا نہیں   کسی بندے کا طُفَیلی ہو کر مراد کو پہنچ جائے گا۔ )

            ابو الشیخ اصبہانی نے ثابت بنانی سے روایت کی :  ’’ہم سے ذکر کیا گیا جو شخص مسلمان مردوں   اور عورتوں   کے لیے دعائے خیر کرتا ہے قیامت کو جب ان کی مجلسوں   پر گزرے گا ایک کہنے والا کہے گا :  یہ وہ ہے کہ تمہارے لیے دنیا میں   دعائے خیر کرتا تھا پس وہ اس کی شفاعت کریں   گے اور جناب اِلٰہی میں   عرض کر کے بہشت میں   لے جائیں   گے ۔‘‘

            یہاں   تک کہ حدیث میں   ہے :  ’’جو شخص نماز میں   مسلمان مردوں   اور عورتوں   کے لئے دعا نہ کرے وہ نماز ناقص ہے ۔‘‘^([6])

          قال الرضاء :  یہ بھی ابو الشیخ نے روایت کی اور خود قرآن عظیم میں   ارشاد ہوتا ہے :  { وَ اسْتَغْفِرْ لِذَنْۢبِكَ وَ لِلْمُؤْمِنِیْنَ وَ الْمُؤْمِنٰتِؕ    }

            ’’مغفرت مانگ اپنے گناہوں   کی اور سب مسلمان مردوں   اور مسلمان عورتوں   کے لیے ۔‘‘^([7]) (پ۲۶، محمد :  ۱۹)

            حدیث میں   ہے نبی صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے ایک شخص کو ’’اَللّٰھُمَّ اغْفِرْلِيْ‘‘ (اے اللہ ! میری مغفرت فرما) کہتے سنا ، فرمایا :  ’’اگر عام کرتا تو تیری دعا مقبول ہوتی۔‘‘^([8])

            دوسری حدیث میں   ہے :   ایک نے ’’اَللّٰھُمَّ اغْفِرْلِيْ وَارْحَمْنِيْ‘‘ (اے اللہ ! میری مغفرت فرما اور مجھ پر رحم فرما) کہا۔ حضور اقدس صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے فرمایا :  ’’اپنی دعا میں   تعمیم کر کہ دعائے خاص وعام میں   وہ فرق ہے جو زمین وآسمان میں  ۔‘‘^([9])