’’اللہ تعالیٰ سے عاجزی اور آہستگی کے ساتھ دعا مانگو۔‘‘

          { اِنَّهٗ لَا یُحِبُّ الْمُعْتَدِیْنَۚ(۵۵)} (پ۸، الأعراف :  ۵۵)۔

            ’’وہ حد سے بڑھنے والوں   کو دوست نہیں   رکھتا۔‘‘

            سیدنا امام حسن مجتبی ابن مولیٰ مرتضیرَضِیَ اللہُ تَعَالٰی عَنْہُما فرماتے ہیں  : ’’آہستہ دُعاظاہر دعا سے سَتّر۷۰ مرتبہ(یعنی درجے ) بہترہے ۔‘‘^([1])

            صحابۂ کرامرَضِیَ اللہُ تَعَالٰی عَنْہُم اکثر دعا کرتے اوران کی آواز اچھی نہ سنی جاتی، ایک صحابی نے عرض کی :  یا رسول اللّٰہ! أقریب ربّنا فنناجیہ أم بعید فننادیہ؟’’یا رسول اللہ ! ہمارا رب نزدیک ہے کہ اس سے آہستہ کہیں   یا دور کہ اس کو پکاریں  ؟‘‘ جواب آیا :   { وَ اِذَا سَاَلَكَ عِبَادِیْ عَنِّیْ فَاِنِّیْ قَرِیْبٌؕ-} ’’جب میرے بندے تجھ سے مجھے پوچھیں   تو میں   نزدیک ہوں  ‘‘، { اُجِیْبُ دَعْوَةَ الدَّاعِ اِذَا دَعَانِۙ-} ’’دعا مانگنے والے کی دعا قبول کرتا ہوں   جس وقت مجھ سے دعا مانگے ۔‘‘(پ۲، البقرۃ :  ۱۸۶) ^([2])

          ادب ۲۸ :  دعا مانگنے میں   حاجتِ آخرت کو مُقدَّم رکھے کہ امرِاَہم کی تقدیم ضروری ہے اور آیۂ کریمہ :  { رَبَّنَاۤ اٰتِنَا فِی الدُّنْیَا حَسَنَةً وَّ فِی الْاٰخِرَةِ حَسَنَةً }^([3])اس کے مُنافِی نہیں   (مخالف نہیں  )کہ حسنۂ دنیا سے وہ نیکیاں   اور خوبیاں   جو آخرت میں   کام آئیں  ، مراد لے سکتے ہیں   علاوہ بریں  (باوجودیکہ) تقدیمِ دنیا باعتبار تقدُّمِ زمانی، منافی اس اعتبار کے نہیں  ۔^([4])

          قال الرضاء :  یعنی ’’ فِی الدُّنْیَا حَسَنَةً ‘‘  فرمایا ہے نہ کہ ’’حَسَنَۃَ الدُّنْیَا‘‘ اور حسناتِ دین، کہ مُورثِ حسنۂ آخرت ہیں   سب دنیا ہی میں   ملتے ہیں   تو کلمہ جامِعہ ہے نہ کہ صرف حسنات دُنیویہ سے خاص۔ ) ^([5])

          ادب ۲۹ :  دعا میں   نہایت عاجزی واِلحاح کرے (یعنی گریہ وزاری کرے )۔   ؎

زور را بگزار وزاری را بگیر

 رحم سوئے زار آید اے فقیر^([6])

            جس قدر اِدھر سے عاجزی زیادہ اُدھر سے لطف وکرم زائد   ؎

بپائے بوس تو دست کسے رسد کہ مدام

چو آستانہ بدیں   در ہمیشہ سر دارد^([7])

من کان أضـعف                                                 کان الربّ بہ ألطف^([8])

             خاک سے زیادہ کوئی بانیاز نہ تھا اسی واسطے آفتاب عنایت، عرش وکرسی اورفَلک ومَلَک (آسمانوں   اور فرشتوں  )کو چھوڑ کر اس پر چمکا ۔

          قال الرضاء :  حدیث میں   ہے کہ اللہ تعالیٰ دعا میں   اِلحاح کرنے (گڑگڑانے ) والوں   کو دوست رکھتاہے ۔^([9])

            رواہ الطبراني في ’’الدعاء‘‘ وابن عدي في ’’الکامل‘‘ والإمام الترمذي في ’’النوادر‘‘ والبیھقي في ’’شعب الإیمان‘‘ والقضاعي وأبو الشیخ عن عائشۃ رضي اللّٰہ تعالی عنہا۔^([10]))

          ادب ۳۰ :  دعا میں   تکرار چاہیے ۔

          قال الرضاء :  تکرارِ سوال (یعنی بار بار مانگنا) صدقِ طلب (سچی تڑپ) پر دلیل ہے اور یہ اس کریمِ حقیقی کی شان ہے کہ تکرارِ سوال سے ملال نہیں   فرماتا بلکہ نہ مانگنے پر غضب فرماتاہے :   ((من لم یسأل اللّٰہَ یغضبْ علیہ))۔ ^([11])